للامام الحسن عليه السلام

جسام لابس لامتك... شاله طرحك ضنوتك
نومس عمامه بكربله نومس عمامه
،،،،،،،،،
صوب البقيع اتوجهت زينب اصيح ابدمع
شاله طرحك يلحسن جاسم ابيوم الفزع
من ضل اخيك وحده واعيته صارت تنسمع

وتبشر القاسم صرخ. ولطف ابصوته انفشخ
غيم رعد. غيضه صعد. وعصار زوده من كفخ

اتباهه عمه ابخلفتك... شاله طرحك ضنوتك
نومس عمامه ابكربله نومس عمامه
،،،،،،
اتقلد ابسيفك وجه اويم ابوالاكبر نزل
وگال ياعمي الحسن بيك وصاني ورحل
واني اطلب رخصتك دونك اشمحله الاجل

صاح وتنخه بعلي. وسفه عمي ينولي
بيه نفس. اشحده اليمس. طرف خاجيته وعلي

ايوفي راد اوصيتك... شاله طرحك ضنوتك
نومس عمامه ابكربله نومس عمامه
،،،،،،،،
صاح لمه اومبتشر عمي نفذ مطلبي
اطاني يايمه الامر ورايد اعمامة ابي
بيهه اعتم ورتجز رايح انصر مذهبي

صاح يايمه ابشري. يم الزجيه اتفاخري
ابنج كلف. سبعين الف بحجم شسعي بناضري

وخزرت ابنك خزرتك... شاله طرحك ضنوتك
نومس عمامه ابكربله نومس عمامه
،،،،،،
لبس ثوبك والعمامه اورمله صاحتله ابأمر
امنيتي اشوفك ياحبيبي فارس ابضهرالمهر
اتخيل اگبالي اوتلاعب هذي امنيت العمر

وكض رسنهه مهرته. وهلهلت من شافته
ها يولدي. عوف الردي ذبح الاشاوس وصته

يبني عاشت يمنتك... شاله طرحك ضنوتك
نومس عمامه بكربله مومس عمامه
،،،،،،
يلحسن ريتك تشوفه وحاضر انته هلوضع
من ابوفاضل اجاله وبيده شداله الدرع
وگله ياعمي عليهم خل دربهم ينگطع

اوشاربك گله وغضب. اگطع نفسهم ودرب
هذا الفخر. زته الگمر. شبلك السوح الحرب

وتنومست بيه اخوتك... شاله طرحك ضنوتك
نومس عمامه بكربله نومس عمامه
،،،،
غار والعسكر تمايل ولزلم تنخه بزلم
الحسن طالع عليكم شدولشرده الحزم
ورتجز قاسم عليهم خاف ماعدكم علم

اني يصحاب الفتن. القاسم وشبل الحسن
هاشم زلم. كلهم عزم وحنه للغيره وطن

ولجيش ذكروصولتك... شاله طرحك ضنوتك
نومس عمامه بكربله نومس عمامه
،،،،،
انگطع نعله اوكتايب بيهه ما باله الشهم
استنكف القاسم يقاتل راجل وحافي الجدم
دنگ الشسعه يصلحه وغدرته اشباه الزلم

اتلذذ اموته وهتف. موتتي موتة شرف
موتي ربح. لجل الصلح. والضيم بالدم ينكشف

ضحي للحگ رگبتك... شاله طرحك ضنوتك
نومس عمامه بكربله نومس عمامه

خادم الامام الحسن ع
ثعبان الفرطوسي

يمته صوتك ينسمع يالثارات الضلع
يابوصالح.
يمته نسمع يابوصالح صوت يدوي لسمه
ها انا المهدي انادي يالثارج فاطمه
اكسر الكاسر ضلعهه ولي خدهه لاطمه
حيهم انحشمك عليهم انته راعي الغانمه

ول دفعهه يندفع. يالثارت الضلع

يابوصالح. يابوصالح
......
يمته اشوفن ياامامي واضح اوامرك جلي
ونضر اصحاب السقيفه بنار ثارك تصتلي
اورايه بيدك للروافض بالمعالي تعتلي
اوبيهه كاتبلك عباره لافتى الا علي

