#تراث **لشهادة سيدي ومولاي الإمام العسكري صلوات الله عليه

شمّامة الهادي الحسن يجذب الونه
فوگ الفرش وسموم خصمه مرّدنّه

ابنفسه يجود وذاب گلبه ابحر السموم
واولاد ابو طالب عليه گلوبها اتحوم
هذا يجر ونّه وهذا الدّمع مسجوم
وامّا الاجانب غدت في حنّه ورنّه

كهف الأرامل واليتامى والمساكين
كلها عليه اتنوح ظلّت مالها معين
بعدك يَبو محمَّد ترى متيتّم الدين
حامي حماه ابهالمرض شيّال عنه

اصفرَّت الوانه و ونّته صارت گصيره
ماله گرابه و عيلته صارت ابحيره
وسفه برض غربه يموت بلا عشيره
ما بين اعادي دين ما عدْهم محنّه

غمّض العين ومدد ايده وغابت الروح
واتْزلزلت بس مات سامرّا من النوح
وصاحب الغيبه مْن المصيبه الگلب مجروح
ونّات ابوه اشْعبن گلبه وجَرحنّه

باشر ابتَغسيله ابو صالح وسجاه
وبالمغتسل بيده حما الاسلام خلاه
وچفّنه وفوگ النّعش حطّه وصاح ويلاه
اتشفّت يبويه اگلوبها العدوان منّا

يابوي إلي تالي الزّمن نهضه و غارات
واستاصل العدوان و استوفي الثّارات
من يوم حيدر والضّلع والغاضريات
والجسر واللي شتتونا عن وطنا

الشاعر المرحوم ملا عطية الجمري

(313)**#اللهم_عجل_لوليك_الفرج

#تراث **محمد تنشد على حسين ... راح حسيـن يامحمد
شـــال على الرمـح راسه ... وجسمه بكربلا إمدد

ـ***

يامحمد يابن حيدر
شلون أگدر اخبرنك
وإنت بالمرض مصيوب
وصوبني سهم ونك
يامحمد أخاف عليك
سهامي لا يصـوبنك
خواتك للوطن ردن
لاچـــن بالهضم جنك

هاك أخبار بيه اشصار ... ريتك حاضر وتشهد

-----

يامحمد عماني البين
من رد المهر خـــالي
طارت روحي للميدان
تحــــوم تدور الوالي
شفته على الأرض مطروح
وحدره إفرشت دلالي
وصار يحرك شفافه
ويطلب والطلب غالي

هاك اخبار بيه شصار ... ريتك حاضر وتشهد

-----

يامحمد أخوك حسين
متوسد على التـــربان
ومن كثر الجروح البيه
ومن نار العطش ثگـــلان
وينادي بضعيف الصوت
وجدي المصطفى عطشان
بس آنه احضرت يمه
وعليــه دايـــره الــعــدوان

هاك أخبار بيه شصار .. ريتك حاضر وتشهد

-----

محمد خويه واحتاريت
من صـــار الشمر يمه
جسمي رميته فوگ حسين
أفدي برگبتي جسمه
صوته الشمر گومني
وصار الوالدي يشتمه
وحكم بالنحر سيفه
وگـصـه وخضبه بدمه

هاك أخبار بيه شصار ... ريتك حاضر وتشهد

-----

يمحمد وجت الخيل
تركض وسحگت صدره
وماظل عظم سالم بيه
وتكـــســـرت خـــرز ظهره
خويه وسلبوه الگوم
الله شــصـــعــــب أمـــــره
وظل عاري ثلثة ايام
موســـد عالرمل نــــحــــره

هاك أخبار بيه شصار ... ريتك حاضر وتشهد

-----

ذبحوه وإكتفوا منه
راسه على الرمح شالوه
من الكوفه للشامات
وبطشت الذهب خــلــوه
محمد وبمجلس يزيد
وما بين العـــدى نصبــوه
عيني بالعمى ولاشوف
راسه بالعصى يضــــربــوه

هاك أخبار بيه شصار.. ريتك حاضر وتشهد

-----

يمحمد نشدني يزيد
واليــچ يازينب وين
وراسچ بيمن تشيلين
راح وما يعود حسين
وفوگ العلگوم العباس
نام مگطع الچفـــيــن
خويه وانه محتاره
وعالغربه أدير العين

الشاعر الشيخ
سامر الخفاجي الكربلائي**#اللهم_عجل_لوليك_الفرج

#تراث **لون ما يسقط الزهره اجنينها
ما انصاب ابنبله طفل أحسينها

امن المدينه الحبل للطف متصل
البيه طلع حامي الحميّه للچتل
انگاد بيه زين العباد وعالهزل
أمجتفيه وزينب امچتفيها

