Hčemo pripomniti vam, že kanal imaje svoju grupu t.me/MSbesieda

Začto ima smysl prijdti do njej?

a) Ako li napravdu hčete naučiti se jezyku, jest potrěbna praktika, a to jest govorjenje s nositeljami. Oficialny Discord i jegova bratska Telegram-grupa sut odlične města za to.

b) Ustrojstvo i organizacija komentarev v Telegram sut take, že iz samogo kanala jest vidna jedino čest diskusij. Členi grupy videt cěly razgovor, členi kanala — jedino odgovory na samu publikaciju.

c) U nas je dobro.

Pravila sut klasične, govorimo o ms ili na ms, komunikujemo adekvatno i ne počinajemo sporov na nacionalne temy.

Čekamo vas!

Telegram

Medžuslovjansky / Меджусловјанскы / Interslavic

Telegramova skupina govoriteljev medžuslovjanskogo zonalnogo jezyka. Pravila: t.me/MSbesieda/13166 Naš Discord: https://discord.gg/QNeGA9szbj Admini: @mashina\_dobra @Vlad\_Uly @aleksybernat @Siciliano41 @ArturGebrem @rybakgiimiks, @denis\_panslavist

V tutoj denj v 2017 godu je počela se prva konferencija CISLA na temu medžuslovjanskogo jezyka. Imenno na njej po šestilětnomu procesu slivanja sut byli sjedinene tri projekty panslovjanskyh jezykov, stvorjene raznymi avtorami s cěljem razumlivosti vsim slovjanojezyčnym ljudam bez učenja i zato dostatočno blizke medžu soboju.

Hčemo podnjeti čašu kvasa za ljudij, ktori sut našli v sobě ne jedino znanja i entuziazm, no takože mudrost i uměnje dělati kompromisy, da by nakonec sjedinili slovjanske jezykove projekty zajedno. Čestitajemo tebe s dnjem rodženja, Medžuslovjansky jezyče!

В тутој дењ в 2017 году је почела се прва конференција CISLA на тему меджусловјанского језыка. Именно на нјеј по шестилєтному процесу сливанја сут были сјединене три пројекты пансловјанскых језыков, створјене разными авторами с цєљем разумливости всим словјанојезычным људам без ученја и зато достаточно близке меджу собоју.

Хчемо поднјети чашу кваса за људиј, ктори сут нашли в собє не једино знанја и ентузиазм, но такоже мудрост и умєнје дєлати компромисы, да бы наконец сјединили словјанске језыкове пројекты заједно. Честитајемо тебе с днјем родженја, Меджусловјанскы језыче!

Zakončenje raboty v petok jest takovo

​​Sensacijno odkrytje: latinsky jezyk pohodi od litovskogo!

V poslědnyh lětah lingvisti vse čestěje obračajut se k velikym danym i mašinnomu obučenju, daby osvětlili pohodženje i evoluciju jezykov. Nedavno grupa naučnikov iz Instituta lingvistiky Litovskogo universiteta učinila zaisto revolucijno odkrytje, analizujuči dane iz lingvističnogo korpusa CogNet.

"Na početku my ne jesmo mogli věriti našim očam", – razkazyvaje voditelj izslědovanja, doktor filologičnyh nauk Algirdas Gediminaitis. "My viděli jesmo udiviteljne podobnosti medžu litovskym i latinskym (materju romanskyh jezykov), i to ne je samo v slovah, pozajetyh iz latiny, ale i v bazovoj leksikě. Napriměr, litovsko "tu" i latinsko "tu" (ty), "ugnis" i "ignis" (ogonj), "avis" i "ovis" (ovca), "saule" i "sol" (solnce). Spis može byti prodolženy i dalje".

