КЎНГИЛ

У пайтда балоғат ёшидаги қиз эдим. Қўшнимиз Садоқат
опани унаштиришди. Кимсанбой отанинг ўғлига. Садоқат
опа олийгоҳни яқинда битирган, бизга инглиз тили фанидан
дарс берар эди. Ўқитувчи опа мактабга чиройли кофта,
юбка, бежирим туфлида келарди. Биз дарсдан кўра кўпроқ
у кийган кийимлар, соч турмаги, бежирим тақинчоқларини
гапиришдан чарчамасдик. Садоқат опанинг унаштирув куни
онамга эргашдим. Қўшниникига серқатнов бўлиб қолдим.
Онам бўлажак келинчакнинг кўрпа-кўрпачаларини қавишиб
юборганди. Садоқат опа икковимиз тўқиш билан банд бўлар
эдик. Келиннинг тўй сепларини кўриш, уни тахлашлар менга
завқ бағишлар эди. Кунда нимадир тўқирдик, тикардик,
хуллас, севимли ўқитувчим билан анча сирдош бўлиб қолдик.
Нечундир бу унаштирувдан опа хурсанд эмас эди.
Бир куни улар менга:
– Сир сақлай оласанми? – деб сўраб қолди. Иккиланиб
“Сақласам керак”, дедим.
– Эртага мактабга борганингда, жисмоний тарбия ўқитув-
чиси Шерзод акангни топгин-да, унга “Садоқат опамнинг Ким-
санбой отанинг ўғлида кўнгли йўқ экан”, деб айтгин, – дедилар.
Эртасига жисмоний тарбия ўқитувчисига ушбу гапни
айтиш жуда қийин бўлди. Ҳар танаффусда бораман, доим
олдида ўқувчилар бўларди. Дарсдан кейин яна пайт пойладим.
Охири тоқатим тоқ бўлиб, шартта олдига бордим.
– Устоз, сизда гапим бор эди, ўзингизга айтмоқчи эдим.
– Эрталабдан бери мунча ўралашдинг, десам гап бор экан-
да, эшитаман, – деди.
– Садоқат опамнинг Кимсанбой отанинг ўғлида кўнгли йўқ
экан.
Шундай дея, уйимга чопдим. Кечга яқин Садоқат опага
– У қай аҳволга тушди, сенга нима деди? – сўради Садоқат
опа шошиб.
Афсуски, шошганимдан бунга эътибор бермабман. Орадан
бир-икки кун ўтиб, Шерзод акадан совчи келди. Совчилар
қуруқ қайтишди.
“Андак эртароқ ҳаракат қилмабсизлар-да, биз қизимизни
унаштириб қўйганмиз,” дейишибди. Бу гапларни мен ойимданэшитдим.
Садоқат опа ғамгин бўлиб қолди, айниқса, кўзлари
кулмасди. Қишлоқда тўймисан, тўй бўлди-да ўзиям. Тўйдан
кейин Садоқат опанинг мактабга келишини интизорлик
билан кутдик. Устоз яна ҳам ясаниб келардилар. У кийган
кийимларнинг сон-саноғи йўқ эди. Фақат кўзлари маъюс,
мунгли эди.
Орадан йиллар ўтди.
Улар билан деярли бошқа кўришмадим. Яқинда бир қариндошимизнинг тўйида Садоқат
опани учратиб қолдим. Опа анча тўлишиб, аёллик, оналик
бахти юзларига балққан эди. Айниқса, кўзлари чақнаб турарди.
Мактаб даврларини эсладик.
– Кимсанбой отанинг ўғлига кўнгил қўя олдингизми? –
дедим ҳазиллашиб.
– Қўйдим, фақат фарзандли бўлганимиздан кейин, – деди-
лар кулиб.
– Анави, физкультурачи нима бўлди? – дедим қизиқиб.
– Ўшанда шаҳарга бориб, иш юзасидан кўтарилиб кетган,
дейишади. У ҳам уйланиб бола-чақали бўлган.
Шу пайт опанинг телефони куй таратиб қолди. Беихтиёр
таниш қўшиқнинг сўзларини такрорладим:
“Қирмизи олма ширин бўларкан.
Ярим ой бир кун тўлин бўларкан.
Тўйгача севги – бу орзу-ҳавас,
Ҳақиқий севги кейин бўларкан...”

Ҳилола Иброҳимова.

https://t.me/piskentdangapiramiz

#оғриқларм

Марҳаматдаги замонавий кутубхонани кўриб, Пискентда отамнинг замонидан қолиб кетган, нураб, тўкилиб ётган кутубхоналар кўз олдимдан ўтди.
😭😭😭
https://t.me/piskentdangapiramiz

Бургут ўз фарзандларига қандай қилиб ота танлашини биласизми?

