الجرح الأول من ع الناكَه .. وانعى اخواني
بلا جناز يضل تابوتي .. الجرح الثاني
لبغربه اتموت
وحشه التابوت
الجرح الثاني

كل ما اتنفس اتحسر
كل ما تطلع شمس اتحير
اذكر ممشه بذاك البر
واموت
لسه وكل سا تدور عيوني
لسه انده بلكت يلفوني
الكلفين اخواني ايشيعوني
من اموت

وجهتي وجهي لكربلا ودموعي نار
نعش اختكم ياهلي بنص غربه صار
بااااارد التشيع اخافن بس كلبي حار
عدله ميته أيامي خلصت انتظار

شتحمل شصبر شتجرع .. كلهن بيه
طلعت روح الماكو اخوتها .. والمسبيه

نعشي المطروح

متروس اجروح

الجرح الثاني

مرتين الشاااام اكصد ليها
ومسبيه ديااااار افتر بيها
مرتين اخواني امتانيها

الكَلُب

مسبيه اكصد روحه ورجعه
دورت اخوان بكل دمعه
مرتين امشي وجني مضيعه

الدرب

و هو مرتين السبي رااايدله روووح
طويل دربي عله اخوتي خلصته انوح
لشام ارجع والهوه من يهب جروح
وعدله ميته لكربلا اتمنى ارووح

محد يعرف معنى الحركَه .. العاااشت بيه
مذبوح ابن امي وهاي اني .. هم مسبيه

مرتين النوك
فرتني بسوك

الجرح الثاني

وهاي الايام الي مرت
بيه النوك شكد افترت
لسوكَ الشام اليكتل وصلت
عذاب

وكفت سوك الاخذت روحي
مجتوفه وعيني لمذبوحي
ع الناس افترو بجروحي

عذاب

وجان محد بالمدينه سامعلي صوت
فوك عرجه النوكَ تالي لشام افوت
السبي الأول مامتت بس كَلبي مات
السبي ثاني بغربتي من نوحي اموت

اخر لحظه واخر حسره .. مرت روحي
يمته اتلاكه حت لو ميته .. وي مذبوحي

غربه الاياااام
بس هي الشام

الجرح الثاني

لأخر ساعات من أيامي
ما متروي كَلبي الضامي
وين الله ويطلع كدامي

الحنين

وتغمض عيني وهو كبالي
واصرخ ها يحسين الغالي
جاي تشيع نعشي الخالي

حسين

ها يروحي بدمعتج ترسميين اخوج
بلكي بالتشيع كون اهلج يجوووج
وعله باب الساعة كون ايوكَفوووج
حتى أهل الشام هيج ينااااظروج

عله متون اخواني يحملونه .. نعشي بهيده
يكض خشبت تابوتي ويمشي.. الكافل بيده

يمشووون وياي
يصيرون فياي

الجرح الثاني

وحشه جنازه وماكو اخوتها
هاي الهضمه وياهو يزتها
جرحتني الروح بطلعتها

يجوووون

رديت بفكري عله المذبح
رديت لكل ذاك اليجرح
جا هم جنازه وحدي أصبح

يهوووون ؟؟؟

من الغريبه الحايره بشااام المصااااب
من العقيله الجلبت بس بالحجاب
من اختكم يخوتي الشبعت عذاب
ياااا لهااااشم شيعو اختكم كَلبي شاب

ومن المغتربه المقهورة .. بشام الغربه
من تشييع غربه الوادم .. هاي الصعبه

غربه التشييع
غربه التوديع

الجرح الثاني

الحمد لله رب العالمين

بعازت الخوان روحي وهي عدله وهي ميته
الغربه متفصله عله كلبي عمري خلص كله يمته
غريبه يروحي

آه يا كَلبي العايش غربه قبل الطف بهواي اسنين
كَلبي الشابع وين التوجع بس ما شابع من حسين
اخرلحظات المن عمري درت عله الطف شوف العين

بلكت يلفي الروحي تريده
بلكت دفني يصير بأيده
بلكت ما موت اني اوحيده

مثل ما ع التل رحتله .. حسين خويه الحك ندهته

هو العايش عمره وحيد يخلص عمره متاني الموت
بلكت يلفون الي يحبهم لو بس اسمع منهم صوت
و زينب ياااا زينب محتاااره فوگ الناگه وبالتابوت

