يمدلل متت من دفعو  الباب
وكاروكك حلم مو للحد جاي
وبسمار الخشب يوليدي جذاب
سلب مني حلاتك ردتك احذاي

تمنيت اكللك دللول
تسمعها محسن موش مجتول
ومحضره الك كلشي ي مدلول

ردتك ألي.. مو تنولي
يل محسن ومني رحت
زغير الولد..ردته بمهد
مو للكبر يبني صرت

محسن.. يلعفت عيني.. وحزني وونيني.. ييمه
محسن.. يا جرح گلبي.. ويا بعد تعبي. ييمه
........................................
وضعتك عل ثره يل محسن وليدي
تمنيت اتكبر وبعيني شوفك شاب
بكت مني جروحي وبكت هم حيلي
كلها تنطر اعيونك بسمار الجرح سلاب

منتضرتك انه والحسين
عوف الجفه مو ذبلت العين
جاوين رايح كلي جا وين

صوت وحزن.. جرح الحضن
وحضني يريد ايضمك
شني الجره... وانه مره
وحسين بيده يشمك

محسن.. لحسين يبجيلك.. بدمعه لوليلك. يريدك
محسن.. لحسين يتمنه.. عطرگ يشمه.. ويشيلك
......................................................
بده مصابي بحزن وبلباب حل موتك
ومكسوره ضلع وبل الروح شايلتك
بصياره الولد يحجي وانته الما طلع صوتك
و  در صدري الك واتمنه راضعتك

تمنيته يگبر ويه تعبي
وبس قد الله وزاد حزني
وكلبي انترس شوغات لبني

شوغت حلم.. طيف ورسم
تمنيته يلفض يمهه
وانه شريد.. صوته أريد
يحجيهه من كل كلبه

محسن.. انه تعبانه.. بجفاك لحنانه.. يمه
محسن.. المهد طايح.. للگبر  رايح.. يمه
.................................................
اخوتك والجفه والوعه گتلتني
ومن موتك احسن يبدي امصابي
اخاف اعليكم انه الموت لاحگني
من جرح الحزن ضميتله احزاني

يردونك الخوان يردون
عون الهم يصيرولك عون
وبل شده تفزع من يهدون

باجر اخو.. بصحن العدو
يتسمم وكلبه انجرح
وباجر ذبح.. وحته الجرح
يلجم احسينك ونذبح

محسن.. زينب وحيده.. والشمر بيده.. يطگها
محسن.. حركو اخيمها.. ولا اخو يمها.. يردها

.....................................
حيدر صلال. ✍️

الهدت حيلي جسمه صاير اسهام
ولكيته عل وجه مكلوب نومه
اخاف لو اجيسنك يل حسين
يفز بيك الجرح مابيك كومه

نايم ومكلوب نوم العافيه
جيتك بحزني وكصدك حافيه
يا حنيني و يبو سوالف دافيه
كوم انهض كوم حركوها الخيم..

من اجيتك منكطع حته الونين
وكمت اثغب يا حسين ويا حسين
كوم شوف ايتامك ابلايه معين
التركض يطكوها ويزيد الالم..؟

تعبان تريد تكوم بس مابيك تعبان
تعبان بحوافر خيلهم خلوك عطشان؟
....................................................
امشي والتفت هلبت يكوم احسين
واعرف حيل صعبة لمنذبح نحره
الم بروحي بلكت ترجع الميتين
وارجع وانكسر وبكلبي الف عبره

كلي يا صوت ليرجعك للخيام
وماكو فيي وباجر بهيمه ننام
عكب نورك هسه دربي بس ضلام
ول عطاشه تريد ملكه اعيونك...

مانريده الماي عطشانين ليك
التركض يطكوها لو رادت تجيك
والخيول معصبه تسحك عليك
و ال يتامه حتارو و يردونك...

