‏لاضاق صدري اقول ان الامل بكره
‏واللـي خلق هالبشر ماهو مخليها

‏محتاج لوجيه لا تحقد ولا تكره
‏والا القلـوب الله أعلم في خوافيها ")

‏لاتجرح شعوري ولا اجرح شعورك
‏يكفي علينا من الدنيا مواجعها

‏معاهد النفس مهما تبلغ قصورك
‏ما اسمعك كلمةٍ ما ودي اسمعها ")

‏مع أنك كل يوم تمر فـ أحلامي
‏ولكني عجزت فـ واقعي ألقاك

‏إذا حبك وهم فـ أنت أصدق أوهامي
‏إلى اخر يوم في عمري وأنا أتمناك

‏مابقى في يديّ شيٍ على شان أرتجيه
‏رح مراح دموع من راح عمره يرتجي  

‏أصلاً الانسان لا عاف له حاجه تجيه 
‏وان بغاها لو يحب الثريا ما تجي

‏من كثر خوفي دلالك ياخذك مني
‏قلت الخطايا قبل تخطين مدموحه
‏..
‏ماهو لأني ضعيف .. اسامحك لاني
‏خطاك اعدّه خطا الواحد على روحه

‏اخذني مني ومن حريتي — وبلادي
‏واخذ قلبي واخذ كل اللي وراه ودونه

‏الغريق الي دخل في بحر حبك غادي
‏ودك الى دوروه اهله . . ما يلقونه ")

‏ذاك الزمن راح يوم الحزن لا جابك
‏ماترجع الا وهم الصدر متفرج

‏ظهرت من ذمتي في ذمة احبابك
‏انا من اليوم مثل الناس متفرج ")

‏ياشوق قلبي كل ما مر طـــاريك
‏يزيد فيني الشوق وعزف لحــوني

‏القلب حب حروف اسمك وهـاويك
‏يصيح بعلا صوت وينك عيــــوني

‏سوالف الناس عن الناس أعديها 
‏ياكم هالناس جابوا لي وودوا لي
‏
‏ والكذبه أدري إنها كذبه وأمشيها
‏ أحيان حتى ظلالي يكذب بطولي .

‏على طاري مساء الـ خير :
‏وكوب القهوة المرة !

‏فـ بُعدك ماعرفت الـ خير :
‏ولا مسيّت بالـ مرة ..