كيس من الصيدلية اجاني بيشنت كال ابني رضيع وعندة شلون الحبه كبيرة بلثته ويصرخ منها كتله شلون صاير لونها كال على بياض ف دائما الحبوب الي باللثه والتقرحات يكون لونها ابيض والسبب الرئيسي الها فطري ف انطيناه قطرات نستاتين للاطفال هو علاج فطري يعمل عمل علاج amphotercin B زين شنو ميكانيكة عملهم ثنينهم الميكانيكة هي انو النستاتين يرتبط ب ergosterol of cell membran of fungl cell يعني شنو هذا الحجي يعني احنا عدنا الخلية مال الانسان والثدييات المكون الرئسي مال الcell membrane مالتها هو كوليستيرول (cholesterol) اما الفطريات لا المكون الرئيسي للغشاء مال الخلية مالتها هو الاركوستيرول ergosterol ف علاج النستاتين هو يستهدف ergosterol وبالتالي زادت permability مال الخلية وازداد خروج electrolytes والجزيئات والعناصر الرئيسية للخلية الفطرية مثل الصوديوم والبوتاسيوم وبالتالي موت الخلية الفطرية

وطبعاً طريقة الاستخدام : ٤ قطرات وتوضع ع منطقة مصابه وتكون بتماس وياها قبل البلع

الجزء الثالث والجزء الرابع باجر اكمله الكم ان شاء الله لأن اكو بعد سوالف فحتى مايصير ملل ونتحمس للموضوع اكثر هاي طبعاً اذا مهتمين ? المهم تصبحون على خير??

من ادوية ال tetracycline ليش خطر على الحوامل وعلى الامرأة المرضعه وعلى الاطفال الي همه تحت 8 سنين اول شي اكو معلومة هذا الدواء extensive metabolisim يعني شنو يعني الايض مالته كلش عالي بالكبد وبالتالي مايصير انطي للاشخاص الي عدهم امراض ب الكبد زين ليش ما انطي للمرأة المرضعه لأنو الاخراج مالته ممكن يطلع عن طريق ال milk واما بالنسبة للحوامل ف هذا الدواء خطر بسبب انو هو يعبر ال placenta ويسبب تشوهات بالجنين زين ليش ما انطي للاطفال لأنو الtetracycline يتداخل مع نمو العظام والأسنان يعني شنو يعني يرتبط ب الكالسيوم الي هو اهم عنصر ببناء العظام والاسنان فيسبب بالاطفال اصفرار ب الاسنان وسمية بالعظام وهذا هم سبب ثاني ب انو ليش ما انطي للحامل
زين ليش ما انطي للأشخاص الي عدهم اصابه ب الكلية كأن يكون التهاب مسالك بولية التهاب مثانة وغيرها لأنو هذا الدواء ١٠٠ بالميه يخرج عن طريق ال urine ويكون highly polar يعني ما استفاد من الدواء اذا انطيته وهو اصلا متكسر وخارج ب ال urine

الاموكسيسيلين اذا جانت جرعته ابو 1000 ليش مو من اول مرة اخذه ينطيني المفعول الكامل بأعتبار جرعته عالية ف المفروض ينطي تأثير متكامل وما احتاج اعيد التركيز مالته السبب هو انو اكو بعض الادوية مثل مجاميع macrolidin والي هنه ازيثروميسين Azithromycin.
كلاريثروميسين Clarithromycin.
إريثروميسين erythromycin.
فيداكسوميزين Fidaxomic ومجاميع oxazolidin ومجاميع glygopiptide ومجاميع pincillin مايعتمدون على التركيز وأنما يعتمدون على تكرار الدواء والالتزام بكورس العلاج اذا مثلا كل 8 ساعات المفروض يأخذ فلازم التزم بهالوقت وألا الدواء راح يخرج من الجسم وما جاي يؤدي مفعولة بشكل صحيح لذلك مرات اغلب الناس يكولون ناخذ اموكسيسيلين (والي هو اللفظ الصحيح اله وليس اموكسيلين مثل مايكولون عدنه) وطبعا انه هم من ضمنهم بعدين رجعت ع اللفظ يالله اتأكدت منه المهم بعد اكو شغلة ثانية اريد احجيهه عن دواء الاموكسيسيلين مرات مثل ماجاي تشوفون بالصورة دواء الاموكسيسيلين يخلطون ويا مادة اسمهه clavulanic acid .زين ليش خلطو وياهه هاي المادة شنو فائدتهه اولا بما انو الاموكسيسيلين يحتوي على beta_lactam شنو هاي هاي عبارة عن حلقة من مركب كيميائي موجود تقريبا بكل المضادات الحيوية بس تقريبا يعني مو 100 بالمية لأن أكو ادوية مابيهه هاي الحلقة وتعتبر من المضادات الحيوية المهم ف البكتريا من تشوف هاي الحلقة الموجودة ب الاموكسيسيلين راح تحاول تهاجمهه وتصنع ضدهه انزيم اسمه beta_lactemase enzyme هذا يحاول يهاجم هاي الحلقة الموجدة ب المضاد الحيوي وتنتصر بالنهاية البكتريا ومراح يشتغل الدواء تمام زين ليش مايشتغل لأن هاي الحلقة هي المسؤؤلة عن النشاط ضد البكتريا هي الي تهاجم البكتريا ف وجود ال clavulanic acid . يحسن من الاموكسيسيلين ويحسن من قوته ويحمي او يعمل غطاء للاموكسيسيلين ضد مهاجمة البكتريا بواسطة الانزيم الخاص بيهه فلذلك سوو هذا combination

