هلي وصوني لو مر ضيج بية وحالي اتكدّر
أجبل صوب ابو السجاد واصيح ادخيل يالاكبر _____________________________شاب ومن صفات الشاب كلبه يميل لامثاله
وانـه بالـيشـبـه الـمـخـتار كلبي انعـگد باماله
نهر سواني بين الناس عكب ما جنت انه اوشاله
علمني التواضع صيت اشما ازغر وياه اكبر _____________________________من عادات ابن لجواد لـو سـائـل طـرق بابه
يچرم بـاعـز مـا عنـده حتـلوا جانـت اثيـابـه
الاكبر عبر هالمصداق منو يچرمني باشبابه؟
حتى امثالي تهنى بعَيش جسمه بكربله اتوذّر _____________________________من أوچب علية الضيم جرني لعتبة احسـانه
وشفت روحي عبد مخدوم من اطرقت بيبانه
اكـرامـاً مـنّـه والـعـبّـاس لـو خـلّانـي انـسـانـه
اذا مملوكي ابن حسين حكّي اعله الخلگ افخر _____________________________انـولـد مـثـل النـبـي المـخـتار والمختار بيه اولى
الگمر يسترزق بنوره يجي امن السمه ينزلّه
الشمس تعمي الذي ينظرون واهوَ امن الشمس احلى
شجاع وسخي واجمل شاب بعيون المله يُنظر _____________________________الف من بكر ابن غانم اكبال ابن الفحل يذبل
تجـلّى الـبـاري بالاكبـر وبالـطف عالزلم حوّل
جعل دلّال الي يتيهـون يشـرد ويـن مـا يندل
شبل واعله الاسد مهيوب طب اعله العدو يزئر ______________________________كَرّ ولـمـن كَـرّ عـالگـوم صبح سافـلـهـا عـاليـها
حومـة وطـابهـا ابـن حـسـين شـنوَّ يكون تاليها
الناس ارتعدت امن الخوف چا كاع الفلا شبيها؟
مثل تكسيرة الاوثان من طب كل شيَّ اتكسّر ______________________________كرار رحمن

لمولاي قمر العشيرة عليه السلام

جرّدت فكري لهواك
ورتّلت اسمك وفه
ولو عطشت بجهل روحي
استجيرك واتروي بالمعرفة
اتمسكنتلك بادّعائي
(داء المقصرين بية وحب جنابك بي شفه)
ميّزتها اغصان حبّك
من شفت فوك الضمائر
تنثر اوراق الاغصان بنيّة تبدّل جذور العاطفة..
شمع عاطفة الضمائر شي مؤقت
والجهل واگف مُظاهر حامل النيّة الخبيثة
يدري بشموع العواطف تنطفي لو بسعَفَه
استحسنتني وميّزت شمع اليخدمك
حصّنت شمعي بمعارف
وعكس نية الجهل صارت
تقوى نار الشمعة لو بيرغ حماك ترفرفه
(لعن الله الجهل حقّك) هذا نص امن الزيارة
اذاً واجب عاليخدمك حقّك يقدسه بتمامه
ومايتم تقديس حقّك( بانعدام المعرفة )

صلب إيمانك رسالة انت نافذ للبصيرة
انت ما قبل الخلق صاير وجودك
انت ضويت الگمر من نور حِسنك
ولذلك صار اسمك بالازل(بدر العشيرة)
وخاف عدهم عُجبة زرقاء اليمامة
شافت لأبعد مسافة
انت ما قبل الخليقة شفت مستقبل حياتك
حامي لضعون الاميرة
انت عالم واليوصفك غير وصفك جاهل وماعنده غيره
اني من فضلك عرفتك لچن معرفتي اعله گدّي
انت معرفتك چبيرة

