♥️♥️ Сизни ва аҳли оилангизни улуғ айём – Қурбон ҳайити билан чин қалбдан муборакбод этамиз! Аллоҳим бу куннинг фазлидан оилангизга шодлик, барокат ато этсин.

👉http://t.me/nunnashr

Қаноат – саодат сири

Бир куни Урва ибн Зубайр розияллоҳу анҳу холаси Оиша розияллоҳу анҳо онамизнинг олдига келиб, Расулуллоҳ соллаллоҳу алайҳи васаллам қандай ҳаёт кечирганлари ҳақида сўради:
Саййида Оиша розияллоҳу анҳо онамиз Расулуллоҳ соллаллоҳу алайҳи васалламнинг сабрлари ҳақида эслади: «Аллоҳга қасамки, баъзан икки ой ичида ҳам Расулуллоҳнинг уйларида овқат пишириш учун олов ёқилмаган пайтлар бўларди».
Урва ажабланиб:
«Эй хола! Бўлмаса қандай яшагансизлар?
Нима ер эдинглар?» деди.
Оиша онамиз: «Бир неча кунлар хурмо ва сув билан кун кечирганмиз», деб жавоб берди**.

Эй аёллар! Оиша онамизга қаранг: Расулуллоҳ соллаллоҳу алайҳи васаллам билан оғир ва машаққатли кунларни ўтказган. Лекин улар энг бахтли ҳаётни яшаганлар.
Саодатларининг сири қаноатларида бўлган.**

©️Муҳаммад Сиддиқ Миншавий Суҳажийнинг*📖*"Бахтли ҳаёт ҳақида 77 ҳикоя" китобидан

👉http://t.me/nunnashr

Аллоҳ таолонинг Ўзи суйган
бандаларига ёрдами
Абу Бакр Сиддиқ розияллоҳу анҳунинг авлодидан бўлган Абул Аббос Бакрий айтади: «Илм сафари тўрт Муҳаммад – Муҳаммад ибн Жарир Табарий, Муҳаммад ибн Исҳоқ ибн Хузайма, Муҳаммад ибн Наср Марвазий, Муҳаммад ибн Ҳорун Руёнийларни Мисрда учраштириб, уларни бир жойда жамлади. У ерда бир муддат яшагач, озиқ-овқатлари тугаб қолди. Оч-наҳор кун кечириб, ҳатто тик туришга ҳам мадорлари қолмади. Очлик уларга ўз ҳукмини ўтказиб, ҳолдан тойдирди. (Шу ҳолда ҳам кундузи дарс олишга овора бўлган бу зотлар) бир кеча ўша тунайдиган манзилларида тўпланиб, барчалари бир овоздан ўзаро қуръа ташлаб, қуръада исми чиққан киши одамлардан тиланчилик қилиб, шериклари учун таом топиб келади, деган фикрда тўхтадилар. Қуръада Муҳаммад ибн Исҳоқ ибн Хузайманинг исми чиқди. Шунда шерикларига: «Менга бироз вақт беринглар, таҳорат қилиб, истихора намозини ўқиб олай», деди-да, тезлик билан намоз ўқиш ҳаракатига тушди. Оч-наҳор ҳамхоналари бир шамнинг атрофида китоб мутолаа қилиб ўтирган эдилар. Кутилмаганда, эшик тақиллади. Эшикни очиб қарасалар, Миср волийсининг қул-ходими турар эди. У уловидан тушиб: «Қайси бирингиз Муҳаммад ибн Наср бўласиз?» деди. «Ана у», деб кўрсатишди. Шунда ходим ичига эллик динор солинган ҳамённи унга берди. Сўнг: «Муҳаммад ибн Жарир қайси бирингизсиз?» деди.
Улар: «Мана бу», дедилар. У ичига эллик динор солинган иккинчи ҳамённи олиб, унга берди-да, сўрашда давом этиб: «Муҳаммад ибн Исҳоқ ибн Хузайма ким?» деди. Улар: «Ана у, намоз ўқияпти», дедилар. У намозини ўқиб бўлгач, унга ҳам эллик динор солинган ҳамённи берди. Сўнг: «Қайсингиз Муҳаммад ибн Ҳорунсиз?» деди-да, унга ҳам бир ҳамённи тутқазди ва бу ҳолатни изоҳлаб шундай деди: «Кеча амиримиз қайлула уйқусида туш кўрибдилар. (Унга бир киши) «Анави Муҳаммадларнинг ҳоли абгор, очликдан биқинлари ёпилиб, қовурғалари бир-бирига ёпишиб кетди-ку! Улар очлигини бировга ошкор қилишмайди. Шу боис уларнинг аҳволидан бирор киши хабардор эмас», дебди. Шунинг учун амиримиз сизларга бу ҳамёнларни юбордилар ва (илм олиш учун шу ерда қанча вақт турсангиз, бу вақт ичидаги барча таъминотингиз ўз зиммасида эканига) қасам ичиб, қачон маблағлари тугаса, мени хабардор қилишсин», деб буюрдилар».