No naučniki ne spěšili s vyvodami. "My rěšili jesmo kopati glubje i provesti veče detaljnu analizu", – govori Gediminaitis. Rezultaty sut prěvysili vse očekyvanja. Okazalo se, že podobnost medžu litovskym i latinskym jest mnogo glubša, než bylo mysljeno prědže. Izslědovatelji našli sut mnogo kognatov – slov s občim korenjem, ktore idut od občego prědka. Tut je několiko priměrov:

quis – kas (kto)
sol – saulė (solnce)
mensis – mėnesis (měsec)
dies – diena (denj)
noctis – naktis (noč)
aurora – aušra (zorja)
levis – lengvas (legky)
aer – oras (vozduh)
sedeo – sėdėti (sěděti)
scutum – skydas (ščit)
saliva – seilės (slina)
auris – ausis (uho)
nasus – nosis (nos)
dens – dantis (zub)
vivus – gyvas (živy)
deus – dievas (bog)
kečups – kečupas (ketčup)
oceanologia – okeanografija (okeanologija)
gonorrhoea – gonorėja (honoreja)
dinosaurus – dinozauras (dinozavr)

Polny spis, kde je bez malogo tyseča slov, možete najdti tut.

"Ove dane nedvusmyslno ukazyvajut, že latinsky jezyk pohodi od litovskogo, a ne obratno", – tvrdi Gediminaitis. "Litovsky je velmi konservativny jezyk, ktory se pojavil blizko k geografičskomu centru pohodženja indoevropejcev i od togda se malo prěměnil. Latinci, věrojetno, migrovali sut iz Pribaltiky na jug Evropy, odnesuči s soboju jezyk prědkov".

Da by definitivno dokazali svoju teoriju, naučniki planujut iskati arheologične dokazy drěvnoj migracije iz Litvy do Italije. "Možno, my uspějemo najdti keramiku s napisami na arhaičnom litovskom", – sni/mečtaje o tom Gediminaitis.

Tuto sensacijno odkrytje jest samo početok velikogo izslědovateljskogo projekta. V nastupnom godu, 1. aprilja, bude izdana kniga doktora Gediminaitisa "Litovsky — mati vsih jezykov", v ktoroj avtor dokazyvaje, že ne samo latinščina, ale i slovjanske jezyky pohodet od litovskogo. Lingvističny svět je zamrěl v netrpěnju.

Čestitamo vas s 1. aprilja

​​Сенсацијно одкрытје: латинскы језык походи од литовского!

В послєдных лєтах лингвисти все честєје обрачајут се к великым даным и машинному обученју, дабы освєтлили походженје и еволуцију језыков. Недавно група научников из Института лингвистикы Литовского университета учинила заисто револуцијно одкрытје, анализујучи дане из лингвистичного корпуса CogNet.

"На почетку мы не јесмо могли вєрити нашим очам", – разказываје водитељ изслєдованја, доктор филологичных наук Алгирдас Гедиминајтис. "Мы видєли јесмо удивитељне подобности меджу литовскым и латинскым (матерју романскых језыков), и то не је само в словах, позајетых из латины, але и в базовој лексикє. Напримєр, литовско "tu" и латинско "tu" (ты), "ugnis" и "ignis" (огоњ), "avis" и "ovis" (овца), "saule" и "sol" (солнце). Спис може быти продолжены и даље".

Но научники не спєшили с выводами. "Мы рєшили јесмо копати глубје и провести вече детаљну анализу", – говори Гедиминајтис. Резултаты сут прєвысили все очекыванја. Оказало се, же подобност меджу литовскым и латинскым јест много глубша, неж было мысљено прєдже. Изслєдоватељи нашли сут много когнатов - слов с обчим коренјем, кторе идут од обчего прєдка. Тут је нєколико примєров:

quis – kas (кто)
sol – saulė (солнце)
mensis – mėnesis (мєсец)
dies – diena (дењ)
noctis – naktis (ноч)
aurora – aušra (зорја)
levis – lengvas (легкы)
aer – oras (воздух)
sedeo – sėdėti (сєдєти)
scutum – skydas (шчит)
saliva – seilės (слина)
auris – ausis (ухо)
nasus – nosis (нос)
dens – dantis (зуб)
vivus – gyvas (живы)
deus – dievas (бог)
kečups – kečupas (кетчуп)
oceanologia – okeanografija (океанологија)
gonorrhoea – gonorėja (хонореја)
dinosaurus – dinozauras (динозавр)

Полны спис, кде је без малого тысеча слов, можете најдти тут.

