O'qituvchi! Ustoz! Muallim!
Siz bosgan zaminga ta'zim!

Salom OKTABR !!!🙌

Dilimni og'ritdi dilimdagilar,
Tun-u kun nomlari tilimdagilar.
Oftobim, shamolim, selimdagilar,
Men ularni kechiray, bir qudrat bergin.
Allohim, mehringdan bir xilvat bergin.

Zaharlar keltirdi sharoblar tutdim.
G'iybatlar uydirdi itoblar tutdim,
Qasamlar ichdilar savoblar tutdim.
Men ularni kechiray, bir qudrat bergin,
Allohim, mehringdan bir xilvat bergin.

Dasturxon to'rimda sharbat totdilar,
O'girildim, ortimdan g'iybat otdilar.
Ular buncha meni oson sotdilar.
Men ularni kechiray, bir qudrat bergin,
Allohim, mehringdan bir xilvat bergin.

Dushmanim ayyordir - paytlar poylaydi,
Do'stim esa nodon. Suvni loylaydi.
Ikkisi bir bo'lib ko'zim boylaydi,
Men ularni kechiray, bir qudrat bergin.
Allohim, mehringdan bir xilvat bergin

Jonimga jazodir jonimdagilar,
Ko'zimning qarog'i qonimdagilar.
Ey voh, begonadir yonimdagilar...
Men ularni kechiray, bir qudrat bergin,
Allohim, mehringdan bir xilvat bergin.

Aslida do'st ham bir dushmanning turi,
Dushmanning eng zo'ri, dushmanning sheri.
Chunki qo'lidadir ko'nglimning siri,
Men ularni kechiray, bir qudrat bergin,
Allohim, mehringdan bir xilvat bergin.

Boshimga balodir, balodir ko'nglim,
Bir so'zning tig'idan yarodir ko'nglim.
Do'st-u dushman aro adodir konglim,
Men ularni kechiray, bir qudrat bergin,
Allohim, mehringdan bir xilvat bergin.

O'zingdan yo'q o'zga mahrami jonim,
O'zingsan sultonim, o'zing xoqonim.
O'tda kuydirmagin ikki jahonim,
Men ularni kechiray, bir qudrat bergin,
Allohim, mehringdan bir xilvat bergin.