= УСТОЗ ЭРКИН ВОҲИДОВ ТАВАЛЛУД САНАСИГА БАҒИШЛАНАДИ =

ГУМБУРЛАГАН САДО КЕЛАДИ

("НИДО" достонини ўқиб)

Осмон олис, ер қаттиқ, дардим кимга айтайин,
Қўшади деб қўшнига айтмадим мен атайин.
Доно аёл эридан гап эшитса тўрига Қочади у сиримиз билмасин деб бетайин.

Рўзғорнинг оғир юкин елкасига ортади,
Кейин мазаси қочиб азобни у тортади.
Айтишади эр-хотин қўш ҳўкиз рўзғорида,
Буни билганлар доим ширин тамин тотади.

Баъзан чидолмай аёл тўкади кўз ёшини,
Осмон гуё гумбурлаб синайди бардошини.
Гўзал турмуш кўпинча аёл киши қўлида,
Заифа-чи рўзғорда ажратар мош тошини.

Талабалик дамларим эслаб роса энтикдим,
Худди мана шу палла тарихга кўзим тикдим.
Маданият саройи... Мушоира бошланди,
Шоирларнинг шеъридан жуда кўп
нарса уқдим.

Энг бахтиёр авлодман ижод аҳлин зўрини,
Учрашиб, суҳбат қурдим баъзида хўп ғўрини.
Улар ичида лекин Эркин Воҳидов билан
Мулоқот эсдан чиқмас, айтай дилда борини.

Олтиариқ сувини ичган шундай бўларми,
Эркин фикрлар айтиб, илҳом қайнаб тўларми?
Охунжон қўшиқлари каби содда,
дилтортар,
Ёмонликни кўришса зумда гулдай сўларми?

"ЎЗБЕГИМ"ни юракдан суйиб, суйиб ўқирдик,
"НИДО"сидай сўзларни биз ҳам топиб тўқирдик.
Сирин қаранг билгандай худди "ҲОЗИРГИ ЁШЛАР",
Бошқача-ку, зўр, олғир, биз-чи ростдан сўқирдик.

Қай ижодин айтайин, сўйлай қай бир суҳбатин,
Баён этай сизларга унинг қадр-қимматин.
Унутмайман у дамлар хаёлимдан кетмайди,
Юрмоқдаман ўшани эслаб ажиб ҳикматин.

Тўғрисини гапирсам мен-чи шу дам азизлар,
Ўрганганман улардан мен учун нурли излар.
Илҳом, ижод бариси Роббим мағфиратидан,
Тангрим дилга солгандан ижод қиляпмиз бизлар.

МАҒФИРАТ,
Хоразм , Хива

1. 1. 2024 Соат 03. 22

= ЭРКИН ВОҲИДОВ ТАВАЛЛУДИГА БАҒИШЛАНАДИ =

БАЙРАМ БУГУН

Шоду хуррамлик бутун дунёда хўп кўркам бугун,
Нелардир равшан манга байрам бугун, байрам бугун.
Бизни қутлар оппоқ тонг, Ассалом гўзал ҳаёт,
Устозим Эркин ака таваллуд топган бу кун.

Нафақат Фарғонада, Ўзбегим шодёнада,
Эллар аро довруғи кетганку дурдона-да.
Шодлангин юрак шу дам, барча элларда байрам,
Юртим тинч, халқим омон, ҳаммаси парвона-да.

Таърифга сўзлар ҳам кам васфини ёзай десам,
Парвардигор барини берган ўзи суйиб бекам.
Мағфиратидан устозга ҳурмату меҳр зиёда,
Асрлар оша яшаб номлари ўчмас ҳечам.

МАҒФИРАТ,
Хоразм, Хива

1. 1. 1. Соат 07. 24

?DO’ST  TOPILMADI

Boshim yerga egilganida,
Barcha yo’llar berkilganida,
Taqdir zarba yedirganida,
Bitta sodiq do’st topilmadi,
Do’stdan – shirin so’z topilmadi

Boyliklarim ketganda qo’ldan,
Gar qoqilsam, adashib yo’ldan,
Suv izlasam saxro-yu cho’ldan,
Bitta sodiq do’st topilmadi,
Do’stdan – shirin so’z topilmadi

Yorug’ kunda ko’p do’stlar topdim,
Zulmat tunda barin yo’qotdim,
Men o’zimni-o’zim yupatdim,
Bitta sodiq do’st topilmadi,
Do’stdan – shirin so’z topilmadi

Dunyo qiziq – bir-birin aldar,
O’zlarini “do’stman” deganlar,
Birin haqqin-birin yeganlar,
Dunyodan hech rost topilmadi,
Haqdan o’zga do’st topilmadi.

?Muallif: N. Hasanov
?Ijroda:Feruza

Яшаб ўтган ҳаётимизни бир китоб қилиб олсак,
Кўпчилигимизни баланд овозда ўқий олмайдиган саҳифаларимиз бор...☝️
?*?*????**

??