سالوفة صغيرة

كل ما اطب ببداية السنة للقاعات الي اخذهم اگلهم لازم تتحملون ضغطنا وضغط فترة الامتحانات اليومية والاسبوعية والمركزية حتى تتحملون اي ضرف و ضغط خارجي اذا صار بالوزاري

والامر الثاني : نصف السنة مو مقياااااااااس مو مقياااااس اني دوم اگول لطلابي (اخطأ) بنص السنة واعرف الخطأ هسا احسن من ما تخطأ بعدين

ادري بيكم ابطال و مقاومين و رفعة راس ان شاء الله استمرو بعطائكم والله يسهل اموركم

اخوكم : عماد الزهيري

11/1/2024

امتحان نصف السنة رسمياً ….

#لكل_جواد_كبوة. (او نقول) #كبوة_جواد **مثل عربي قديم كان يُطلق على الشخص صاحب الذكاء والهمة والنشاط وذي الصفات المميزة في عمله وتعامله حين يحصل معه عكس ما كان يتوقع، وشُبه صاحب المثل هنا بالجواد لأصالته، فهذا ينم عن صلاحه وعلو شأنه. حيث اقترن الجواد بالفارس بثقافتنا العربية

جميعكم ذون شأن عالي عند استاذكم واذا ما حدث خطأ بسبب معين او بأخر فانها ليست بنهاية العالم_ بل جميعكم فرسان وسيكون للفارس صولات وجولات في ساحة (الوزاري)

عسى ان اراكم وقد تحققت احلامكم في قادم الايام و صنعتم لحظات المجد والفرح والفخر#اخوكم_ عماد الزهيري#حروفيون????**

تنويه

احبائي حروفيون ((الامتحان المركزي الثاني)) من البداية الى الحث المتبادل ومابعده غير داخل (المجالات والتطبيقات واسئلة نهاية الفصل ) جميعها غير داخلة ✅✅

مع خالص دعائي لكم بالتوفيق وكسب الدرجات الكاملة ولكل شُعب وقاعات حروف ان شاء الله

في النهاية جميعكم طلابنا الابطال ومن نفتخر بهم?? قريباً بأذنه تعالى ??

اخوكم

طلابي واحبابي في مدارس حروف الاهلية ??

الامتحان المركزي هو فرصة لأثبات السيطرة على المادة و ردة فعل لكسب المعلومة فأغتنمو فرصة هذا الامتحان بالدرجات الكاملة التامة و اجعلو منها منطلق نحو فصول اخرى مسيطراً عليها ان شاء الله
كلي امل بكم انكم تجتازون هذا الامتحان #بأقتدار

اخوكم استاذ عماد

تنويه
امتحان كل شُعبي الثلاثاء ان شاء الله

احبابي كل طلاب السادس

باچر إن شاء الله موعدنا مع اكبر حملة
مراجعة فعلية لمادة الفيزياء

للدور الثاني

نظمو وقتكم ويانا وراح تستفادون فائدة عظيمة

اوراقكم واقلامكم وملزمة الوزاري يمكم
ونبلش ساعة 10 الصبح

#نهكرها_سوا??

ها همزين مانسيت
عدنا امتحان يومياً?
وعدنا امتحان شامل?

كونوا على الموعد

#الدور_الثاني_مو_عيب

برغم ضخامة المادة و التعطيل الاجباري لمدة اسبوعين للانتخابات والوعود الكاذبة بتكيف المنهج مروراً بالجو الحار والقاعات السيئة و اشكال الوان الضروف اكو طلاب جاهدت حتى تخلي بصمة في امتحان الوزاري وخصوصاً طلاب الدور #الثاني الي كل احنا ننتظر فرحة معدلهم - طلاب الدور الثاني طلاب مجتهدين صارت عدهم ضروف وماكملو الامتحان _ طلاب الدور الثاني لان يفكرون بمعدلات مو بس بنجاح اجلو للدور الثاني _ الدور الثاني مو عيب الدور الثاني فرصة الطلاب الابطال الي راح يعرفون شلون يستثمروها __ قلوبنا و دعواتنا الكم ووياكم واكيد فخرنا بيكم لا ينتهي

وحتى اكمل رسالتي وياكم قريباً برنامج مراجعة في قناتي لكل الطلاب بمادة الفيزياء لطلاب الدور الثاني ونرجع نضبطها والا _100 بحيل الله

اخوكم :إ. عماد الزهيري

كل ذولة الطلاب ????وبعد هواي منهم كلش هواي .. عبرو مرحلة السادس وطلعو اعلى المعدلات وفرحو اهلهم واساتذتهم

اليوم الدور عليكم تفرحونا احنا واهلكم وتكتبون امجاد عوائلكم ??