كوم يجوي نحرك هوه السموم كوم
كوم موش ولام كدرك خويه هل نوم
..................................................
هيه ركضه وفوك تله حلي طاح
وانكسرلك من اشوفك من بعيد
دمعي وشلها البواجي وصوتي بان
و الجبيره محدبه اعيونك تريد

فكلي عينك من اجيلك لا اموت
من كثر ما صيحت ما عدي صوت
ترضه وبنص خيمتي العسكر يفوت
يفرهد الخيمه ويشب نيرانه...

شبت النار وحرك صيواني
يلله ياموت وعلي شمتاني
طاح الحسين بفزع عافاني
والهضيمه اركض وحيرانه..

نار حركت هل خيم شيطفي هل نار
نار وجت بل فله ومراكض اصغار
....................................................
تخلص ما اضن و ألايام ادروب
وباجر عل ناكه تصير غربتنه
تعب حته الرمح كد ما يعلك روس
وفوك ارماح صاير ضوه شمعتنه

شكثر تانيتك تكوم وما كمت
حضروها النوك ياخويه وصحت
منو ليبقه حذاك لو انه رحت
والمصيبه لشامهم كصدوني..

باجر اختك تفتر ابين القصور
وخلص شوفي من اباوع للنحور
كلبي عطشان وتره ناره تفور
يا حريمه بنصهم يعوفوني..

طاح دلالي وهيبتي وللوه هم طاح
طاح كلشي بزينبك ولأاسم هل راح
..............................................
حيدر صلال ✍️

عطاشنه خوه وملكة
والحيل مني اتبده
محتاجه اشوف اعيونك
فراك شوف اشسوه

بين الرمح ول الناكه.. بدرب اليسر مشتاكه
وشمس الدرب حراكه.. حسين

لهفانه أريدن عينك... كلبي انكسر جا وينك
واكعد وأغطي اجبينك.. حسين

ردتك تشوف خويه عيالك
بذيج الطفوف خويه شجرالك
نمت برغيد خويه وعفتني
وحال السياط غغير يتامك

حسين خويه حسين..
.......  ...............................
حيرانه اسولف للكلب
بسك معاتب كافي
ياكلبي لحسين انذبح
ومالت عليه اجتافي

بسك تدك اه يل كلب... كطع ونينك بل درب.
أيس تره يرجع صعب... حسين

بكل دكه اتذكر رسم.. جان شحلاته ومبتسم
وهسه بقه بس بل حلم.. حسين

كون الحلم ياخذني يمه
حته بأدي امسحله دمه
لخاطر اخت مكسوره خاطر
وكلبي بحزن رايد يضمه

حسين خويه حسين..
.................................................
كلهن يدكن بل جرح
وزاد الجرح بعتابهم
يكلولي ماعدجن اخو
يغث بل سوالف شامهم

سوالفهم تسوالف حقد .. عفتك رميه ومبتعد
عيوني الك صارن رمد .. حسين

ي تضاحكون ابجيتي.. يعرفون حته بكسرتي
جا بيش أصبر حسرتني.. حسين

بين الغرب ملاكانه صاير
وين الرذي وعلينه داير
اسمع طبل ومضاحك الناس
وصوت الهلال لينه عابر

حسين خويه حسين..
...................................................
المشتاك لازم ينذكر
وعطشانه  انه لعيونك
ذبلت ارسومي يل اخو
وحيرانه روحي بدونك

ابجيلك اعيون وجرح.. وراسك هذاك عل رمح
نهيبه ورحت مني بذبح.. حسين

فركاك أكبر من هذن.. مالت امتوني ونحنن
ونسوانك ابسوك ومشن.. حسين

سَوك وشتم وناكه كزله
صوت وركص ولكلفه غربه
بيدي الحبل والحادي جره
امشي بهضم يبن امي صعبه

حسين خويه حسين..
......
حيدر صلال ✍️✍️

وسفه عل الذي مجتول
طايح وكلب معلول
يوميلي وكصدت الجول
رحتله بتعب كلبي والضهر مشلول

جرحك ينزف وهضمه
وشيصبرك يبو اليمه
عليك الكوم ملتمه.. ياشيبي وعزيز اختك
وطايح طولك الهيبه
على اختك هاي لمصيبه
صاحو زينب ياغريبه.. موذر يل نفل شفتك
.......................................................
الهاضم كلبي صدرك ليش
معبر لل خيول وجيش
يبن امي صحت يحسين
العدو يطلبوك خويه بيش

