«من منافع البلاء النَّازل "تليين القلوب" لأنَّها تفتقر إلى ربِّها في رفعه ودفعه،فتتضرع خاضعةً له، ملتجئةً إليه،فمن لم يفتقر إلى الله متضرعًا إليه عند نزول البلاء فقلبه قاسٍ، واستكباره من تزيين الشَّيطان له، فيُوشك أن يأخذه الله بغتةً؛ فإذا هو هالكٌ، مقطوع الأمل من النَّجاة.

-صالح العصيمي

كي كنت CCI مكانوش عندنا ليزكستارن، لكن في ستاجي الثاني كانو affectés عندنا، فرحت بيهم، و كانو ماشاء الله بمستوى مشرف
لكن كانو يغيضوني البعض منهم كي نشوفهم مايعرفوش يپروفيتيو مالستاچ، يجو يقعدو و يروحو، مرات ماننتبهلهمش أصلا تالمون ساكتين و مايحوسوش يسقسو او يفهمو.. حتى انت كي تحب تعلمهم تتراجع لانك ببساطة ماتعرفهمش و ماتعرفش كيفاش راح تكون ردة فعلهم او طريقة قبولهم للمعلومة او حتى ما هدفهم من الستاچ (ممكن جايين يحضرو باش يفاليديو الستاج فقط، يجوزو ساعاتهم كيما جات و يخرجو )
لهذا حبيت نمدلكم نصيحة : سقسو ++
عادة اغلب الأطباء يجاوبوكم، و كاين لي يفرحو و يجاوبوكم بإسهاب (هادو كنز، خاصة اذا كانو متمكنين، حاولو ملازمتهم باش يعتادو عليكم و على اسئلتكم) ،و كاين لي يجاوبكم قيس قيس (هدا خلوه كي تحصلو كامل باش تروحو ليه، او ممكن كي يشوفكم مهتمين يتغير و يولي يشرح اكثر)، و كاين لي تلاحظو انو يتهرب من الإجابة ( اكيد ماتحكمش عليه من أول مرة، و هادو قلال) .. و انت كيفاش تتعرف على كل واحد فيهم ؟ بالسؤال، بالتجربة، ماتبقاش قاعدة بعيد تلاحظ و تدير في نظريات في راسك لا أساس واقعي تجريبي لها
و كي تسقسي و تحاول تفهم راح يتعرفو عليك بلعقل، و ممكن راحو يولو هوما يجو يشرحولك حاجات معينة بلا ماتسقسي لانو ولاو يعرفو وين راك تدور تقريبا و وشنو الحاجات لي مهتم بيهم و ممكن تفيدك..
هذا أولا
ثانيا، كن شخصا متفهما للاوضاع، يعني ماشي تشوف طبيب مشغول مع حاجة لازملها تركيز و انت تطيح عليه بسؤال vaste، حاول اذا اضطريت تسقسي سؤال خفيف (اسم تقنية مثلا، سؤال جوابه نعم او لا.. الخ) باش منها ماتكونش معرقل لهم و منها تضمن انو كي يجاوبوك راح يكونو مرتاحين نسبيا و يعطوك القدر الكافي من المعلومات و تقدر تستفسر و تفهم أفضل ان شاء الله..
و ثالثا، تذكر أنو من واجب الاطباء الاكبر منك هو تعليمك..
و رابعا، هادي ليزانتارن أيضا، تذكر انك راك جاي باش تتعلم و تتفورما ( ماجيتش باش تخدم كوغسي فقط، و لا باش تعمر وثائق بدون فهم، ولا اي عمل آخر مايزيدش في تكوينك كطبيب عام ((هذا لا يعني انك كي تشوف الاطباء تاوعك يجرو على المريض و احيانا يجرو يخدمو كوغسي فأكيد لازم تساعدهم لاننا لم نعد في contexteانهم يطلبو منك انت فقط)) ، و رضاك بهذا #رغم قدرتك على استغلال الستاچ بشكل أفضل سيكون على مسؤوليتك نهار تقابل مرضاك مستقبلا ان شاء الله)
خامسا: حاول تخدم خدمتك على اكمل وجه ممكن بالنسبة لمستواك، حاول تدخل مع جو طاقم العمل (الجو العلمي اكيد، اخطيكم من اي حااااجة خارج نطاق علاقة طالب الطب و الطبيب الاعلى منه و جاهدو قدر الامكان للالتزام بحدود الاختلاط و ادعو ربي يعينكم) و تفكر معاهم و تسقسيهم و تحوس على مصلحة المريض و تفحصو و تتساءل على اي مشكل ماتفهموش فيه و تتناقش معاهم باش يعتادو عليك كفرد جديد و انت تعتاد على طرق المناقشة و الكلام بأدب و احترام و احترام للحدود.
سادسا: أدب طالب العلم ++ قال احد علماءنا الكبار فيما معناه انه طلب الأدب 30 عاما و طلب العلم 20 عاما
سابعا: ضع نصب عينيك ان: اثنان لا يتعلمان: المستحي و المتكبر

