د پوهنې له ډګره لنډ او کره خبرونه!

ورځ: دوشنبه
نېټه: ۱۴۴۶/۸/۲۵

د پوهنې وزارت د کارکوونکو چارو لوی ریاست لخوا، د کابل ښار ښوونیزو ناحیو اړوندو اداري کارکوونکو ته «د کاري مهارتونو لوړولو» تر عنوان لاندې علمي سیمینار، د یاد وزارت د کارکوونکو چارو لوی رئیس مفتي شفیع الله منصور، د کابل ښار پوهنې رئیس قاري عدالباسط حقاني او مسئولینو په حضور کې پرانیستل شو.
په پيل کې د پوهنې وزارت د کارکوونکو چارو لوی رئیس وویل: د پوهنې منسوبینو اداري او تدریسي وړتیاوې لوړول د پوهنې وزارت په کاري لومړیتوبونو کې ځای لري، چې پر مټ یې په اداري چارو کې لا چټکتیا او روڼتیا رامنځته کېږي.

د میدان وردګ ولایت جغتو ولسوالۍ علم پروره خلکو لخوا، د یادې ولسوالۍ د خدایداد خان عالي لېسې سره د ۲۷۵ زره ۸۴۰ افغانیو مرسته وشوه.
ټاکل شوې، دغه پيسې د يادې لېسې د ودانۍ رغونې په برخه کې چې اوسمهال يې چارې ٩٠ سلنه بشپړې شوې دي، ولګول شي.

د لوګر ولایت  پوهنې ریاست سره د یوې ښوونیزې همکارې ادارې له خوا د یو زره ۴۶۷ ډالرو په لګښت د ۲۴۶ درسي کڅوړو مرسته وشوه
دغه کڅوړې چې ۴ قلمه درسي مواد لري، ټاکل شوې ده د نوي ښوونیز کال په پیل کې د یاد ولایت د صنفي اصولو پر ۲۴۶ تنو ښوونکو ووېشل شي.

د پوهنې وزارت د تېرې اوونۍ فعالیتونه!

له شنبې تر پنجشنبې(د ۱۴۴۶هـ ق کال د ۸ میاشتې له ۱۶ تر ۲۱مې نېټې پورې)

• د پوهنې وزارت لخوا د هېواد د ولسوالیو او ښوونیزو ناحیو د ۴۷۳ تنو آمرینو لپاره د رهبري او مدیریتي وړتیاوو لوړولو په موخه څلور ورځنی علمي او مسلکي سیمینار، چې پیل شوی و، د یاد وزارت د سرپرست الحاج مولوي حبیب الله آغا، د آزموینو ملي ادارې لوی رئیس شیخ عبدالباقي حقاني، د سرچینو او ادارې معين الحاج مولوي صبغت الله وصیل، د تشکیلاتو رئیس او يو شمېر مسئولينو په حضور کې رسماً پای ته ورسېد.
د پوهنې وزارت سرپرست په خپله اصلاحي وینا کې کار اهل کار ته پر سپارلو د ټینګار ترڅنګ، له ګډون والو وغوښتل چې د هېواد بچیانو د ښوونیز او روزنیز کیفیت لوړولو کې هر اړخیزې هڅې وکړي.
په ورته مهال، د آزموینو ملي ادارې لوی رئیس د سیمینار ګډون وال، د دیني علومو ترڅنګ د عصري علومو د معیاري کولو په برخو کې د ځوانانو روزلو ته وهڅول.