علطولك منجرح كلفه
يا خويه وعلي وسفه
واصل للخيم نزفه ... يا عزي وبعد بزري
اعاتب والعتب ردته
وكلبي اعليك صارحته
كتله حسيني ما عفته.. يحسين انوله خدري
.....................................................
الكاسرني وكسر مكفاي
وسفه عليك اه يل ماي
ابن امي نذبح عطشان
ذاك الجان اليه افياي

طاحت خيمتي ولواي
وذاك الجان دوم احذاي
فكدته وضعيتلي افياي .. ياخوي الفكد جتال
حنانك رافكاني وجاي
جايبلك اشويت ماي
ماي اعيوني راد الرأي .. باكنك سويف انذال
.......................................................
اصيحن لا يخويه حسين
جابو نوكهم ما شين
اريد ابقه واغازل بيك
يوم جفاگ جنه أسنين

أحاجيك وتباوع كون
ام عون ادور عل عون
ذبلت والبواجي اعيون.. يحسين ونفذ صبري
هدله عليك ذيج متون
واذكر من كلتلي اتهون
ما حسبالي من تمشون.. محد يرجع لخدري

حيدر صلال ✍️

خطوه خطوه وجيت يمك
بويه الأكبر فدوه ارمش
تعبتني اهوايه امك
وطر دليلي عليك كلش

من جيتك يلب احشاي
لكيتك سابح ابدمك
يوليدي يروح اضناي
حرت ومنين اشمنك
يل باكك لذيذ الماي.. يوليدي؟

جا ما تحجي وياي.. خطيه حسينك هواي
يريدك ترجع وياه.. لخيام العقيله

نكسر كلبه وبده يشيب
وبدن خطواته اتخيب
وب كلبه بده انحيب.. يل لأكبر
.......................................................
عثره عثره وكوه اجيته
و وصلت ليه وطحت
حشمت بيه و نخيته
يل مدلل صيحت؟

بيا بويه تنهض وتكوم
وحسين انكسر ضهره
و ملتمه عليه الكوم
تخنك ضمت الحسره
بس مادري بيه الوم... يوليدي؟

جا ماتحجي وياي.. خطيه حسينك هواي
اجاك بحيل تعبان.. وبعيونه المنيه

اضم جرحك بل عيون
وأبد ما اطبك اجفون
هدله عليك المتون... يل الأكبر
......................................................
حسره حسره وشكل لمك
علي بويه اطيني حل
فكلي عينك بويه وانهض
كلي بويه وحته اضل

فك عينك تره حسينك
يريدك ترجع لمك
ابوك و يسمع اونينك
ناغاك ومسح دمك
حشم صاحلك وينك.. يوليدي

ادري اعاتبي ما فاد.. بس انه ردت عاد
تكعد تنهض وياي.. وتسمعني صوتك

بويه تسمع الصوت
لو باكاك هل موت
وماكو عليك تابوت؟.. يل الأكبر
.......................................................
جمره جمره سهم فكدت
شلتك وكاصد خيم
وجان اخر صوت احشمك
تضحك عليه الزلم

من جبتك لحد ليله
طاحت ولورد ذبلان
تدري اب أمك احنينه
ويا وسفه ومتت عطشان
انهض بويه حاجينه..يوليدي

انهض بويه يضناي.. وسفه وباكك الماي
يا هضمه الدللول... ماتت ويه صوتك

جرحي صار جرحين
عبد الله ول لحنين
طرو كلبي طرين... يا هضميه؟

حيدر صلال ✍️

رايح كل دلالي؟
.......................................................
بل بر ليل مرني وسحك الخيول
صياح وخوف واسمع صوت ألايتام
تتباجه اليتامى تصيح وين حسين
حسين نذبح هوه وأخ الايام

