دارت سنه ومانعرف اشلونك
كل عام وانته بدمعت عيونك
الناس تفرح وانته يالمهدي
شايل عذاب الطف على متونك

الوادم هسه فرحانين
وكلمن ملتهي ابيومه
محد فكر ولا گال
شحال المهدي بهمومه

يمشي العمر ... لمته ستمع ندائك
دارت سنه ... وانه انتضر لقائك
يرد البصر ... حين الأشم ردائك
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
الحضت لقائك جم گلب هايم
يا ساعه تضهر بيها يالقائم
هاي الشموع التشتعل هايه
تذكرك اكيد ابحنت القاسم

اليحبك صدگ مولاي
التجرح گلبك اتجرحه
مو دورت سنه لاكون
ضهورك بس اليفرحه

لمته الفرج ... ونورك يهل علينه
موسعفه الك ... نرفع گلب بدينه
صار الغرق ... وتنقذنه يا سفينه
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
انته الوحيد الكثرت همومه
حته الجروح البيك معصومه
تلبس جديد الوادم وانته
تنعه الغريب السلبو اهدومه

ليلك يخلص ابحسرات
ويبدي بدمعه مجروحه
عالشابع طعن وحجار
وطلعت بالسحگ روحه

حزنك ضعن ... بالهيمه ياعذابه
صرخت مره ... تسمع صدى الخرابه
راح ابجي الك ... عالغربه بالأنابه
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
يالمهدي صارت غربه دنيانه
أنموت اذى مو انته ويانه
رغم المجالس بيها تتواجد
اهنانه تبجي وتگعد اهنانه

خل شتسوي هاي الناس
كلمن ملتهي ابدينه
مادام انته سالم هاي
كلش والله تكفينه

يبن الحسن ... بداعت دمع رقيه
ونشغة طفل ... والخيمه والسبيه
عجل الفرج ... بالطلعه البهيه
ياصاحب الزمان الغوث يامولاي

العبد ابوفايز الرافضي
الفاتحه على روح والدي

صيحه بالحق ترتفع  .. يافاطمه
مانساوم عالضلع  . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم

نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد

مانعوفه ابأي وضع ... يافاطمه

......
حقنه ما نتخله عنه نعتنيه اعناية
حجاية كلناهه بعزائج واحنه كد لحجاية
الدنيا نكلبهه اعلمودج راية تتبع راية
احنه تربات ابو فاضل سيد الوفاية

بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه

سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره

محكمة حق ترفع   ... يا فاطمه

......
يالزجية افداج كلنه من الشبل للشايب
بس تأشرين بيمينج صاحب يجر صاحب 
جنود تحت امرج يزهره وتحت امر الغايب
سمعاً وطاعه ننادي للظهور انراقب

نورة يا ساعه اليشع ... يا فاطمه
.......
الكلمات
موسى الخادم

#الليالي_الفاطمية

كون الوجع بيه .. واضلوعي محنية
ربّي انه النذر عمره
بس بخير اتكون الزهره
كون الوجع بيه
_______

خل تحترگ روحي انه .. وبچفي خل يطفى الجمر
خل ينكسر گلبي ردت .. ولا گلب فاطم ينكسر
وللمحسن اولادي فدى .. واهلي والدنيا والعمر
كون الوجع بيّه يظل .. و اگباله ما رايد أجر

خل ينكسر ضلعي .. خل يجف كل دمعي
ربّي أجبني بـ هالمرّة
بس بخير اتكون الزهره
كون الوجع بيه

_______

مو بيت أمنا فاطمة .. يا ريت بيتي اليحترگ
ودخان بالريّة يظل .. لا مو هوه يظل ينشهگ
مو چفي رايد يا خلگ .. رايد انه كلّي احترگ
واعيوني من گد الوجع .. تلچمني كل ما تنطبگ

خل ينكسر گلبي .. أدعوك يا ربي
اتضل النار ابيتي اموجره
بس بخير اتكون الزهره
كون الوجع بيه

_______

معروفة باب اعظم نبي .. امن جذوع واثجيلة وزن
مو مرّة لا رايد ألف .. تطبگ عليّ طبگ الجفن
واسمع انه اشكال الحچي .. والليل اكضيه بالحزن
بس كون فاطم يا خلگ .. ما سمعت الكلمة ( وإن )

گباله البچت أمه .. گوه الهوه يلمه
اتحمّل اگدر هاي النظرة
بس بخير اتكون الزهره
كون الوجع بيه

