Сердце к сердцу не приковано,
Если хочешь — уходи.
Много счастья уготовано
Тем, кто волен на пути.

Я не плачу, я не жалуюсь,
Мне счастливой не бывать.
Не целуй меня, усталую,-
Смерть придется целовать.

Дни томлений острых прожиты
Вместе с белою зимой.
Отчего же, отчего же ты
Лучше, чем избранник мой?

Пайванд эмас юракка юрак,
Истасанг – кет, йўлингни берсин.
Кулиб боқар бахт-иқбол, бешак,
Ким йўлини танласа эркин.

Арз қилмасман ёш тўкиб ҳеч вақт,
Бахтли бўлмоқ насибам эмас.
Ўпма мени, бу ҳорғин, карахт –
Ғамдийдани ўлим ўпар, бас.

Чексиз азоб кунларин бир-бир
Яшаб ўтдим мен қиши билан.
Бироқ нечун, сен нечун, ахир,
Айт, яхшисан танлаганимдан?

Абдулла ШЕР таржимаси

*  *  *

Кунларингга ғам-қадар кўнса,
Тутиб турмам, кетгин, кета қол.
Кимки агар эркин қуш бўлса,
Кутар уни, албат, бахт-иқбол.

Йиғламасман кечиб ўзимдан,
Маҳкумдирман ёлғиз ўтгали.
Ўпма менинг сўлғин юзимдан, —
Ўлим келар мени ўпгали.

Эзди дилни мубхамлик, фирок;
Ва қиш буйи зерикдик кордан.
Айтгин, айтгин, ниманг яхшироқ
Менинг кўнглим тусаган ёрдан?

Мирпўлат МИРЗО таржимаси

Анна АХМАТОВА

Telegram

TURON

Murojat: @Amriddin\_Sh\_H

Александр Сергеевич ПУШКИН каналига марҳамат!

t.me/A_S_Pushkin_ijodi

Anna AXMATOVA

Abdulla SHER tarjimasida

Zuhra YO’lCHIYEVA o’qidi

Anna Axmatova
Abdulla Sher tarjimasi

t.me/Feruz_Nematullayev

Бу тутқинлик, биласан, азоб,
Ӯлим тилаб яшайман ношод,
Лекин менга Твернинг хароб
Ӯша ери суюк хотирот.

Кӯҳна қудуқ узра ҳавоза,
Тепасида кӯпирган булут,
Далаёқда кичик дарвоза,
Буғдой ҳиди, ғусса беҳудуд.

Эсда ӯша кенгликлар, ғубор,
Бесас эди ҳатто шамоллар
Ва боқарди бизга таънавор
Кун қораятган деҳқон аёллар.

Слепнёво, 1913

Абдулла Шер таржимаси

@Anna_Axmatova

Биз ҳаммамиз бунда шаккок, маст,
Қувонч узоқ биздан нақадар!
Девордаги гулда сайрамас
Булутларни соғинган қушлар.

Қора чубуқ оғзингда, бироқ,
Тутунида унинг сир бордай.
Кӯринай деб яна хипчароқ,
Мен тор юбка кийганман атай.

Ҳамма дарча михланган бунда,
Билмам ташда қишми ё баҳор.
Кӯзинг пусган мушукнинг тунда
Қарашидек ялтирар айёр.

Юрак шундай сиқиларки, оҳ!
Ӯлимними кутяпман бу дам?
Рақсда учган олов қизга боқ,-
Уни кутар бешак жаҳаннам!

Абдулла Шер таржимаси

@Anna_Axmatova

Қӯлим қисди ӯртик остидан...
"Мунча рангинг оппоқ, ӯртоқжон?"
-Бугун уни ишқим дастидан
Ғам майига тӯйдирдим обдон.

Унутмасман. Кетди, ё Худо,
Гандираклаб, гангиб-бир аҳвол...
Учиб тушдим зинадан гӯё,
Дарвозага етдим-у, дарҳол

Мен қичқирдим ҳансираб: "Бари
Ҳазил. Кетсанг-менга ҳаёт йӯқ".
Сал титради қонсиз лаблари:
"Қарши турма шамолга, совуқ".

Абдулла Шер таржимаси

@Anna_Axmatova

У СЕВАРДИ

Севар эди дунёда уч нарсани у:
Қоронғуда куй тинглаш, оппоқ товус-у,
Американинг сийқа харитасини,
Ёқтирмасди болалар йиғисин асти,
Маймунжонли чойни ҳам жини суймасди,
Чилдолмасди аёллар жазавасига...
Мен эса ӯшанинг хотини эдим.

Абдулла Шер таржимаси

@Anna_Axmatova

Анна Ахматова, 1924.