احسب بيدي يمته يجوني
ما گول الهم زرگه امتوني
بلكي ابتشييعي يزتوني

هلي

اخت وآدم اهل غيره ... حتى دمعي يطيح سكته
بعازت الخوان روحي ** وهيه عدله وهيه ميته
غريبه

*'

كَلبي المشلوع امن الغربه كَلت بموتي هواي ارتاح
يشيعوني اخواني ابدمعتم بنعشي واسمع لهلي صياح
حتى انسه الوكفه الكتلتني من يحجي وياي الذباااح

يالساده الماتت علويه
وهيه الشام اشخلت بيه
تلكَتني ابجلمة مسبيه
هضم

يهلي جا شيصير كَلبي.. ياهضم ضل ماجرعته
بعازت الخوان روحي ** وهيه عدله وهيه ميته
غريبه

عفت الشام لدار احزاني بس ردوني لنفس الشام
مرتين وي الشام اتعذب مره لنعشي ومره أيتام
باب الساعات الما يرحم كاسر كَلبي كسرت جااام

هم ارجع لل ما رحمتني
الشام الشام الكتلتني
ماضل هم إلا وراوتني
متت

الشام باكَت حيل مني .. شكد هضم منها حملته
بعازت الخوان روحي ** وهيه عدله وهيه ميته
غريبه

كل ما اتنفس اتحسر وموتي يصير ابشرب الماي
انعي المطررروح عله الغبره ثلث تيام ابلايه فياي
واذكر من مسبيه اخذوني ما خلاني ويمشي وياي

ينزل من رمحه شجم مره
يلم عيال ابر متطشره
كَلبي ونحره صارن عشره
لحنين

الليل كله كبالي واكف .. نحر يحرس موكب اخته
بعازت الخوان روحي ** وهيه عدله وهيه ميته
غريبه

هو لضل بس نحر ابرمحه ويايه افتر كثره ديار
ويهز رمحه كل ما نعثر حسين عله اخته هواي يغار
يحب زينب جان ومتأكده مايرضالي ابموتي احتااا

جناز حسين ويدفني
وفوك امتونه هم يحملني
بهيده بهيده من اينزلني
اخوي

مفرع ويركض يجيني .. هذا ابن امي العرفته
بعازت الخوان روحي ** وهيه عدله وهيه ميته
غريبه

الجرح الأول من ع الناكَه .. وانعى اخواني
بلا جناز يضل تابوتي .. الجرح الثاني

لبغربه اتموت
وحشه التابوت

الجرح الثاني

كل ما اتنفس اتحسر
كل ما تطلع شمس اتحير
اذكر ممشه بذاك البر

واموت

لسه وكل سا تدور عيوني
لسه انده بلكت يلفوني
الكلفين اخواني يشيعوني

من اموت

وجهتي وجهي لكربلا ودموعي نار
نعش اختكم ياهلي بنص غربه صار
بااااارد التشيع اخافن بس كلبي حار
عدله ميته أيامي خلصت انتظار

شتحمل شصبر شتجرع .. كلهن بيه
طلعت روح الماكو اخوتها .. والمسبيه

نعشي المطروح

متروس اجروح

الجرح الثاني

مرتين الشاااام اكصد ليها
ومسبيه ديااااار افتر بيها
مرتين اخواني امتانيها

الكَلُب

مسبيه اكصد روحه ورجعه
دورت اخوان بكل دمعه
مرتين امشي وجني مضيعه

الدرب

و هو مرتين السبي رااايدله روووح
طويل دربي عله اخوتي خلصته انوح
لشام ارجع والهوه من يهب جروح
وعدله ميته لكربلا اتمنى ارووح

محد يعرف معنى الحركَه .. العاااشت بيه
مذبوح ابن امي وهاي اني .. هم مسبيه

مرتين النوك
فرتني بسوك

الجرح الثاني

وهاي الايام الي مرت
بيه النوك شكد افترت
لسوكَ الشام اليكتل وصلت
عذاب

وكفت سوك الاخذت روحي
مجتوفه وعيني لمذبوحي
ع الناس افترو بجروحي

عذاب

وجان محد بالمدينه سامعلي صوت
فوك عرجه النوكَ تالي لشام افوت
السبي الأول مامتت بس كَلبي مات
السبي ثاني بغربتي من نوحي اموت

