Сёняшні рэліз - Ara: History Untold

У партфоліа супрацоўнікаў Oxide Games ёсць такія праекты, як Civilization, Command Conquer і Galactic Civilizations, але аўтары запэўніваюць, што іх новае тварэнне не будзе безаблічным клонам Цывілізацыі. Аснова гульнявога працэсу, зрэшты, стандартная: выбіраем нацыю і вядзём яе да магутнасці скрозь гістарычныя эпохі.

Для большай разнастайнасці ў Ara дададуць прадуманае дрэва тэхналогій і магчымасць стварыць свайго лідара з нуля. Пераход у новую эпоху (якіх ажно 12) спалучаны са складаным выбарам: вывучыць прапушчаныя тэхналогіі мінулага пасля пераходу ўжо не атрымаецца. Таму часам будзе больш выгадна не спяшацца з навуковым развіццём і завяршыць важныя даследаванні.

Ara: History Untold пахваліцца добрай дэталізацыяй. За гэта адказвае сістэма Living World, дзякуючы якой можна ўбачыць наступствы сваіх рашэнняў не толькі ў выглядзе сухой статыстыкі, але і непасрэдна ў гульні: з цягам часу мяняецца архітэктурны стыль, жыхары рэагуюць на змены, а птушкі пакідаюць тэрыторыю побач з полем бітвы.

Акрамя адзіночнай гульні будзе і мультыплэер, які працуе па схеме адначасовых хадоў - гэта дазволіць пазбегнуць занадта доўгіх партый.

Выходзіць на ПК, у тым ліку ў Game Pass. У Беларусі недаступна ❌, Польшча - 250 злотых.

Вітаю, сябры. На гэты раз не юбілейны, але ж выпуск з кругленькай лічбай. Ужо 40 тыдняў запар выходзяць для вас гульнявыя навіны. І спыняцца не збіраюцца.

На гэты раз пройдземся па рэлізах мінулага тыдня, што і як там выйшла, і паглядзім, чаго чакаць на тыдні бягучым.

https://youtu.be/Ya61Pgk3HI0

YouTube

Халодны прыём God of War / Frostpunk 2 не лепш за арыгінал | НАВІНЫ

***💠*** Падтрымаць Рудзі: https://www.patreon.com/rudzi\_game ***🔶*** Падтрымаць Віталя: https://www.patreon.com/aliakhnovich ***🚀*** Telegram-канал "Відзік | Абы-што": https://t.me/VidzikBY Нашыя YouTube-каналы: ***🩳*** Відзік Shorts: https://www.youtube.com/@VidzikShorts ***👾*** "Рудзі"…

Продажы Frostpunk 2 ужо адбілі распрацоўку і маркетынг. Нібыта 350к за тры дні было для гэтага дастаткова. Хутчэй за ўсё ўлічваецца сума разам з доларамі за даступнасць у Game Pass.

За тры гады першая частка, для параўнання, прадалася 3 мільёны разоў. Паглядзім, ці здолее другая, без уліку сэрвісу Microsoft дасягнуць такіх паказчыкаў? Імаверна толькі з выхадам яе на кансолях у 2025 годзе.

Працяг прыгод НЕ Прынца Персіі

Учорана адбыўся рэліз сюжэтнага дадатку Mask of Darkness які працягвае гісторыю Prince of Persia: The Lost Crown і расказвае пра далейшы лёс Раджэн, што знікае з асноўнай кампаніі. Галоўнаму герою трэба пазнаць перадгісторыю гераіні, знайсці адказы на пакінутыя пытанні, пазмагацца з падступнымі монстрамі (у тым ліку босамі) і, зразумела, набіць кішэні амулетамі.

Дадатак як і асноўная гульня недаступны ў Беларусі ❌, у Польшчы аддаюць за 20 злотых. Нагадаем, што сама метраідванія насамрэч выйшла вельмі някіслай і ўваходзіць у топ-5 найлепшых гульняў першага паўгоддзя па рэйтынгу Відзіка з 78/90. Ляжыць у спісе жаданага, чакае сваёй чаргі ?

if Frostpunk 2 != Frostpunk:
print("Згаўнялі серыю")

Рэліз стратэгіі Frostpunk 2 адбудзецца толькі 20 верасня, але гульня ўжо з'явілася ў папярэднім доступе для пакупнікоў Deluxe-выдання.

Журналісты ў сваю чаргу апублікавалі агляды сіквела - і высветлілася, што 11 bit studios не ўдалося перасягнуць поспех арыгінала, але і горшым за яго не з’яўляецца. Якія высновы можна зрабіць са слоў рэцэнзентаў?

Frostpunk 2 жорсткая, няўмольная, поўная надзей, складаная і не для слабанервовых. Яна прымусіць вас папацець і напружыць мозг да мяжы.