• د پوهنې وزارت دعوت او ارشاد ریاست له لوري د کابل ولایت پوهنې رياست مبلغينو لپاره یو ورځنی علمي سيمينار، د یاد وزارت د سرچینو او ادارې معین الحاج مولوي صبغت الله وصیل، د دعوت او ارشاد رئیس مولوي جمعه خان سروري، د کابل ولایت پوهنې رئیس مولوي عبدالحق حقاني، د ځینو نورو وزارتونو د دعوت او ارشاد رئیسانو، مسئولینو او مبلغینو په حضور کې جوړ شو.
د سرچینو او ادارې معین د خپلو خبرو په ترڅ کې، په بشپړې دیني روحیې سره د هېواد بچیانو پر روزلو ټینګار وکړ او له مبلغینو یې وغوښتل چې د دعوت ارشاد لاره کې په خورا نرمۍ سره چلند وکړي.د پوهنې وزارت دعوت او ارشاد ریاست له لوري د کابل ولایت پوهنې رياست مبلغينو لپاره یو ورځنی علمي سيمينار، د یاد وزارت د سرچینو او ادارې معین الحاج مولوي صبغت الله وصیل، د دعوت او ارشاد رئیس مولوي جمعه خان سروري، د کابل ولایت پوهنې رئیس مولوي عبدالحق حقاني، د ځینو نورو وزارتونو د دعوت او ارشاد رئیسانو، مسئولینو او مبلغینو په حضور کې جوړ شو.
د سرچینو او ادارې معین د خپلو خبرو په ترڅ کې، په بشپړې دیني روحیې سره د هېواد بچیانو پر روزلو ټینګار وکړ او له مبلغینو یې وغوښتل چې د دعوت ارشاد لاره کې په خورا نرمۍ سره چلند وکړي.

• د پوهنې وزارت د احصائیې رئیس الحاج مولوي بسم الله نعماني بامیان ولایت ته د یو رسمي سفر په ترڅ کې، د یاد ولایت له پوهنې رئیس قاري عنايت الله سهار سره وکتل.
د دغه سفر اساسي موخه د پوهنیز وضعیت څېړل بلل شوي دي.

• د پوهنې وزارت د تشکیلاتو ریاست سره په همغږۍ د ملکي خدمتونو انسټیټوټ لخوا، د مرکزي هستې اداري کارکوونکو ته «د وخت مدیریت» تر عنوان لاندې ۲ ورځنی علمي سیمینار، د یاد وزارت د مسئولینو او کارکوونکو په حضور کې پرانیستل شو.
د پوهنې وزارت د تشکیلاتو رئیس وویل: د وخت مدیریت یو اساسي مهارت دی چې د ورځني ژوند په ټولو اړخونو کې خپل تاثیرات لري.
• ورپسې د ملکي خدمتونو انسټیټوټ مرستیال وویل: د دغه سیمینار اساسي هدف په اداري او نورو ښوونیزو برخو کې د منسوبینو د کاري وړتیاوو لوړول دي.

• د باميان ولايت په شیبر ولسوالۍ کې د مدارسو او ښوونځيو جوړېدو لپاره د معارف دوسته خلکو له خوا ۶.۵ جرېبه ځمکه مرسته شوې ده.

• د پوهنې په برخه کې د یوې همکارې ادارې لخوا، د بغلان ولايت له پوهنې رياست سره د ښوونځيو ۷۵زره ۷۳۰ ټوکه درسي کتابونو مرسته وشوه.

• د پکتیکا ولایت په اومنه ولسوالۍ کې د پوهنې مینه والو لخوا د یو باب مدرسې لپاره د ودانۍ جوړولو لپاره په موخه ۱.۵ جرېبه ځمکه وقف شوه.

• په بامیان ولایت کې د سیمه ییزو ټولګیو د ۲۳۹ تنو ښوونکو لپاره د مسلکي وړتیاوو لوړولو ۵ ورځنی روزنیز ورکشاپ پیل شو.

• په بلخ ولایت کې د ۸۰۰ تنو ښوونکو لپاره د وړتیا لوړولو سیمینار، د یاد ولایت پوهنې رئیس او یو شمېر مسئولینو په حضور کې پیل شو.
د بلخ ولایت پوهنې رئیس مولوي محمد شریف عثماني د یاد سیمینار د پرانیستنې په مراسمو کې، د پوهنې وزارت مشرتابه له خوا د اغېزمنو پلانونو پلي کولو ستاینه وکړه او د دې سیمینار جوړول یې د پوهنې پرسونل لپاره خورا ګټور وبلل.

• د ننګرهار عالي لېسې زده کوونکو لپاره د ۲۴۰ زره افغانیو په لګښت د څښاک پاکو اوبو رسولو سیسټم، د څوتنو ملي سوداګرو لخوا جوړ او ګټې اخیستنې ته وسپارل شو.

