#بالاك_يهمكم_الأمر
السلام عليكم ورحمة الله وبركاته
الحمد لله حمدا كثيرا طيبا مباركا فيه
مرّ على إنشاء صفحة "اتعلم دينك بالدارجة"...أكثر من ثلاث سنوات...وكي أنشأت الصفحة كانت عندي نية الدعوة إلى الله والتأثير في الناس خاصة الشباب ومزاحمة أهل الباطل على هذه المواقع...الحمد لله حققت بعض الأهداف لي كانت في راسي لي ما توقعتش ابدا نلحقلها لولا توفيق الله
منها: التأثير في الشباب (ما تتخيلوش هذاك التأثير الكبير ولكن كاين بعض الناس أثر فيهم المحتوى ولحقوني رسائل منهم)
ومنها أيضا: المشاريع الخيرية والحمد لله درنا عدة مشاريع منها كسوة العيد والادوات المدرسية وأضحية العيد وحتى الصدقات الجارية (المستلزمات الطبية)
ومنها أيضا: التسبب في تستر الفتيات...وهذا أكثر مشروع كان لنا نشاط فيه...بين اقتناع الفتيات بضرورة الحجاب وتحفزيهن عليه وبين السعي في إهداء حجابات لمن لا تملك ثمنه.
جزى الله خيرا كل من شارك في هذه المشاريع وساهم فيها
وما ننساوش بلي الصفحة من الأول كان الغرض تاعها إصلاحي دعوي....
-قارئ الرسالة الآن :علاش راك تحكيلنا في حياتك؟
الخطوات لي كنت نمشي بيها في هذه الصفحة...الفترة الأخيرة لقيتها بلي نقصت بزاااف....بزااف أهداف كانت في البال مازال ما قدرتش نلحقلها مع السعي الحثيث....واللوم نلقيه على روحي....الغلطة راهي فيا....مؤخرا راني مشوش ذهنيا...كاين فوضى في عقلي تحتاج ترتيب و تنسيق....وأيضا العمل في هذه الصفحة يحتاج إعادة تنظيم وتغيير زاوية الرؤيا بالاك نلقى حل لهذا الأمر...
ولذا حبيت نبعد على كل القنوات والصفحات بما فيها هذي الصفحة فترة من الزمن..
نريح نخمم في حل نافع...
مش حاب الجهد لي بذلناه (ما بذلتوش وحدي...انتم كنتم سبب في تلك النتائج)
كيفاش تقدرو تعاونوني؟
أول وأهم شيء هو الدعاء....لي يعرفني ولي ما يعرفنيش...يدعيلي في السجود وفي مواضع الإجابة....أن ييسر الله لي ما أريد وأن يصلح شأني كله...وأن يحيي الله بي الإسلام.
وأيضا...لي عندو اقتراح أو نصيحة أو تشخيص للمشكل أو أي حاجة يقدر يفيد بيها...يبعثها

@Beddarja_bot

من الطرائف:
كانت عندنا في الحي صخرة كبيرة منفصلة عن الأرض...كي كنت صغير حوالي 11-13 سنة غرست فيها مسمار قلت كي نكبر ونفوت من ثما ونشوف المسمار نتفكر الصغر وهذي الذكرى.
الحمد لله...كبرت وتفكرت هذيك اللقطة...بصح الصخرة ما لقيتهاش...حيروني وين رفدوها حبيت نشوف المسمار كيفاش رجع.

حكاية ما عندها حتى معنى ?
مادام لحقت هنا...صل على النبي صلى الله عليه وسلم...واتفرغ للدعاء راك في وقت إجابة

أتيحت لك فرصة أن تجلس مع صَّحَابِي
فمن سيكون الصحابي ولماذا؟
@Beddarja_bot

من كان في قلبه لنا شيء من الود،
فليدع لنا.

#رسائلكم
السلام عليكم ورحمة الله عليه
بزاف منشورات لي تبدا بهذا الهاشتاق لا أساس لها من الصحة....الأدمين يشوف كاش موضوع حساس ويدير فيه قصة من راسو....وبقية الصفحات تنشخ وتلصق والناس تناقش.
يا كذاب....راك تنفر في الناس عن أمور أحلها الله عز وجل بقصص من راسك....راك تنشر في الكذب...ولا يزال الرجل يكذب ويتحرى الكذب حتى يكتب عند الله كذابا...
و الصفحات لي تنسخ وتلصق هذي المنشور ما تحشموش على رواحكم؟ ما تخافوش ربي سبحانو....
اتأكد قبل ما تنشر لأنك راح تتحاسب..

#بالدارجة
قال :" خلي كي تلحق الجمعة نغتسل ونتوب وما نزيدش ندير المعاصي"
بصح المسكين مات قبل ما تلحق الجمعة.
أخي سارع بالتوبة الموت ما راهيش تستنا، خاصة في هذا الزمان تسمع بإنسان في كامل صحتو حتى تسمع بلي مات.
كثر موت الفجأة، بادر بالتوبة قبل قبل ما يبادر ليك الموت وما راحش ينفعك الندم ذاك الوقت

الغالب في المعاملات بين الناس...أن الإنسان عندو زوج مستويات في التعامل...تعامله مع أحبابه وأقرب الناس إليه...وكاين تعامل مع بقية الناس يعني معاملة مليحة بصح ما تقدرش تطلق روحك...
الغلطة تعرف وين تصرا....كي تعامل البراني معاملة القريب....قاع عاملهم مليح...بصح معاملة خاصة مع القريب خليهاللقريب تاع صح..
لأنك لو رفعت واحد فوق قدرو راح تندم..

القمر الليلة في أبهى حلة... شوف وسبح ووحد الله عز وجل...

الخبز اليابس بذاتو يحتاج مواعظ ماشي موعظة....الخبز تشري قد ما تاكل ماشي قد ما تتشها...واذا شفت بلي ماكلة ما تتتكلشبالخبز ما تشريش....واذا شريت وشايف بلي ماراحش تاكلو كامل...ديرو يتكونجلا....خير ملي تخليه ييبس....واذا يبسلك استغلو اصنع بيه chaplure ولا الحية لي في التصويرة....المهم تقدر تستلغو
نفترضو ما لقيتش كامل واش تدير بيه...كاين ناس تجمع الخبز يابس وتستغلو..مدهولهم...بصح إياك ترميه مع الزبل.... لالا العزيز...كاين ناس الان راهم بموتو جوع كون بلقاو الخبز يابس ياكلوه...ما ترميش النعمة في البوبال.

كل ما يتقدم الإنسان في العمر...يكبر في عقلو...ويولي يعرف السعادة الحقيقية واش هي