مو مثل غيري القرولك
اني من لمّن عرفتك ماعرفتك انت فارس
أنت عالم
خرّجت من حوزتك طالب مثابر
جانوا ايسمونه عابس
خرجت من حوزتك شيخ التفقّه
يعني مدرستك حبيب ابن مظاهر بيها دارس
الف من سلمان گطره وغايص بمعرفة بحرك
ولو دره بحبّك لحيدر چا غداله الموت واهس
انت بچفوفك مشيئة
لو شئت تطوي الارضين بقدرتك
وغير اهلك ومحد بهالقدرة حاسس
انت من گد ما عظيم وعالي شانك
وظّفك الله لخيام الحرّة حارس

الماعرف ساقي العطاشا ودوره بالطف
راح بالرجعة ايتفاجئ من مقامه
(رجعتك لا ريب فيها)
ترجع القائد الاول والعذاب بقبضة ايدك
اليوم الاتعذّبهم انت اشبه بيوم القيامة
انت هم سفّاح ترجع تغسل الگاع بدماهم
طَوَفان ايسوّي سيفك
حيثُ انَّ المبغض الكم يحلم ايعيش بسلامة
ترجع بعبّاس حيدر ينمحي ساقي العطاشى
ترجع بحيدر الرجعة ال عالظلم ماكف حسامه

يابو فاضل مستجيرك وانت مولى الخائفين
لو بدت فترة الرجعة احسبني من الراجعين _____________________________كرار رحمن ا

حيرة اشيوصف احسانك
وانه يوم الطحت غرگان
هلي مافزعوا لصوتي
فزعت ليّة ذرعانك
حيرة شيوصف احسانك

حيرة شيوصف اجروحك
واذا ابچيلك وانحب
الصوت المنّي يطلعلك يخفف همّك ونوحك؟
واني ادري البچي لروحي
وبس الذنب والحسرة منّي بگلبك تلوحك
المامستوعبه عقلي
اذا جتّالكم دمّ ولحم مثلي
ليش اتضحّي الي بروحك؟
اذا تدريني ما أوفي ليش اتفكلي بيبانك؟
حيرة اشيوصف احسانك

اذا مو ضامي اعيشنلك ليش اتموتلي ضامي ؟
واذا ايّامي مو باسمك ليش اتجمّل ايامي ؟
واذا تدريني ما افهم ليش احترگت اخيامك
عليش اتعمّر اخيامي ؟
تجرّد فكري من شخصك وفكّرت بهوى اوهامي
غيرة امشّرب امثالي يگلبك بالعطش دامي
تأمل يوم اتغيّر واصيرن ليك عطشانك؟
حيرة اشيوصف احسانك ؟

تأمل يوم اتبدّل وعوف ارمادها الدنيا
واركض صوب نيرانك ؟

تأمل احضه بجروحك وارسم حزنك امراية
واعوفن غايتي لغيري واخلّي اجروحك الغاية
تامل يوم اتعدّل واجسّد دَور (خَدّامك)
العطشلك غيرة وامروّة وترك لجلك عذب مايه
سلبياتي حرمنّي لچّن أنعامك اهواية
انسى والتهي بذنّبي واتذكرني باحزانك
حيرة اشيوصف احسانك

عسى صحوة ضميري تردني للاوّل
عسى هذا اعوجاجي وخربطة وضعي
باسمك يوم تتعدّل
الدمع بيبان الّي ينذبون
اليريد يتوب متأسّف
بدمعه توبته تقبل
العين الماتهلّ لجلك
لو الفين مرود تكتحل بيها فلا هالعين تتكحّل
قابل يونس اصبحلك واعيش ببطن حيتانك
حيرة اشيوصف احسانك