اخر لحظه واخر حسره .. مرت روحي
يمته اتلاكه حت لو ميته .. وي مذبوحي

غربه الاياااام
بس هي الشام

الجرح الثاني

لأخر ساعات من أيامي
ما متروي كَلبي الضامي
وين الله ويطلع كدامي

الحنين

وتغمض عيني وهو كبالي
واصرخ ها يحسين الغالي
جاي تشيع نعشي الخالي

حسين

ها يروحي بدمعتج ترسميين اخوج
بلكي بالتشيع كون اهلج يجوووج
وعله باب الساعة كون ايوكَفوووج
حتى أهل الشام هيج ينااااظروج

عله متون اخواني يحملونه .. نعشي بهيده
يكض خشبت تابوتي ويمشي.. الكافل بيده

يمشووون وياي
يصيرون فياي

الجرح الثاني

وحشه جنازه وماكو اخوتها
هاي الهضمه وياهو يزتها
جرحتني الروح بطلعتها

يجوووون

رديت بفكري عله المذبح
رديت لكل ذاك اليجرح
جا هم جنازه وحدي أصبح

يهوووون ؟؟؟

من الغريبه الحايره بشااام المصااااب
من العقيله الجلبت بس بالحجاب
من اختكم يخوتي الشبعت عذاب
ياااا لهااااشم شيعو اختكم كَلبي شاب

ومن المغتربه المقهورة .. بشام الغربه
من تشييع غربه الوادم .. هاي الصعبه

غربه التشييع
غربه التوديع

الجرح الثاني

كضيت الضلوع .. وماخذني دمى
وصحت ابدمعتي.. خَلوّ ابنَ عمي

غريبه

اول ما حسيت ابكسرت..ضلعي أشعر بالمحسن طاح
لبسمار الطب وسط احشائي خله الدم عالحايط ساح
و ماهميت لكسر اضلوعي ولا للمحسن ذاك الراح
بس من حيدر شفته امجتف أشعر كلبي هوه الصاح

ادموعي الجريات .. يا فضه صاحت
لحكي الي بساع .. مو روحي راحت

غريبه

للمسجد اكصد محنيه وفوك ضلوعي امخليه الايد
وصاح الثاني رجعو الزهره لحكت حيدر شنهو اتريد وقنفذ شال السوط ويضرب واحد صاح بسوطك عيد
واصرخ خل حيدر يرجعلي من يرجع بس روحي تهيد

بصوتي ودمعتي .. الظالم اسأله
هو النبي أشكد.. جا وصه بهله

غريبه

____

انه العشت أيامي ابغربه الغربه الما مر بيها انسان
محرومه من الدمعه اجريها صرت اكصد بيت الاحزان
ولاجار اليسأل عن وضعي واني الكَلبي عله الجيران
ومحد يفزع ليش لبااااابي من شبت بابي ابنيران

مجتوف ابو حسين .. بحبل الوصيه
ليش اهل يثرب ** شحو عليه

غريبه

واحد واحد شفت الوادم اتلثميه الهجمو ع البيت
شي يرفس بابي شي يدفع وخلف الباب اني اتواريت
وقنفذ جاب السوط بأيده يضرب متني شما ونيت
تلثميه وهجمو ع الزهره وكسرو ضلع ام ال البيت

شال ايده قنفذ .. وسوط بيمينه
عمر اليأمره.. ومبتسمه عينه

غريبه

اخر لحظات وي طفالي بدمعي وصوتي الضل مبحوح
هذا الحسن شفته اكبالي شلون السم من جبده ايفوح
وهذا حسين الخيل اتسحكه فوكه انضرها اترد وتروح
وزينب هاي اعزيزت كَلبي مسبيه لجم ديره اتروح

بنتي العزيزه .. صارت سبيه
ومذبوح الحسين بالغاضريه

غريبه

ولا يبرد نوحه .. وكلفات اجروحه
جناااااز بروحه .. علي مشه

سر الله الأعظم .. شيعها ملثم
ماااخذ روحه لكَبر
نزلها ابهيده .. تتراجف ايده
وطمهاااااا اسنين العمر

ومن راد يوكف ماكدر ماشالته اجدامه
اتمدد ابصف الكبر حل طرف العمامه
وجهه اصفر ويبجي علي وتبدت احلامه
وشيرجع لبيت بعد وشيلكًه كدامه

لو رد لبيته .. ياهي امتانيته
مكسور الخاطر .. علي مشه

وامتدد وياها .. فاطم حاجها
راح وياج الهوه
تخنكَني الوادم .. واتغرب فاطم
يموت ابعيني الضوه