وهل السقيفه تنفجع. يالثارات الضلع
يابوصالح. يابوصالح

.....
اباب حيدر يابوصالح ننخه ونحشمك عجل
ضمد اجروح الروافض وحكم اللثام الزعل
وثار فاطم بالضماير باقي وليوم الاجل
افزع افزع ياغيور انحلفك ابراس الفحل

ونته راعيه الفزع. يالثارات الضلع

انعاهدك نبقه ابعزانه وبالشعائر نستمر
نحيي ايام الزجيه بي ضرف مانعتذر
نلطم ونصرخ مصيبه شلون خدهه ينصطر
فاطمه امنه وعليهه نار الضماير تستعر

نهتف ابصوت الدمع يالثارات الضلع
. يابوصالح يابوصالح

...
اهجر اغيابك يغايب بدل الظلمه افجر
اثأر اثأر علنواصب وبتدي ساعة صفر
اشمر الطاغي اعله طاغي خلهه تنصاب ابذعر
والعصر فاطم تحكمه وينعدم لازم عصر

جف الدفعهه ينگطع يالثارات الضلع

يابوصالح. يابوصالح

خادم اهل البيت ع
ثعبان الفرطوسي

خويه يعباس.......انحر ضعنكم
خويه يعباس.......ردن حرمكم
ــــــــــــــــــًـــــــــــــــــــــــــــــــــ
ذني ردلك ثكاله. انهض اوطر الگبر
ونشداصايرعليهن خويه بدروب اليسر
ونضر امتون الفواطم بيهه شمسوي الشمر
اني زينب يخوزينب ليه تنهض انتضر

خويه يعباس.....اگعد لختكم
خويه يعباس.....ردن حرمكم
ــــــــــــــــــــــــــــــــــــــــــــــــ
سكنه تنده يابوفاضل عمي انهض ياشهم
بيدي آثار السلاسل خاف اطيحن تلجم
وراح اگلك هلمصيبه ودري گلبك ينهضم
يصرخ ايزيد ابشماته سكنه خلوهه اتخدم

خويه يعباس......تقبل شيمكم
خويه يعباس.....ردن حرمكم
ــــــــــــــــــــــــــــــــــــــــــــــــــــــ
انه اطلبك ياكفيلي ونته ترفض مطلبي
وگبرك اتفيضه دموعي وبيدي اشيلن معصبي
وانه امانه من الصميده ونته گلت ابشاربي
هسا ماتگعد اليه واني جيت من السبي
خويه يعباس.....وتنخه بيكم
خويه يعباس.....ردن حرمكم
ـــــــــــــــــــــــــــــــــــــــــــــــــــــ
خويه اخبرك بالجرالي ونته نايم بالحد
خويه شفناهه المصايب وبختك الوادم تصد
اووين اخوتج يالعقيله اسمع اهوايه النشد
ليش مايلحگ عليجن هوه مايعرف بعد

خويه يعباس......نشدوني عنكم
خويه يعباس.....ردن حرمكم
ـــــــــــــــــــــــــــــــــــــــــــــــــــ
امشي لحسين اشتكيله يمه اسولفهه المحن
وطلب ابدمعي سماحه طفله ماهي بضعن
ماتت رقيه بالخرابه ودموعي صبن كلمزن
هوه بيهه كلفاني وگلبي ياخويه امتحن

خويه يعباس....اطلب عذركم
خويه يعباس.....ردن حرمكم

ثعبان الفرطوسي

دن ثكاله.. يابوالكفاله
عودن من اليسر
ـــــــــــــــــ
ٲنتهت قصة ٲسرهن والسبي وكته انختم
وردن اضعون الفواطم ردن ابلوعه اولم
عوفه گبرك يابوفاضل ونهض اتلگه الحرم
ضمد اجفوف العقيله. والحبل بيهه ارسم