د پوهنې وزارت:

د پوهنې وزارت دعوت او ارشاد ریاست له لوري د کابل ولایت پوهنې رياست مبلغينو لپاره یو ورځنی علمي سيمينار، د یاد وزارت د سرچینو او ادارې معین الحاج مولوي صبغت الله وصیل، د دعوت او ارشاد رئیس مولوي جمعه خان سروري، د کابل ولایت پوهنې رئیس مولوي عبدالحق حقاني، د ځینو نورو وزارتونو د دعوت او ارشاد رئیسانو، مسئولینو او مبلغینو په حضور کې جوړ شو.
د سرچینو او ادارې معین د خپلو خبرو په ترڅ کې، په بشپړې دیني روحیې سره د هېواد بچیانو پر روزلو ټینګار وکړ او له مبلغینو یې وغوښتل چې د دعوت ارشاد لاره کې په خورا نرمۍ سره چلند وکړي.

د پوهنې له ډګره لنډ او کره خبرونه!

ورځ: یکشنه
نېټه: ۱۴۴۶/۶/۲۰ ق ۱۴۰۳/۱۰/۲ ل

▪د پوهنې وزارت د اسلامي زده کړو معینیت له لوري، د کابل ولایت د مدرسینو مسلکي پراختیا غړو د وړتیا لوړولو ۶ ورځنی سیمینار، د اسلامي زده کړو معین الحاج مولوي کرامت الله «آخندزاده»، د دارالعلومونو رئیس الحاج مولوي عبدالقدوس "قدوسي"، یو شمېر مرکزي رئیسانو او کارکوونکو په حضور کې په رسمي ډول پرانیستل شو.

▪د باميان ولايت پوهنې رئيس قاري عنايت الله سهار له خوا د یاد ولايت د پوهنې مسئولينو، چارواکو، مديرانو او ښوونکو ته د "مسلکي پراختيا د غړو د دندو لایحې" تر عنوان لاندې سيمينار جوړ او په ترڅ کې یې د ښوونځیو د مدیرانو د دندو لایحه په سمه توګه تحلیل او توضېح شوه.

▪پوهنې وزارت د ښوونې او روزنې په برخه کې د یوې همکارې ادارې په مرسته د لغمان ولایت په مرکز کې ۶۲ تنو ښوونکو ته د مسلکي وړتیاوو لوړولو په موخه ۸ ورځنی سیمینار دایر کړ.

▪د بامیان ولایت ورس ولسوالۍ یو معارف دوست شخص ضامن علي خپله شخصي ۲ جرېبه ځمکه د تنور سراب لومړني ښوونځي د ودانۍ جوړولو په موخه پوهنې وزارت ته وقف کړه.

• د پوهنې وزارت خدماتو ریاست له لوري، د یاد وزارت د ولایتونو پوهنې ریاستونو خدماتي کارکوونکو د مسلکي وړتیاوو لوړولو په موخه، ۳ ورځنی ښوونیز ورکشاپ دایر شو.
د یاد ورکشاپ په ترڅ کې به د خدماتو ریاست اړوند د ولایتونو ۱۰۵ تنو کارکوونکو ته، په معیاري ډول د پلان جوړونې، ارزونې، حسن سلوک، اداره، مدیریت، همغږۍ او په معیاري ‌ډول د راپور جوړولو په برخو کې روزنه ورکړل شوه.

• پوهنې وزارت د پکتیکا ولایت برمل ولسوالۍ اړوند د کمال سرحدي ښوونځي رغنیزه پروژه د ۴ مېلیونه افغانیو په ارزښت ګتې اخیستنې ته وسپارله.
د ښوونځي په دغه پروژه کې د ودانۍ ترمیم، یوه حلقه د پاکو اوبو څاه، د لمریزې برېښنا سیسټم او یو شمېر نور اړین ملحقات شامل وو، چې لګښت یې د پوهنې په برخه کې د یوې همکارې ادارې له لوري ورکړل شوی دی.

• پوهنې وزارت د معارف دوسته خلکو په مالي ملاتړ، د نورستان ولایت برګمټال ولسوالۍ اړوند په شدګل کلي کې د یو مېلیون افغانیو په ارزښت د یوې مدرسې بنسټ ډبره د یو لړ مراسمو په ترڅ کې کېښوده.

