Hayot va hayol dunyosi mujassam asar

*Kitob mutolaasi inson tafakkurini charxlashi bilan birga uning ma'naviy, ruxiy dunyosini boyitadi. O'zbek adabiyotining buyuk yozuvchisi O'tkir Hoshimov qalamiga mansub, “Ikki eshik orasi” asarini 7-sinfda o'qib yurganimda birinchi marotaba shunchaki ma'nosiga tushinar tushunmasdan o'qib chiqqan bo'lsam, talabalik davrimda esa katta hayajon bilan Ikkinchi jaxon urushi davrining qiyinchiliklari, odamlar boshiga solgan kulfatlari, inson hayotidagi murakkabliklar, baxt va baxtsizlik, ishonch va hiyonat, odamiylik va insoniy tuyg'ulardan yiroq bo'lgan qiyofalar aks etgan obrazlarni o'qidim.

Oradan 15 yil vaqt oralab, shaxsiy kutubxonamdagi bu asarni qayta qo'limga oldim va naq bir hafta muddatda o'qib tugatdim. Har bir obraz hikoyasi ko'z oldimda gavdalandi. Nihoyat asarning kulminatsion nuqtasi urush tugashining 20 yilligi munosabati bilan ochilgan noma'lum askar va motamsaro ona haykali asardagi “qora amma” kechmishi o'g'li Kimsanning ruhi oldidagi faryodi, Robiyaning ichki kechinmalariyu, urush azobini totgan Shomurod obrazining ming qiyinchiliklari. O'quvchini beihtiyor o'sha zamonga, yillar to'foniga yetaklaydi.

Asardagi juftliklar shu qadar mohirlik bilan tanlanganki ularning kechmishlari tushlarimda gavdalandi. Nihoyat asar yakunida Munavvar obrazining ayanchli hotimasi urushning unitilmas azoblari davom etganini ko'rsatib berdi. Nima demoqchiman bugun ham dunyoning bir chekkasida bo'layotgan o'zaro siyosiy va harbiy ihtiloflar kuni kelib tinchlik deb atalmish buyuk ne'matga soya solmasin tan va jonga zarar yetkazmasin. Tinchlik yo'lida birlashish esa har birimizning ulug' maqsadimiz bo'lsin.
*Robiya-sadoqat timsoli
Kimsan-mardlik va jasorat timsoli
“Qora amma”-sabr-matonatli o'zbek onasi
Umar zakunchi-jamiyatdagi illat obrazi
Muzaffar-o'tmishdagi kechirilmas xatolar evaziga o'z kelajagi va sevgisini boy bergan inson obrazi

O’z shaxsiy fikrlarim. Aynura Urazova**

Алишер Навоийнинг “Маҳбуб-ул-қулуб” асари 18-фаслида ўқитувчилик меҳнати машаққати хусусида шундай дейилади: “Унинг иши одам тугул, ҳатто девнинг ҳам қўлидан келмайди. Бир кучли киши бир ёш болани сақлашга ожизлик қилар эди, у эса бир тўда болага илм ва адаб ўргатади. Лекин шуниси ҳам борки, болалар орасида фаҳми идроки озлари бўлади. Муаллим бу каби ҳолларда юзлаб машаққат чекади. Шу жиҳатдан олганда, болаларда унинг ҳақи кўп, агар шогирд улғайгач, подшоҳлик мартабасига эришса ҳам унга (муаллим)га қуллуқ қилса арзийди”.

#Рост_ҳикматлар

Ҳеч қачон тушунтиришга вақт сарфламанг. Одамлар эшитишни хоҳлаган нарсаларини эшитишади.✍️ Энтони Хопкинс

Кунингиз хайрли бўлсин!

Беруний туманидаги Доктор Максудова иннавацион клиникасидан янгилик!

Кўринг ва хулоса қилинг! Фарзандларимиз биздан нимани кутмоқда ва нимани ўрганмоқда?

Энергетиклар - Ўлим❗️

Гўшт қиймалагич ва кўкрак нишон воқеаси

*Инсон зоти доим ҳаётнинг ташвишу-ю, турмушнинг ўй-ҳаёллари билан юради. Тўғрида, асли яшашнинг маъноси шу деб биламиз. Негадир кўпдан буён тинчлик бермаётган бу ҳаёллар, ўйлар ёзишга ундади. Унчалик ишқибоз эмасман аммо, ора-сира ички туғёнларимни оққа кўчираман. Отамнинг Аллоҳ даргоҳига омонатини топширганига ҳам 4 ой бўлибди. Орада катта бўшлиқ пайдо бўлди, ўрни тинмай билинди, олис сафардаю яқинда қайтиб келадигандай, уйнинг ҳар бурчагида нафаси уфуради, ғам-андуҳлар, онамнинг умр йўлдошини йўқотиши. Oмонатини топшириб кетар чоғида “мен кеттим” дея бир қўли билан ҳаммамизга қараб хайр деган ишорани билдириши.

Иложсизлик...Қанчалик оғир бўлмасин мусибат ўз тузини тоттирар экан. Уйдаги ишларимни қилар эканман гўшт қиймалагич (мясорубка) га кўзим тушди. Ковид касаллигидан кейин соғлом турмуш тарзи, пиёда юриш каби кундалик спортга катта эътибор берилди. Одатда дадам ҳар куни 3-5 км пиёда юради. Маҳаллани эрталаб бир айланиб чиқади. “Соғлом ҳаёт сари беш минг қадам” да маҳалла нуронийлари билан иштирок этиб, ғолиб бўлибди ва гўшт қиймалагич билан ташаккурнома топширибди. Ўша вақтда уйга келгандаги хурсандлигини кўрсангиз эди, ҳудди ёш боладай. Шу нарсани (гўштқималагични) кўпдан бери олиш ниятим бор эди, худони етказганини қаранг кўнглимдаги совға бўлди деб. Аслида уйимизда замонавий, токда ишлайдиган гўшт қиймалагич бор аммо, дадамга берилган бу совға қадрли эди. Қўлимга ушлаб ҳаёлга толдим эҳҳҳҳ одамдан жонсиз нарсаям қадрли экан, ўлмаскан.

Касб байрамида бир гуруҳ матбуот котиблари, журналистлар, соҳа фидоийлари муносиб тақдирланди ҳамкасбларни ютуқларидан хурсанд эдик. Шунда энг яқин ўртоғимга берилган кўкрак нишон унинг кўп йиллик орзуси эди, эришди аммо “бу бир темир у мен учун ҳеч нарсани англатмайди” деди. Аслида англатади. Нимани? Эътиборни, миллионлар ичида борлигингизни, ким эканингизни, ижодингизнию меҳнатингизни. Шу биргина юмалоқ сариқ темир ўз ичида нималарни жамламаган. Сизга бўлган давлатнинг ишончини, меҳнатингизнинг қадрини, бошқалар ичида алоҳидалигингизни шулар мужассам бунинг ичида, ишонч ёрлиғи бу билсангиз.

Гўшт қиймалагич билан кўкрак нишон орасида нима фарқ дерсиз балки, шу иккиси ҳам оддий темир лекин инсондан кейин унинг яшаб ўтганини, унинг оз бўлсада қувончини билдирадиган темир экан. Шуни англадимки ҳаёт қисқа, уни мазмунли ва мароқли яшаб қадрлайлик, меҳр ва муҳаббатимизни бир-биримиздан аямайлик. Туғиламиз, яшаймиз ва бу дунёни тарк этамиз... Биздан кейин ҳам бизни эслагувчилар бўлсин!

Беруний тумани ҳокимининг матбуот котиби Айнура Уразова*