وسوط گنفذ سلّمه بيد الشمر
حتمن اعله المتن لابد ينكسر
وحكم غامض سبّب الهذا الفكر
الهلحكم شو هاك اخذ تبيينها

كل الذي بالمدينه سده وصار
ضيم عالزهره وعله حامي الجار
بالطفوف ازداد واتّسعت النّار
حرگت العالم لهب نارينها

طلعت الزهره وره حامي الدخيل
وطلعت زینب يسيره اويه العليل
وبهجوم الدار من هجمت الخيل
على عيال حسین وصواوينها

اشلون نار احريجها عم واعم
حرگت اليابس والأخضر ما سلم
أشلون نار الحرگت الحق واتقدم
وافگدت جسم العدل بيمينها

اشما ابجوِّ الفَضَه وبالبر وبالبحر
على الحيوانات والحي والبشر
ظلم صار وحدث من شر وضرر
امن السقيفة المجرمه وجبتينها

يا إلاهي اللوح بيدك والقلم
تگدر اتغير اشما بيه انرسم
لاچن المعلوم من جري الحكم
سر خفي ولا ينعرف تبيينها

والله مثل اللي صرع عمر ابن ود
ولعد مرحب بارزه ونال الگصد
اعليه يتجسّر جبان اهوه وعبد
للوثن ضد الشريعه ودينها

أعليك مامن باس ياحامي الحمه
من تگودك اید قذره ومجرمه
رفعتك ياسيِّدي العرش السمه
وبينك الشتّان اضحه وبينها

نور انته وخصمك الليل الحلك
والجيف عدوانك وإنته المسك
يا حمه الايمان وعداك الشرك
ابها الفضيله امتوّجك ياسينها

نلت هذا التاج من يوم الأحزاب
امن ابرزت لبن ود باداحي الباب
ساعة انصب سيفك اعليه وعذاب
وافجعت ذيچ الحرابي ابعينها

لچن من أرجعت ظافر منتصر
من لهيب العطش گلبك يستعر
الماي الك مبذول قادر مقتدر
وچبدتك عذب ارتوت من حينها

وبنك الاكبر ابيوم الطف حمل
مثل حملاتك على اتباع الهبل
نكّس الرايات والغانم چتل
وهامته ابسيفه انشطر شطرينها

رجع متنومس لبوه چاتل بكر
وگلبه من حر العطش مثل الجمر
ومن ابو ماچان يتأمّل عذر
شربة ماي اعليه صعب تعيينها

الشاعر المرحوم عبود غفله

(312)**#اللهم_عجل_لوليك_الفرج

#تراث **{ الواثبين لظلم آل محمد }

الواثِبـيـنَ لِظـُلْمِ آلِ مُحَمَدٍ
وَمُـــحَمَدٌ مــُـلقىً بِــلا تَكْـــــفينِ

والقـائِــــــــــــلينَ لِفاطِمٍ آذَيْـتِـــنا
فـي طـُـولِ نَــوحٍ دائـِـمٍ و حَـنينِ

وَالْقَاطِعِينَ أراكَــةً كَـي لا تُقيلُ
بِــــظِلِ أَوراقٍ لهـــا وغُـــصُونِ

وَمُجَمِعي حَطَبٍ عَلى البَيتِ الذي
لَمْ يَـــــجْتَمِعْ لولاهُ شَـمْلُ الدِّينِ

وَالدَّاخِلِينَ عَلَى الْبتولةِ بَيْتَهَا
والمُسْـــقِطينَ لهــا أعَــزَ جَــنينِ

وَالْقَائِدِينَ إمَامهُمْ بِنَجَادِهِ
و الطُـــهرُ تــدعو خَلْفَهُمْ بِـرنينِ

خَلوا ابنَ عَمِّي أَو لأكشِفَ لِلدُعا
رَأســـي وَأَشْكُو لِلإِلَهِ شُجُونَي

ماكانَ نَاقَةُ صَالِحٍ و فَصِيلُهَا
بِالْفَضْلِ عِنْدَ اللَّهِ إلا دُونِي

وَرَنَتْ إِلَى الْقَبْرِ الشَّرِيفِ بِمُقْلَةٍ
عَبْرَى وَقَلْبٍ مُكْمَدٍ مَحْزُونِ

نَادَتْ و أَظْفَارُ الْمُصَابِ بِقَلبِها
أَبَتَّاهُ عَزَّ عَلَى الْعِدَاةِ مُعِينِي