• د پوهنې وزارت د کړنلارې پر بنسټ، د ا. ا. ا هغه م/جاهدين، چې د ج/هادي بوختیاوو له کبله یې زده کړې نیم ګړې پاتي وې، په دې برخه کې هغوی ته زده کړو د آسانتیاوو برابرولو او په رسمي ښوونځیو کې د هغوی د شاملولو په موخه، په پنجشېر ولایت کې له ۳۸۰ تنو م.جاهدینو څخه د سويې د تثبيت آزموینه واخیستل شوه.

• د پوهنې وزارت له لوري د کندز ولایت پوهنې ریاست کې د شمال زون ولایتونو ( بدخشان، تخار، بغلان او کندز) د ښوونکو د روزنې او مسلکي پراختیا ۵۴۸ تنو علمي غړو لپاره "د افکارو روښنایۍ ښوونیز او لارښود پروګرام" تر عنوان لاندې ۴ ورځنی ورکشاپ دایر شو.

• پوهنې وزارت د غزني ولایت ګیلان ولسوالۍ اړوند د پوهنې آمریت اداري ودانۍ د یو میلیون افغانیو په لګښت جوړه او د پوهنې مسئولینو حضور کې ګټې اخیستنې ته وسپارل شوه.
د پوهنې آمریت دغه ودانۍ ۴ اداري خونې او یو د غونډو تالار لري، چې لګښت یې د یادې ولسوالۍ د معارف دوسته خلکو لخوا ورکړل شوی دی.

• د لوګر ولایت یو معارف دوست شخص الحاج میر زاګل صافي خپله درې جریب شخصي ځمکه د مرکز پل علم ښار اړوند د بشیر کلا په سیمه کې د سراج العلوم مدرسې لپاره د ودانۍ جوړولو په موخه د شاوخوا ۷۵۰ زره افغانۍ په ارزښت وقف کړه.

• د پوهنې وزارت اسلامي زده کړو معينيت د پلاوي تر څارنې او د طرحه شوي پروګرام پر بنسټ د کندهار، زابل، ارزګان او هلمند ولایتونو پوهنې ریاستونو په همغږۍ، د یادو څلورو ولایتونو د دارالحفاظونو او مدارسو د طالب العلمانو ترمنځ د قرآن کریم د حفظ او حسن قرائت سیالۍ پيل شوې.

• د ارزګان ولایت یو معارف دوست شخص الحاج معلم رحمت الله خپله ۳۲۵۰ متر مربع شخصي ځمکه د ترینکوټ ښار اړوند د ناقیل په سیمه کې د یو ښوونځي لپاره د ودانۍ جوړولو په موخه د شاوخوا ۴۳۰ زره افغانۍ په ارزښت وقف کړه.

د پوهنې وزارت د تېرې اوونۍ فعالیتونه!

۱۴۴۶/۶/۴ ـــ ۱۴۴۶/۶/۱۰ هـ ق کال

• د پوهنې وزارت سرپرست الحاج مولوي حبیب الله آغا د پوهنیز وضعیت ارزونې په موخه هلمند او نیمروز ولایتونو ته رسمي سفرونه وکړل او هلته یې د دغه ولایتونو له پوهنې رئیسانو او مسئولینو سره وکتل.
په دې کتنو کې د پوهنې وزارت سرپرست د پوهنې ریاستونو د کړنو او لاسته راوړنو ستاینه وکړه.
همدارنګه نوموړي د نویو ښوونځیو جوړولو، د وېجاړو شویو ښوونځيو بیارغولو او د مسلکي ښوونکو د کمښت ستونزو د حل ژمنه وکړه.
دغه راز؛ نوموړي له یو شمېر مدارسو او ښوونځیو څخه لیدنه او څارنه وکړه، د مسئولینو، ښوونکو او زده کوونکو نظریات او وړاندیزونه یې واورېدل او د شته ننګونو په حل کې یې د همکارۍ ډاډ ورکړ.

