Shawqım joq ses shıqpas tınıshlıq Adamman uyqısız oydaģı Kúnlerdi sanawdan jalıqpas Bendemiz bul ómir joldaģı Kózimde kúliw bar aqmaqlıq Jılasam bir qàne tınbastan Bir dàrt bar oldaģı qorqaqlıq Jılamas men sebep bul aspan Kúliwge shıdamım jetpekte Ishimde…

Shawqım joq ses shıqpas tınıshlıq
Adamman uyqısız oydaģı
Kúnlerdi sanawdan jalıqpas
Bendemiz bul ómir joldaģı

Kózimde kúliw bar aqmaqlıq
Jılasam bir qàne tınbastan
Bir dàrt bar oldaģı qorqaqlıq
Jılamas men sebep bul aspan

Kúliwge shıdamım jetpekte
Ishimde bir sır bar tap degen
Salaman ózimdi tentekke
Qalmaģan ómirimde haq degen

Jilasın qàne bir kózlerim
Shıqpayma kózimnen jas atıp
Atılsın zàhardey sózlerim
Alayın ózimdi bosatıp

Baqırģım keledi shawqımlı
Bıraqta tınıshlıq buzılar
Sen ushın sózlerim tisimnen
Shıqpaydı tek ģana jazılar

Erkekte jılaydı kóz benen
Adamlar kózine bildirtpey
Sirtimda aqmaqlıq àlpetim
Al ishte dàrtler tur kúldirtpey

Oylasa oylasın adamlar
Hàmmege júrgen bir anqawman
Tili bar sóylewdi qatırar
Ishin tek aytpaģan saqawman

Sulıwım bul dunyanıń qayģısı tewsilmeydi
Jılaw menen aspanda tesilmeydi
Seni jılatıp alģan mina ashshı tilim
Al júregim jılatsa keshirmeydi

Kel jawında oynamaq bolsań
Jawın jawsın kól bolsın shóller
Jaslarına ketsek mantıģıp
Izlemesi anıq bul eller

Biz súygendey bir-birimizdi
Tıńlamaydı el jırımızdı

Bar bilimler kiyimde
Hesh nàrse joq miyińde
Forma qàne galustuk?
Papkań qàne iyinde

Psixolog jensovet
Dekan taģı zamları
Aytıp qoyar ashıwda
Forma kiymes aqlı joq
Bul zamannıń balları

Qızıq sonda bas aqıl
Úlken aqıl jas aqıl
Bolsa mina kiyimde
Formasizlar aqilsiz
Soģan juwap ber qàne
Ay Aytjanov búginge
Degen gezi juwabim
Menin (aqıl basım-aw)
Qalıp qoyģan úyimde
Kiyimde eken aqıl gàp
Bazardan satıp aqıl tap
Forma kiyip júrińler
Jas àwladqa aqıl gàp

(aqıl basım-aw)- Kiyim

Minezimdi kópler qızıq kóredi, al mendegi minez sizlerge ulıwma,biziń jasap turģan zamanģa say kelmesin sizler endi oylaģan bolsańızlar men onı oylaģanıma bir talay jıl boldı.

Kewlimdi tabalmaydı tirishilik
Tap dewge kelgende ishte màsele
Hàr elde hàr jerde búlikshilik
Sol ushın qaraģım kelmes kóshege

Kewlimdi tabalmaydı ilim-bilim
Ilimsizlik pànin ótip jalıqpadıq
Jeti ólshep júretuģın xalıq búgin
Bir kesip-aq jeti ólshep anıqladıq

Kewilimdi tabalmaydı màsele mıń
Nalıw ushın jaralģansań deme kúlip
Dúnya solay deseńde ótse de kún
Jamawları kóbeyer sanı qırıq

Kewilimdi tabalmaydı sezimlerde
Muxabatım meniń ushın jaralmaģan
Mıń mashqala ne aytayın ayt sizlerge
Isimiz joq anıq joybar tamamlaģan

Bul qosıqtın eki kupletin tiye bersin atam jazģan edi úshinshi kupletin hàm muzikasın doslarım menen birge islegenbiz.

Ishimiz pisse boldı oqıw dàwirinde muzika islewge hàreket etip birewimiz muzikasın birewimiz sózin jazar edik. Bir qızıģı 3 bala bolıp muzikasında sózinde qosılıp jazģan kúnler boldı. Avtorı sonda 3 adam edi😂.

👤Berdaq Saríbaev
🎙Qízlar

Sòzi: Muxemmetdiyin Aitjanov
⏱3:09
💾7.2mb

Канал:
@Muhammeddin_Aytjanov

Arxiv

Заман

Жақының жаўдай болар,
Төбешик таўдай болар,
Бәри де ғаўдай болар,
Бул заман.

Ашшылық көтермейди,
Жалған гәп көтер дейди,
Жуўырсаң жеткермейди,
Бул заман.

Көзиңди қум басады,
Жасаўға тырмасады,
Өмирди жарласады,
Бул заман.

Сиз бизлик жоқ болады,
Тек байлар тоқ болады,
Жаман ис тап болады,
Бул заман.

Жумыслы ай болады,
Баласы тай болады,
Ал, халық қой болады,
Ай заман.

Кимиси боян терип,
Кимиси жүрер желип,
Түбинде бәри өлип,
Сол заман.

Дәртиңди тыңламайды,
Жаман деп қаралайды,
Ойласып сорамайды,
Яр заман.

Ақмақсаң билгенлерге,
Тентексең күлгенлерге,
Жамансаң көнгенлерге,
Ҳәр заман.

Жақтыны түн көресең,
Сақаўсаң, ал билесең,
Күнликте күн көресең,
Бир заман.

Ешегиң шошқа болар,
Кепегиң ашқа болар,
Не келсе басқа болар,
Аҳ, заман.

Дәрьяң да қурый берер,
Жаман ийт улый берер,
Кемең де ширий берер,
Не заман.

Мақтасаң сөзиң тынық,
Сын айтсаң үзик-жулық.
Байлайсаң көзди жумып,
Көп заман.

Ал, сонда көгересең,
Көз ашсаң, не көресең?
Бәрибир, ал, өлесең,
Қай заман?

1. 1. 2023

Мухаммеддин АЙТЖАНОВ
Қара сөз пири@Muhammeddin_Aytjanov