⚠️တံတားဦး

တံတားဦးလေတပ်မှ ဒုတိယ Jet Fighter (1)စီး ​အ​ရှေ့မြောက်သို့ ပျံတက်။

00:22, Sep 10
#EAR

⚠️တံတားဦး

တံတားဦးလေတပ်မှ Jet Fighter (1)စီး ​အ​ရှေ့မြောက်သို့ ပျံတက်။

00:19, Sep 10
#EAR

အနာဂတ် ကာလမှာလဲ သွယ်ဝိုက်ချဉ်းကပ်မှုကို အသုံးပြုပြီး စစ်ဆင်တိုက်ခိုက်လို့ရပါတယ်။ လက်ရှိ ကာလမှာ အဓိကအားဖြင့် တိုက်ခိုက်နေတာ စစ်ကိုင်း အထက်ပိုင်း နဲ့ ရှမ်းမြောက် နယ်မြေတွေဖြစ်ပါတယ်။ ရန်သူ အာရုံ သိပ်မစိုက်နိုင်တဲ့ ဒေသတွေ ရှိနေပါသေးတယ်။ ဥပမာ-ဧရာဝတီတိုင်းလို၊ ရန်ကုန်တိုင်းလို ဒေသတွေထဲမှာ အင်အား အလျင်အမြန် စုစည်းပြီး ရန်သူကို ချေမှုန်းနိုင်ရန်ဆိုရင် အကျိုးအမြတ် ကြီးပါတယ်။ စစ်မဟာဗျူဟာ တခုလုံး နဲ့ အနှစ်ချုပ်က ရန်သူ့ထက် သာလွန်တဲ့ အင်အားကို အချိန်တခု၊ နေရာတခု မှာ စုပြုံ အသုံးပြုရေးဖြစ်ပါတယ်။ ပုံမှန်အားဖြင့်ဆိုရင်တော့ အဲလို တပ်တွေကို ထု နဲ့ ထည်နဲ့ ရွှေ့ပြောင်းရေး အတွက် ယာဉ်တွေ လိုအပ်ပါတယ်။ ပြည်သူ့ကာကွယ်ရေး တပ်မတော် နဲ့ ပကဖ တွေမှာတော့ လုံလောက်တဲ့ ယာဉ်တင်တပ်ဖွဲ့တွေ၊ ယန္တရား တပ်တွေ မရှိသေးပေမယ့် ပြည်သူ့ ထောက်ခံမှုဆိုတဲ့ အကြီးမားဆုံး စစ်ရေး စွမ်းရည်ကို ပိုင်ဆိုင်ထားပါတယ်။ ပြည်သူ ထောက်ခံမှု ရှိတဲ့ အတွက် ကြီးမားတဲ့ တပ်တွေကို ရန်သူ မသိအောင် တိတ်တဆိတ် ရွှေ့ပြောင်းနိုင်ပါတယ်။ မြင်းခြံ စစ်ဆင်ရေးက အဲဒါကို ပြသပါတယ်။ ရေရှည်မှာ သွယ်ဝိုက်ချဉ်းကပ်မှု စစ်ဆင်နည်း ပိုမိုအလုပ်ဖြစ်စေဖို့ အတွက်ဆိုရင် နိုင်ငံရဲ့ အချက်အခြာ ဒေသတွေမှာ လိုအပ်တဲ့ ခဲယမ်း၊ လောင်စာ ကြိုတင် စုပုံထားတာတွေ၊ ထောက်ပို့လမ်းကြောင်းတွေကို သတ်သတ်မှတ်မှတ် စနစ်တကျ ထူထောင်ထားတာတွေ၊ တပ်တွေကို မိုင်ရာ နဲ့ချီပြီး အလျင်အမြန် ရွှေ့ပြောင်းနိုင်အောင် လေ့ကျင့်ထားတာတွေ လိုအပ်ပါတယ်။ ပြည်သူ့ကာကွယ်ရေး တပ်မတော် ဟာ တိုင်းရင်းသား တော်လှန်ရေး အဖွဲ့တွေ နဲ့မတူတာကတော့ သက်ဆိုင်ရာ လူမျိုးစု နယ်မြေထဲမှာသာမကဘဲ ကျယ်ပြန့်တဲ့ တနိုင်ငံလုံး လှုပ်ရှား တိုက်ခိုက်ဖို့လိုတယ်ဆိုတဲ့ အချက်ပါ။ အဲဒီ နောက်မှာ လှုပ်ရှားသွားလာရ လျင်မြန်စေရေး လေ့ကျင့် စုဖွဲ့ ပြင်ဆင်ထားဖို့လိုပါတယ်။ အဲလို လိုအပ်ချက်တွေ ပြည့်စုံလာပြီ ဆိုရင် ရန်သူ ထက် နှိုင်းရအားဖြင့် သာလွန်အင်အားကို စုစည်းပြီး သွယ်ဝိုက်ချဉ်းကပ်မှု စစ်ဆင်နည်း အသုံးပြုကာ ကြိုက်တဲ့အချိန်၊ ကြိုက်တဲ့ နေရာမှာ ချေမှုန်းရေးစစ်ကို ဆင်နွှဲနိုင်လာမှာဖြစ်ပါတယ်။

လက်ရှိစစ်ရေးအခြေအနေကို ခြုံငုံသုံးသပ်နိုင်ဖို့ PDF Insight ကို ဖတ်ရှုပါ။

#PDFInsight