• د افغانستان ا.ا د عالیقدر امیرالمؤمنین (حفظه الله) د هدایت په اساس، د هېواد لرو پرتو او محرومو سیمو ته د ښوونیزو مرکزونو د پراخولو په موخه، د پوهنې وزارت له لوري د پکتیکا ولایت په تروې سرحدي ولسوالۍ کې د ۲ بابه ښوونځيو د ودانیو بنسټ ډبرې د ۱۲ مېلیونه افغانیو په ارزښت د یو لړ مراسمو په ترڅ کې کېښودل شوې.
د ښوونځیو دغه ودانۍ به ۸ درسي ټولګي، احاطوي دېړالونه، د څښاک پاکو اوبو سیسټمونه او یو شمېر نور اړین ملحقات ولري.

• د چین هېواد سفیر د پوهنې وزارت د ښوونې او روزنې معین الحاج مولوي سخاءالله سعید او د ځینو مرکزي ادارو له رئیسانو سره وکتل.
د یادې کتنې په ترڅ کې د دواړو لوریو ترمنځ د پوهنیز نظام په تړاو هراړخیزې خبرې وشوې.
د چین هېواد سفیر د ا.ا.ا. د لاسته راوړنو په تړاو خوښي څرګنده او د پوهنې په برخه کې یې د مرستو د دوام ترڅنګ زیاته کړه، چې د افغانستان له پوهنیز نظام څخه په کلکه ملاتړ او همکاري کوي.

• د پوهنې وزارت د ښوونې او روزنې معین الحاج مولوي سخاءالله سعید، په داسې حال کې چې د یاد وزارت د مقام د دفتر لوی رئیس الحاج مولوي شهاب الدین ثاقب او د خصوصي تعلیمي مرکزونو د فعالیتونو مقررې د تعدیل کمیسیون تخنیکي غړي هم حاضر وو؛ د خصوصي ښوونځیو له مؤسسینو او مدیرانو سره په کتنه کې د مقررې د تعدیل د محوریت په اړه مفصلې خبرې وکړې.

• د کابل ولایت د علماوو شوراء مرستیال شیخ مولوي ذبېح الله رشیدي، د پوهنې وزارت د اسلامي زده کړو له معین الحاج مولوي کرامت الله آخندزاده سره په کتنه کې، د مدارسو پر تعلیمي وضعیت او نورو اړوندو موضوعاتو تفصیلي خبرې وکړې.
په دې کتنه کې د پوهنې وزارت د اسلامي زده کړو معین، د مدارسو د فعاليتونو او لاسته راوړنو په اړه معلومات وړاندې او له بلې خوا يې د ديني مدارسو د ستونزو د حل ډاډ ورکړ.

• د پوهنې وزارت د ودانیو او ملکيتونو د ساتنې او مراقبت د رئیس مولوي سمیع الحق حماس په مشرۍپلاوی کاپیسا ولایت ته ورسېد.
د پوهنې وزارت پلاوي یاد ولایت ته د خپل سفر موخه، د ۱۴۰۳ ښوونیز کال اړوند د پوهنې بودیجې د مصرف ارزونه، د تدارکاتي پروژو، د پاتې اسنادو او حوالو، د مدارسو د نویو لارښودونو برابرول، د ښوونکو د تدریسي ساعتونو تنظیمول، د ښوونکو د پورونو د صندوق پرانیستل، د کار او املاکو په برخه کې د بیارغونې او ساختماني پروژو وضعیت له نږدې څېړل وبلل شوې دی.

• پوهنې وزارت د غزني ولایت په مرکز او ولسوالیو کې د ۴۲ بابه ښوونځیو د رغونې او ترمیم چارې د ۳۳۹ مېلیونه افغانیو په لګښت سره روانې کړي.
د یادو ښوونځیو له جملې څخه د ۲۵ بابه ښوونځیو لپاره د ودانیو د جوړولو چارې ۸۵ سلنه پرمخ تللې، چې لګښت یې د پوهنې په برخه کې د یوې همکارې ادارې لخوا تمویل کېږي.
همدارنګه، د دغه ولایت د ۱۷ بابه نورو ښوونځیو د ودانیو ترمیم چارې، د ۱۴ مېلیونه افغانیو په لګښت روانې دي، چې چاري یې ۹۰ سلنه بشپړې شوې دي.
دغه راز، د روان کال له پیل څخه تر دې مهاله، د غزني ولایت د معارف دوسته خلکو له پوهنې سره د ترمیم په چارو کې ټول ټال ۵۰ مېلیونه افغانۍ مرستې کړې دي.
یاده دي وي، چې د پوهنې مینه والو د ښوونځیو او مدارسو لپاره د ودانیو جوړولو په موخه ۸۰ جرېبه ځمکه پوهنې وزارت ته وقف کړې ده.

