مدخلك بالله لاتفتح بابٍ مسكّر
‏مثل ما الإرض متحملتك تحملني

‏أنا من الحزن مثل اللي معه سكّر
‏لا جاني الجرح يبطي مابرى مني

‏يميّز الأنسان عقله و ثقله
‏وانا بـ عمري ما تصنعّت ثقلي

‏أخاطب الجاهل على قدّ عقله
‏و أخاطب العاقل على قدّ عقلي

ماابغى الهديه منك ساعه ولا ورد
‏الوقت ما احسب له ولا الورد اشمه
‏-
‏انا يا ماء عيني ذبح صدري البرد
‏وصدري مايبي غير صدرك يضمه

‏لا تسولف عن البرد .. أنت مالك مجال
‏ماتعرف الشتاء إلا بالشكل و الأسم

‏حتى لو يلفحك جليد برد الشمال
‏دافي إحساس والله ، ودافي جسم

‏وانت تدري كل ما تحتاجني تلقاني
‏يشهد الله عنك ماتقدر تشح يديه

‏بس تكفى لاتعذبني ولاتنساني
‏ضمني يانور عيني في حشاك شويه

‏كل ماشفتك تدخلني بعالم ثاني
‏عين تنظر لك بشر والثانيه حوريه

"تحاصرني الدنيا واموري مثل ما هيّ
‏الازعاج يملى مجرياتي .. وأنا هادي"

‏_عبدالله السراهيد

‏كامل الزين .. من حقّه ليا شاف حاله
‏و إن تغطرس على جيله من أبسط حقوقه

‏جادلٍ ما يسولف عن مفاتن جماله
‏غير من فتّح أوراقه .. و غذّا عروقه

‏لا مشى .. ما مشى إلا ماخذٍ راس ماله
‏و أن قعد ، قعّد الحلوات و السوق سوقه

‏من غروره يمشّيها على ما بداله
‏كن ما الأرض تحته و السماوات فوقه

‏" تعال إن بدأ لك في دروبي ضحى وديار
‏هذا الصدر مرتع، وأنت خابره وتْدلّه

‏معي وجه علم، وليلٍ أدلم، وضيقة ثار
‏وأنا لا لمحتك يسري القلب عن غلّه

‏خذ أول شبابي عمر لاشحّت الأعمار
‏وإذا كان مايكفي .. فداك العمر كلّه "

‏"طاح من عيني عتاب وطاح دمع وطاح غالي
‏والعيون إن طاح منها شي .. ما تقدر تردّه"

‏على كثر ما بقلبي من جروح وندوب
‏يا كثر ما أضحك وكن الحزن مني بِري

‏لعل ربـي .. يعوضني بوجهٍ طروب
‏شخصٍ لعيني على صكات بقعا جِري

‏يخشى دموعي مثل خشية وقوع الذنوب
‏معاه ما يسبق الرغبة شعور الجري

‏يلبّي الحاجة بنفسي قبــل مــا تـذوب
‏من زود طيبه يستحي لا تقعد بخاطري