#ن

الناس لي عندهم طاقة كبيرة للعطاء هم نعمة في حياة المحيطين بهم
خاصة في مجال الطب... ممكن طبيب واحد بعطاءه يقلب تجربتك في ستاچ معين من 0 الى 10/10 و اكمل مسيرتك في الطب اعتمادا على ما علمك إياه بخطوات ثابتة باذن الله..
بارك الله في امثالهم.. انهم قدوة حقا

#ن

- بعد اول حصة في دورة ORL وش تقدر تقولي عليها؟ مزالني متردد

- يعني لقيت un résident R3 يقريك في سمانة البرنامج كااامل + يحل الاسئلة و مزالك متردد ادا تشارك وتستنى في رايي؟

- تعرفني دايمن نتردد كي نجي نسيي حاجة جديدة

- هيا معليش، وياك علابالك بلي يقرينا كل يوم مور العشاء من غير الجمعة؟ يعني يقعدلك نهار طويل عريض قيس ما تراجع وش قريت ولا تزيد تقرا فيه حاجة وحدوخرا ان شاء الله

- اييه صح هادي راحتلي

- نزيدلك حاجة ؟ آخر حصة هي حصة مراجعة، يعني يعاود يذكرك بأهم وش جاز عليك في البرنامج و الاسئلة تاوعو

- خلاص فهمت بلي فرصة ماتتراطاش، كيفاش موديل تاع 3 سمانات و معروف بلي شارجي راح يتلخصلي في سمانة وحدة بيه بles QCM تاوعو نراطيه!, بصح قولي ، الپروف يشرح مليح ؟

- حضرت دورة اورتو مع د.بورويسة؟

- بااينة ، وهاديك الدورة تتراطا!

- تسما عجبك اسلوبو كيفاش يهدر بلعقل و مرتب افكارو و يشرح بالتفصيل ؟

- ايه

- المدرس تاع ORL عندو نفسو الاسلوب تقريبا

- خلاص قنعتني ? + راني قاعد برك هاد السمانة نستغلها خير, قولي برك كيفاش نسجل؟

- شوف التعليقات

- ما قتليش، المريض لي في la salle 3 , عمي يونس، راهو مليح ؟

- هداك لي عندو فشل كلوي و شديناه على جال une hyperkaliémie à 7 mmol/l ؟

- ايه هو

- اواه راهو زاهي، جابولو كيلو بنان راهو ياكل فيه

- البنان!??

الشرح ??