انحر عيالك. ضعنك اجالك
ونته نايك بالگبر. عودن من اليسر
ــــــــــــــــــــ
علگبر صارت مناحه والدمع فوگه يهل
يلي جينه ابشيمتك رحنه صاحن علهزل
سكنه تصرخ يابوفاضل عمي اذاني الحبل
انخه اني وماتجيني صحتك اوطگني النذل

تنخه اوتعاتب.ويه الاجانب
نمشي تقبل يلگمر ونته نايم بالكبر
ــــــــــــــــــــــــ
صاحن ابشوغه الفواطم احنه جينه من السبي
رحنه اسره يابوفاضل وحنه نسوان النبي
تالي ماتالي حسافه بينه يحدي الاجنبي
والمتن ينزف دمايه وحمره عباس العبي

تقبل شيمكم. طگوحرمكم
ويزمخ اعليهن شمرـ عودن من اليسر
ــــــــــــــــــــــــــ
كزبر الليل الحجيهم والنجم نوره انطفه
زينب اختصت بخوهه محد اوياهم صفه
هيه تشرحله المصايب هو بنوح اكتفه
هزهز الطف من سمعهه اني رحت امجتفه

صاحت يكافل. جفي ابسلاسل
وجفهه ينزف كل كترـ عودن من اليسر
ـــــــــــــــــــــــــــــــــ
المجلسه ايزيد الهظيمه آمر الظالم نطب
وحنه نسوان الصميده والله هلموقف صعب
جاري ماشايف خيالي تالي ادخل علغرب
وبراس ابوالاكبر اشوفه ايصدلي ويزود الضرب

عمداًيناشد. وراسك يشاهد
ياهي ياهي ام الخدرـ عودن من اليسر
ــــــــــــــــــــــــــــ
انتهت فترة عتبهن گلبه يدرن ينهضم
صفن وصاحن سويه يابوفاضل لا تهم
احنه لبواة الصميده والله حيرنه الزلم
ماتهم بينه السياطه. ننكسر صعبه وزحم

طفك نعيده. عذرك نريده
ونلتقى يوم الحشرـ عودن من اليسر

لخادم اهل البيت ثعبان الفرطوسي.

آني راحل ٳيوصي عباس الحسن
يابوفاضل ٳصبح الزينب وطن
بيهه بيهه ٲمطالبك ـ هيه هيه ٲبشاربك
ــــــــــــــــــــــــــــــ
ودع اعياله الحسن جمع ٲخوانه
والليله عمري ينختم اخبرهم انه
صاح عباس استلم زينب امانه
ٳنته كفال و كفو وشايل لوانه

گـِلي حاضر يالله دگلهه الصدر
خويه باﭼر تلتزم هذا الامر
هسه هسه انكاتبك ـ هيه هيه ابشاربك
ـــــــــــــــــــــــــــ
لايمر زينب هظم. مره ٲبعمرهه
وحذر ايمرهه الهوه اله ٲبٲمرهه
بت علي وستر العلي عندك خبرهه
هيه خدره او هيبته ونته ذخرهه

الله رادك. ابخدره انته تكتفل
گدهه شافك. كافل وگول اوفعل
الله الله ٲيراقبك ـ هيه هيه ابشاربك
ـــــــــــــــــــــــ
لوراد ابواليمه السفر وقرر رحيله
المحمل الحره تجي وبيدك تشيله
والعرش خدره تره انته كفيله
اولمك اقره الفاتحه وخذ العقيله

گلهه اصعدي. وحني ظهرك للارض
خويه اشهدي. احمايتج سادس فرض
ادّي ادي واجبك ـ هيه هيه ابشاربك
ـــــــــــــــــــــــــــــ
هايبومحمد يخي جفهه تجيبه
حته عنهه امن ابتعد جفي الضريبه
عدي معلومه تره طفكم قريبه
ورد اشوفن من يصل يم النجيبه

گالت اسمع. اخواني تشهد علحجي
عيني تدمع زحمه ويمرهه البجي
دمعه دمعه اتعاتبك ـ هيه هيه ابشاربك
ــــــــــــــــــــــــ
موقف ايفسره النهر زينب تشوفه
للگمر گام الحسن اوقبل جفوفه
يهمس اگباله ابحجي مدمع حروفه
وگال زينب قدري عنهر ضروفه

دمعه سولف. ايگله جفك ينبتر
يمه يوگوف. تسمع يصيح الشمر
وسفه وسفه ايخاطبك ـ هيه هيه ابشاربك
ــــــــــــــــــــــــــــــــــــــــــــــــــ
لخادم اهل البيت ثعبان الفرطوسي.