أبَتاهُ هَذَا السَّامِرِيُّ و عِجْلُهُ
تُبِعَا وَمَالَ النَّاسُ عَنْ هارُونِ

أَيَّ الرَّزَايَا أَتَقِيّ بِتَجَلُّدٍ
هُوَ فِي النوَائبِ مُذْ حَيَيْتُ قَرِينِي

فَقْدِي أَبِي أَمْ غَصْبَ بَعْلِي حَقَّهُ
أَمْ كَسْرَ ضِلْعِي أَمْ سُقُوطَ جُنَيْنَيْ

أَمْ أَخَذَهُمْ إِرْثِي و فَاضِلَ نِحْلَتي
أَمْ جَهْلَهُمْ حَقِّي وَقَدْ عَرَفُونِي

قَهَرُوا يَتِيمِيكَ الحُسَيْنَ و صِنْوَهُ
وَسَألتهُمْ حَقِّي وَقَدْ نَهَرُونِي

المرحوم صالح الكواز**#اللهم_عجل_لوليك_الفرج

(102)

#تراث **اسم الله على طولك ياجمال الهاشمية
عْلَى المغتسل ممدود ياخير البريه

يامرتضى اكشف لي عن الوالي وجماله
وشيل الجفن عن غرّته تودعه اشباله
هذا الحسن مشعوب گلبه انظر الحاله
وهذا الشّهيد حسين عبراته جريه

ياللي تغسِّل والدي وين العمامه
فوگ المنابر ماحلا حلو الجهامه
گبلٍ تشيله خلّه  توَدعه اليتامه  
منه بعد ما نرتجي للبيت جيه

بهداي گلّب جسم ابو ابراهيم بهداي
وانت يبن عبّاس بالهون اسچب الماي
طوله على المغسل شعبني وفتت احشاي
ممرود گلبي وموحشه الدّنيا عليه

ياللي تحفرون الگبر وسعو مكانه
وبهداي نزلوا جنازته وسفرو اجفانه
ويلا يعزٍ شال عنا ولا لفانه
 هيهات بعده تصير عيشتنا هنيه

ياللي تهيلون الثّرى دفنوني وياه
 مگدر أشوف البيت خالي من محيّاه
گشره تراهي تصير عيشتنا بلياه
 بعد النبي ماريد هالدنيا الدنيا

الشاعر المرحوم ملا عطية الجمري

(309)**#اللهم_عجل_لوليك_الفرج

#تراث **قُل للمغيّب تحتَ أَطباقِ الثّرى
إِن كنتَ تسمعُ صَرخَتي وَنِدائِيا

صبّت عَليّ مَصائبٌ لو أنّها
صُبّت عَلى الأيّام صِرنَ لياليا

قَد كنتُ ذاتَ حِمى بظلٍّ محمّدٍ
لا أَخشَ مِن ضيمٍ وكان حِماً لِيا

فَاليومَ أَخشعُ لِلذليلِ وأَتّقي
ضَيمي وَأَدفع ظالِمي بِرِدائيا

فَإِذا بَكَت قمريّة في ليلها شَجناً
عَلى غصنٍ بكيتُ صباحِيا

فَلأجعلنّ الحزنَ بَعدكَ مُؤنسي
وَلأجعلنّ الدمعَ فيك وِشاحيا

ماذا عَلى مَن شمّ تُربة أحمدٍ
أَن لا يشمّ مَدى الزمان غَواليا

جروح فاطمة الزهراء (عليها السلام)**#اللهم_عجل_لوليك_الفرج

(101)

#تراث#نعي *?*?

لجيم العزه وأصبغ اهدومي
سود اعله أُخوتي او رووس گومي
وحرّم عليّه طيب نومي
يحسين بيش ايفيد لومي
انه الغاليه ورخصت سومي
احمدني عله ثگلة اهمومي
يا ريت يومك بعد يومي

يسور العشيره يا مشيّد
عگبك يبو السجّاد محّد
يخوّف جبيله ابسطرة اليد
كتلني الهظم يحسين لحّد
شنگول منّك هجر يو صد
نحيله الجسم والحيل منهد
أره شامتك أطرب اوعيّد
والهاشمي خايف امشرّد
فلا خلّتك يحسين تنسد
لجيمن عزاكم ولبس أسود
وأنوح ابمناحه جازيه الحد
وأنعه أُخوتي المگصد اومنشد
تموت اوعدوها نام وأبرد