صفات من يقتدى بهم

قال ابن القيم رحمه الله في الكلام على قوله تعالى: {وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا} [الكهف: 28]
«فإذا أراد العبد أن يقتدي برجل فلينظر: هل هو من أهل الذكر أو هو من الغافلين؟ وهل الحاكم عليه الهوى أو الوحي؟ فإن كان الحاكم عليه هو الهوى، وهو من أهل الغفلة، وأمره فرط لم يقتد به ولم يتبعه، فإنه يقوده إلى الهلاك.
ومعنى الفرط قد فسّر بالتضييع، أي: أمره الذي يجب أن يلزمه ويقوم به، وبه رشده وفلاحه ضائع قد فرط فيه.
وفسّر بالاسراف، أي: قد أفرط، وفسّر بالهلاك. وفسّر بالخلاف للحق. وكلها أقوال متقاربة.
والمقصود أن الله سبحانه وتعالى نهى عن طاعة من جمع هذه الصفات، فينبغي للرجل أن ينظر في شيخه وقدوته ومتبوعه؛ فإن وجده كذلك فليبعد عنه، وإن وجده ممن غلب عليه ذكر الله تعالى واتباع السنة، وأمره غير مفروط عليه، بل هو حازم في أمره فليستمسك بغرزه ».

الوابل الصيب من الكلم الطيب (ص: 92-93).

فإن أنكد العيش.. عيش مَنْ قلبه مشتت وهمه مفرق ،أي ليس له هم واحد, وإنما مشغول بهموم كثيرة تمزق قلبه و تشتت فؤاده و تقلق نفسه
بينما إذا كان همُّ الانسان في هذه الحياة همًّا واحدا وهو أن ينال رضا الله سبحانه وتعالى، أن يفوز بجنته، أن ينجو من سخطه,وأن يكون عمله في هذه الحياة واهتمامهُ في هذه الحياة كلُّه متركز في ذلك،
ولا يعني هذا أن الإنسان يعطل مصالحهُ الخاصة، لكن المقصد أن لا يقدم، مثل ما جاء في الدعاء, اللهم (لَا تَجْعَلْ الدنيا أكبرَ هَمِّنَا)* هذا يؤخذ منه أنه يجوز لك أن تهتم بدنياك
 لكن هل يجوز لك  أن تسيطر عليك دنياك ؟وأن يصبح ليس لك هم إلا دنياك؟
أن تنسى آخرتك؟
أن تنسى سعادتك؟
أن تنسى لذتك الحقيقية؟
هنا المعضلة و هنا مكمن الداء

الشيخ عبد الرزاق البدر

اتِّباعُ الهوى وطولُ الأمل مادةُ كلِّ فسادٍ؛ فإنَّ اتِّباعَ الهوى يُعمِي عن الحقِّ معرفةً وقصدًا، وطول الأمل يُنسِي الآخرةَ ويصُدُّ عن الاستعداد لها.
ابن القيم رحمه الله

كُلَّمَا زَادَتْ ثِقَتِي بِنَفْسِي رَأْيْتُ الخِذْلَانَ شَاخِصًا أَمَامِي،فَكَأَنَّه ظِلُّ الثقَةِ بالنفس.
فاللَّهُمَّ رحمتَك أرجو فلا تَكِلْني إلى نفسي طَرْفةَ عَينٍ و أصلِحْ لي شأني كُلَّه، لا إلهَ إلَّا أنت.

#سفير_السلام

من بين الأمور الي عاوتني في التحضير كنت أنا و صاحبي يحضر معايا المسابقة نديرو présentation power point للدروس الي قادرين يطيحو dossiers cliniques ،كنا نقراو الدرس مليح و نلخصوه power point منبعد كل واحد يفهم لوخر الدرس و نكملوها بحل les cas cliniques،هكذا راح يكون إتقان جيد لهاد الدروس.(مثال في التعليقات)

هاد الأمر درناه في الأشهر الأخيرة فقط مكفاناش نديرو كامل الدروس, تمنينا أنو درناه في بداية التحضير.

درنا les cancers ,و الحمد لله طاحلنا dossiers clinique على cancer de l'endomètre لي كنا درناه من قبل ,جاوبنا عليه مرتاحين.

تابعونااا ?

#المعتصم