قصائد حسينيه مكتوبه
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her
فزاعيه للاخت💔✍️
ويكتل حيل يفراگ الحنينات
صار الليل اختي عدمن تبات
صار الليل خيه وين تردين
درب النجف كلفه لا تبعدين
اخاف اعليج خيه الدرب مو زين
تانيني اتريضي بضعنج
ــــــــــــــــــــــــــــــــــــــــــ
ظلمه الليل بعد اختج دظلي
ذبيها العبايه وكعدي يمي
ياخيه عليج بداعت امي
ظلي ويانه الليل اظلم
ــــــــــــــــــــــــــــــــــــــ
انا اختج يبعد الروح خيه
انطر كلبي عليج بهل مسيه
لا ترحين وتكطعين بيه
شجاية همي رديلي
ـــــــــــــــــــــــــــــــــــ
لو ثكلت همومي لاختي احجي
انا للغريبه عيب اشكي
بت امي وحنينه وياي تبجي
رديلي بت امي احتاجج
ـــــــــــــــــــــــــــــــــــــــ
أنا بعازتج يختي اكعديلي
وعن ضيم البكلبي ناشديني
انطيني وعد يمته ترديلي
انا بعازه للكعده وياج
ـــــــــــــــــــــــــــــــــــــ
اريد اكعد انه اوياها اشويه
نتسامر سوى بهاي المسيه
واحضنها اخيتي ابين ايديه
وياها اتمنى الكعده
ـــــــــــــــــــــــــــــــــــ
تمت بعون الله تعالئ
بقلمي✍
شاعرة اهل البيت
ام احمد ( البصراويه)
https://t.me/tsgcyg
وعليكم السلام
فزاعيه اومربوعه للاخت
فاطمه تنعى سكينه ع
يامحله اليالي وذيج كعدتنه
شيردها بعد جلمات اخيتنه
.............
عنه حملت ماظن ترد لينه
مر افراكها وبالكلب جاوينه
نريد انشوفها هاليوم مرينه
خالي مجانها واشكبر وحشتنه
.......
مجانج من اشوفنه يبحيني
لاتبطين ردي يابعد عيني
اعاتب يازماني وياك خليني
خذيت الغاليه وبالكلب ونتنه
........
ونينه عليها بروح خلصانه
محلاها الاخت من تكعد ويانه
بتالي الليل نتناكل حجايانه
شرد ذاك الحجي ولذت مسامرنه
........
اريد ابجي عليج بروح مكضيه
لذيذه وضيعتها جلمت الخيه
ابد ماحسبت يوم الافراكيه
تروح ام المحنه وماترد النه
.........
حلوه ايامنه الراحت يبت امي
وين الكه الحنينه لوثكل همي
يعيني الفركتج من الدمع تعمي
بعد بنفوسنه الكعده وتفاركنه
.........
كلمن فاكده حبيبات عينيها
وسكنه وفاطمه بنوح اذكريها
من حمل ضعنها وشال حاديها
كلبي بالديار اينوح خلنه
.......
✍ام زينب كربلاء غير مبري الذمه من ياخذ الكلام وينسبه له او يمسح الاسم
https://t.me/tsgcyg
اصدللدار ...وحشه الدار تعميني
شباب اتروح للونه تخليني
اصد للدار...وحشه الدار تعميني
........... ........
وحشه الدار يمه وما اريدنها
وامچ من عگب عينچ كثر ونها
والفگدت شباب اليوم عازنها
تصيح خلاف عينچ زايد ونيني
................. .........
تصيح خلاف عينچ روحي مالومه
اشم بالشال وانه روحي مهضومه
عليچن يالشباب اليوم مندومه
غرفتچ من اصدها حيل تاذيني
.............. .........
هدومج والصور حطلي الف عله
خل نگعد ييمه الشوگ خنفله
عليه الضيم يمه حيل ما خله
اشم ريحة حنانچ يالتركتيني
.............. .......
اشم ريحة حنانج كل ركن بالبيت
ولو بيدي اروح المگبره سكنيت
ييمه الموت عگبچ يمه تمنيت
ضماچ التراب اشلون تنسيني
.........................
ضماچ التراب وغير رسومچ
وانه ما شفت كل راحه من يومچ
شميت العطر يا يمه بهدومچ
يا زينب اريد الصبر صبريني
.......................................ً........
بقلمي الشاعره الحاجه ام حسين العسكري
زينبيات فاطميات
https://t.me/tsgcyg
حبايبنا لحد هنا يتوقف النشر بسبب انشغالنا بخدمه زوار ابي الاحرار و المجالس نرجع وياكم أن شاء الله الاثنين المقبل ?