دنك يحااااجي بالكبر والدمعه ماخذته
شيسوي اليحس ابغرب والروحه عايفته
فوك القبر فاطم صرخ وكض بيده خاصرته
المثل حيدر ياخلك مو هينه سالفته

ليشيع الزهره .. جن يحفر كَبره
يموت بلا فاطم .. علي مشه

وبدمعت عينه .. يسولف بونينه
فاطم فاطم حجه
واشكد حاجاها .. وتحجي أتمناها
ومارد صوت وبجه

ياا نور عيني فاطمة يم روحي حاجيني
وياج انه اقلع خيبر وبس محني عفتيني
وبكل حروبي الي مضت بسمج تِحرسيني
ماشيل سيف الا صحت يا زهره عينيني

من كض ضلوعه .. هد نهر دموعه

تذكر فاطمته .. علي مشه

روحت فاطمته .. كلش كاسرته
تارس وجهه التعب
ينكَل خطواته .. ونزلن دمعاته
وحيدر عاف العرب

سد باب بيته وانعزل وي البير سالفته
مكسور ضهره وخاطره بس ينعى فاطمته
موووو ولده بس اتيتمو بروحتها يتِمته
اليوزع ابكيفه الهوه هاااالدنيا خانكَته

يوصل يم بابه .. ويحاجي عتابه
من نعصرت يمك ... علي مشه

لليل يتاني .. من الشوك يعاني
ايسير يم الكبر
يقره بقرئانه .. ويلم أحزانه
يكلها احتاج اشكثر

الليل هذاااا الي يمر والناس نايمته
يم القبر حيدر كعد ورجعيلي سالفته
من المغرب اجدامه لعد ام روحه ماخته
و يقرالها آياااات ابدمع والفركَه كاتلته

مشيب وجه الله ... ذابل حيل الله
متغير كلش .. علي مشه

الحمد لله

خالد عبد السادة البديري

https://vt.tiktok.com/ZSjmcgDrf/

وين انت يالمهدي .. خلصني من عندي
انه وين وانتظارك صار وين
روحي اخذها عليك مشيت الحسين

وين ادورك .. ردت اشوفك
عليك امك فاطمه وديني ليك
جبت روحي.. الما احبها
رايد تخلصني منها من اجيك
هواي اجرحك .. وانت تعذر !!!؟؟
واني حيل هواي كلش منطي بيك

شايفهن ابعيني .. كلهن سجاجيني
هاي الجروح ابگفاك اعليه دين
روحي اخذها عليك مشيت الحسين

اليوم باجر .. وياك اصفه
الف باجر شو عبر بس ماذكرتك
المغربيه .. تدعي ليه
مفرع وتستغفر لذنبي ابدمعتك
موسد اتراب .. بالصحاري
واني ما فكر ابد حتى ابرجعتك

وين انت ياديره .. ثق حيرتي جبيره
رايد ارجعلك صدگ واشبع ونين
روحي اخذها عليك مشيت الحسين

بيا جزيره .. بيا مدينه
عليمن تدور يمهدي بهاي الايام
بكربلائك… انت هسه
خاف يم عمتك رحت متعني للشام
بس انشدك .. وادري اجرحك
اكو بثيابك حرگ من حرگ الخيام ؟؟

ارقيه جارحتك ؟؟ .. لو حاير لعَمتك ؟؟

تفكر شلون بحبل مجتوفه ادين
روحي اخذها عليك مشيت الحسين

عيوني صلفه .. هواي تغفه
واحس بيك من البچي معميه العيون
بطولي امشي .. وانت محني
سياط عمااااتك الم تارسها المتون
وين غافي .. تمشي حافي
تفكر بسكنه ورقيه الحافي يمشون

بعينك اثر سطره .. من سطرت الزهره
بيك ذني وعايش لحالك حزين
روحي اخذها عليك مشيت الحسين

تبجي المن ،، هواي الجروح
العصرت الباب المدامع لو للعيال
بيك ديره ،، من المواجع
وحزنك التارس دليلك يهدم اجبال
والمصيبه ،، ننسه جرحك
گلوبنه مقفوله عنك بقوه القفال

ناسين وانجرحك ،، كل ما طلع صبحك
واحنه ماننشد عليك امسيت وين
روحي اخذها عليك مشيت الحسين