صاح حسين رايح وين
مو وكت هذا السفرـ خويه يحزام الظهر
رايح وين رايح وين
ــــــــــــــــــــــــ
الليله ابوالاكبر اجه ايودع الحسن
ايگله ضميتك انه الغدر الزمن
علٲخو اخلاف الاخو غربه الوطن
تستقر عگبك يخي يمي المحن

ترميني ٲسهام. هاي الايّام
وتدري بسهام الدهرـ خويه يحزام الظهر
ــــــــــــــــــــــ
صعبه صعبه فرگتك والله شاهد
ويعني باﭼر هلوكت وحدي گاعد
واني كل عيد ٲعتني وياك اعايد
ٲدور اعيد بالحزن وهمي زايد

يجيني العيد ونته ابعيد
وانه اعيد بالقهرـ خويه يحزام الظهر
ـــــــــــــــــــــــ
يلحسن ضيفك يجي ونته غايب
ونته ضيف المگبره تحت الترايب
راح اخوي وضنوتي بدنيه اعاتب
وعيني لدروبك تصد واني اراقب

جيتك ياحيف صارت بطيف
وماكو نوم وبس سهرـ خويه يحزام الظهر
ـــــــــــــــــــــــ
من الاخو زود الاخو ونته ادره
ولعنده مثلك يلحسن محد يمره
ياخويه اخيك لورحت تحني ظهره
وحده يبقه الدنيته وطف ينطره

دهري ايريد ابقه اوحيد
وبكربله عدك خبرـ خويه يحزام الظهر
ــــــــــــــــــــــــ
تدري بالطف تقترب يمي العساكر
ونصاري كلهه و صحبتي عني تسافر
ونْضر الاكبر وذر تحت الحوافر
اوحته ابوفاضل يگع. وبقه حاير

ويطيح الواي. يم اعداي
ونكسر فوگ النهرـ خويه يحزام الظهر
ـــــــــــــــــــــــ
يلحسن سبعين الف تنْصف اليه
واني ضامي ونصرع فوگ الوطيه
يرفس ابصدري الشمر يصعد عليه
وللبقيع آني التفت ڰبل المنيه

اصرخ صوت گبل الموت
يلحسن ظهري انكسرـ خويه يحزام الظهر
رايح وين. رايح وين
ـــــــــــــــــــــــــــــــــــــــــــــــــــ
لخادم اهل البيت ع ثعبان الفرطوسي.

لسيده رقيه عليها السلام

محتاره و شنهو الراي..يحسين شلون بهاي

طفله وتنشد عنك....... ونته الخيل ايدوسنك

يحسين شلون بهاي
_
ظلمه و العسكر صفن و الليل صوته ينسمع

وطفله تنشد عن ابوها وراس ابوهه منكطع

بيها محتاره العقيله شسوي زينب هالوضع

و تنظر امبلل هدمه ابدم اذنه والدمع

تركض هطفله طيح يا بويه بشوغه اصيح

عنها دموعي ايكلمنك ونته الخيل ايدوسنك
___
تركض وتوكع رقيه تركض وراها ام الخدر

عمه عمه أعله هونج ليشوفج ادكله الشمر

بحباله يجتفه سويه وبصوطه يضرب عظهر

ولسه باقي يالحبيبه الجفه بخدودج اثر

ازرق خدج صار ابثوبج ريحة نار

طلعن هالليله يدورنك ونته الخيل ايدوسنك
____كل ساعه تركض للمعاره ويزمخ أعليه النذل

