Қутуриш қандай касаллик?
Қутуриш ҳайвон ва одамларда учрайдиган ўткир юқумли касаллик бўлиб, уни нерв тизимини шикастлантирувчи вируслар қўзғатади. Вируслар кўплаб миқдорда қутуриш касаллигига чалинган ҳайвонларнинг сўлаги билан ташқи муҳитга ажралади. Сўлакда вируслар касалликнинг яширин, яъни касаллик белгилари юзага чиқмаган давридан мавжуд бўлади. Қутуриш касаллигига чалинган ит, мушук, каламуш, бўри, чиябўри, бўрсиқлар касалликнинг асосий манбаи ҳиссобланади.
Қутуриш касаллиги қандай юқади?
Касаллик одамга ва ҳайвонларга қутуриш касаллигига чалинган ҳайвонларнинг тишлаши, сўлагининг тегиши ва тирнаши натижасида юқади.
Касаллик қандай белгилар билан кечади?
Одамга касалликнинг яширин даври ўртача 10-14 кун, баъзида 1 йилгача ва ундан кўпроқ ҳам давом этиши мумкин. Дастлаб тишланган жой қичийди, тортишиб оғрийди, битта жароҳат ва чандиқ такроран яллиғланиши мумкин. Бемор тушкунликка тушади, одамлар билан мулоқот қилишдан қочади, уйқуси бузилиб, иштаҳаси бўғилади. Унда қўрқув ҳисси пайдо бўлади, кайфияти ўзгариб туради.
Касалликнинг қўзғалиш, яъни авж олиш даврида, беморнинг тана ҳарорати кўтарилади, сувдан, ҳаво (шамол)дан, ёруқликдан, товушдан қўрқиш аломатлари пайдо бўлади. Беморнинг овози бўғилади, терлайди, сўлаги оқади, томирнинг тез-тез уриши давом этади, нафас олиши бузилади. Мускулларни тортишиши нафас ва ютиниш мускулларидан бошланиб, кейин ҳамма мускулларга тарқалади. Эс-хуши кирарли-чиқарли бўлиб қолади, кейинчалик беморнинг кўзига йўқ нарсалар кўринади, у алаҳсирайди.
Шундан кейин мускулларнинг фалажи бошланади. Бемор касаллик бошланганидан 4-6 кундан кейин вафот этади. Касаллик 100 фоиз ўлим билан тугайди.

Ҳайвон тишлаганда, тирнаганда ёки сўлаги текканда, зудлик билан тиббий ёрдамга муражаат қилиш ва қутуриш касаллигига қарши эмлашни ўз вақтида, шифокор тавсиясига қатъиян риоя қилган ҳолда олиш, касалликни олдини олишнинг олтин қоидаси эканлигини

УНУТМАНГ, УНУТМАНГ ВА ЯНА УНУТМАНГ!
Қутуриш касаллигини олдини олиш учун
• Уй ҳайвонларини, айниқса итларни боғланган ҳолда сақланг. Уларни қаровсиз қолдирманг. Бегона ит ва мушуклар билан мулоқот қилманг!
• Ҳайвонларни қутуришга қарши эмлатинг!
• Қаровсиз дайди ит ва мушукларнинг пайдо бўлишига зинхор йўл қўйманг!
• Фарзандларингизга қаровсиз ва касал итлар билан мулоқот қилмаслик кераклигини қутуриш касаллиги ҳайвонларнинг тишлаши, тирнаши, шунингдек сўлагининг тегиши натижасида ҳам юқиши мумкинлигини мунтазам эслатиб туринг!
• Ҳайвонларни парваришлаш маданиятига риоя қилинг ва бошқаларни ҳам шунга ўргатинг.
• Агар борди-ю ит (мушук) тишласа, сўлаги тегса ёки тирнаса жарохатнинг катта кичиклигидан қатъий назар, зудлик билан шифокорга мурожаат қилинг!
Ашурали ЭГАМБЕРДИЕВ,
Қувасой шаҳар Ветеринария ва чорвачиликни ривожлантириш бўлими бош мутахассиси.

**RASMIY MUNOSABAT

Ijtimoiy tarmoqlarda tarqalgan “Quvasoyda hokim topshirig‘i bilan 300 dan ortiq qimmatbaxo daraxtlar o‘zboshimcha ko‘chirilgan” sarlavhasi ostida tarqatilgan xabar yuzasidan shahar hokimligi axborot xizmati tomonidan quyidagilar ma’lum qilinadi**
Hozirda Huvaydo mahalla fuqarolar yig‘ini hududidagi qarovsiz qolgan bo‘sh yer maydoni obodonlashtirilib, 6 ta 150 xonadonli ko‘p qavatli uy-joylar, xizmat ko‘rsatish obyektlari, ichki turizmni rivojlantirish maqsadida ko‘ngilochar maskanlar va 24 soat faoliyat olib boradigan savdo-xizmat ko‘rsatish shaxobchalari barpo etilishi rejalashtirilgan.

