Kanalimizin Butun Xanimlarin 8mart Munasibeti ile Tebrik Edirem ?

Instagram çökdü ?

Bəlkə də, insanları deyil, onlara yüklədiyimiz mənanı sevirik. Onlarda gördüyümüz o obrazı sevirik. İnsanları tanımadıqca bizim diqqətimizi çəkirlər, sonra o insanları sevdiyimizi düşünürük, onları həqiqətən tanımağa başladıqda isə onların dəyişdiyini düşünüb "dəyişmisən, bu deyildin sən" söyləyirik. Əslində isə, o insanlar həmişə elə idi, sadəcə biz onları "dəyişdiyini" düşündüyümüz zaman əsl mənlərini tanımağa başlamış oluruq. Sonra darıxırıq, darıxdığımız isə onlara yüklədiyimiz o məna, onların gözümüzdəki o ilkin mükəmməl xarakterləri olur. Darıxdığımız şey əslində heç var olmayan bir xarakter, heç var olmayan bir insan olur.

Bəzi hislərin təkrarı olmadığını düşünürəm, məncə birinə qarşı hiss etdiyimiz sevginin eynisini başqasına hiss edə bilmərik, insanlar həyatımızdan çıxdıqdan sonra onların boşluğunu bir başqasıyla doldura bilmərik, yeni insanı həyatımızda yeni bir yerə qoya bilərik, həyatımızın yeni bir səhifəsinə yaza bilərik, amma yazıdan dolmuş vərəqə istəsək də yeni şeylər yaza bilmərik, o vərəqi də qaralamış olarıq,hərflər də oxunulmaz olar. Məncə "İnsanlar əvəzedilməz deyil" sözü çox zaman yanlışdır, çünki biz həyatımıza aldığımız insanı bəzən başqasının yerinə qoyduğumuzu düşünürük, amma əslində o yeri sadəcə o insanların özü doldura bilər. Düşünürəm ki həyatımızda olan ən pis insanı belə əvəz edəcək dərəcədə biri olmur. Ən pisindən, ən yaxşısına insanlar bir-birinin eynisi ola bilmir, birinə hiss etdiyimiz nifrəti də, sevgini də eyni dərəcədə kiməsə hiss edə bilmərik, ya daha çoxunu, ya daha azını hiss edərik, bənzəri də ola bilər, hətta gözümüzə eyni görünə bilər, amma eynisi olmaz. Məncə bəzi insanlar həyatımızda, həqiqətən əvəzedilməz olur, yaratdığı boşluqları isə yalnız özləriylə doldurula bilir, bəzən isə qarşımızdakı insan eyni olsa da, hislərimiz eyni olmur.