? حديث مع نعي..... مجلس الأربعين ▪المقدمة▪ صلى الله عليك يا ابا عبدالله السلام على من غسله دمه والتراب كافوره ونسج الريح أكفانه والقنا الخطي نعشه وفي قلوب من والاااااه قبرُه يا غريب يا مظلوم كربلاء يا بوعلي ويا مسلوب العامه والرداء ياليتنا كنا معكم سادتي…
حديث للمحجوبات
ورجوعهن لدار الحسين ع
➖➖➖➖➖
صلى الله عليك ياسيدي ومولاي
ياغريب الاهل والوطن وغريب الغسل والكفن ياابا عبدالله
تبكيك عيني لالاجل مثوبتا لكنما عيني لاجلك ياحسين باكيه
عظم الله لنا ولكم الاجر ياشيعه ياموالين
حديثنا عن يوم المحجوبات وهواليوم الذي وصلت به العقيله الى مدينة رسول الله صلى
حينما وصل ضعن الهاشميه من كربلاءالى المدينه نادت زينب العليل ع
قالت عمه علي لااريد الدخول للمدينة نهارا
اخشى ان تراني الناس
وتبدء بلسوال عن اخوتي. وعن الحسين ع وانه احتار بلجواب
عمه علي اتركني على ابواب المدينه لليل وبعدها ادخل متستره بظلمة الليل الى بيوت احبابي
دخل الناعي بشر ابن حذلم قبل ضعن العقيله واخذ ينعي الحسين ع بكل ارجاءالمدينه
➖➖الرثاء➖➖➖
ياأهل يثرب لامقام لكم بها
قتل الحسين فادمعي مدرارو
الجسم منه بكربلاءمرمل
والراس منه على القناه يداروو
➖➖➖
يقول الامام السجاد ع
لم تبقى مخدره في بيتهاخرجن للازقه وهن كاشفات الرووس لاطماتن على الحسين وكل اهل المدينه ضجو بلبكاءوبصوت حزين عالي
اي واه. حسيناه. واه غريباه
➖➖➖➖➖
وادخلو زينب الى مدينة الحسين
اه يازينب كيف تحملت الالم والمصيبه
ساعدك الله مولاتي
دخلت زينب على ديار الاحباب راتها خاليه من الاهل من الاحباب
فاخذت تنعى حالها
وحال الفراق
➖➖نعي مع ابوذيات ➖➖
يوكتي من فلك طرك. ودارك
ويريت البين هم صابك ودارك
ارجعت يحسين يبن امي. ودارك
عمتني يلولي ظلمه وخليه
➖➖➖النعي➖➖➖
يخويه حسين بيتك مااريده
اجيت الكم تره وروحي ونيده
ولمكاكم يخال ابني اريده
➖➖➖➖➖
رديت ليكم ياشفيه
رديت بس الهظم بيه
ماكعدو الي اهل الحميه
➖➖➖➖➖
وحينما سمعت العليله بكاء عمتها اسرعت اليها مناشده عمه زينب اين الاحباب
اين الحسين
اين العباس
ولسان حال العليله يقول
➖➖➖➖➖➖
ليش اهلي يزينب مااجوني
وانه من الهظم مخطوف لوني
ويلاه يعمه شو نسوني
➖➖➖➖➖➖
واخذت العليله تعاتب اباها
تكول العليله
اخ بويه يابويه
➖➖➖➖➖
تدري الابو ذخر وتجيه
هيبه يصير عللابنيه
يابوي ليش اكطعت بيه
➖➖➖➖➖➖
عمه انه ابيي ماذكرني
ولاكال منتظره يمرني
واطاه دلاله شمرني
➖➖➖➖➖➖
عمه يزينب وين الاحباب
وين الحياده ونسل الاطياب
لتكولين ظلو جوه الاتراب
➖➖➖➖➖➖
اخذ لسان السيده زينب يقول
راحوهلي واكطعو بينه
ماترجع اعزازي علينه
شيرده الغمضهه الرمل عينه
➖➖➖➖➖➖
عمه الرمل صارالهم اديار
وني يكبره بدمع نثار
اعزازنه ماترد للدار
➖➖➖تمت➖➖
بقلم هديل المياحيه
زيارة السيدة رقية بنت الحسين عليه السلام
السلام عليكِ يا بنت النبي المصطفى ، السلام عليك يا بنت الولي المرتضى ، السلام عليك يا بنت البتول الطاهرة فاطمة الزهراء ، السلام عليك يا بنت خديجة الكبرى ، السلام عليك يا بنت خامس اصحاب الكساء ، السلام عليك يا فلذة كبد المرمل بالدماء ، السلام عليك يا طفلة المقتول ظلما بكربلاء السلام عليك يا مدللة الحسين الشهيد عليه السلام و رحمة الله و بركاته .
السلام عليك يا ربيبة بيت التقى ، السلام عليك يا وليدة دار الاباء ، السلام عليك يا صغيرة ركن الهدى السلام عليك يا شهيدة الحزن و البكاء السلام عليك يا قتيلة الصبر على البلاء السلام عليك يا كثيرة الشجب و النداء و رحمة الله و بركاته
السلام على الباكية الشاكية النادبة ، السلام على الاسيرة المنتحبة السلام على اليتيمة عند الصبا السلام على صاحبة الحزن العظيم لفقدها من هو بها ودود رحيم السلام على ذات القلب الكظيم السلام على ذات العين السكوب و الأنة التي تقطع القلوب بما تضافرت عليها الندوب بما جرى في ارض الكروب و رحمة الله و بركاته
? الرجاء من الاخوة المؤمنين نشر الزيارة الي اكثر عدد من الموالين وجزاكم الله خيرا
الكتب التي يوجد فيها فصل خاص من قصائد السيدة رقية عليها السلام المصادف ٥ صفر
طف الزهراء ج ١٨ ام جعفر الموسوي
الماسي الزينبية ج ١٣ ام زينب كربلاء
زينب والطفوف ج ٢٢ ام حسين العامري
مواجع الطف ج ٨ ام علي الامارة
خيمة الخدام ج ٩ ام هجران العمارجية
يتيمات الطف ج ٢ زينب المالكي
فرسان الطفوف ج ٧ ام محمد الكناني
ظليمة زينب ج ٢ رسول ونورس ورضاب
جامع الاحزان ج ١٤ ام رشا ناصرية
موعد الماتم ج ٥ غدير الحساني
ملاحظة / كل كتاب يحتوي على فصل خاص للسيدة رقية عليها السلام
وليس الكتاب باكمله
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her