_______

بالگلب بسمار العده .. يا ريت كونه يستقر
مو يوم يومين وخَلَص .. كون الوجع حد الگبر
وآلام ما تشفى وتظل .. من الفجر حَد الفجر
وينگطع عالريه الهوه .. وكون الكسر ما ينجبر

وأنفاسه ممنوعة .. المهشّمة ضلوعه
يصير الهوه غصّة بصدره
بس بخير اتكون الزهره
كون الوجع بيه

_______

حيدر وينعى فاطمة .. واتخيّل هنا منظره
الما منجبر مرّة قبل .. عالبچي الفرگه تجبره
ما حيل ظلّه للنَفَس .. مِن صار بيته المگبره
هذا علي لو مو علي .. عنه ايتسائل خيبره

ويشاهد اكباله .. ضحكات چتاله
الله اليعرف حيدر قهره
بس بخير اتكون الزهره
كون الوجع بيه

_______
حسين علي الدليمي

اعظم نعمه. ايام الخدمه. والدمعه الماتنكطع
خل نتحزم. بحزام الهم. للزهره وكسر الظلع
خدام . نبقى الفاطمه
خدام . الثامن سمه
............١..........
همه ذوله احنه جرح عاشك لجمته وبيهه ضل هايم
الدمعه لجل ام الحسن تشبه معلم. تدرس الخادم

كل روايه وكل رزيه
. ننحني مثل الزجيه
احنه عدنه الفاطميه. ثاني محرم

الينوح مكظي عمره.
هذه هم راحتله زهره
والتدك نبضاته فطره. بحيله يتحزم

مجلس امنه. بحزنه يلمنه نتخاوه بنفس العظم
صوت المدمع. نبجي ويطلع. اكثر من صوت الطم
البسمار. الخادم يلجمه
خدام. نبقى الفاطمه
......... ٢...........
شكد عزيزه وترخص كبال الزجيه. فدوه دمعتنه
نرافك البي حركه ويحب المجالس. حلوه صحبتنه

البلخدامه كلبه ذايب.
هذه بس انكله صاحب
والعزاء بروحه ناصب لفكد الزجيه

الماحسب دنيه ومنافع
وعن ظلعهه يظل يدافع
ماتسد حلكه المطامع . وينسى الاذيه

لاميجامل. يبقى ايقاتل. لمظلوميه فاطمه
حقهه اتفرهد. انسطرت علخد. ياوسفه الجانت سمه
مكسور ظلع العالمه
خدام نبقى الفاطمه
.............٣..... .....
َواليظيعنه بمجالس ام ابيها دمعه يلكانه
احنه بلخدمه ظوه اندلي اليتيه. الله سوانه

بلمجالس ندري ونهه.
تحظر الزهره بحزنهه
بجفهه شي من ثوب ابنهه
يمكن قميصه

البيده ماي وهمه شافه
ابني تصرخ ياحسافه
لسه متفطرات اشافه
بوادم رخيصه

انسولف عنبر. وصواب اخضر. بي اخ ودمعة كلب
يعلى الصايح. محسن طايح. وكماطه صار الترب
بسمار محسن المه
خدام نبقى الفغطمه
..............٤.........
الخدمه ماي تزكي كلمن روحه ماتت هيه واهسنه
تكشخ الناس بلبسهه واحنه من نكشخ. في مجالسنه

كل محب شايل غرامه
وثوبه ودموعه العلامه
يكظي عمره بهل خدامه. الاخر حياته

البجي اينظف ظميره
روحه بلمنبر اسيره
يندفن كون بحصيره هاي امنياته
الخادم شمعه. واه ودمعه. كل ظلمه ايصير الظوه
الدنيه شتسوه. لاموحلوه بلاخدمه يضيع الهوه
اتنوح. روحه معلمه
خدام نبقى الفاطمه
.............. ٥........
الماخدمهم خل يراجع نفسه زين. ويطوي صفحاته
خل يدك باب المجالس بلدموع. ويجري دمعاته

ندري بلطاهر حليبه
كلبه للخدمه يجيبه
علضلع يكثر نحيبه وجوايات اديهه

الدنيه خوانه بطبعهه
وشكثر خانت ربعهه
اخدم الكسروا ضلعهه
توكل عليهه
رايد تخلص. لازم تخلص. للعتره وال النبي
عينك تدمع. لمن تسمع . يلخادم طاري السبي
كل يوم. روحه محزمه
خدام نبقى الفاطمه
..............
بشار السامي