ميهمني الهوه لأي جانب من ايهب
مو بشراع اني بسَيّدي امجلب

حسين .. حسين .. حسين

أولوياتي من اسطرهن أمامي
وأتسائل منو اليسوه اهتمامي ؟؟
رأس الحكمه اذا خاف عله الحسين
وافكر كون اكدر أرضي إمامي

الناس شما حچـت
الرضت والما رضت
الزَبَد يذهب جفااااء
و دمعتي بس بقت

تخربطني النَـــفِس وحسين اليرتب
مو بشراع اني بسَـــــــيّدي امجلب
حسين .. حسين .. حسين

وامشي واعثر وهم ارجع أمشي
ودرك ان ابو الاكبر هو اهم شي
حسين الخيره بيه منهد الگماط
يضل ويايه خيره لـــــــيوم نعشي

اذنبت واتذكرت
فشل منه گلــت
عوج جنت واجيت
ابضريحه اترتبت

من احسين فشله لو ردت اذنب
مو بشراع آني ابسيدي امچلب
حسين .. حسين .. حسين
••••••••••••••••••••••••••••

الم راحلتي وابدي ابحبي هجرة. ( سفر )
وكلشي ابلا حُــسين بساع اهجرة. ( اتركه )
رحال ورِحِلتي وين اكو حسين
شنسه حسين حتى اگدر اذكره ؟

منو اليسوه السهر
واله احني الضهر
منو اليسوه اختنگ
إذا طاااريه مر

بقـــوة الله دوم ابدمعتي امعزب
مو بشراع اني بسَـــــــيّدي امجلب
حسين .. حسين .. حسين

تضكني الدنيا واحتار وي قصتي
واحاجي الصورة البحايط غرفتي
وابجي وبابي ينسد بس صوره وياي
وتفزع صورته وتمسح دمعتي

اذا اتمنى امر
عله الصوره امر
المسه اطلب طلب
ويتم وي الفجر

الدنيا اتزيد جرحي حسين اليطيب
مو بشراع انه ابسيدي أمچلب
حسين .. حسين .. حسين ..

بطبعه ابـــنادم ايــدور مضاااااهر
ودور انت عن حب ابنَ مضااااهر
وشوف حسين شيحب شنهو شيريد
واعمه بهالطريق ويااااه ساااافر

اليحب واحد لگاه
مشه اعمه وراه
اليمد أيده لحسين
عله المخيم خذاه

وخلي الــــناس كلها اتشرق اتغرب
مو بشراع اني بسَـــــــيّدي امجلب
حسين .. حسين .. حسين

الحمد لله

سااااعات .. نوكف اباب الساعات
الشمات.. تسوينه فرجه الشمات
ويكتل بجي العلوياااات
من نوكف اباب الساعات

والعرف جرحي عرفني ... من احجي الآم
وراح اسولف عن مواقف .. كربلا وشااام

سيد البكائين اني وكلبي مشلوووع
الـ بلخيم وبأذني اسمع رض الضلوووع
حيره سالفتي ونحيب وحسره ودموع
الروحه ملجومه واسير وكلبه مفجوع

ليبات .. وبكلبه الجروح اتباب
لجمات .. من الشاااام شابع لجمات.
سالفتي شهكَه وحسرات
نوكف اباب الساعات

من خلص ليل اهدعش .. خلصت روحي
من شفت نوكَ الهزل .. شاااابن جروحي

مره حسره لراس ابوي الشوف اديره
ومره اشــوف شحال عمتــنا الجبيره
جتفوها وحيره شمــــرتني عله حيره
ومتت من صاحوها كومي يـ الأسيرة

اخيام .. ماضلت اعلينا خياام
ايااام .. كلهن وجع مووو ايام
نسولف قصصنا بدمعات
نوكف اباب الساعات

واتحضرن عماتي كلمن ناكه صعدت
طلعن ابهيئت أساااره وروحي طلعت

بالسلاسل عمتي زينب تمشي صارت
ومن ع الـ رماح وعليها الرووس دارت
وكبل ما ع الناكه تصعد جنهااا حااارت
هاي عازت اخو زينب هيج صاحت

الناس.. متجمهره اعلينه الناس
عبااااس.. اسمعها صاحت عباس
شلعت كلبها الحسرات
نوكف اباب الساعات

وانطلق مووكب سبايه .. كاااصد الشام
اسبعطعش راس ابرمح .. مرفوع كدام.

