روتين للدراسة في شهر رمضان المبارك ?

هذا روتين ملم وسلس يفيد اي طالب مقبل على امتحانات مش لسنة ثالثة بس يعني ?? شامل لكل تفاصيل اليومية زي مواعيد الصلاة والناس اللي عندها التزامات ومهام منزلية كذلك فتقدر تعدل فيه بطريقتك ولكن وقت الدراسة هذا افضل وقت ممكن اثبته يوميا في رمضان ?

مقرر الجزئي والتاتوريال ?

السلام عليكم دكاترة ثالثة بشري 49 ?

أولاً : ماشاءالله عليكم والله فرحتوني واجد يعلم الله ? وردتني الكثير من المسجات بخصوص تاتوريال البارا والاغلبية حالين كويس حسب التصويت ، ياريت دوم هكي في جميع المواد يا دكاترة ?

ثانياً : بخصوص معمل الباراسيتولوجي ، في البداية ماكنتش ناوي نشرحه لأن مليت منه بصراحة ? ليا ست دفعات نشرح فيه وكنت نبيكم تقروه من قناة ال48 بس حسيت ان اغلبكم ماعجبهمش الكلام او يحسابو العينات متغيرات وهكي بس قررت نعاود نشرحه لكم من جديد وبعينات دفعتكم وبطريقة (الفيديوات ? وفويسات المراجعة ) نفس ما شرحنا التاتوريال ? والمفاجآة للجميع ان معمل ال49 حيكون مجاااااااااااااااااااااني على قناة عامة جديدة خاصة بدفعتكم ?

ثالثاً : راهو معمل الباراسيتولوجي من اسهل المعامل في ثالثة بشري وحناخذوه بطريقة ممتعة وجميلة وبسيطة في نفس الوقت ، انا عارف انكم متقسمين ثلاث مجموعات واول مجموعة يوم 28 امتحانها ، نحب نطمنكم ان راهو المعمل محتاج خمسة ايام مذاكرة بالمراجعة بكل يعني حتى الي ما بدش بكل ومجموعته اول يوم ويبدا السبت او الاحد الجاي راهو حيلحق يكمل ويراجع ويطلع حال ومبسوط بإذن الله تعالى ? ?

رابعاً : للعلم يا دكاترة انا حالياً شرحتلكم تاتوريال البارا بالكامل مجاني والجزئي الاول المايكرو بالكامل مجاني ومعمل البارا بنبدا فيه من بكرة (الجمعة) مجاني وحطيت منهج المايكرو متاع 48 بالكامل مجاني على قناة المايكرو العامة بالرغم من اني بفضل الله اسم معروف في مجال التدريس ومش محتاج نبان عالشاشة ، يعني بعد المجهود الكبير هذا كله وزكاة العلم الي نطلع فيها سنوياً لوجه الله تعالى ، عيب جداً انك ادير ستيكرات قليلة الأدب لأن بكل بساطة انا نودلكم الخير والنجاح والتفوق ومعروف اني نشرح بضمير وندير في مجهود مضاعف مع طلبتي ويكفي ان السخرية نهى عليها الله عز وجل حين قال في كتابه العزيز (( لا يسخر قوم من قوم عسى ان يكونوا خيراً منهم)) وقال رسولنا الكريم صلى الله عليه وسلم (( ((لا تحاسدوا، ولا تناجشوا، ولا تباغضوا، ولا تدابروا ولا يبع بعضكم على بيع بعض، وكونوا عباد الله إخوانًا، المسلم أخو المسلم، لا يظلمه ولا يخذله، ولا يحقره التقوى هاهنا)) وفي الاخير انا مسامح لان كشخص مسلم ربي أمرني بالعفو والصفح عن الاذية وربي يهدي الجميع ومسامح اي حد يدير في ستيكرات او تشويه سمعة او غيره من انواع الأذية .

خامساً : بخصوص منهج البارا النظري ومنهج المايكرو النظري حالياً التسجيل موقف والمحاضرات موقفة الى ان تكتمل قناة معمل البارا الجديدة خلال الايام القليلة القادمة

سادساً وأخيراً : ياريت اي طالب عنده صور السنة هذي (49) لعينات معمل البارا يدزهن ليا علي حسابي @ZeltoAhmed بش نبدا فيه بكرة ان شاءالله حانزل شيت المعمل والبوربوينت الي حنشرح منه ويبدا شغل المعمل ابتداءً من بكرة الجمعة ان شاءالله ?

موفقين اعزائي الطلبة ? ❤️

نهاية شرح التاتوريال لطلبة ثالثة بشري 49 ?
موفقين يا رب ❤️ ?

مدة الشرح : ساعة وخمسين دقيقة ?