الشاعر المرحوم عبدالامير الفتلاوي**#اللهم_عجل_لوليك_الفرج

#تراث **سلامٌ على الحوراء ما بقي الدهرُ
وما أشرقت شمسٌ وما طلع البدرُ

سلام على القلب الكبير وصبره
بما قد جرت حزناً له الأدمعُ الحمرُ

جَحافـل جـاءت كـربلاء بأثرها
جَحافلُ لا يَقوى على عَـدّها حـَصـرُ

جرى ما جرى فـي كربلاء وعَينُها
ترى ما جرى ممـّا يذوب له الصخـرُ

لقد أبصَرت جسـم الحسين مُبضّعاً
فجاءت بصبرٍ دون مفهـومـه الصبرُ

رأتـه ونـادت يابـن أمّي ووالدي
لك القتـل مكتـوب ولي كُتبَ الأسـرُ

أخي إنّ فـي قلـبي أسىً لا أُطيقُه
وقد ضاق ذرعاً عن تحمّلـه الصـدرُ

أيدري حُسامٌ حَـزّ نـَحـرَك حَدّه به
حزّ من خير الورى المصطفى نحرُ

عليَّ عزيـزٌ أن أسيـرَ مع العدى
وتبقـى بـوادي الطفّ يَصهَرُك الحَرُّ

أخي إن سرى جسمي فقلبي بكربلا
مُقيـمٌ إلـى أن ينتهـي مِنـّي العُمـرُ

أخي كلّ رزءٍ غيـر رزئـك هَيّنٌ
وما بسـواه اشتـدّ واعصَوصَب الأمرُ

أ أُنعَـمُ فـي جسمٍ سليمٍ مِن الأذى
وجسمك منه تنهل البيض والسُمرُ

أخي بعـدك الأيـامُ عـادت ليالياً
عليَّ فلا صبح هنـاك ولا عصرُ

لقد حاربَت عيني الرُقـادَ فلـم تَنَم
ولي يا أخي إن لم تنم عيني العُذرُ

أخي أنت تـدري ما لأختك راحةٌ
وذلك من يـوم بـه راعَها الشِمرُ

فلا سلوةٌ تُرجـى لها بعد ما جرى
وحتى الزُلال العَـذب في فَمِها مُرّ

أيمنَعـُك القـوم الـفـرات ووُردَه
وذاك إلى الزهـراء مِن ربّها مَهرُ

أخي أنتَ عن جدّي وأمّي وعن أبي
وعن حسنٍ لي سلـوةٌ وبك اليُسرُ

متى شاهدَت عيناي وجهَك شاهَدت
وجوهَهُم الغَرّاء وانكشـف الـضُرّ

ومُذ غِبتَ عنّي غاب عنّي جميعهم
ففَقدـُك كسرٌ ليس يُرجى له جَـبرُ

الشاعر المرحوم
الشيخ محمد سعيد المنصوري

(306)**#اللهم_عجل_لوليك_الفرج

**وحگ راسك المگطوع ياشمس المضيّه
للحشر ماننسى مصابك والرزيّه
ــــــــــــــــــــــــــــــــــــــ
ننسى وسهم الصاب گلبك ياذرانه
ذلنا وفت اگلوبنا و نكّس لوانه
وتگطيع جسمك بالثّرى گطَّع أمعانه
وخيلٍ وطت صدرك على حر الوطيّه
ــــــــــــــــــــــــــــــــــــــ
داست يَبن حيدر على اصدور لمحبّين
وبگلوبنا اتخلّيك عاري ابغير تجفين
وذبح الطّفل ننساه هذا امحال يحسين
ولا ينّسى اركوب الوديعه عْلى مطيّه
ــــــــــــــــــــــــــــــــــــــ
يحسين كلنا نعتني لك كربلا انزور
بس ما نوصّلكم وننظر ذيج لگبور
ندخل الحاير بالحنين ولطم لصدور
و انحوم مثل الـجلَب لوفارگ حميّه
ــــــــــــــــــــــــــــــــــــــ
ونشوف عد رجلك علي يحسين مدفون
واتهيج زفرتنا و يقرّح ماي لعيون
ونتذكّر اوگوفك عليه ابگلب محزون
محني الظّهر و اتصيح يَبني گطعت بيّه
ــــــــــــــــــــــــــــــــــــــ
وابكل فريضة اتروح للحاير الشّيعه
ومن مشهدك تطلع وتگصد للشّريعه
اتزور لگمر لَزهر أبو چفوف الگطيعه
شيّال رايتكم وسور الهاشميّه
ــــــــــــــــــــــــــــــــــــــ
وبعد الزّيارة للمخيّم بالبچا انعود
بس ما نطبها اتسيل دمعتنا بلخدود
نذكر امنادى بن سعد ياگوم فرهود
حرگو الخيم سلبوا الحريم الخارجيّه
ــــــــــــــــــــــــــــــــــــــ
نذكر اوگوف مخدّرتكم شابحه العين
للمعركه والخيل حاطت بالصّواوين
اتنادي يعدوان الله الله ابهالنّساوين
لا تروّعوها راقبوا رب الـبريّه

الشاعر المرحوم
الملا عطيه الجمري

(302)**#اللهم_عجل_لوليك_الفرج