يابنت القمر ونجومه اقرب من القرقاح
‏غلطانه عسى الله يرحم الحال غلطانه

‏ترى ماني بطيرً يحول على الملواح
‏كنّي داريٍ ويش اتصالك على شـانه

‏اصخاف القلوب جروحها مالها جراح
‏ولولا نبضها وأحساسها مالها خانه

‏أنا أحرص من القناص وأصبر من الفلاح
‏وشبعانةٍ بالغبن كبدي .. و رويانه

علي والله انك مثل نوره ومثل أفراح
‏جعلك فدوة اللي لا عطى العهد ماخانه

‏عرفت الهوى الله لا يعوده ورحت وراح
‏مراح القطا إللي نشر أطراف جنحانه

‏ودونه قفلت القلب بالقفل والمفتاح
‏رميـته بـحر من خوفة الله سبـحانـه

‏أبي راس مالي عقب مأفلست من الأرباح
‏ومحاجر عيوني بأزرق الدمع غرقانـه

وعـينٍ تكحلها دموع الندم ترتاح
‏لو تظهر عليها نجمة الصبح سهرانه

‏حسافه على المسرى وحسره على المسراح
‏و وجودي وجود اللي فقد خيرة أخوانه

‏ياليت الزّمن طيرٍ يعوّد على الملواح
‏برده ولا ادري ويش أرده على شانه :)

- فلاح القرقاح

"كلّفوني بالصراحه وأنا رجلٍ صريح
‏أستحي لا اقولها وأستحي وأقولها"

‏- مناحي ابو شعرتين

"أثرني لا عوّدت للصدق .. مالي لايم
يوم أعرّض للطبيب بكبدي المنلاعه
اذبحتني بالكلام الزين .. و أنا صايم
آه لبى شوفها عقب الفطور بساعه"

⁃ صالح النشيرا

"عطتني عزلة اخلاصي معك نسيان من نادمت
‏كتبتك و انطوت صحفي عليك و جفت اقلامي"

‏- بن جدلان

"يا حبٍ توقعت الليالي .. تنسّينيه
‏على بالي انك ما انت طاري على بالي

زمان الغلا ماعاد وقف على رجليّه
‏لياليه صارت كلها مثل عذالي"

⁃ فهد قطنان

‏"ركض حبّك ورى حدب الحنايا يالطيف الرّوح
‏____مثل ما تركض أيّام المعارك: خيل جدّانك"

‏- ناصر بن هندي

“تمادي غـلا يالغاليه وان غـدرتك يـوم
‏ترى الضيف نام بلا عشاء عند أهل حايل”

‏- فرحان بن قيران

"على أطراف الديـار اللي بأهلها ماجمعني عِرق/
‏عليها الشوق يثني خاطري، والريح تأمر بي....."

‏- المطيرات

‏"يا بنيّة الضي و الجدران و الفيّه
‏و الماكر اللي رباه المجذب العالي

‏ميعادنا ظل غصن و حِسْ قمريّه
‏توالفوا .. و الهوى شدّاد نزّالي"

⁃ مساعد الرشيدي