Rasmiy munosabat

Ijtimoiy tarmoqlarda «Yovvoyi parranda va qushlarni qoʻrqmasdan reklama qilib sotishmoqda» mavzusida tarqalgan xabarga Fargʻona viloyat Ekologiya boshqarmasi rasmiy munosabati.

Fargʻona viloyat prokuraturasi va viloyat Ekologiya boshqarmasi Margʻilon shahar boʻlimi tomonidan xabarda koʻrsatilgan manzilga borib oʻrganish ishlari olib borildi.

Oʻrganishda, Margʻilon shahar «Toshkesar» MFYning Ariqboʻyi koʻchasida joylashgan yakka tartibdagi tadbirkor haqiqatdan parranda goʻshti sotishi aniqlandi.Davlat inspektorlari tomonidan nazorat oʻtkazilganda mazkur tadbirkor faoliyat yuritayotgan doʻkonda yovvoyi parranda goʻshti borligi aniqlanmadi.

Tadbirkorning reklama bannerida yozilgan yovvoyi parranda nomlari aslida, odamlarni koʻproq doʻkonga jalb qilib,xaridor chaqirish maqsadida yozilganini taʼkidladi.

Margʻilon shahar davlat inspektorlari tadbirkorga yovvoyi parrandani ov qilib, goʻshtini sotish mumkun emasligi haqida ogohlantirish berlib, tushuntirish ishlari olib borildi.

@ecofarghana