مثل سبعين قافلتك ماكو اعله الارض صحبة
عرضت آجالهم ليهم
وعافوا كل تجارة وعاشوا الغربة
وبسبعينك اتوسّل حالي لحزنك اترتبه
حتى اتلّگه مهديكم وخلّي قبلتي اجروحه
واعرف التلچم ،وبي ينسعد گلبه
(متى ترانا ونراك)
اهواي اقراها سطحية بدعا الندبة
اريد اتحسّر لشوفه واريد اقراها بدموعي
واكلّه ياچبير الشان اني العاف الك ذنبه
قيّدني بجرح گلبه واسجنّي بحزن روحك
افرح لو تگلّي الحزن سجّانك
حيرة اشيوصف احسانك __________________________كرار رحمن

لمولاي الرضا صلوات الله عليه

كل ليلة بگلبي اتمر حسرة.. بس اتحمّل
تقبل اوصل صحنك زاير …لو مـا تـقـبل
ارزقني لوعة حزنك
نظرة اريدن مـنّك
لو ما تقبل _______________________للخـواص ازيـارتـك ابـنك يـكـول
واني يامولاي ماخذني الـذهـول
يمته من عندك يرد صك القبول؟
اسعى زايرلك وترزقني الوصول

حالي حال الزاير صحنك ..هاي امنيتي
نيتي اوصلّك وابچي ببابك ..سهّل نيتي

خايف اطلب أمنك
نظرة اريدن منّك
لو ماتقبل _______________________________يـالرضا لزيارتك هل من سبـيل؟
شوكي الك طاغي وبدلّالي يعيل
ياهو غيرك يعـدل الـروحه تميل
يا طبيب ادرك گلب عبدك عليل

ادخيلك يالمو ثوبك هاية،،تنطي ادخيلك
إكرم عـبـدك وأرزق جـرحه..مـرّة ايـجيلك

أشگد حجولي عنّك
نظرة اريدن منّك
لو ماتقبل _______________________________
ضـامــن لامـثالي وادريك واكـيد
ماترد ايـده اليـمد لاحسٌانـك ايد
مـا ريـدن غيـر لُطـفـك مــا اريد
على گلبي اتشدحبل طود العبيد

عبدك واتشرّف لو عبدك ..صاحو باسمي
اسمك مو بس يسري بعمري..يسري بدمّي

باسط ايدي لحِسنك
نظرة اريدن منّك
لو ماتقبل _______________________________يـا غـريـب اجـعـلّـي بالـغربة نصيب
مو مواسي اتسمّى اذا جرحي يطيب
(ان كـنـتَ بـاكيـاً لـشي يبـنَ شبـيب)
مـنـهـا وادموعي جرت بس للغريب

يـمـهـيّـج احـزان الـغـربـة..ارزقـنـي الـحـسـرة
واكسرني اعله البطف تنعى ..وشبچت عشرة

النسوة الي يبچنّك
نظرة اريده منّك
لو ماتقبل
____________________________(أقـرحَ جفـوننا) مـن هــايـة بـاب
فتح قولك يالرضا لاعظم مصاب
سـيـد الامّـة بـقـى فــوگ الـتراب
والعطش چان لدليله اكبر عذاب

يعطش مرّة لماي ومرّة..لناصر لاهله
شحّت عد الناس الغيرة..ودمّه اتّحِلّه

اهواي الي يجرحنّك
نظرة اريدن منّك
لو ما تقبل ___________________________كرار رحمن

امير المؤمنين عليه السلام يخاطب البير

يا بير افهم حزني
راحت فاطم منّي

ماتت فاطمة ____________________________يا بير وجرح ام بيتي.. منّي سالب عافيتي
امشي محدّب تاليتي ..خلّتني

امشي واعثر كل خطوة ..بنار اليشتاگ اتچوّة..مخنوگ اتنفّس گوّة..أذتني

اعله حيلي ما گمت اوگف ورا الزهرة
انخطف لوني وعلي بانت عليه كسرة
انـي المـن ورا الـزهـرة الهـوى ايعثره
آني الفـاطـمـة مـنّـه أسـلبـت عـمـره

يا بير ورجـلية
أنگلهن ما بيّة

ماتت فاطمة ____________________________وي كل نسمة اتألمها،،ريحة فاطمتي اشتمها
لهسّا عالحايط دمها .. يذكّرني

