АДАШМАДИММИ

Сўзи болим, ўзимни ёрим,
Сен ғурурим, сен ўзинг орим,
Якка ўзим қилган қарорим,
Сени танлаб адашмадимми?

Юрак тинмай урди сен дедим,
Чалкаш йўллар бурди сен дедим,
Тақдир раво кўрди сен дедим,
Сени танлаб адашмадимми?

Осмон орзу ерга туташди,
Бир кўнгил деб қалбим курашди,
Сени ким деб дўстлар сўрашди,
Сени танлаб адашмадимми?

Куйган ишқнинг кули кўринмас,
Севги дарди изи билинмас,
Сенсиз жойлар менга ўринмас,
Сени танлаб адашмадимми?

Қанча гаплар ечилмас қолди,
Нега жимсан, хаёлинг толди,
Кулгуларинг аланга олди,
Сени танлаб адашмадимми?

Гулмира Шокомолова
21.12.2024
11:55

t.me/Gulmira_Shokomolova

СЕН БИЛДИНГ

Кўзимда ёш қалқир онам билмаган,
Ичимда ғоя кўп одам билмаган,
Борар манзилимни қадам билмаган,
Сен билдинг заминда мени борлигим.

Қайноқ фикрларим кимга дарс бўлди,
Бир ширин сўз олиш кўп бор қарз бўлди,
Анордек эзишди қалбда арз бўлди,
Сен билдинг заминда мени борлигим.

Ўйлар ўрмалади тўрт тарафимга,
Бири тантана-ю бири дафнга,
Қўй сўяр бир куни йўқ шарафимга,
Сен билдинг заминда мени борлигим.

Севдим севилмоқни илинж қилолмай,
Қуёшми у, ойми номин билолмай,
Юракда яшайди, у яшаб толмай,
Сен билдинг заминда мени борлигим.

Қорнинг ўйларига айландим бугун,
Ғазабни ушлашга шайландим бугун,
Сени тилга олмай наҳот бўлдим ун,
Сен билдинг заминда мени борлигим.

Гулмира Шокомолова
21.12.2024
10:26

t.me/Gulmira_Shokomolova

Mana shu kanalga kirib shu she'rga bitta layk ayamaylar kelajakka qo'yilgan kichik qadam erta yuksakka chiqish uchun zamin bo'lsa ne ajab, iltimos!

МУҲАББАТ

Сени кетсанг бўй чўзар қалбдаги ҳасрат,
Ўзини англолмай қилади хониш.
Чизилмас кўзларда ҳаёли сурат,
Юрак тинмай бўзлаб, қилади нолиш.

Сен кетсанг, ёзилмас ишқ деган шеърлар,
Шоирнинг қалами чўпга айланар.
Кучини йўқотар забардаст шерлар,
Маҳзунлик қасрига раҳбар сайланар.

Сен кетсанг заминда бошланар зулмат,
Қуёш бор, лекин ҳеч кўнгил ёришмас.
Сен бу ҳаёт учун берилган зийнат,
Йўқликка кетсан гар турмуш турмушмас.

Оламан мен доим сендан ҳавони,
Баҳорми, куз-у ёз, қиш палласида.
Борсан "Муҳаббат" деб куйлай навони,
Қишнинг қаҳратони бор чилласида.

Гулмира Шокомолова
16.12.2024
13:05

t.me/Gulmira_Shokomolova

✍GULMIRA SHOKOMOLOVA

📀🎤 SABR UMMONI

✍GULMIRA SHOKOMOLOVA

📀🎤 SABR UMMONI

#Konstitutsiya_kuni

Mening Konstitutsiyam sha'nim va qadrim himoyachisi!✅

BIZNING KONSTITUTSIYA

Kimga armon boʻldi, bizlarga qalqon.
Qonun ustivordir, ozor koʻrmas jon.
Baxtimiz qomusi ochmoqda imkon
Bu Konstitutsiya -bizniki doʻstim.

Avlodlar ajdodlar aybiga kuymas,
Besabab ayblar boshingda uymas.
Qonuni yoʻq toʻylar aslida toʻymas
Bu Konstitutsiya-bizniki doʻstim

Tadbirlar keng boʻlsa tadbirkorlar boy,
Unimsiz yer qolmas, unumdor har joy.
Erta qurajakmiz oyda ham saroy.
Bu Konstitutsiya - bizniki doʻstim

Taʼlim, tarbiyaga yuksak eʼtibor,
Bilimga intilgan hech ham boʻlmas xor.
Rivojlangan davlatim ilm ustuvor
Bu Konstitutsiya - bizniki doʻstim

Oʻzga yurtda quldek hor emas oʻzbek,
Sening qadring baland tut oʻzingni bek.
Oʻzbekiston bolasi ey oʻziga bek.
Bu Konstitutsiya - seniki doʻstim

Erta yuksaklarga birga uchamiz
Barcha yutuqlarni birga quchamiz
Muammoni qomusim bilan yechamiz.
Bu Konstitutsiya -bizniki doʻstim .

t.me/Gulmira_Shokomolova

❄️❄️Қ О Р   Х А Т
Биринчи Қор муборак бўлсин!

❗Республикамизнинг кўплаб ҳудудларида биринчи қор ёғмоқда

☃ Аввало сизни биринчи қор билан табриклайман.  Сизга мустаҳкам соғлиқ, битмас туганмас бойлик, чинорнинг умридек умр, сермазмун ҳаёт, чиройли бахт ва савлатли тахт тилайман. Илоҳим қалбингиз манашу ❄️қор каби оқ ва соф бўлишини, шу ❄️қор каби одамларга азиз бўлишингизни тилаб қоламан...

Биринчи қорнинг қадами қутлуғ бўлсин!

t.me/Gulmira_Shokomolova

ЭРКАКДАН ОМАД КЕТМАСИН

Пулинг бўлса дўстлар бисёр йўлингда,
Ёр ҳам турар бетга чопмай кунингда,
Ҳамма ишлар бўлар экан қўлингда,
Эркак киши сендан омад кетмасин.

Нон берарлар миннат билан итдан хор,
Жигардан ҳам келар вақтида озор,
Маъқул кўриб қолар экансан мозор,
Эркак киши сендан омад кетмасин.

Болам-бўтам деб қурасан қаср уй,
Боринг йиғиб элга бериб катта тўй,
Кунлар келиб тинглаб қолиб маҳзун куй,
Эркак киши сендан омад кетмасин.

Қани дўстинг, қани жўранг, қани ёр,
Меҳр излаб ҳар нигоҳга боқдинг зор,
Пешонангда шундай қисмат йўли бор,
Эркак киши сендан омад кетмасин.

Гулмира Шокомолова
7.12.2024
19:36

t.me/Gulmira_Shokomolova

Руҳим бирла жон айланиб ишқ дея вайронадир,
Васлига етмоқлик олис, қалб эса ҳайронадир,
Улга етмоқ не машаққат, роҳати гулхонадир,
Гул бўлиб Гулмира бўлиб хаёлим йўлингдадир.

Заҳмат тоши бошга тушса, сабри бардош тонадир,
Алар ким куяр юракдан, куйгани бир онадир,
Кўзим юмсам тасмаларда неча давр ёнадир,
Гул бўлиб Гулмира бўлиб хаёлим йўлингдадир.

Гулмира Шокомолова
2.12.2024
23:33

т.ме/Гулмира_Шокомолова