Бу жараён жудаям ҳайратланарли кечади. У дарахт ёки бирор бутадан кичик шохча синдириб олади, уни тумшуғида тутганча баландга кўтарилади ва тумшуғидаги шохча билан айлана бошлайди. Атрофида нар бургутлар йиғилиб парвоз этади. Шу пайт у тумшуғидаги шохчани тушириб юборади ва кузатади. Бургутлардан бири шохчани тутиб олиб, оҳисталик билан унга олиб келиб топширади. У эса шохчани олиб, уни яна ташлаб юборади. Бургут  яна тутиб олади, яна унга қайтаради. У эса яна ташлаб юборади... Ва бу ҳолат жуда ҳам кўп марта такрорланади. Агар нар бургут маълум муддат давомида ва бир неча марта тушириб юборилган шохчани ҳар сафар тутиб келтириб берса, бургут ўша нар бургутни танлайди ва улар бирга яшай бошлайди.

Хўш, ушбу ҳаракатларда қандай маъно яширин? Буни уларнинг кейинги ҳаётидан тушуниб оласиз...

Улар биргаликда тоғ чўққисига кўтарилади, мустаҳкам ўсимлик пояларидан ин қуради ва иккала бургут ҳам танасидан ўз тумшуғи билан патларини юлиб, инларини тўлдиради, барча тешикларни ёпиб, уяни юмшоқ ва шинам маконга айлантиради. Она бургут бу ерга тухум қўяди ва иккаласи полапон бургутчалар дунёга келишини кута бошлайди. Бургутчалар тухумдан чиққач(улар жуда кичкина, заиф ва яланғоч ҳолатда бўлади), ота-онаси уларни то бироз қувватга киргунича парваришлайди. Қанотлари билан ёмғирдан, қуёш нурларидан асрайди, уларга сув, озуқа ташийди, ва бургутчалар аста катта бўлиб боради. Уларнинг патлари ўсиб, қанотлари ва думлари бақувватлашади. Ҳали бироз кичик бўлса-да, уларни пат қоплайди. Шу пайт ота ва она бургут вақт келганини англайди...

Ота бургут уя четига қўниб олиб, инни қанотлари, тумшуғи билан уриб силкитади. Қизиқ, нима учун? Чунки, у уядан ҳамма пат ва пухни тушириб юбориши,  бошида ўзлари шох-шаббадан ясаган скелетнигина қолдириши керак. Полапонлар эса, ушбу қаттиқ, ноқулай уяда ўтиришар экан, нима бўлаётганини тушунишмайди ҳам: ахир ота-оналари уларга жуда ғамхўр ва меҳрибон эди-ку. Бу орада она бургут қаердандир кичик бир балиқчани тутиб келиб, атайин полапонларига кўриниб турадиган узоқликка қўниб олиб,  уни аста майдалаб ея бошлайди.  Полапонлар уяда туриб очлигини билдириб чуғурлай бошлайди. Ахир, илгари бундай эмасди-ку...   Ота-онаси уларга емиш берарди, сув берарди. Энди эса ҳаммаси тамом бўлди: инлари қаттиқ ва ноқулай, ота-онаси эса уларга озуқа ҳам бермаяпти.
Нима қилиш керак? Ахир оч қолишди-ку. Индан чиқишга ҳаракат қилиш керакмикин?
Шундай қилиб, полапонлар аста ҳаракатга кела бошлайди ва илгари ҳеч қачон уриниб ҳам кўрмаган ҳаракатларни бажаради. Агар ота-оналари уларни эркалатишда давом этаверишса, улар кейинроқ ҳам ҳаракат қилишга журъат қилмаган бўлармиди...

Полапонлар уяларидан судралиб чиқа бошлайди. Оҳ, мана, кичиккина полапон тушиб кетмоқда, ахир уя тоғ четида, ноқулай харсанглар орасида жойлашган-ку. Полапон аввал силлиқ харсанг узра бироз сирғалиб, кейин жарликка томон қулайди. Ва шу пайт, қачонлардир она бургут улоқтирган шохчаларни тутиб келтирган ота бургут ёрдамга шошади. У ўзини катта тезликда пастга отиб елкасига полапончасини қўндириб қайтади.

Бу ҳол бир неча марта такрорланади. Полапон ноқулай уя ва силлиқ харсангдан пастга томон қулайверади, ота бургут уни тутиб келаверади.
Бургутларнинг бирорта полапони ушбу жараёнда ҳалок бўлмас экан.

Ва, ахийри, қулашларнинг қайси биридадир полапон бургутча ҳаракат қила бошлайди. У ўз қанотларини ёйиб, шамол ёрдамида парвоз қила бошлайди. Шу тарзда бургутлар полапонларини учишга ўргатишади. Кейин эса, уларни ўзлари билан бирга олиб, озуқа топишни ўргатишади.

Бу биз учун фарзандларимизни тарбиялашимизда ажойиб ўрнакдир. Уларни иссиққина уяда эркалатиб олиб ўтирмаслик жуда ҳам муҳим! Улар ўзлари балиқ тута олиш ҳолатига етганларида ҳам, уларни балиқ билан таъминлайвермаслик нақадар зарур! Лекин, ўз кучимизни, вақтимизни, ақлимизни, билим ва кўникмаларимизни ишга солиб, ғамхўрлик билан, биз уларга учишни ўргатмоғимиз лозим! Она бургут шохчани улоқтириш орқали ўз фарзандаларига ота танлаши бежиз эмас. Ахир у фарзандлари халок бўлишини хоҳламайди

#аудио_китоб

✍️Пак Виктор Николаевичнинг "Тақдир уфқлари"  автобиографик асари.