ماهان الشفته بعيني.. توگع گدامي اسنيني..
طه لهاي اموصّيني..تهضمني

يــبـير وحــيـن شـفـت الزهـرة مرميّـة
وخــدهــا امـجـرّح وبـالـنـار مـچـويـة
أركضت فازع والـ أمچتفتني الـ أوصية
صعبة بعينـي اشــوف اتـطــيح علوية

يـا بـير وبـالـعصرة
خلّص عمر الزهرة

ماتت فاطمة _____________________________
يا بير اشكيلك حزني..محد يتقبّل منّي..كل الوادم هجرتني..تهضمني

رايح من ايدي الناصر....ومهموم بحالي وحاير..ضدّي كل دهري صاير..ياحزني

مـن قــلّـة نــصـيـري جـيـتـك بهَـمّي
اسـولـفـلـك حرگ داري وثـگـل غَمّي
غــربــة عــامـلــوني اسـتنكروا أسمي
اسكتوا من انكسر كلبي وجرى ودمّي

ودمّ الزهــراء دمّي
وكسرتها التلچمني

ماتت فاطمة ______________________________عمرين أبچي اعله الزهرة..ولحظة ماناسي العصرة..كسرتها بگلبي كسرة..تلچمني

يا بير الميت غالي..دمّي امن العين ايلالي..تفطّر گلبي ودلّالي..كسرتني

بعمر (اثمـن طعـش) يا بيـر أذّوها
تون خلف الجذع بالحسرة خلّوها
جازوا خير ابـوهـا بسـطـرة ردّوهـا
الخـدم چـانـو لبـوها بداره كتلوها

تبچـي دم اجــروحي
بداري انكتلت روحي

ماتت فاطمة ___________________________يا بير وجرح اليدّي..ينتظر وليدي المهدي..هو القائم من ولدي ..يفرّحني

يمته اينشّف دمعاتي..ويرد ثاري لحسراتي..ويسكن ونّي وآهاتي ..يفرّحني

يـمـتـه يـظـهــر وحـگ امّــه ينتــزعه
يمته الظلمة تگضي وتكشخ الشمعة
ثــار (اتلث طعش)مــعصوم بالدفعة
ويـصـلـب كلـمن اتـجرّأ على البضعة

يا بير ومنتظره
يردّ بثار الزهرة

ماتت فاطمة ________________________________كرار رحمن

طارف عباة ام الحـسن غطّه السماوات
مـكـمـلـها الله وفـاطـمة تـوّزع كـمــالات
تسـبـيـحـة الزهـرة التـحـيّر حتى جبريل
خـلاهــا الله بــدفـتــره بــسـمـلــة الآيات

يـا هـيبة ربّ السـمـة
تجرين بمجرى الدمة
الله استحسن صنعتج
ادخيـلــج يــا فاطـمـة

فاطمة.. الله فـضـلّهـا اعله هاي الوادم
فاطمة.. بالعـرش يطـلب رحـمتـچ آدم
فاطمة.. اتمنى جبريل اعله بابچ خادم

ام الحسن.. ام الحسن
"""""""""""""""''"""""""""""""""""""""""""""""""""""
نهر الآله المـا يجـف ويعـطشچ الماي
الانـبياء تلـزم سـرة من توصـل لـهاي
كـلمن يمـد چـفه بطلب بهداي بهداي
وتنطينه گطره ويبتشر ويگلچ هواي

كل كـائـن لامـرج خضع
ومن چف الرحمة انتفع
مــديــت ايـدي طالبچ
اتحضريني بيوم الفَزع

فاطمة.. گطرة من خيرچ تصير اهواية
فاطمة.. انــتـي ضـلّـچ للـسـمـة تـچـاية
فاطمة.. الـلـه خـلاچ اعـله خـيره مراية

