‏سقى الله لياليك الاخيره قبل فرقاك
‏ تبي الصدق ؟ كل ليله معك ماعليها زود

‏ تغيّبت .. لكن ما تغيّب شغف لقياك
‏ على البال فارش لك دروب الحنين ورود

‏ أنا كل ليله ألتقي خِلسه .. بـ طرياك
‏ واعلمك بـ علومي كأنك معي موجود

‏ محبتك امانه لا تفكر بيوم انساك ..
‏ أنا حالف احفظك لك امانتك لين تعود

بلاك إنك تعرف إني أحبك
‏لو غيابك طال
‏و بلاي إني أعرف إنك دوّاي
‏و لذة سنيني
‏حساافة / كل يوم يمر مالك في ذراه ظلال
‏لا أسمع فيه صوتك
‏ولا تزور و تحاكيني

‏﴿ وَمَاكَانَ اللَّهُ لِيُعْجِزَهُ مِن شيء ﴾
‏اللهم اشفي مرضانا و مرضى المسلمين

‏جعل ربي ما يجرّدني من شعور القناعه
‏يا كثر ما فاتني فرصة عمر و اقول خیره

‏- جابر النشيرا

‏تمرني مثل سبتمبر مابين الشهور
‏غريب وأسرارك أسرار ، وزمانك زمان

‏وأنا على موعدك عقرب شعوري يدور
‏أخاف لاجت سبع ، وأخاف لاجت ثمان

‏بعض الأماكن أسميها أماكن شعور
‏عظيم يا هالشعور.. اللي يعيش فـ مكان

‏عسى صبحٍ نوى كسرك يموت وماطلع به شمس
‏ وعسى منهو نوى جرحك يموت الحظ ما طاعه

وكأنك معي وأنا فقدتك من سنين

‏كان أحسب إن لحبنا عشرة أرواح
‏إلين شفت الحبل بيديه مقطوع

‏يوم العهد به حده إسبوع لى راح
‏إسبوع ويعوّد علي شوق ودموع

‏واليوم خمس سنين والهم مازاح
‏هم الفراق اللى بلا عذر مشروع

‏أستغفرالله تسعة شهور ياصاح
‏فى غيبته قمت احسب اليوم بإسبوع

ظاهرت بالراحه وانا خاطري مكبوت
‏اسولف مع سالم واهوّن على هادي

‏ياجابر ياشين البكيه اللي مافيها صوت
‏هذي والله اللي يمكن تطلع فوادي

‏له العهد فاللي عاد من عمري الموقوت
‏لاسولف من اسمه لين يرثونه احفادي

‏لو ابسط حقوقه كلمةٍ كنها الياقوت
‏يسولف به التاريخ هجري وميلادي

‏- صالح النشيرا

ابتسم واسرد لي همومك ترى الدعوى بسيطة
‏لا تزوّر بسمتك والحزن يقطع سالفتها
‏
‏لا تضيق وينتثر دمعك وأنا فوق البسيطة
‏اذخره لاسمّعوك إسمي وأنا قدني تحتها
‏
‏- صالح النشيرا