يرسل الحارس يجيهه يضيگ ابجفه الحبل

يكلهه ايسي من ابوج وجسمه علغبره وصل

ويطلع الخنصر تشوفه وضيع الطفله الامل

يكلهه انداس ابخيل كل حافر منه يشيل

وسفه الخيل ايطشرنك. ونته الخيل ايدوسنك
__
طلعت اعلينه الشمس ورحنه السبينه نستعد

و لشمر لازم رقيه ايعتها ولصوبك يصد

اكبالي شفته بالحبل ابچفهه لناكه يشد

وبناكه راح لمصرعك يراويهه جسمك القصد

شافت صدرك مخسوف موذر جسمك بسيوف

ومن نحرك تسمع ونك ونته الخيل ايدوسنك
_
مشبوحه ضلت عرمح تبجي ساعه وتبتسم

ودكله ترظاهه العزيزه مجتوفه بويه وتنشتم

هلحضه وناكه تعثر. . توگع وخدهه ينصدم

وتصعد بصوط اودفع وبجفهه صوطه ينرسم

يحسين بهاذه الحال ومكلف زينب بعيال

وختك ما خيب ضنك ونته الخيل ايدوسنك
*_

خاد*م رقيه بنت الحسين (ع)
الموفق ثعبان الفرطوسي

مدد مدد ياعلي الاكبر مدد

ياعلي صاح علي ولاح بتاره
عسكر وطاح ولشباح محتاره
حل النياح والصياح بكتاره

تترادم اخيول وزلم شبل السبط لمن نزل
وكلهه تصارخ رجع هذا ابو الحمله وحمل
مدد مدد ياعلي الاكبر مدد
.................
دمدم وغار ولشرار ذلاهه
طبهم اعصار ولكبار بچاهه
صاحو انذار ولسوار هداهه
صاح الهواشم بالحرب نسحك اخشوم الزلم
اورايح اسحكم انه بكيفي اطشنكم ولم
مدد مدد ياعلي الاكبر مدد
..............
احرب الحيد بده يصيد صمصامه
يطوي البيد والبعيد بجدامه
المهرب ابعيد وليريد بعدامه

ماكو شرده ولامفر. بس اليموت ايخلص
وشسعه يسحك عزلم. وبسره داس الكصص
مدد مدد ياعلي الاكبر مدد
..........
ابهيبه وجلال ولامال بحروبه
كبر وصال والبطال مرعوبه
هز الجبال والثگال مطلوبه

يگصد الگدهه اوكفو علي اوچنه علي
ايتمتم ابصوته اوقره ياگاع بيهم زلزلي

مدد مدد ياعلي الاكبر مدد
..............
جلجل الليل والصهيل بالحومه
انزل الويل عللخيل برسومه
هد ابابيل عله الفيل وبيومه

الكعبه چنهه بالخيم وبرهه جيش الشمر
وكلهه تترادم غدت وسيفه يمطر بالحجر

مدد مدد ياعلي الاكبر مدد

ثعبان الفرطوسي

لام البنين ع

طبو امنربع جهات. لسبط صارو حمات
يم البنين. يم البنين

طبوهه اولادج موت صاحو ممنوع الصوت
هزو عسكر كامل
عيت وصار اغبار. والحومه شبت نار
جن بركان اونازل
اربعه اسياد احروب. كل واحد لازم صوب
حيدر جنه اينازل
وناس اتوصي ابناس. ذوله اخوان العباس
نخوتهم عمك فاضل

طبو ابغيره اوثبات. لسبط صارو حمات
.............
هوس عون وصاح. جيبو سيوف ارماح
وانه اعليكم كافي
طلعو اگبالي الحيد. وانه انزله افرد ايد
حتما يشرد حافي
اعيونه اتبچي اعيون. عون وصاير عون
لجل حسين ايوافي
صار ايحاجي الكوم. حنه اندوس اخشوم
خاف اعليكم خافي

