Ma’rifat ulashib...

Toshkent axorot texnologiyalari universitetida “Ma’rifat ulashib” loyihasi doirasida shoir va adabiyotshunoslar bilan otkazilgan uchrashuvlar talabalarda katta qiziqish uygotdi.
Loyihaning bu galgi mehmon-ijodkorlari:
To‘lqin Eshbek – O‘zbekiston yozuvchilar uyushmasi a’zosi, Ma’naviyat fidoyisi, jurnalist, shoir, “Oltin qalam” milliy mukofoti sohibi;
Rahmon Qo‘chqor – O‘zbekiston yozuvchilar uyushmasi a’zosi, “Xalq ta’limi a’lochisi”, ssenarist, “Yilning eng faol ma’naviyat targ‘ibotchisi” ko‘rik-tanlovining g‘olibi;
Suvon Meli – Olim, munaqqid, nazariyotchi, O‘zbekiston yozuvchilar uyushmasi a’zosi.
Dastlab mehmonlar universitet talabalar turar joyi, o‘quv auditoriyalari va kutubxona bilan batafsil tanishdilar. Shundan so‘ng adiblar “Faollar zali”da talabalar bilan muloqot olib bordi va o‘z ijodlaridan namunalar keltirib o‘tdi.
Uchrashuv davomida ijodkorlarimizning ijod va ilm yo'llari haqida batafsil ma'lumotlar berildi, ularning ijodidan eng sara durdonalar va ularning hayot saboqlari tinglandi.

Axborot xizmati

Таниқли шоир Тўлқин Эшбек ўз қишлоғидаги мактабда

Самарқанд вилояти Иштихон туманидаги 7-умумтаълим мактаби директори Қундуз Ғаниева иқтидорли ўқувчиларини "Ҳуррият" газетасига ошно этмоқда.
- Биз ҳам мазкур газетада ёритилган "Телефонсиз кун" акциясига қўшиламиз,- дейди у сермулоҳазалик билан.- Телефондан йироқ ўқувчи китобга кўпроқ меҳр қўяди.

https://t.me/ishtixontadbirlarsuratlar

Изоҳларини кечқурун қўяман.

ЖАДИДЛАР МАКТАБИ
“...Бу ғафлат уйқусидин, эй ёронлар, уйғониб бўлмас”.
Бобораҳим Машраб

Машрабнинг армони – ғафлат уйқуси
Чирмаган1 юртларда бўлгани сарсон.
Йил-йилдан баттардир, дегани каби
Замонсозлиқ бўлган катта ваъж-корсон.
Пиру муридликнинг ўргамчак тўри
Ўрта Осиёни олганди қоплаб.
Бир пирдан воз кечиб кетар онида,
Ўчини оларди шеърида боплаб.
Бир ёруғлиқ топмай хориж юртларда,
Наманганга қайтмоқ ният қиларди.
Ғафлат қўшиб эмган она сутлардан,
Халқ бир кун уйғонар дея биларди.
Шундай кунлар келди юз йиллар ўтиб,
Муқимий ва Фурқат, Махмур ва Завқий:
Халқ яшар ҳурликнинг байроғин тутиб,
Бўйнидан олинса гар ғафлат тавқи.
Шаккокдек туюлган илк жадидчилар,
Ғафлат шифосини кўрди урфонда.
Уйғониш еллари эса бошлади,
Ғафлат танда қўйган Қўҳна Туронда.
Исҳоқхон Ибрату, сўнг Сўфизода
Машрабдек юртма-юрт бўлдилар сайёр:
Дедилар риёзат чекмай илмда,
Тараққиёт келмас ўлкага тайёр.
Мусофир бўлмайин мўмин бўлмассан,
Кўриш бир бошқадир, эшитмоқ – ўзга.
Ўлкага ислоҳот олиб кирмоқ шарт,
Зеб бериш-ла умр ўтмасин сўзга.
Ишлаш они келди, уйғон, эй Турон,
Елпуғич ўрнида газет ол қўлга.
Шу ҳолда солдилар улар илк изни
Ислоҳот аталган суронли йўлга.
Ислоҳот сабабли кўп хориж эллар
Киришганди илм-фанда ўзмоққа.
Ғафлат уйқусини қувган бу ёшлар,
Бошлади жадидий мактаб тузмоққа.

Исҳоқхон Ибратнинг Тўрақўрғонда
Очган мактабининг донги таралди.
Унинг ҳовлисида тошбосма дастгоҳ,
Иш бошлаб, ноширлар уйи яралди.
Сўфизода олис Хоразм ёқда,
Жадид мактабида дарс берар эди.
Ишлар эди ҳатто текин бўлса ҳам,
Новвойлар нонини қарз берар эди.
Бухорода Фитрат, Файзулла Хўжа,
Самарқанд пешвоси домла Беҳбудий,
Ёшларни илмли қилмоқ қасдида
Сафарбар қиларди топган бор-будин.
Мунаввар қорининг мактаблари ҳам,
Бирдай очиқ эди бой-у юпунга.
Кутиб олар эди ёш толибларни,
Совқотганин ўраб иситар тўнга.
Жадид боболарнинг умиди – ёшлар:
Шулар эрта кунни этгуси обод.
Илмни қўлига қурол қилганча,
Жаҳолат қўрғонин этгайлар барбод:
Илмга интилган ёришгай нурдан,
Қонга қоришгандир кўтарган ғазот.
Илм ила ҳурликка очажакмиз йўл,
Илм ила Туронни қилгаймиз озод.

Илм ила Туронни айлаймиз обод!

Тўлқин ЭШБЕК
2024 йил

Азиз "Маърифат" тарғиботчилари жамияти аъзолари, қадрли профессор-ўқитувчи ҳамкасблар!
Ўзбекистон Республикасининг Конституцияси (Янги таҳрири) мазмун-моҳиятини кенг жамоатчиликка теран таҳлил ила тушунтиришда ушбу слайддан самарали фойдаланишингиз мумкин!

Ўзбекистон Ёзувчилар уюшмасининг Зоминдаги (НКМК) оромгоҳида таниқли шоиралар Хосият Бобомуродова, Дилбар Ҳайдар қизи ва бошқалар "Болаликка қайтиб" лойиҳаси доирасида болажонлар майдончасида мириқиб хордик чиқаришмоқда.
2021 йил август

https://www.youtube.com/watch?v=nyJkmIzkVQA