Сіздер жауап беріп көрсеңіздер✌

2017-ден бері алғаш рет Әнуар Нұрпейіспен “Күміс кітабын” таныстырылымынан бері іс-шараларына қатысып тұрамын.
Құрметім зор.

Сонымен қатар бүгін сәті туып соңғы жайтқа қатысты көкейде жүрген ойымды көпшілік алдында айтып көрдім:

Қазақ қоғамында “мінсіз болуым керек”, “мықты болуым керек” деген драйвер әсері қатты. Соған деген қарсылық пен еркіндік көтерілісі ретінде шыққан кітап болып көрінді.

Кезінде 91 перформанстары, АЗиЯ, Лолита, 1984 кітаптары сияқты.

Саналы түрде инициация мен провакация туатынын біліп жасалған дисседенттік іс пе деген.

Оксфордтағы әдебиеттану тарихы пәнінің кіріспе дәрісінде:

Тілдің қалыптасу кезеңіне емес, шыңына тоқталып өтеді екен. Оның себебі студенттерге шедеуірге тәбет ашып, еліктіріп қойғызу. Едәуіргі кезеңді іші пысып кетпесін, беті қайтып қалмасын, негізгі тағамға аңсары ауып тұрсын деу үшін.

Сол себепті стендапқа барғыларыңыз келсе, алғашынан-ақ Данияр Алшынға баруға кеңес беретін едім.

16personalities.com 2016 жылы тапсырғанымда есімде бір ғана интроверсияның өзі 78% болған, кейін 54#-ке дейін түсірген едім.

Енді міне экстраверсия 64%- болыпты.

Бірақ бұның артында қаншама жағдай мен оқиғалар, қақтығыстар, өзгерістер болып үлгерді десеңші.

INFP -> ENFP -> ENTJ

?

Соңғы бес ай ішінде бір де бір ақылы консультация жасамаған едім. Бағасын көтеріп қойғаным да бар.

Дегенмен соңғы екі аптада төрт консультация болды.

Әртүрлі тұлғалар. Біреуі үлкен компанияның топ менеджері, біреуі білім завучы, біреуі белді имам-ғалым, біреуі архитектор.

Бірақ барлығының түптін түбіне келгенде проблемалары өзіне денен сенімділікке қатысты болды.

Қызық. Өте қызық.

Сенімділікпен жұмыс істеу керек :)

Бір қызық мәселе: Егер сізде бұрыннан осы проблемаңыз болса, жаңа мүмкіндік келген сайын, осы проблемаңызды жеңген сайын, жаңа деңгейге өтер тұсыңызда, сенімсіздік жаңа күшімен, үлкейіп қайта келе береді. Көп басты гидра сияқты.

Ал айнала айна екенін ескерсек…

Негізі кез келген мәселе туындаса, не шешетін нәрсесі таусылса, мына этаптардан өтеді дейді ғой:

1. Белгі;
2. Басқа адамның өмірінде орын алған сахнаның көрінісіне куә болу;
3. Жеңіл түрдегі бір адамның кері байланысы;
4. Қатты түрде бір адамның кері байланысы;
5. Баспен қадалу;
6. Ауру;
7. Өлім.

Ендігі бізге де қандай нығмет жазылған екен деп, ой жүгіртудеміз. Өмір сүруімізді жалғастырудамыз. Солай...

Қызылордаға пассивті демалысқа барамыз деп, актив түрде қарбалас жұмыстарға қабысып кеттік.
Тоқсан жылдық ғұмырынан кейін кенеттен атамыз қайтты.

Өмірін білім саласында бастап, шаруашылық пен әлеуметтік жұмыстарымен аяқтаған адам.

Негізі біздің аталарымыздың барлығы дерлік білім мен дін саласында қызмет еткен екен. Оған әулеттің шығу тегі тікелей себепкер. Ұзақ ғасырлар бойы Сырдария жағасын мекен еткенімен, ХІХ ғ. ортасына қарай Торғай өңіріне дінді жаю және байдың балаларын оқыту үшін қоныс аударды. Дегенмен 1916 жылғы Амангелді Иманов бастаған көтерілісшілер тобынан қудалауға ұшырайды. Солай әулет үлкендері бөлінеді. Алғашқысы Тәжікстанға, екіншісі Қарақалпақстанға, ал үшіншісі Қызыл-Орда жаққа қоныс аударады. Жергілікті халық жер мен егістік алқабын бөліп береді. Солай КСРО кезеңінен бастап ұзақ ғасырлар бойы үзілмей келе жатқан кәсіптері өзгереді. Диқаншыға ауысады. Біздің осы атамыз да сол диқаншылықтың жетер жеріне жеткен кісі.

Дегенмен оның ұрпақтары біртіндеп қайта білім саласына қарай ауысып келеді. Бұл бәлкім қуантады.
Біз де сол үдерісті үрдіске айналдырғысы келіп жүргендердің біріміз.

Ысқақ Шерияздан Мағауия ұлы. (Ширек Маутайұлы 1937)
1934-2024

Қиындату оңай,
Жеңілдету қиын.

#орынтайдыңойлары