1-фасл, 2-қисм.

?Асарни Шоира Умрзоқова ўқиди.

https://t.me/piskentdangapiramiz

Ниҳоят, халқ депутатлари Пискент туман Кенгашига сайланган депутатлар рўйхати эълон қилинди.
Улар орасида Азимжон Ибрагимов, Ботир Нуриддиновларнинг номини кўриб, жудаям хурсанд бўлдим.
Албатта, рўйхатдагиларнинг ҳаммаси ҳам ишончни оқлайди, халқнинг дардини олиб чиқа олади, деб бўлмайди. Уларнинг орасида бугуннинг талабини хис этадиган, халқимизни қийнаб турган муаммоларни баралла айтиб, бюджет маблағларини тўғри йўналтиришни назорат қиладиганлари бармоқ билан санарли. Қолганлари, қолганларини омон бўлсак, кўрамиз.
Хурматли депутатлар, туманимиз тақдири, уни ҳар томонлама ривожлантириш, аҳоли турмуш фаровонлигини ошириш ва бошқа бир қанча муҳим масалаларда фаол позицияда бўлинг. Келиб-кетувчи раҳбарлардан чўчиманг, нари борса, ишингизни олади, жонингизни ололмайди. Уларга яхши кўринаман, деб ялтоқилик қилманг. Орқангизда турган, сизга ишонган халқнинг манфаатини биринчи ўринга қўйинг.
Ҳамиша, адолат, тараққиёт ва ҳақиқат томонда бўлинг.
Уйғоқ бўлинг, ҳақиқат учун билагингиз толиб кетса ҳам, қўлларингизни баландроқ кўтаринг.

https://t.me/piskentdangapiramiz

ПИСКЕНТ ТУМАН САЙЛОВ КОМИССИЯСИНИНГ ҚАРОРИ
“Халқ депутатлари Пискент туман Кенгашига депутатлар сайловининг натижалари тўғрисида”

Ўзбекистон Республикаси Сайлов кодексининг 201, 26, 921, 96 ва 97-моддаларига мувофиқ ҳамда участка сайлов комиссияларининг овозларини санаб чиқиш натижалари тўғрисидаги баённомаларига асосан Пискент туман сайлов комиссияси қарор қилади:
1. 2024 йил 27 октябрда ўтказилган Халқ депутатлари Пискент туман Кенгашига депутатлар сайлови ўтган ва ҳақиқий деб топилсин.
2. Сайлов округларидан Халқ депутатлари Пискент туман Кенгашига сайланган 25 нафар депутат иловага мувофиқ рўйхатга олинсин.
3. Мазкур қарор маҳаллий оммавий ахборот воситаларида эълон қилинсин.
4. Халқ депутатлари Пискент туман Кенгашининг рўйхатга олинган депутатларига белгиланган тартибда гувоҳнома ва кўкрак нишонлари берилсин.
5. Мазкур қарор ижросини назорат қилиш Пискент туман сайлов комиссияси раисининг ўринбосари Б.Рашидов зиммасига юклатилсин.

Пискент туман сайлов комиссияси раиси: Б.Жулбарисов.

#қулоғингизни_тутинг

Сезаяпсизларми, ўринбосарларнинг айримлари ҳалол ? ҳокимларни подводит қиляпти. ???
Эҳтиёт бўлинглар, айрим ўринбосарлар жудаям юлғич чиқиб қолаяпти.
Ҳокимлар оппоқ. Улар бундай ишлардан бутунлай бехабар.
???
Бутун мамлакат бўйлаб коррупцияга қарши кескин кураш олиб борилишига қарамай, айрим ўринбосарлар қўрқмаётганга ўхшайди.

https://t.me/piskentdangapiramiz

#аудио_китоб

Доктор Ҳассон Шамсийнинг "БАХТ УЛАШИНГ" китоби аудио тақдимоти

2-фасл, 3-қисм.

Китобни журналист Шоира Умрзоқова ўқиди.

https://t.me/piskentdangapiramiz

#қонунчилик

Кўпчилик ҳайдовчилар кутаётган қонун қабул қилинди, хайдовчилар жаримадан 48 соат ичида хабардор қилинмаса, жарима бекор бўлади.

Энди йўл ҳаракати коидалари бузилганлиги тўғрисидаги маълумот жарима солиш ҳақида карор чиқаришга ваколатли бўлган шахсга йўл ҳаракати коидалари бузилганлиги махсус автоматлаштирилган фото- ва видео қайд этиш техника воситалари орқали қайд этилган пайтдан эътиборан **қирқ саккиз соат ичида юборилмаган тақдирда, маъмурий хукукбузарлик тўғрисидаги иш ушбу Кодекснинг 271 моддасига мувофик тугатилади.

Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш ҳақида Ўзбекистон Республикасининг Қонуни, 28.10.2024 йилдаги ЎРҚ-985-сон**

https://t.me/piskentdangapiramiz