Chet tilida kitob o'qimoqchi bo'lganlarga bir tavsiya bermoqchiman.
Xo'sh, masalan inglizchaning grammatikasini o'rgandingiz, so'z boyligingiz joyida, lekin nega haliyam o'qishda qiynalyapsiz?
Bugun shu savolga javob beraman.
Avvalo, motam bosqichlariga nazar tashlaylik. Motamning besh bosqichi bor.
1. Inkor (Yo'q, u o'lmadi)
2. Isyon (U o'lolmaydi, bunday bo'lishi mumkinmas)
3. Kelishuv (Balki hayotimda uning o'rnini bosadigan biron odamnı qo'sharman?)
4. Depressiya (Kelishuv bosqichi sabab vijdonan azoblanish)
5. Qabullanish (U o'ldi va o'lgan odam bilan o'lib bo'lmaydi. Joyi jannatda bo'lsin.)

Nega buni keltirdim? Chunki, chet tilida kitob o'qishning asosiy qonuni o'zingizni qabul qilish va matnning boshqa tilda ekanligini ruhan his qilishdir.
Ingliz tilida pretend va behave degan ikkita gap bor.

1. Pretend - o'zingizni xuddi bir narsa qilayotgandek tutishingiz. Sohta harakat orqali o'zingiz bo'lmagan narsaning rolini o'ynash.
2. O'zingizni oddiy, xarakteringizga mos ravishda tutish.

Biz inglizcha matn o'qiy turib, unga xuddi tug'ma inglizcha gapiradigan odamdek tutamiz. Ongostimizda bu tilni keyinchalik o'rganganimizni tan olmaydigan bir nuqta bor. Inglizcha matnni Nyu Yorkda tug'ilib o'sgan oddiy amerikalikdek tushunishga urinamiz. That is not gonna happen, darling. Ya'ni, hech qachon bunday bo'lmaydi.
Bir odam o'lgach, uning o'lganligini qabul qilgachgina u bilan o'tkazgan kunlaringiz ma'no kasb etib, sizga huzur bag'ishlashi mumkin. O'qishda ham xuddi shunday. O'zbekligingizni tan oling, bu matn sizdan uzoqdaligini qabul qiling. Uzoq masofani ko'rganimizdagina yo'lga tushib, unga yaqinlasha olamiz, yetamiz, shunday emasmi? Yoningizda bo'lmagan manzilni yoningizdagidek tasavvur qilish bilan unga yetib qolmaysiz.

Chet tilidagi matnni o'qiyotganda ıchimizda tug'iladigan bezovtalik aslida matnga tushunmaslik emas, balki matnning bizni qabul qilmasligidan qo'rqishdir. O'z qo'rquvingiz bilan yuzlashganingizda uni ham oddiy odam yozganini tushunasiz va uni o'zbek (qozoq, tojik, millatingiz nima bo'lsa) sifatida idrok eta boshlaysiz.

Bori shu. Tillarni o'rgana turib, hech qachon o'sha tilda gaplashadigan xalqqa aylanishga urinmang. Buning foydasi yo'q. O'zingiz bo'lib o'rganing ularni.

Mirzohid

@bobil_store