Activist nomi bilan tanilgan Hojiakbar Nosirov 15 sutkaga qamalibdi.

Bunga asos sifatida ba’zi yogurtlar haromligi haqidagi videosi keltirilgan.

Hojiakbar bilan shaxsan tanish emasman, ammo videolarini ko’rib turaman va niyati yaxshi inson deb o’ylayman. Activist videolaridan so’ng iste’molchilar xarid qilayotgan tovarlariga e’tiborliroq bo’lishni boshlashdi.

Hozirgi holat albatta achinarli. Menimcha Hojiakbarni 15 sutkaga qamash o’rniga, u bilan suhbat qurib, yo’l qo’ygan xatolarini ko’rsatib, o’z videosiga o’zi raddiya berishi va jarima yozish orqali muammoni hal qilish mumkin edi.

Barcha kontent mualliflariga maslahatim:

Ommaga tarqatilayotgan materiallar har doim katta mas’uliyat talab qilishini unutmang. 5 ta obunachingiz bo’lsa ham ma’lumot tarqatishdan oldin shunga oid barcha qonunlarni o’rganing. Ayniqsa din bilan bog’liq masalalarda o’ta ehtiyotkorlik zarur.

Aynan Activist voqeasiga kelsak… O’zbekiston musulmonlar idorasi O’zbekistonda fatvo chiqaruvchi yagona tashkilot. Nimadir halol yoki haromligi to’g’risida faqat ular bergan ma’lumotga tayanib gapirish mumkin.

@Media_Mahalla

Salom mahalladoshlar ?

Tashkent Digital Marketing Forum doirasida O’zbekistondagi sifatli kontent mualliflarini taqdirlash marosimi bo’ladi.

Jami turli yo’nalishlar bo’yicha 25 ta muallif bor.

O’rgatuvchi kontentdan ko’ngilochargacha.

Go’liblar qanday tanlandi?

Obyektiv talablar:

1. Qamrov va obunachilarning nisbati.
2. 2022 yil davomida uzluksiz (1 oyda kamida 1 marta) kontent yaratib kelgan.
3. Kontentining 50% dan kam bo’lmagan qismi tanlangan yo’nalishga bog’liq bo’lishi kerak.
4. O’zbekiston qonunchiliga zid faoliyat yuritmagan. Shu jumladan reklama to’g’risidagi qonun.
5. Muallifli yondashuv. Boshqalarni kontentidan foydalanmaslik.
6. Obunachilari sun’iy ravishda oshirilmagan. Giveaway, konkurs va hokazolarda ishtirok etmagan.

Subyektiv talablar:

1. Kretiv yondashuv
2. Foydalilik
3. Montaj qiyinligi
4. Kontent miqdori
5. Sifat barqarorligi
6. Ommaga ta’siri
7. Individual ko’rsatgichlar

Yuqoridagilar haqida qanday fikrdasiz?

Aytgancha, aynan taqdirlash marosimiga kirish bepul ? Istaganlar kelishi mumkin ? Toshkent City dagi Hilton mehmonxonasida 20 mart kuni soat 16:00 da boshlanadi.

Keling, ko’rishamiz!

Hurmat bilan,
Rais

@media_mahalla