العظيمة رقية (عليها السلام)

بـويـه اخِـذنــي.....مــن عِـفـتـنــي
ﭽــﺎن مــو إسـمـي رقـيــه
هـسـه شـو صاحـو سبـيــه
مــن عِـفـتـنــي

بـويـه ثـاري الـدنـيـا مفـطـومــه اعـلـه ونــه
وثـاري بـس انـت اتـعـرف شـنـهـي المَـحَـنـه
بـويـــه واعـــرفـت الـدرب مـو درب أهـلـنـه
مــحـد أيــدنـــﮔ لَـمَــن يــتــبـــــاوع الـنـه

مــن اجـيــنــه.....تِـعــمَـه عـيـنـه
الحـاول أيـبـــاوع عـلــيــه
هـسـه شـو صاحـو سبـيــه
مــن عِـفـتـنــي
ـــــــــــــــــــــــــــــــــــــــ1ـــــــــــــــــــــــــــــــــــ
والـلـه مـا هـضـمـتـنـي تـرﭽـيتـي الخَـذَوهــا
بــس البـنـيـــه تِـحِــب الحَـبَـــــه ابــــوهــا
وهــيــه لـمـســاتـك عـلـيــهــا وسَـلـبـوَهــا
وبـويـــه بـنـتـك حـتـى مـن هـاي احـرموهــا

اهـنـا الحـســره.....رِدِت ذكـــرى
مـن إيــدك التـهــوى اديــه
هـسـه شـو صاحـو سبـيــه
مــن عِـفـتـنــي
ــــــــــــــــــــــــــــــــــــــــ2ــــــــــــــــــــــــــــــــــ

ارسـم اعلـه اﭽـفـوفـي ﭽـفـك وابـقـى أنـظـر
لـكـن شـمـا أرسـم اﻠـﮔـه الـنــقــص خـنـصـر
وحـيـل اشـم اﭽـفـوفـي وادري الشـمر يغــدر
اهـنـا سـمـحـتـلـهـا الخـرابـه ابـالــي تخـطـر

بـهــاي أقــبــــل.....وﭽـنــت أزعـــل
عـنـي لــو ﮔـﺎﻠــو خـطـيــه
هـسـه شـو صاحـو سبـيــه
مــن عِـفـتـنــي
ـــــــــــــــــــــــــــــــــــ3ـــــــــــــــــــــــــــــــــــــــ

بـويــه اخـذنـي اويــاك مـن البُـعـد كـافــي
اويـاك حـتـى العـطـش بـي طعـم العوافــي
هــذا راســك عالـرمــح لـو ﮔـمـر غـافــي
راح اجـيـلـك ﮔـلـبي مو طـبـعه التـجـافــي

بـــس دخـيــلــك.....مــن اجـيــلــك
حَـضـنـتـي تـرجعـهـا اليــه
هـسـه شـو صاحـو سبـيــه
مــن عِـفـتـنــي
ـــــــــــــــــــــــــــــــــــ4ـــــــــــــــــــــــــــــــــــــــ

ﮔِـلـه عـبــــاس اﻠﮔـمــر عـنــدك طَــلابـه
اليــوم مـو ويـه الشريـعـه اويـه الخـرابـه
بـويـه بــس راسـك وصـل والـدم خضـابـه
ميـتـه خـل يحسبـنـي بـس أَنظـر مصـابـه

وهـــــوَ ﮔَـﻠَــَـﻲ.....حـتــى ظِـلِــــي
امـحَــرَم اعله انظـار أميـه
هسـه شـو صاحـو سبـيــه
مــن عِـفـتـنــي
ـــــــــــــــــــــــــــــــــــ5ـــــــــــــــــــــــــــــــــــــــ

بـويــه هـاي اللحـظـه أخـر لحظـه فَـرﮔـه
ابنـيـتـك انـه امعلمـه بكل لحـظـه مـلـﮔـه
وملـﮔـه مـو وجـه بـوجـه ملـﮔـانه شبـﮔـه
راح امــوت وبـس تعـال وجِـفـني طبـﮔـه

دلـلـتــنـــي.....عـلـمـتـنـــي
النَـظـره مـن غيـرك منيــه
هـسـه شـو صاحـو سبـيــه
مــن عِـفـتـنــي
ـــــــــــــــــــــــــــــــــــــــ6ـــــــــــــــــــــــــــــــــــ

أحمد البصراوي العبادي