• پوهنې وزارت د باميان ولايت ورس ولسوالۍ اړوند د تنور سراب په کلي کې د یو باب لومړني ښوونځي د ودانۍ بنسټ ډبره، د یو لړ مراسمو په ترڅ کې کېښوده.
د ښوونځي دغه ودانۍ د سيمې خلکو په مالي مرسته په ۲ جرېبه ځمکه کې د يو نيم مېليون افغانيو په لګښت جوړېږي، چې ۶ درسي ټولګي، ۲ اداري خونې او نورې ضروري ملحقات به ولري.

• د پوهنې وزارت د معیاري آزموینو د کمېسیون د پرېکړې له مخې، د هېواد په پینځو ولایتونو (خوست، غزني، بلخ، هرات او پروان) کې له درې- درې ښوونځیو څخه د اسلامي ښوونې-روزنې، ریاضي، بیولوژي او تاریخ مضمونونو کې آزمویښتي معیاري آزموینه واخیستل شوه.
د یادو آزموینو موخه؛ د لېسې دورې سوالونو له بانک څخه په استفادې، د هېواد په کچه د آزموینو معیاري کول او د رسمي ښوونځیو د زده کوونکو د تعلیمي کچې له خصوصي ښوونځیو سره پرتله کول وو.

د پوهنې وزارت د تېرې اوونۍ فعالیتونه!
۱۴۴۶/۳/۱۰ ----- ۱۴۴۶/۳/۱۶ هـ ق کال
• پوهنې وزارت د یوې مطبوعاتي غوندې په ترڅ کې د عمومي او سواد زه کړې د ښوونیزو بنسټونو اړوند د ښوونکو او اداري کارکوونکو ۸ زره ۱۵۶ خالي بستونه د آزموینو ملي ادارې په همکارۍ، په دوو پړاوونو کې د آزادې سیالۍ له لارې اعلان ته وسپارل.

• د پوهنې وزارت له لوري استاد حبیب الله خالد د پوهنې وزارت د خدماتو ریاست د نوي رئیس په توګه، ډاګټر محمد عمر دورانزی د پوهنې وزارت د ساینس ریاست د نوي رئیس په توګه او مولوي حفیظ الله آغا د یاد وزارت د تحقیقاتو ریاست د نوي رئیس په توګه د یو لړ مراسمو په ترڅ کې معرفي او رسماً یې کاري چارې پیل کړې.

• د پوهنې وزارت د اداري لوی ریاست اړوند "د مراجعینو د خدمتونو مرکز" د پرانیستې په مراسمو کې، د چارو ادارې لوی رئیس شیخ نورالحق انور، د پوهنې وزارت سرپرست الحاج مولوي حبیب الله آغا، د سرچینو او ادارې معین الحاج مولوي صبغت الله وصیل، د مرکزي ادارو یو شمېر رئیسانو، سلاکارانو او کارکوونکو ګډون درلود.

• د پوهنې وزارت د نتایجو او شهادتنامو رئیس مولوي عبدالقدیم محمد آخندزاده، د تحصیلي اسنادو، نتایجو او نورو اړوندو مسایلو د ارزونې په موخه بلخ او بغلان ولایتونو ته د رسمي سفرونو پرمهال، د یادو ولایتونو د پوهنې له رئیسانو او نورو مسئولینو سره خبري وکړې.

• د پوهنې وزارت د معلوماتو او احصائیې رئیس الحاج مولوي بسم الله نعماني له لوري د دایکنډي ولایت د مرکز او ولسوالیو د پوهنیزو بنسټونو ۴۷۶ تنو مسئولینو، د کیفیت تضمین آمریت کارکوونکو، مدیرانو او غړو لپاره د ارقامو او احصائیوي معلوماتو راټولولو په برخه کې د وړتیا لوړونې روزنیز سیمینار پرانیستل شو.