هم سألتو نفسكم سؤال ليش من اعصب يرتفع ضغطي وسكري ؟ اني اكلكم ليش لأنو من نعصب ينطلق هرمون او ناقل عصبي (اله شغلتين مرة هرمون ومرة ناقل عصبي ) ف بحالة العصبية راح ينطلق ناقل عصبي اسمه nor epinephrin او يسمونه nor edrenalin يروح يشتغل على reseptors 2: الي هنه الفا 1 رسبتر ويجي ال nor epinephrin يرتبط بمستقبل موجود بالقلب اسمه الفا 1 وراح يزيد ارتفاع ضغط الدم بسبب زيادة contraction بسبب الالفا 1 بالنسبة لزيادة الضغط اما بالنسبة للسكر في حال صعد السكر الاشخاص الي عدهم سكري لان مرات يرتفع الضغط بدون ارتفاع السكر فراح يشتغل على receptors اسمه الفا 2 وهذا الالفا 2 يثبط اطلاق الانسولين وبما انو الانسولين تنظم مستويات السكر بالدم تتوقف راح يزيد ال كلوكلوز الموجود داخل جسمي فمراح يدخل للخلايا لان ماكو انسولين تدخله داخل الخلايا ويرتفع السكر هاي اول نقطة ثاني نقطة اكو رسبتر اسمه بيتا 2 موجود ب الكبد يزيد قدرة الكبد على تحلل مخزون السكر الموجود بي لأن كلنه نعرف الكبد يخزن الكلوكوز على شكل glycogen فهاي البيتا 2 تزود اطلاق الكلوكوز عن طريق عملية تحليل السكر glycogenolysis فيخرج الكلوكوز الموجود ب الكبد وهم موجود ب العضلات يعني ب العضلات هم اكو كلوكوز فيصير عندي ارتفاع السكر بحالة العصبية

الحمد لله❤️

كاعدة وبيدي كوب النسكافي والصوبة كدامي وصوت القران عالي والبيت دافي ونظيف وريحة البخور مالية المكان
وداحس بأمان رهيب واني اتأمل هالمنتظر
هو اكو اكثر من هيج نِعم ؟ ♥️
شكد مامشيت بالحياة وكثرت مسؤولياتك ومهامك وارتفع وياهن سقف احلامك ، لا تنسى تتأمل نِعمك اليومية ، بيتك ، فراشك الدافي ، ملابسك ، كوب الكهوة التشربة على رواق ، گلبك ، عائلتك ، ناسك ، جسدك المايشكي من علة ، وروحك الكادرة تحب وتنطي حتى وهي تعبانة ، هالامور مو عادية ابد وعمرها محتكون عادية ، أحنة اغنياء ، كلش اغنياء بيهن ?

"‏أحب الناس اللي عينها مليانة، إذا شافت شخص أفضل منها وأعلى مكانة ماتحس بالتهديد،

‏أحب الناس اللي مركزة على حياتها وراضية باللي عندها لكن بنفس الوقت ما توقف سعي،

‏أحب الناس اللي تحس أن حياتها أفضل شيء وأسعد شيء وما ترهقها المقارنات، لأنها تعرف نعمة ماتملك وتقدره بشكل جيّد ."