صرت الغريبه وكلبي مهموم
يا حيد كلشي عليك مهدوم
يا وسفه من الماي محروم.. خويه

يبن امي كوم ورد للخيام
وليونه وليه هاي الازلام
وباجر رقيه ابهيمه اتنام.. خويه

اجتنه الخيل يحسين.. حرنه نركض لوين
ياخويه وعلي نحير.. لو ما تفزع النه

باجر نوك وسياط.. وهضيمه ضايع اكماط
وباجر وبدرب شام.. رايح كل ضعنه
....................................
اسهام وخيل واشكف انه من اسياط
هواي جروحه ياوسفه وكلفهن مكطع انياط
ثكلت مشيتيِ عل حسين وموسد علتربان
شلم ايتامه لو لمه لو دورلي ثوب كماط

يا دوه لي يرهملك يمجتول
مسلوله روحي وكلبي مسلول
طاحن اعيوني وضهري معلول.. خويه

يحسين كلي ابيش اباريك
ولا اكو دوه وحته اداويك
وحسبتك ابني وجاي اناغيك.. خويه

ناغيتك بجملت دللول.. بلكي تفز يمجتول
لخاطر زينبك كوم... كوم ارجع يلجبير

سياط ونار وخيول.. وبنص خيمتي تجول
لو ما ترجع وياي.. ايتامك تره تحير
..................................................
فوك التله صحتك كوم خويه حسين
حركو خيمتي خويه ولاكو ناصر ولا معين
مدري بيا حسين اتكوم يبن امي
وتشاهد هل عدو فازعلي ابصوبين

هلبت يردك صوت ألايتام
ويرجع حنانك وذيج الايام
يحسين وسفه اطيح الخيام.. خويه

مشتاكه كلش رايده اعيون
لبجيك مثل الفاكد العون
يبن امي ولله هدله المتون.. خويه

مالت بينه الايام... وباجر ندخل الشام
لو تنهض حسين..نصبح غريبات

بشتايم ندخل بسوك.. ومعرجه خويه هل نوك
خلصت خويه يحسين.. اصبحنه سبيات
.....................................................
العاف أخيه عل الترب أصبح غريب
ويكضي ليله معاتب ويكثر نحيب
العاف خله مكطع وصاير وذر
هني نوم العافيه ويمه حبيب؟

هل كلب ما مقتنع رايح
يحسين كلبي كله صايح
لكسرتني فوك الثره طايح.. خويه

ادربيك انت موش مرتاح
فركتك خويه توجع اصفاح
لا فاد بينه العتب لا نياح... خويه

عكب الدلال وذاك.. ويا وسفه طاح اللواك
عكب الخيم وحسين.. بخرايب انام

حشمت بس مافاد.. امر الله هاذ وراد
ننسبي ابديره شام.. يا وسفه عل ايام

حيدر صلال ✍️

دخيل الساقي
.......................................................
بطلً داس روؤس الاشقياء
يحصد الأرواح يفعل مايشاء
هاشميً النسل من أطهر نسب
اغرق الهيجاءُ بحرآ بل دماء

نزل نزل ودخيل اعيونه
نزل نزل كلهم يهابونه

نزل نزل يا محله الرايه
نزل نزل بيرغ الوفايه

بو فاضل شهم كلف راواهم ويل
ركضهم زحف تره صاحوله دخيل
بن حيدر علي الفحل من عده الحيل

يا كلف يمعتبر.. ابو فاضل
ياشهم ياهزبر.. ابو فاضل
.......................................................
أسدً غار عليهم بل نزال
ساحقآ فوقَ جماجمَ الرجال
معلم ادروس المعارك من ابوه
الجيش ضل ابحيره بؤقت القتال

حمل حمل بل حومه متبختر
حمل حمل وبسيفه ضل بيتر

حمل حمل حي الله بوضل
حمل حمل ويدور العايل

طك عرج المعدل وتبختر الكوم
يازين ابو فاضل يازين العلوم
ماخذهم ابحيله ونازل غضب دوم