Bu ishlarni amalga oshirish uchun xususiy tadbirkorlar va bank kredit mablag‘lari hisobidan 150,0 mlrd so‘mdan ortiq mablag‘lar yo‘naltirilishi ko‘zda tutilgan.

Mazkur loyiha natijasida, hududdagi “Besh olish” soyi qirg‘oqlarini betonlashtirish, “Yashil jamoat parki”, bolalar va sport maydonchalari tashkil etish, eski archa daraxtlari o‘rnida 2 000 donadon ortiq qimmatbaho daraxt ko‘chatlari o‘tqazish, fuqarolarni uy-joy bilan ta’minlash va eng asosiysi 250 nafardan ortiq yuqori daromadli ish o‘rinlarini yaratish maqsad qilingan.

Hozirgi kunda maxsus texnik vositalar orqali hududdagi daraxtlar ko‘chirilib, ularning qurib qolishining oldini olish, agrotexnik tadbirlarni bajarish va ko‘karishini ta’minlash mutasaddilar tomonidan qat’iy nazoratga olingan.

Mazkur ishlar zamirida, aholining farovon turmush tarzini yaxshilash, yangicha va zamonaviy qiyofa kasb etuvchi shaharcha barpo etish nazarda tutilgan.

Quvasoy shahar hokimligi Axborot xizmati

*📱Telegram🌐Quvasoy.uz📱Facebook📱YouTube📞***Murojaatlar guruhi

Quvasoy shahrida qarzdor jamiyat mol-mulki xatlangach 380 mln so‘m soliq qarzdorligini bartaraf etdi
Majburiy ijro byurosi Quvasoy shahar bo‘limi ish yurituviga qabul qilingan ijro hujjatiga ko‘ra shaharda faoliyat yuritib kelayotgan F.C.I MChJdan o‘z vaqtida to‘lanmagan jami 380 mln so‘m soliq qarzini undirish to‘g‘risidagi ijro hujjati qabul qilinib, ijro harakatlariga kirishildi.

Qarzdor jamiyatning barcha hisob raqamlariga band solindi hamda jamiyatga tegishli mol-mulklariga nisbatan taqiq qo‘yildi.

Davlat ijrochilari tomonidan qarzdor jamiyat rahbari ogohlantirilib, qarzdorga tegishli ishlab chiqarish texnologiyasi xatlangach, soliq qarzdorligi to‘lab berildi.

Majburiy ijro byurosi organlari tomonidan soliq qarzdorliklarini undirishga qaratilgan nazorat tadbirlari tizimli ravishda amalga oshirilmoqda.

Majburiy ijro byurosi Quvasoy shahar bo‘limi

*📱Telegram🌐Quvasoy.uz📱Facebook📱YouTube📞***Murojaatlar guruhi

Ҳудуд депутати томонидан ҳайрли ишлар амалга оширилмоқда...

Ўзбекистон Халқ демократик партиясидан Полмон МФЙ округига сайланган депутат Қодиров Холматжон ташаббуси билан Полмон маҳалла идораси қайта таъмирланиб, иссиқлик тизими янгидан ўрнатилди. Шунингдек, 10-умумий ўрта таълим мактаби бошланғич синфлари учун янги замонавий ҳожатхона ва унга иссиқ сув, канализация тизимлари ўрнатиб берилди. Бундан ташқари, ҳудудда жойлашган эски бўш бино қайта таъмирланиб, маҳалла нуронийлари учун янги гузар қуриб битказилмоқда. Носиробод қишлоғига кирувчи кўча йўллари депутат ҳомийлиги асосида ҳашар йўли билан таъмирланди.

Аҳоли ўзига муносиб кўрган номзодга овоз берганидан мамнун бўлган ҳолда, депутат халқ манфаати йўлида хизмат қилаётганини алоҳида эътироф этиб, ўз миннатдорчиликларини билдирмоқдалар.

Депутат томонидан бу каби саҳоватли ишлар давом эттирилмоқда.

Халқ депутатлари Қувасой шаҳар Кенгаши

✅ Telegram | ? Youtube | ✅ Facebook

Қувасой шаҳар ҳокимлиги муассислигидаги "Исфайрам" газетасининг навбатдаги 10-11 сонларини эътиборингизга ҳавола қилинмоқда.