حسين بيا كتر بيه وضملاك
وعنك ياقهر احجي وضملاك
نحر منحور ياويلي وضملاك
ضمايه خلافك البشريه
٠٠٠٠٠٠٠
الشاعر
اياد الفرح المهدوي

حيو ابو طاهر سفير الكوفه
بحر جودة ويغرك بمعروفه
......
بايعـته الكوفه مـن طب ليـهه
وكالـو المـسلم تـضـل واليهه
وجيت حسين الولي متـانيهه
نـريـد سبـط الـنـبي وهـاديهه
ومثل حيـدرعـلي يحـكـم بيهه
واحـنه كـلـنه ويـاه لامنعـوفه
.......
بايعو مسلم عـددهم بالالـوف
بالعهد يفـدونه كالو بالسيوف
مايعوفونه وحيد بكل ضروف
لو يشوفـون المنية والحتوف
عاهـدو مسلم ابد لا ما نعوف
وبالكلافة انصير كلنه صفوفه
......
انتشر بالـكـوفة سمعو بالامر
شيعة حسيـن القدومة تنتضر
وصل لبن زياد طارش بالخبر
وال امية سلـو سـيوف الغـدر
مسلم من الكوفة لازم ينحضر
يموت كلمن سالمه من خوفه
.......
يشـوفهم اوغـاد ما بيهم نفع
غدرو وهذه الغـدر بيهم طبع
خافو بصوت الحقيقة تنسمع
اتفرق الجان ويمسلم ينجـمع
بيهه ما يتغير الكوفه الوضع
تغـدر بهاذه الغـدر موصـوفه
........
هـذه مـسلـم وانتـم تعـرفونه
من عـلي الكـرار هاي فنونه
جاب امر حسين بين عيـونه
وأبـكـتبـكـم جـنـتـو اطـلـبونه
يـحـكـم بـديـن العـدل تردونه
وجه مسلم الحسين انـشوفه
.......
يـذكـر حـسيـن وتهل دموعه
داست رماح وخيول ضلوعه
سمعـت بحـاله ولكـته طوعه
ياحـميـدة الونه ما مسموعه
واليتيمه تـلـوع اهـ يا لـوعه
على فكدة عيونهه المذروفه
......
مسلم عله اعداه جرد سيفه
بركـاب يصيـر حـد تـنظيـفه
سيفه ما يحتاج اي تعـريفه
يقبض الارواح صار بكيـفه
من بني سفيان ياخـذ حيـفه
ضربته ضربت علي مألوفه
......
دارت عله مسلم اشباه الزلم
ضنهم يخوفونه منهم ينهزم
شافو جيوش التجيله تنعـدم
مادرو مسلم مثـل حيدر رقم
وغيـرته العباس شيال العلم
وسيفه بالاكوان مثل سيوفه
......

ابو طـاهر بالحـرب اول بطل
سوة بيهم سيل ما صاير كبل
والزلم خـلاهه بكلـوب النخـل
صـورة الارواح خطه بالوجل
رسم بيهم مـوت لونهه الاجل
ويا بصر ليشوف لن مخطوفه
.......
وانـته يم ميثـم يخبـرك هاني
شلون جيش ابأكمله ويعـاني
مسلم يـشـوفونه حيـدر ثـاني
الشجـاعة العنـدة شي رباني
سيدي انه ارجوك لا تنساني
وحاجتي ابابك تضل مجتوفه
......
الشاعر
اياد الفرح المهدوي

عتب يحسين خويه مانميته
وليلي انه بغيابك مانميته
انه مو عدله تدري ما نميته
اموت بكل نفس موجود بيه
............
الشاعر
اياد الفرح المهدوي

اموت بكل نفس اشهك وجره
ويجر بيه بحبل خويه وجره
تشب بلهب نار الكلب وجره
شطفي النار وأنه نار بيه
.......
الشاعر
اياد الفرح المهدوي

ولد بيه عشك حبك فصرلك
وصراير جدتيِ حبي فصرلك
والك كلبي يبوكلبي فصرلك
نبض لولاك ما راهم عليه
.........
الشا عر
اياد الفرح المهدوي

بطلابه الوكت ياكافل طلبلاي
بلائي وحالتي تدري طلبلاي
عليك بزينب اكضيلي طلبلاي
اريد العلتي منها حلها إليه
..........
الشاعر
اياد الفرح المهدوي

برق نور بسمه الباري ونرجس
ورد جـوري إلك اهـدي ونرجس
البتـول اللـيلة فـرحانة ونرجس
عـليك بنرجس أمك حـن عليه
..........
الشاعر
اياد الفرح المهدوي