شاركونا صورا جميلة التقطتها عدسات هواتفكم.
@Beddarja_bot

شحال من مرة نصلي في المسجد...نلاحظ الناس كي تلحق للتشهد الأخير...تتشهد التشهد المشروع...مبعد غير تكمل تحبس...حتى ولو الإمام مازال يتشهد...ونظن بلي سبب هذا أنهم بالاك ماعلابالهم بلي هذا الموضع من مواضع الدعاء...
شفت كي تكمل تتشهد وتصلي على النبي صلى الله عليه وسلم...بعدها تقدر تدعي...في الحديث الصحيح :"ثُمَّ يَتَخَيَّرُ مِنَ الدُّعَاءِ أعْجَبَهُ إلَيْهِ، فَيَدْعُو"....سواء من أمور الدنيا والاخرة
ومن الادعية الواردة...الاستعاذة من عذاب القبر وعذاب النار وفتنة المحيا والممات وفتنة المسيح الدجال...وتقدر تدعي لنفسك..
لا تغفل عن هذا الفضل...لأنك اذا حبست بمجرد تكمل التشهد تقدر تغيس وتسهى ويروحلك الخشوع.

علابالي بلي شحال من مرة تحضر مجلس تاع علم بصح تلقى روحك ماتفهمش كلش تنوض وتروح.... المرة الجاية أقعد أفضل...تقولي علاش؟ ياك ما رانيش نفهم كلش...
أولا هذيك الشوية لي فهمتها يبارك فيها ربي وتلقى النفع تاعها
ثانيا المجالس تاع العلم والذكر تحففها ملائكة...مجالس مباركة.
ثالثا النبي صلى الله عليه وسلم في الحديث الصحيح خبرنا عن مجالس الذكر وقال بلي ربي يقول للملائكة أني غفرت لهم...الملايكة يقولو بلي فيهم فلان ماجاش على جال المجلس تاع الذكر وإنما جا على جال أمر يحتاجو وقعد يستنا معاهم...فيقول الله :"هم الجلساء لا يشقى بهم جليسهم"...يعني الانسان لي يجلس معاهم ما يرجعش يديه فارغين...ربي يغفرلو معاهم....
رابعا مادام راك في المجلس راك شاغل نفسك عن الوقوع في معصية.

كيفاش تصنع طاغية في خمس دقايق....جيب مؤثر عندو فكاهة غاملة....افتحلو حساب في التيك توك ولا الانستغرام....وخليه يدير لي لايف...يتبهلل ويضحك الناس ويتنمر...اك تعرف الناس تحب تشوف البهالل..
راح يطلع الكونت تاعو....باباك يلحق مليون متابع ولا قريب....هو وحدو راح يطغى....راح تلقى يسب في المتابعين تاعو كي ينصحوه...ومع ذلك يبقاو يتبعو فيه....تلقاه يسب في الدين وهوما يدافعو عليه....يعني هو يطغى وهوما يولو نعاج...تبع برك...المهم يرضى علينا المؤثر وما يزعفش...
رسالة للمؤثرين القمارجية....فرعون كان عندو النفوذ المطلق....وقارون كان عندو مال...حياتك كامل وانت تدير لي لايف وتطلب على الناس ما تجمعهمش...ومع ذلك واحد خلاص عليه غرقان... والاخر انخسفت الأرض بيه بالمال تاعو.....
ونزيدلك كلمة اخرى بالاك تفيق...النبي صلى الله عليه وسلم يقول :"كل أمتي معافى إلا المجاهرون"
ورسالة اخرى لي راهم يتبعو في القمارجية....اذا مازلت مآبونيه...غير راجع إيمانك...تقولي واش دخل الأبوني قي الإيمان... نقولك السيد راه يتحدى في الله عز وجل وينشر الحرام...ويدخل الناس في الحرام.... وأنت تبع فيه وتدافع عليه؟....من أصول الإيمان الولاء والبراء...يعني تحب واش يحب الله وتبغض واش يبغض الله عز وجل...بدفاعك عن القمارجي...راك تقدم المحبة تاعو على محبة الشرع...والله ما راهي ساهلة..
.
.
ديزابوني التفاهة

