كانت السهرة مع روائع من المجال النفسي✨✨

أكو بعض مشاكلنا بالحياة ما يحتاج لها حل نفسي أو مادي بقدر ما يحتاج لها حل فلسفي..

لنأَخذ مُشكلة الوحدة مثلاً ؛
- في فترة من حياتي من كنت أشعر بوجود الناس من حولي ..
لا الأَصدقاء ولا العائلة وكان صعب أشعر بالتفاعل مع المحيط!

بعد نقاشات فلسفية مع نفسي لاحظت التالي،
- محيطي فعلاً لا يُلبي رغباتي من الدعم والصداقة.
- تحميل الأصدقاء والعائلة فوق طاقتهم بالنسبة للإهتمام والحب.
- ما كنت أَنظر للحياة بهذه النظرة النفعية.

الحلول الي اقتنعت بيها وساعدتني هواي..
- سعيت بقوة لتحسيين وتغيير محيطي من خلال تقويض صداقتي القديمة وأصير اكثر انفتاح على تكوين معارف جديدة منها الي يتحول الى صداقة ومنها الي يبقى ع شكله.

- الاصدقاء والعائلة عدهم مشاكلهم وتحدياتهم فماكو داعي أنتظر منهم الشيء الكبير ..

- الحياة شيء متبادل أي اذا ردت الحب والإهتمام لازم انطي لشخص الصح والمكان الصح.

هناك الكثير من المشاكل الفلسفية مثل الهوية والحب ومعنى الحياة وتقبل الماضي ..
كلها تحتاج مجهود فكري فلسفي يخليك تعيش بأقل قدر من المُعاناةِ.

يعني غرس وتعظيم مفهوم الحبّ الأول واحد من أَقبح الخُرفات!

جدًا طبيعي تفشل بالحب الأول والثاني والثالث وقد الرابع ..
بعدها تكتشف نفسك وتختار شريك حب مناسب.

شيء جدًا منطقي تحذف ذكرياتك السابقة مع شريكك السابق وتعطي كل الحب الصادق للشريك الجديد وتحاول تخلي الحياة مُستقرة وماضية بسلام.

‏أنا أشكّ في أن هناك حبّ في العالم العربي ، هناك غرائز وحبّ تملّك وإنجاب، العالم العربي بعيد عن كلّ ما يمتّ بصلة إلى الحبّ.
– أدونيس

قبل لا انام،

عن التخطي ..

قد تخوض عِلاقة في مرحلة ما في حياتك أو للاسف تسقط في حب من طرف واحد ولن توفق.

راح تعاني لفترة كبيرة..
ففي الاولى راح تكون المعاناة على الشكل التالي؛ هو ليش رفضني؟ هل شكل مو حلو هل شخصيتي ما محبوبة لهاي الدرجة ..الخ
والأَصعب اذا تكرر هذا الرفض للحب.
والثاني، بعد علاقة وذكريات وهنا قد يبقى أحدهم متأثر لبقية العمر خصوصًا اذا كان متعلق لدرجة كبيرة وأعطته هذه العلاقة مالم تُعطية علاقة أخرى...

من صعوبة الموضوع قد يحتاج لتدخل نفسي وعلاج يطول ..

ولكن ، بالنسبة للرفض قد لا يكون لشخصك وإنما هو خوف من المقابل لانه يشوف نفسه أقل أو ما راح يتكيف وياك!

والثاني .. علاقة لم ترى النور .. ربما تكون هي النور الذي سيبقى معك للأبد!
اذ خروجك من علاقة غير صحيحة وبيها عدم توافقات هي مكسب بعيد الأمد الك..

وبالمحصل كل من الطرفين يستغلون هذا الخراب ويبنون عليه شخصية متعافية وناضجة مستقبلاً راح تلگه الشخص الرائع الي راح يكملها.

طيب شنو العادات برأيي الي لا يجب المساس بيها؟

القراءة المنهجية، التأمل، الكِتابة الذاتية، عادة الإنجاز بعد التسويف.

طبعًا اكو غيرهن الكثير الي تشكل مفاصل يومي ولا تقل أهمية عن أخواتها.

نرجع لسبب البلوك،
المحيط! ماكو فد يوم واحد من محيطي سولف وياي على عادة إيجابية هو يسويها..
أغلب الكلام راح يكون من صميم هذا المجتمع التافة ويكون يا أما تجنبي أو سوداوي..

أفضل شيء ممكن أقدم هو دخول عام 25 بفورما جديدة ونرجع العادة لمكانتها لآنها ضرورية حتى تخلي حياتنا أسهل .. ومُستقبلاً راح تقودنا للثراء..
لان الوصول للثراء بمختلف أشكاله هو سلسلة من العادات.

مرحبا منتظر تعرف دكتور نفسي زين بالرصافة الثانية اتمنى تساعدني

مرحبا منتظر تعرف دكتور نفسي زين بالرصافة الثانية اتمنى تساعدني

قبل سنة وست أشهر بلشت بالشغل ودخلت بعقلية وحدة ومهمه،

أني مختلف عن الكل!

دخلت ومدرك لنقاط ضعفي وإنهزاماتي الكثيرة.. ولكن وضعت قاعدة للعبة ألا وهي،
عندي قُدرة تطور وتفوق على الاخرين ما موجودة بأي شخص بمحيطي..
إحترامي سوف ينحت بأصابعي وبثقتي بنفسي..

اليوم أريد أحتفل إحتفال بسيط وياكم بتحقيقي لرؤيتي داخل فيلد وبيئة عمل مُرعبة للكثيرين..

نجحت وخليت المقابل يتعامل وياي وفق مزاجي وأفكاري.. وأني مو مثل أي واحد مثل أي واحد لخ يشغل وياك!

‏" لا يضطرب المرء بسبب الأشياء، بل بوجهة نظره عنها."

- إبيكتيتوس