• پوهنې وزارت د هرات ولایت په مرکز او ولسوالیو کې د ۲۰ میلیونه ۱۶۴ زره افغانیو په ارزښت د ۲۵ بابه مدارسو او ښوونځیو د بیارغونې پروژې پیل کړې.
یادې پروژې به د روان ښوونیز کال تر پایه ګټې اخیستنې ته وسپارل شي.

• پوهنې وزارت د یو همکار بنسټ په مالي ملاتړ، د هلمند ولایت په مرکز او ولسوالیو کې د ۲۰ بابه ښوونځیو د ودانیو جوړولو او ۲۰ بابه ښوونځیو ترمیم پروژې د یو لړ مراسمو په ترڅ کې پیل کړې.
• د یادو پروژو له جملې څخه په نوزاد ولسوالۍ کې د ۴۲ مېلیونه ۲۹۶ زره افغانیو په ارزښت د ۴ بابه ښوونځيو د ودانیو بنسټ ډبرې کېښودل شوې.
د همدغو ښونځيو هره ودانۍ به ۶ درسي ټولګي، یوه اداري خونه، احاطوي دېوال له نورو اړینو ملحقاتو سره ولري.

• پوهنې وزارت په غزني، هرات او کونړ ولایتونو کې له خپلې بودیجې، د یو همکار بنسټ او معارف دوستو خلکو په مالي ملاتړ د ۳۴ مېلیونه ۵۵۰ زره افغانیو په ارزښت د ۲ بابه ښوونځيو، ۲ بابه دیني مدرسو لپاره د ودانیو بنسټ ډبرې کېښودې او د ۲ بابه ښوونځي د ترمیم چارې پیل کړې.

• پوهنې وزارت په کاپیسا او غزني ولایتونو کې د پوهنې مینه والو په مالي ملاتړ د ۳ مېلیونه ۳۰۰ زره افغانیو په لګښت د یو باب ښوونځي او یو باب مدرسې ودانۍ جوړې او د یو لړ مراسمو په ترڅ کې ګټې اخیستنې ته وسپارل شوې.

• د غزني ولایت په جاغوري ولسوالۍ کې د علم پروره خلکو له لوري د ۵۰۰ زره افغانیو په لګښت د صالحي زیرک ښوونځي لپاره د اوبو رسولو یو منظم سیسټم جوړ او ګټې اخیستنې ته وسپارل.

• د پوهنې وزارت له لوري د سمنګان ولایت مرکز اړوند ایبک لېسې له ۳۰۰ تنو زده کوونکو څخه د ام/ارت پېژندې سیالۍ تر سره شوه.

• له پوهنې وزارت سره دخلکو د مرستو په دوام، داځل د کندز او لو ګر ولایتونو معارف دوستو خلکو، خپله ۲ جرېبه شخصي ځمکه د ۸۰۰ زره افغانیو په ارزښت د ۲ بابه ښوونځيو د ودانیو جوړولو په موخه، د پوهنې وزارت ته وقف کړه.

• پوهنې وزارت د یو همکار بنسټ په مرسته د هلمند ولایت مرکز او د ۱۹ ولسواليو ۳۲۷ بابه ښوونځيو ته ۴۳ زره ۴۴۷ ټوکه کتابونه او ۵ زره ۵۸۸ د ښوونکو او زده کوونکو درسي کېټونه ووېشل.

د پوهنې له ډګره لنډ او کره خبرونه!

ورځ: چهارشنبه
نېټه: ۱۴۴۶/۳/۱۵ ق ـــ ۱۴۰۳/۶/۲۸ ل

▪د پوهنې وزارت د اداري لوی ریاست اړوند "د مراجعینو د خدمتونو مرکز" د پرانیستې په مراسمو کې، د چارو ادارې لوی رئیس شیخ نورالحق انور، د پوهنې وزارت سرپرست الحاج مولوي حبیب الله آغا، د سرچینو او ادارې معین الحاج مولوي صبغت الله وصیل، د مرکزي ادارو یو شمېر رئیسانو، سلاکارانو او کارکوونکو ګډون درلود.
د پوهنې وزارت سرپرست وويل: د اداري پروسو آسانه کول په اداري چارو کې تر ټولو مهم او اړین امر دی.
دغه راز د چارو ادارې لوی رئیس زياته کړه: اسلامي نظام د اساسي بنسټونو جوړولو او اصلاح لپاره قوي اراده لري.