ام الحسن.. ام الحسن
"""""""""""""""''"""""""""""""""""""""""""""""""""""
قـديسـة الله ال بلارض واعجـوبة الـديــن
راد الله فـيّــهــا يـسـتـمـر وانــطـاهـا الحــسيـن
دمــع الزچـيـة الـيــنهـمل وتـراب ابـو تراب
من عنده مخلوقة الخدم وسمّونا من طين

من عدكم صار الخلـق
بلطفج ينـگال الصـدق
الكلمة الـما بيـها الــچ
تــحــرم لا مــا تـنـطّـق

فاطمة.. هـي مـصـدر لـلــوفـة والغيـرة
فاطمة.. 18 ورده بـكـرمـهـا اچــبـيــرة
فاطمة.. بت نبي وام النبي شهل سيرة

ام الحسن.. ام الحسن
"""""""""""""""''"""""""""""""""""""""""""""""""""""
لو ما عـطـائـچ فاطـمـة ماصـرنا خـدّام
حظ وبخت من رحمّتچ تنطينا كل عام
مـحـد يعرف حـسيـن لو ما ام الحسـين
ابيـوتنـا قصـور وحبـيـبـچ عالتـرب نـام

مشكورة يام الـحسـن
تهنا وصرتي النا وطن
ما عــدنا غيــرج سند
نگصدله بوقت المحن

فاطمة.. بلا خيرچ ماي گصّة امنيلنّا
فاطمة.. الدمعة هي المشترك مابـينّا
فاطمة.. من حنانچ عاشگين احسينّا

ام الحسن.. ام الحسن
"""""""""""""""''"""""""""""""""""""""""""""""""""""
فاتح مضيفه المرتضـى وماردلّه خطـار
والـنــار من رادت ســتـر طبـبـها عـالدار
چي مـاكـو زاد وعزبّت فاطم بالاضلوع
وضلع الرچية بكل هلا ضـايفلـه بسـمار

ضلعج بالباب انكسر
وگلـبج بالهم انـفطـر
تضمين آلالام الجرح
اه يالمكسورة ظهر

فاطمة.. ما ترد ضيف وتـعزب اضـلوعـها
فاطمة.. اگبال كل ضيف الهلا موضوعها
فاطمة.. ورة باب الدار تحـچي ادموعهـا

ام الحسن.. ام الحسن
"""""""""""""""''"""""""""""""""""""""""""""""""""""
كرار رحمن

مـن بـاب تــأديـب النـفـس..نـڪران ذاتـك بالفعل
مــو بـس كـلام ولـقـلـقـة..الـسـان وتخـالـف عـقل
حـب الانـا شيطان الك..المفروض الك فطرة طفل

ودمعة طفل كون..للضامي ومسلبينه
واليدعّي الحب..بالدمع تغرك عينه

عليمن تـدّعي الحب وانت ومرتاح
جـذب حـبـك اذا مـا يحمل اجراح
لــمّــن تـبــتـعــد عـن الــمـلـذات
تحب من صدگ لمّن تهوى الا نياح

دمع المحب لمّن يگـع يشـرح مـحبته
عالمـنـطـرح وبـلا هـدم ومسبية اخته
تناديله اهله امن الخيم تطلب فزعته

عيش بدمعتك اه
على الضامي اويلاه

حسين حسين ______________________________بأخلاص أخدمْ واقتدي ..واتـحـمّل الـما يـنحـمل
وأذرف دمع عينك لان..زينب بچـت فـوگ الهـزل
الخدمة درب الله الصدگ..عن هالدرب بالك تزل

وثبّتلك إجدام..وإلـسـانـك بهـالخـدمة
سهلة البدايات.. بس الصعوبة الختمة

سـهـل تـخـدم صعب تثبت بأصرار
تـرة الـمـا مچـوي گلـبـه يـبعد النار
الخدمة دين مــو بـس عـالمرامات
التخدمه افهم حياته بعيتله اشصار