#من_قبس_النبوة
#الحديث_الأول
عن أمير المؤمنين أبي حفص عمر بن الخطاب رضي الله تعالى عنه قال: سمعت رسول الله صلى الله تعالى عليه وعلى آله وسلم يقول: "إنما الأعمال بالنيات، وإنما لكل امرئ ما نوى، فمن كانت هجرته إلى الله ورسوله فهجرته إلى الله ورسوله، ومن كانت هجرته لدنيا يصيبها أو امرأة ينكحها فهجرته إلى ما هاجر إليه". رواه البخاري ومسلم
المعنى الإجمالي للحديث:
يخبرنا رسول الله صلى الهه عليه وسلم أن الأعمال إنما تكون معتبرة حسب نية صاحبها، فيكون جزاء الإنسان حسب ما نواه، فإن لم ينو التقرب إلى الله بعمل من الأعمال فلن يُجزى عليه.
وضرب مثالا بالهجرة من بلاد الكفر إلى بلد الإسلام، وذكر صنفين من الناس:
الصنف الأول: من هاجر ابتغاء وجه الله واقتداء برسوله، فهذا ينال الأجر من تلك الهجرة، ولذلك قال النبي صلى الله عليه وسلم :"فهجرته إلى الله ورسوله"، فإعادة الشرط في الجواب دليل على تطابقه...فجزاؤه وقع مثل ما نوى في بداية أمر.
والصنف الثاني: من هاجر لأجل تجارة أو زواج لا يبتغي بذلك غيرهما...فسيحصل على تجارته وامرأته ولكن لن ينال الأجر من هجرته.
مما يستفاد من هذا الحديث:
-أن النية شرط في قبول الأعمال...فمن ترك النية في الوضوء مثلا فلا يصح وضوءه.
-أن الأعمال من غير العبادات كالأكل والشرب والرياضة إذا أحسن المسلم فيها النية يؤجر عليها.
- أنه على المسلم أن يراقب نيته دائما.

لحظة إدراك:
أنك تعيش في بعض الدعوات لي كنت تدعي الله عز وجل بها....لقيت روحك فيها بلا ما تحس....وربما ماشي بالطريقة لي كنت نتوقعها ?

تلاوة صباحية
جمعكم الله بأحبابكم في الجنة

https://youtu.be/h5t20Qqv5mU?si=TmKOh9UGzSIhUTwE

تلاوة صباحية
رزقكم السعادة والسرور وأذهب عندكم الأحزان.

#بالاك_يهمكم_الأمر
السلام عليكم ورحمة الله وبركاته
الحمد لله حمدا كثيرا طيبا مباركا فيه
مرّ على إنشاء صفحة "اتعلم دينك بالدارجة"...أكثر من ثلاث سنوات...وكي أنشأت الصفحة كانت عندي نية الدعوة إلى الله والتأثير في الناس خاصة الشباب ومزاحمة أهل الباطل على هذه المواقع...الحمد لله حققت بعض الأهداف لي كانت في راسي لي ما توقعتش ابدا نلحقلها لولا توفيق الله
منها: التأثير في الشباب (ما تتخيلوش هذاك التأثير الكبير ولكن كاين بعض الناس أثر فيهم المحتوى ولحقوني رسائل منهم)
ومنها أيضا: المشاريع الخيرية والحمد لله درنا عدة مشاريع منها كسوة العيد والادوات المدرسية وأضحية العيد وحتى الصدقات الجارية (المستلزمات الطبية)
ومنها أيضا: التسبب في تستر الفتيات...وهذا أكثر مشروع كان لنا نشاط فيه...بين اقتناع الفتيات بضرورة الحجاب وتحفزيهن عليه وبين السعي في إهداء حجابات لمن لا تملك ثمنه.
جزى الله خيرا كل من شارك في هذه المشاريع وساهم فيها
وما ننساوش بلي الصفحة من الأول كان الغرض تاعها إصلاحي دعوي....
-قارئ الرسالة الآن :علاش راك تحكيلنا في حياتك؟
الخطوات لي كنت نمشي بيها في هذه الصفحة...الفترة الأخيرة لقيتها بلي نقصت بزاااف....بزااف أهداف كانت في البال مازال ما قدرتش نلحقلها مع السعي الحثيث....واللوم نلقيه على روحي....الغلطة راهي فيا....مؤخرا راني مشوش ذهنيا...كاين فوضى في عقلي تحتاج ترتيب و تنسيق....وأيضا العمل في هذه الصفحة يحتاج إعادة تنظيم وتغيير زاوية الرؤيا بالاك نلقى حل لهذا الأمر...
ولذا حبيت نبعد على كل القنوات والصفحات بما فيها هذي الصفحة فترة من الزمن..
نريح نخمم في حل نافع...
مش حاب الجهد لي بذلناه (ما بذلتوش وحدي...انتم كنتم سبب في تلك النتائج)
كيفاش تقدرو تعاونوني؟
أول وأهم شيء هو الدعاء....لي يعرفني ولي ما يعرفنيش...يدعيلي في السجود وفي مواضع الإجابة....أن ييسر الله لي ما أريد وأن يصلح شأني كله...وأن يحيي الله بي الإسلام.
وأيضا...لي عندو اقتراح أو نصيحة أو تشخيص للمشكل أو أي حاجة يقدر يفيد بيها...يبعثها

@Beddarja_bot