يا شجاع الحومه...ابو فاضل
العاليات اعلومه.. ابو فاضل
....................................................
ضيغمً كل قارعة ليث الحراب
صاعد الشكره اجاهم كل سراب
شد لثامه وجن علي توسط الكوم
حي ابو فاضل حمل شده النكاب

شهم شهم صاعدله كحيله
شهم شهم يمعدل الميله

شهم شهم معلم بل عركه
شهم شهم توجعهم طكته

دايسهم القاده وما همته اسباع
من كد ما أخذ حيفه ما شالتها الكاع
يبتر ركب سيفه وبجفه قعقاع

يا حلات اعيونك.. ابو فاضل
الساقي يسمونك.. ابو فاضل
......................................................
تضهضب العباس هد كل قارعة
ابن ذيج الحره طاهر مرضعه
كالب العسكر ابن فحل الفحول
دكله ثايه وصار يوم الواقعه

كلف كلف.. فتاك الزلم
كلف كلف.. اي ولله ونعم

كلف كلف..بل عركه كوي
كلف كلف.. يلويهم لوي

مبهذلهم العسكر ركضهم ازحوف
العسكر بقه بحيره وجن حيدر يشوف
دخيلك كمر هاشم ودخيل الجفوف

يادخيل جفوفك.. ابو فاضل
ضيغم يسمونك.. ابو فاضل

حيدر صلال ✍️

هضم مولاتي الرباب
.......................................................
لا تلوليله الرمح خافن يفز
عبد متعلم الوليله ابمهد
هسه فوك رماح ناغيته وصحت
عبد يمه فدوه اكعد يل ولد

شاءلله وتفاركنه. ورمحك هاذه كدامي
يبني ياجبير الحيل.. ضاعت بعدك ايامي

ونين احسين عذبني
موتك يمه دولبني
عيوني اتريدك وحضني.. يعبد الله
................................
نام نوم العافيه وباكك سهم
يلزغير انته مو مالت حرب
حضني رادك يمه رادك يلولد
وسفه ابني مصوب بسهم الغرب

مثلث نابت ابمنحر.. يصغيرون يوليدي
راد شويه شرب الماي.. يل باكوك من ايدي

تعال بداعتك يرباي
ماحنو ابكطرت ماي
ما صح للعطش وفاي.. يبعد الله
.......................................................
صفكت ايدي يبني يوليدي بهضم
وعاينت واحد اجه وبيده الرمح
خله راسك يمه عبدلله وطحت
شلون رهم راسك الما ينذبح

باكوك بحقد مني.. يعبد الله يعبد الله
خافن يلجم نحرك.. وانه الفضلك اسم الله

صاير عل رمح نيشان
ذابل رسمك ونحلان
ميت منذبح عطشان.. يوليدي

.......................................................
شأباري اعيونك الحلوه ومتت يمه
دليلي أصبح يغثه الشوف يوليدي
من كد ما شفتك راسك عله الارماح
انطر كلبي يمه عليك يا حيدي

يوليدي العطش جذاب.. باكك يمه من عيني
يزغير يجنك عيد.. فدوه ارجعلي يا حيلي

عبد الله يروح امك
فز وخل اشمنك
وامسح الك الك دمك... يعبد الله

✍️
حيدر صلال

محدبه بيا علي وجريت الانفاس
ومحتركه الخيم نندب يعباس
الما يركض يخويه ابخيل ينداس

فزعولي لحكو عل الضعن
ضل يركض وبل حومه....

......................................................
يا جرح الفكد يمشيب الحيل
ياشيخ الهواشم سحكتك خيل
كوم انهض يخويه المدمع يسيل

الف وتسعميه جرح
وفوك التراب النومه.....
....................................................
يمعتر يخويه وجايه احذاك
متعوبه وجبيره ورايده انعاك
لكسر ضهرك و طحيت اللواك

ذاك اللوه جان الستر
متعيني مكسور الضهر

......................................................
عاتبنه شكثر بس ماكو كل صوت
يبن امي وعلي تمنيته هل موت
وسفه بنص خيمه لارجاس تفوت

سلبو تره حته الخيم
وباكو ادلال الكافل

حيدر صلال ✍️