▪د پوهنې وزارت د کیفیت تضمین معین الحاج مولوي عبدالخالق صادق په داسې حال کې چې د یاد وزارت یو شمېر مرکزي رئیسانو او د تحقیقاتو ریاست کارکوونکو هم حضور درلود، مولوي حفیظ الله آغا د پوهنې وزارت د تحقیقاتو د نوي رئیس په توګه معرفي کړ.
د پوهنې وزارت د کیفیت تضمین معین د کارکوونکو پر کاري نظم او ډسپلین د ټینګار ترڅنګ، د مسئولینو دندې امانت وګڼلې او د تحقیقاتو نوي رئیس ته یې د بریالیتوب هیله وکړه.

▪د پوهنې وزارت د معلوماتو او احصائیې رئیس الحاج مولوي بسم الله نعماني له لوري د دایکنډي ولایت د مرکز او ولسوالیو د پوهنیزو بنسټونو ۴۷۶ تنو مسئولینو، د کیفیت تضمین آمریت کارکوونکو، مدیرانو او غړو لپاره د ارقامو او احصائیوي معلوماتو راټولولو په برخه کې د وړتیا لوړونې روزنیز سیمینار پرانیستل شو.
نوموړي وویل که وغواړو، چې یوه منظمه او رڼه اداره ولرو او د پوهنې بودیجې څخه په سالمه توګه ګټه پورته کړو؛ نو اړینه ده چې دقیق ارقام او احصائیې له ځان سره ولرو.

▪د پوهنې وزارت د نتایجو او شهادتنامو رئیس مولوي عبدالقدیم محمد آخندزاده، د تحصیلي اسنادو، نتایجو او نورو اړوندو مسایلو د ارزونې په موخه بلخ ولایت ته د یو رسمي سفر پرمهال، د یاد ولایت د پوهنې له رئیس او نورو مسئولینو سره خبري وکړې.

▪د هرات ولایت پښتون زرغون ولسوالۍ اړوند د معموره ښوونځي په انګړ کې د ۴ درسي ټولګیو د جوړولو چارې د یاد ښوونځي د شورا غړو او د سیمې خلکو له لوري د ۳۰۰ زره افغانیو په ارزښت سره پیل شوې.

▪پوهنې وزارت د یو تن دیني عالم او دیندار شخصیت مولوي نجیب الله بدخشي په مالي ملاتړ، د بدخشان ولایت په خواهان ولسوالۍ کې د "دعوة القرآن و السنة" مدرسې لپاره چې ۳۳ کاله مخینه لري، په خپل شخصي لګښت نوې ودانۍ جوړوي.
د یادې ودانۍ ټولیز لګښت ۲ مېلیونه او ۷۰۰ زره افغانۍ اټکل شوی، چې ټاکل شوې په دوه جرېبه ځمکه کې د ۶ درسي خونو او نورو اړینو آسانتیاوو سره جوړه شي.

▪د کندز ولایت چهاردرې ولسوالۍ اړوند د عیسی خېل کلي معارف دوستو خلکو، خپله یو جرېب شخصي ځمکه د ۷۰۰ زره افغانیو په ارزښت د یو لومړني ښوونځي د ودانۍ جوړولو په موخه، د پوهنې وزارت ته وقف کړه.

▪د لوګر ولایت مرکز پل علم ښار اړوند د جبارخېل کلي یو تن معارف دوست شخصیت، سیف الرحمن حنیف زاده خپله یو جرېب شخصي ځمکه د ۱۰۰ زره افغانیو په ارزښت د احرار لومړني ښوونځي د ودانۍ رغولو په موخه، د پوهنې وزارت ته وقف کړه.
د يادونې وړ ده، چې د دغه ښوونځي په جوړېدو سره به د ياد کلي ۲۰۰ تنو ماشومانو ته د زده کړو خوندي چاپېریال برابر شي.