Таксама журналісты адзначаюць, што гульня стала маштабнейшай за арыгінал па ўсіх крытэрыях, аднак гэта пацягнула за сабой і іншыя змены. Калі ў першай частцы мы перажывалі за лёс ледзь ці не кожнага пасяленца, то зараз сотні і тысячы жыхароў аказаліся абязлічанымі, і прымаць жорсткія рашэнні стала нашмат прасцей. Бо калі замярзае 250 чалавек з 18 тысяч, у гульні, перажываецца не так моцна.

Мэта Frostpunk 2 - распавесці аб маралі, палітыцы і змрочнасці чалавечай натуры, што ў асноўным атрымліваецца. Часам ідэі гульні падаюцца вельмі нязграбна, калі канцэпцыя «ваша ўтапічнае грамадства прагніла ў асяродку» падаецца занадта ў лоб. Але часцей за ўсё гульня апавядае сваю змрочную гісторыю такім чынам, што яно здаецца ўражлівым, а не прапаведніцкім.

Даступна ў Беларусі ✅ за 20 з паловай долараў, Польшча - 160 злотых. Таксама ў GamePass у дзень рэліза.

Студыя Barrel Byte, вядомая па серыі лаўкрафтаўскіх шутэраў Forgive Me Father, анансавала шутар ад першай асобы з элементамі імерсіўнага сімулятара Trust.

Тут нам дастанецца роля вампіра, які абудзіўся ад шматвяковага сну і высветліў, што знаёмы яму свет даўно знік. Людзі ў сваю чаргу даведаліся пра сілу, якую дае кроў вампіра, і гэтае адкрыццё ператварыла паляўнічых у здабычу. Крывавыя рэактары і батарэі з вампірскіх сэрцаў сталі крыніцамі электрычнасці і часткамі зброі.

Будзем выжываць за вампіраў і шукаць неабходную кроў. Зможам пакласціся на ўтоенасць і вампірскія здольнасці або здабыць зброю людзей. Распрацоўшчыкі абяцаюць, што ў любой праблемы будзе некалькі розных рашэнняў.

Аб тэрмінах выхаду Trust пакуль што нічога не паведамляюць. Старонка Steam ужо даступна ў Беларусі. ✅

Сёняшні рэліз - Test Drive Unlimited: Solar Crown

Месцам дзеяння новага аўтасімулятара стане востраў Ганконг, узноўлены распрацоўшчыкамі ў маштабе 1:1 - агульная працягласць дарог складае больш за паўтысячы кіламетраў, прычым ганяць можна нават па пляжах і лясах. Сюжэт прысвечаны супрацьстаянню дзвюх вулічных груповак - Streets і Sharps. Гулец уступае ў адзін з кланаў і паляпшае сваю рэпутацыю ў ім.

Як бывае з серыяй, Test Drive Unlimited стане гісторыяй не толькі пра гонкі, але і пра шыкоўнае жыццё: вас чакаюць закрытыя ВІП-вечарынкі, дарагія рэстараны, элітную нерухомасць (ёсць магчымасць пагуляць у сваёй кватэры з выглядам ад першай асобы) і, вядома ж, машыны прэміум- класа, у тым ліку Ferrari, Lamborghini і Bugatti. Усяго даступна некалькі дзясяткаў аўтамабіляў вядомых марак з падрабязнай прапрацоўкай кожнай мадэлі і шырокімі магчымасцямі кастамізацыі.

Чарговая частка вядомай гоначнай серыі выходзіць сёння для асноўных платформ. Беларусь - 25$, Польшча - 180 злотых. Старонка Steam.

Пад'ехаў геймплэй на 8хв. будучай гульні беларускага распрацоўчышка Weappy - The Eternal Life of Goldman. Малёвачка ўсё такая жа буська.

https://www.youtube.com/watch?v=yh34fnL5ywk

YouTube

The Eternal Life of Goldman | gamescom 2024 Demo Gameplay

This is the playthrough of the gamescom 2024 demo in one session. The Eternal Life of Goldman is a vibrant yet dark platformer adventure that weaves together legends, fairy tales and myths. Explore a vast hand-drawn Archipelago, inspired by ancient fables…

Прама зараз можна паглядзець стрым дэмкі Hydropunk ад беларускага стрымера AngryRalef

https://www.twitch.tv/angryralef

Нармальнае рубілава

СМІ пачалі публікаваць рэцэнзіі на Warhammer 40,000: Space Marine II. Большасць журналістаў сцвярджаюць, што распрацоўшчыкі з Saber Interactive здолелі дагадзіць і знатакам першай часткі, і прыхільнікам Warhammer 40,000, і тым, хто проста любіць бадзёрыя сюжэтныя шутары з кааператывам. Як і варта было чакаць, слабое звяно новых Марын – PvP-мультыплэер: ён наўрад ці зацягне вас надоўга.

Нагадаем, сёння гульня выходзіць у доступ да багатых, хто набыў Gold i Ultra выданне. А вось ужо з 9-га чысла пачнуць гуляць пралетарыі, у тым ліку паважаная рэдакцыя Відзіка.

На дадзены момант “рэйтынг Відзіка” складае высокія: 80/90