"Ове дане недвусмыслно указывајут, же латинскы језык походи од литовского, а не обратно", – тврди Гедиминајтис. "Литовскы је велми консервативны језык, кторы се појавил близко к географичскому центру походженја индоевропејцев и од тогда се мало прємєнил. Латинци, вєројетно, мигровали сут из Прибалтикы на југ Европы, однесучи с собоју језык прєдков".

Да бы дефинитивно доказали своју теорију, научники планујут искати археологичне доказы дрєвној миграције из Литвы до Италије. "Можно, мы успєјемо најдти керамику с написами на архаичном литовском", – сни/мечтаје о том Гедиминајтис.

Туто сенсацијно одкрытје јест само почеток великого изслєдоватељского пројекта. В наступном году, 1. априља, буде издана книга доктора Гедиминајтиса "Литовскы – мати всих језыков", в кторој автор доказываје, же не само латиншчина, але и словјанске језыкы походет од литовского. Лингвистичны свєт је замрєл в нетрпєнју.

Честитамо вас с првым априља

Poljsky monetny dvor je stvoril prvu na světu lětajuču monetu

UFO MP-1766 – je nazva monety. Novatorsky projekt monetnogo dvora (Mennica Poljska) byl prědstavjeny na Tehničnom forumu v Berlinu.

V dodatok k originalnoj koncepciji, zajmliva jest takože forma i dizajn. UFO ne jedino lětaje, no takože světi se pod ultrafioletovym světlom blagodare fluorescentnoj farbě, i ima selektivno pokrytje mědju.

"Naša moneta jest rezultat těžkoj raboty širokoj grupy ekspertov iz Monetnogo Dvora Poljsky, ktori mogut izpolniti najvyše ambiciozne koncepcije. My stavimo UFO v stanje levitacije blagodare motoru, ktory je skryty vnutri monety. Elektromagnitno polje, ktoro stvarjaje se meždu specijalnoju podstavoju i motorom, dělaje tunel, vo ktorom naš kosmičny korablik plavaje po vozduhu. Prezentovana na Tehničnom Forumu v Berlinu moneta jest prototip. MP-1766 UFO věrojetno bude dostupny ljudam vo vtorom kvartalu tutogo goda" – govori Łukaš Karda, direktor odděljenja tehničnogo planovanja i produkovanja v Monetnom Dvoru Poljsky.

"My ne možemo prosto stvoriti monetu, ktora ide v oficijalnu cirkulaciju, zato cto samo centralne banky imajut pravo izdavati valutu", rěče Łukasz Karda.

"Zato jestvuje biznes-modela kontaktovanja s několikymi egzotičnymi inostrannymi bankami, v tutom slučaju s Bankom Kameruna", dodavaje on.

"My jesmo myslili kako udiviti učestnikov tehničnogo foruma na tutoj raz... Jesmo sobrali ekipu ekspertov iz raznyh oddělov, vključajuči marketing i produkovanje. Ideja je byla spontanna: Nehaj da stvorimo letajuču monetu," – objasnjaje Karda. Najprvo to je zvučalo kako dobra směška, no vsaky denj stavalo vyše jasno, že my jesmo sposobni na to. My našli jesmo pravilnu tehnologiju, i ona je srabotala. Proces je tekl gladko, produkcija je izšla brzo."

To ne je jedinstveny raz, kogda Poljska Mennica izdala je neobyčajnu monetu. Jijhny portfelj vključaje prvu "prostorovu monetu" (v nestandardnoj 3D formě) na světu i cilindričnu monetu.

Prvy na světu letajuči šedevr numizmatiky byl sdělany iz semi uncij srěbra najvyšej čistosti. Ne gledeči na svoju nestandardnuju formu, moneta jest zakonno platežno srědstvo, hot jej realna cennost je mnogo vysša od nominalnoj.

https://youtube.com/watch?v=fHJi9A5BuTM

YouTube

UFO MP-1766 flying coin

The Mint of Poland created the world's first flying coin. The project called UFO MP-1766 Moneta was presented during the Technical Forum in Berlin