ضـحّـى بـهـله لاجـل الخـدم واتـبـدّه دمّـه
لاجلك والي جم فاطمة تنعى اعله جسمه
بــالـك تـدوّر مـصـلحـة بـاخـلاص اخـدمـه

أخدم وانـت بحماه
على الضامي اويلاه

حسين حسين _____________________________درب الأنـا مـا يعـدلـك..بالخـدمـة درب يعـتـدل
أصعـب بلاء ايـواجـهك..عـن خــدمته بالك تمل
كل حبل مابي منفعة.. بحسين بس حبل الوصل

اتفهّم وگول..مـيّـزني ليـش واخدم؟
ماعنده خدّام؟..حاشا الگمر متحزّم

المؤمن فطن كون وواعي تلگاه
مـا يـنـزاح جـدمـه الجدمه ويّاه
بـغــيـري لا تـبــدّلـنـي يـمــولاي
كلّه ومن صدق خـل طلع الـــ آه

خدّام اله بگد النجم واخـتـارك أنـت
إصلحْ كيانك وافـطن لـعـالم خدمته
المافاهم الخدمة چذب يفهم عبرته

أبچي لسيلـة ادماه
على الضامي اويلاه

حسين حسين ______________________________الدمعة أوضح منفعة..من هالخدامة تنحصـل
تـوصلـك مـراتب خـدمته..ما مـارّة ابالك تصل
صعبة الفعل لو طـبّقـت..والقول بالفم السهل

احذر بالاقوال..بـيـهـا تـنـال الـرفـعـة
بهبّة هوة وماي.ينطفي عمر الشمعة

(خـادم للـحسـين) اشمـحلى الالقـاب
ضوة اسمه ايشّع الك لو هالگمر غاب
إحــذرْ ثــــمَّ إحـذرْ تــنـــسـى مــولاك
بـنـسـيـانـك عـطـاءه تـنـسى الامصاب

ابچيلك بجزع ضعنه مشه لديره اجنبيّة
وام الـخـدر بـيـن الـزلـم صـارت سبـيّـة
يــكوم ويطيح اعله الوجه راعي الحـميّة

واخته بدمعه تنعاه
على الضامي اويلاه

حسين حسين _______________________________الراسم الغاية بخدمته..للمهدي جُندي يمتثل
لـو مـات وانحطّ بگبر..يوزّر الچفن يرجع عـدل
من هسّة صفّي نيّتك..وإرسـم الغــاية وإستهل

من يظهر ايموت..كل عذر فايت وكته
ايـعـاتـبـك ليـش؟لو مـرّة شاء وشفته

صير أبيض وجه وإسعى لنصرته
وإسعى يجيس راسك فيّ يـمنـته
إشـهــر عِـلمـك بـوجـه اليـبغضه
كـلشي يحـين وكتـه استغل وكته

اسـعـى لنصرته وافهم احوال الرزيّة
للزهرة يصلب چم نذل مَسّ الزچية
ويرد دمه الطاحت هدر بالغـاضـرية

احضر ثاره ويّاه
على الضامي اويلاه

حسين حسين ____________________________كرار رحمن

بالدموع..ننعى عالزهرة بهضيمة الطايحة
بالدموع..على طول السنة انـقيم الـفاتحة

ما ينسّى الصار..حد ردّة الثار ___________________________لا طـيّـب الله دنيـتي وام دنيـتـي بنـص النار
ماريد اعيشن راحة ابد..وام الوجود التحتار
دمعتها عالخد هاملة وجارى دمعها الكرّار
تـبــچـيـله هي وتنهطر وهو عليها ينهار

الثنين..واحد اتغورگ للاخر عينه
الثنين..يعينها بشدّتها واهيَ اتعينه

بگلوبهم نار..حد ردّة الثار ________________________كل دم على الكاع انسفك صار امن اصل يوم الباب
من شال شيطان البغض چفّه وضـرب ام احجاب
ام الوجود استهضمت واستوحدوها الاجناب
التوحيد بالباب انعصر والعدل طاح اعله الباب