*©️Шайх Муҳаммад Аввоманинг📖*"Солиҳлар ҳаётидан сара нақл ва хабарлар" китобидан

• Харид қилиш учун:
✍️ @qamar_delivery
+998712037004 | +998998454400

*📍Манзилимиз:* Алишер Навоий 42, мўлжал Чорсу, Собиқ Гум рўпараси.

👉http://t.me/nunnashr

Уйингиз қандай экани ҳақида ўйлаб кўрганмисиз? Пойдевори мустаҳкамми ё таянчсиз, заифми?
Аслида қандай уйлар заиф ҳисобланади? Бунга зоҳир кўзи билан қараманг ва моҳиятан ёндашинг. Шунда қуйидагиларни кўра бошлайсиз:
– қимматбаҳо бўлса-да, диндан йироқ бўлган уй заифдир;
– Қуръон тиловат қилинмайдиган, намоз ўқилмайдиган уй заифдир;
– Аҳли бир-биридан нафрат ва ёмон гумонда бўлган уй заифдир;
– катталари ҳурмат, кичиклари иззат кўрмаган уй заифдир;
– куфр асорати кўринган, исломий хулқлар бўғилган уй заифдир;
– яхшилик хуш кўрилмайдиган, садақалар берилмайдиган уй заифдир.

©️Ҳассон Шамсий Пошонинг📖 "Оқшом гўзалликлари" китобидан

👉http://t.me/nunnashr

Ким айбдор?

• Ризқим оз деб шикоят қилаётган бўлсангиз, гуноҳларингизни тафтиш қилиб кўринг.
• Юрагингиз сиқилиб кетяптими? Гуноҳларингизни тафтиш қилиб кўринг.
• Хотинингиз билан келиша олмаяпсизми? Фарзандларингиз куйдиряптими? Гуноҳларингизни тафтиш қилиб кўринг.
• Одамлар билан муносабатингиз ёмонлашиб кетяптими? Гуноҳларингизни тафтиш қилиб кўринг.

Бир киши Алий розияллоҳу анҳунинг олдиларига келиб, «Ҳеч таҳажжуд ўқий олмаяпман. Сабабини билолмаяпман», деган эди, Алий розияллоҳу анҳу унга: «Сени гуноҳларинг кишанлаб қўйибди», дедилар.

*©️Усома Миншавийнинг*📚*"Аллоҳ сари йигирма бекат"* китобидан

👉http://t.me/nunnashr

Oila davrasida oʻqiladigan kitob 🤗

✨ Mehr-muhabbatga toʻla, maroqli suhbatlar bilan oqshomingizni jannat oqshomlariga aylantirishni istaysizmi?

📖 Unda: Hasson Shamsiy Poshoning “Jannat boʻstonidagi oilaviy oqshomlar” asarini albatta oʻqishingiz kerak!

💜 Tez kunda sotuvda! 🤩****

• Bogʻlanish uchun:
✍🏻 @qamar_delivery
+998712037004 | +998998454400

📌 Manzilimiz: Alisher Navoiy 42, mo‘ljal Chorsu, Sobiq Gum ro‘parasi.