خلهه تحجيهه الروات. لسبط صارو حمات

....................
جعفر عاد ابصفين. ايصيح حسين حسين
اشحده اليدنه اجدامه
اخوانه اوگبله انطيح ونخنگ حتى الريح
اليصعد فوگ اخيامه
امفرع جعفر غار. وصاح العسكر ياستار
وكلهه امدنگه الهامه
وتصرج منه اضروس. وشسعه ايدوس الروس
عليهم شد احزامه
يصيح ع الذل مانبات. لسبط صارو حمات

...............
طبهه اوذب رباط وعد عبدالله ازماط
وحي ازماط الساده
سيفه اعليهه ايحوم. اتعنه اثگال الگوم
اتعنه الصوب القاده
فارس فارس گام اعليهه ايصدر اعدام
وحتى الميت عاده
خلفة حيدر والمعروف. ايگطهه اصفوف اصفوف
وماخذ زود اجداده

راوه لجيش الممات لسبط صاروحمات
.........
ضلمه وصارت ليل. ومنهم مات الحيل
وبس الخيل اصاهل
ساعه اوسمعو صوت. الموت الموت الموت
اوطبهه ابروحه الكافل
صاح اوهزهه الگاع. وسيفي ايريد امتاع
ولازم كلهه اتقاتل

صاحوله ابلايه انفاس وموش اولامك يلعباس
الجيش وعدك داخل

وفدوتك هذا الفرات. لسبط صارو حمات
...........

ثعبان الفرطوسي

العليله ع

تعمه العيون لو رحت تعمه العيون
اسكي الضعون اخذني اسكي الضعون
...........
احساس طفله ايناشدك يابو الحساس
وحگ راسك لو رحت ايشيب الراس
بين الشماته والهضم مخنوگه النفاس
وهاي عافوهه اهلهه اسمع الناس

بويه انذبح. لمن اضل وحيده وحيده
بويه انذبح.. عني الاهل بعيده بعيده

هضمتي اتهون عليكم هضمتي اتهون
اسكي الضعون اخذني اسكي الضعون
...............
ترضه يوليني الرعب اني ابأمانك
حك الابوه رايده وحك حنانك
اه يلأبو اه يلأبو خالي مكانك
ايحل عذابي ابهسفر وفقد جنانك

جنه ورحت صرت السهر خليله خليله
جنه ورحت. وانه احتضر عليله عليله

من ترحلون اموتن من ترحلون
اسكي الضعون اخذني اسكي الضعون
..............
عيني تربي اعله الدرب اه يلحباب
وينشد الراح اواجه العنده غياب
حتى الهوه شامت صبح يدفع الباب
الدنيا كلهه لورحت تصبح انياب

عله وهجر. صفن علي اليمه اليمه
عله وهجر وبلاولي هضيمه هضيمه

دنيتي اتخون يبويه دنيتي اتخون
اسكي الضعون اخذني اسكي الضعون
..........
عمي يفتر ع ضعن بويه اشوفه
ونته كل لحضه تجي تلزم جفوفه
احساسي يوحلي تره عشط تعوفه
وعسكر اعليك ايهجم شاهر سيوفه

وحدك تضل عشط يگع عضيدك عضيدك
وحدك تضل عسكر فزع يريدك يريدك

وحدك اشلون تكاون وحدك شلون
اسكي الضعون اخذني اسكي الضعون
..............

توصل اگبالي اوترد چنك ادگول
اوداعت الله يلعيله وسفرتي اطول
راسي هذا يرفع فوك النصول
وجسمي يتگطع وصل حدر الخيول

زينب تجي اتكوم اتعثر غريبه غريبه
زينب تجي وفوگي الشمر مصيبه مصيبه

من يرفسون بيه تجي من يرفسون
اسكي الضعون اخذني اسكي الضعون
.................

يمي ولزينب تصد نضره طويله
جنك ادكله تره اهمومج ثجيله
اني والكافل نگع ونتي الكفيله
عينچ رقيه لاتگع من الهزيله

زينب ترد ليه يگل وجيهه وجيهه
زينب ترد طبع الحبل. بديهه بديهه

اترد الضعون ابلازلم اترد الضعون
اسكي الضعون اخذني اسكي الضعون

ثعبان الفرطوسي