محني امشي وبيدي شدو كيد واغلال
و الضعن كلساعه توكع منه الـ طفال
افكد النسوان وابجي ودمعي همال
سبي لجم ديره خذوهن والدرب طال

بهداي .. ضليت اونن بهداي
الماي .. للنوك من جابو ماي
ناديت عطشاان ومات
نوكف اباب الساعات

هنه جم يوم وبعدها .. ندخل بسوك
وبين هوست زلم باجر.. توكف النوك

دفوف وطبول التدك وكلبي محتار
وناس تتلكانه بااااجر تشمر أحجار
وهوست كلها بوجهنا من الوكت دار
اوين ماااا اندار زينببــب ليـــه تندار

هوساااات .. من استقبلونا بهوساااات
لجمات .. التمينه روس ولجمات
مكاطف حجر وحجااااياااات
نوكف اباب الساعات

الحمد لله

خالد عبد السادة البديري

سامعه الصوت
صوت كسر اعظام هذا وكَلبي حاير
سامعه الصوت
بس كَبل بسمار جان وهسه حــافر

نشلع كَلبي مَرِتين**ويالزجيه اوي حسين
سامعه الصوت
¯¯¯¯¯ ¯¯¯¯¯ ¯¯¯¯¯ ¯¯¯¯¯ ¯¯¯¯¯

بهيده ابجي.. المن احجي .. صوت اخذ روحي وعلي لمن سمعته .
كَبل عصرات… هسه سحكات… صوت جن ضلع انكسر هذا عرفته .

اخ من هاي الحوافر شيبتني
شما تدوس ابهيده اصيحن دولبتني
بصوت اه من امي طالع ذكرتني
داست بصدر الحسين ودوهنتني

بهيده ياخيل

هذا اخوي شبيجن بهيده على صدره
بهيده ياخيل
شو حوافرجن غـــدة من دمه حمره
شبجين تطلبني دين
نشلع كَلبي مَرتين
سامعه الصوت

شفت الحسين… طاح مرتين… اني ع التل وندهلي خلص الحــيل
بحسره اناديه ..حسين احاجيه… خويه هم روحك تره وصلنك الخيل

سحكن بصدر الحسين وكلها تشهد
واني انادي خيولكم سحكت محمد .
ردت واحد بي رحم بس مامش احد
جن اسمعه احســــين يازينب تنهد

والله حيره

بصدر اخوي احسين جم حافر لكيته

والله حيره

لو ابو فــــاضل عدل يفـــزع نخيته

وين ادير الوجه وين
نشلع كَلبي مَرتين

شفت واحد… فوكه كاعد… برجله داس حسين وكَبالي يرفسه
بعيني شفته… حز ركبته… واني انادي هذا اخونه لا تلمسه

يحز ركبته وتارسـه وجهه ابتسامه
دنت نفسه وباك من راسه العمامه
وهوه يذبح بيــه شافــنه اليتــامه
وجنه راس حسين ينــده بالسلامه

جيت اركض

بس احس بالراس جان يكلي ارجعي

جيت اركض

السبكَني بطيحته من اعيوني دمعي

انده بصوتي الحزين
نشلع كَلبي مَرتين
سامعه الصوت

واني ع التل ..كَلبي يسأل… اشلون اخلص حسين ورجع يم خيامه
المن امشي… رعب كلشي… شفت باكو محبسه وسلبو عمـــامه

للخيول احــسين صدره صار ملعب
واني ما اكدر ليمه شــلون اكرب
الموتتني بعيني شفته من تسـلب
شارب حسين وعلي بالدم تخضب

العذبتني
واحـــد لواحد شــمر ياناس راســـه
العذبتني
دم اكو بموضع كَبل بي جدي باســــه

بس انادي بالونين
نشلع كَلبي مَرتين
سامعه الصوت

هواي الجروح… التاخذ الروح ...وانتظر ليلي يحل خاطر اروحن
اجمع اضلوع… واحجي بدموع… غادي الم اوصاله ويم صدره انوحن

روحي اخلصها ردت دمعه على دمعه
اثر حافر هذا باقي فوك ظلعه
هذا جف احسين بس مكطوع اصبعه
وفوك صدره لجم رجل متروكه طبعه

يا زمن لا

هذا اخوي شلون الم جسمه باديــه

يا زمن لا

واني راح اطلع تره باجر سبيـــه

هاي قصتي ويالسنين
نشلع كَلبي مَرتين
سامعه الصوت

خالد عبد الساده البديري