عالتراب..طاح وجه الله ووضعها بحيرة
عالتراب..عمر طاحلها واهيَّ ازغيرة

بالنار تحتار..حد ردّة الثار ______________________________اليستأذن ايطبّه النبي طبّه بظُلامة الشيـطان
ماراعوا الحرمة ابد ولا حـفـظـوا البـيها چان
بنـي سقيـفـة ســاعـدة أحـرگـوا دار الايـمان
گـطـعـوا أرآكـت فاطمة وهدّموا دار الاحزان

بالدماء ..وگعت وبس الهـضـم يـبرالها
بالدماء.. وشافت الصاير جميع اعيالها

متلوعة الازغار ..حد ردّة الثار _____________________________ما ينجبر كسر الضلع ولا يهـده جرح البسمار
حد ما يُنادى امن السمة لامّه ظهر راعي الثار
ازغــار تـنـتـظـره بألـم وبدمعة تنـتـظره اكبـار
لـثـار الهـواشـم والـخـدر بـگلوب شيعتهم نار

يا لثار…الخدَّ والضلعَ الكسير بعصرة
يا لثار..كـل بـنـي هاشم وحگ العترة

امألّم الكرار..حدّ ردّة الثار _____________________________عن يا مصيبة ويا وهضم شايل المهدي الآلام
عن كسر ضلـع الـفاضـلة لـو طـبر راعي الايتام
لو ذبح الحسين بفله ومتروس بـالغـربة اسهام
لو اخذوا خدر الله سبي من بيت اهلهن للشام

يبجي دم.كل صباح وكل مسه اعله الصاير
يـبـچي دم..وگـلـبـه بمذبوح ابرزية العاشر

متاني ذوالفقّار..حد ردة الثار
\__________________________________

نادم عالمضى يحسين وياك
راح ابــجيك لسنين لخسارة

يزور احساسي عطفك وانه مغبون
وارد واتـنــاسى أيّــام الزيــارة

تاجرت اوي غيرك والربح ضاع
وعرفت اليحتضن حبّك تجارة

ضعت والدلّه گلبي للنبي قول
بكلب الشيعة لجروحك حرارة

بطلت اصطناعي لحزني وياك
من شفت الحزن للحب إمارة

سديت البصر وامشيت وياك
اعمى وبالبصيرة اعلن مساره

دريت الدنيا تكضي وتغمض العين
يجي يوم الگلب يذبل خضاره

مابيها نفع دنيانا يحسين
اذا ماصرنا لحزانك اُسارى

اذا ما يجري لجلك دمع العيون
من لا بارك الله بإنهماره

ضياعي بدنيتي واوهام الاسنين
نكثني منهن أتراب الزيارة

مرامي المو الك خلّيته للغير
وحرت بجروح ضعنك وانكساره

موش اعله المزاج وعالمرامات
اني بكيف جرحي واختياره

قراري بيد گلبي امسلمه يحسين
وانت ادره بحزن گلب وقراره

مثل أُفق الشمس بي حزنك يلوح
وحزنـك للگلب صـار احمراره

انكسار الـ مِن على الناگه يودعون
جسد والدلـهم بدمـع الحـيارى

الـ على التل نادتك يحسين يحسين
هجمت عالخيم يالوالي غارة

حـرام اعـلــه الرزيّـة اتهدّه لو يوم
وحرام اعله الدليل اتهيد ناره

لحد ما الله يبـعث صاحب الثار
واشـــد أوزاري واتـحــزّم لـثـاره

متوقّف نصر شيـعة علــي ليوم
يرد ويـظهـر الـمهـدي انتـصاره

يفرّق بالجسـوم وروس الاعداء
بـحـكـمـه ودولتـه وهيبة فقاره

كرار رحمن