سمعانين بمصطلح المعماري الشجاع 💪

"الأفكار ما بتساوي شي بدون شجاعة التنفيذ!"

كم معماري أو مصمم ديكور عنده أفكار مدهشة، مشاريع مبتكرة، أو حتى رؤية مختلفة...

لكن وين المشكلة؟

- عم يضلوا ضمن "المنطقة الآمنة". 

- ناطرين الظروف المثالية، أو العميل المناسب، أو الوقت الصح. 

خليني أعطيك مثال من تجربتي كمعماري :

لما بلشت شغلي، كنت عم اشتغل ضمن شركة، لكن كنت عارف أنه عندي رؤية خاصة وحلم أكبر:

أفتح مشروعي الخاص.

كان في مليون سبب يخليني أضل مكاني:

- مين رح يثق فيني كشخص مستقل؟ 
- شو رح يصير  إذا المشروع فشل؟ 
- بلكي السوق ما تقبل أفكاري؟

لكن بدل ما أضل أفكر، قررت اتحرك بخطوات صغيرة: 

1. خصصت وقت بعد شغلي الرسمي لتطوير تصاميمي الخاصة. 

2. استخدمت السوشال ميديا كمسرح أعرض فيه أعمالي، حتى لو بسيطة. 

3. أول مشروع مستقل كان صغير، لكن نفذته وكأنه مشروع العمر ، خبركم شي كل مشروع بصراحة بعتبرو مشروع العمر ❤️

اليوم؟

مشروعي الخاص بقدر قول عنو  ناجح ، شغلي عم يوصل لآلاف الناس بالعالم ، وكل خطوة كانت أساس لتحقيق الحلم. 

ما كنت أذكى ولا أغنى ولا عندي موارد خرافية، لكن كان عندي الجرأة أبدأ حتى لو الخطوة الأولى كانت بسيطة.

الدرس؟
- إذا عندك فكرة مشروع، ما تستنى العميل المثالي. 

- إذا عندك رؤية جديدة، اعرضها ولو أونلاين. 

- بلش بشي بسيط، وتعلم من الأخطاء عالطريق.

"الأحلام بتحتاج جرأة، مو مجرد أفكار." 
شو مستني؟ خد أول خطوة اليوم!

#ابدأ_بجرأة #المعماري_الشجاع #حقق_رؤيتك

"واحد واحد واحد... الشعب السوري واحد"

من قلب التجربة، ومن حياة عشناها بكل تفاصيلها الحلوة والمرة، بحب احكي عن سوريا يلي نحنا منعرفها، سوريا يلي ما عرفنا فيها حدود بين دين أو طائفة، سوريا يلي كبرنا فيها وكان حلمنا نعيشها متل دول العالم المتقدمة.

✅ الناس لبعضها:

أصدقائي خلال حياتي، كانوا من كل الأطياف.

يلي وقف معي بالغربة كان من دين مختلف، يلي دعمني بالجامعة كانوا بنات من طائفة ثانية، وحتى بالمراهقة كنت أحلم بحب بنت من طائفة مختلفة.

"الإنسان بأصله وتربيته، مو بانتمائه"، وهاد الشي يلي خلاني شوف إنو السوريين، بكل تنوعهم، هنن أكتر ناس عندهم طيبة وحب لبعضهم.

🏛️ اختلافنا قوة، مو ضعف:

اختلاف الأديان والمذاهب ما كان يوم سبب للمشاكل بيننا.

كنا نتخانق أكتر على برشلونة وريال مدريد من إنو نحكي عن النعرات الطائفية.

متل ما قال المفكر السوري عبد الرحمن الكواكبي: "الاختلاف في الرأي لا يفسد للود قضية."

نحنا شعب بيعرف يحترم التنوع، وبيعرف إنو قوتنا بتجي من هالتنوع نفسه.

💪 حلمنا كبير:

حلمي مثل حلم كل سوري شريف:

- نبني بلدنا بإيدين كل السوريين الأحرار، من كل الديانات والطوائف.

- نرفع راسنا قدام العالم، ونوصل سوريا لتكون دولة متقدمة، مزدهرة، ومليانة بالحب والسلام.

✨ رسالة أمل:

صدقوني، الشعب السوري طيب وكريم، واسألوا أي جنسية تعاملت مع سوري.

العاطل ما بيتحدد بجنسيتو أو دينو، العاطل بتربيتو.

متل ما قال المتنبي: "إذا غامرتَ في شرفٍ مرومِ... فلا تقنعْ بما دونَ النجومِ."

نحنا شعب عندنا طموح وأمل، ومنعرف كيف نبني بلدنا رغم كل التحديات.

خلونا نرفع شعار:

"واحد واحد واحد... الشعب السوري واحد."

اختلافنا ما لازم يفرقنا، لازم يعطينا قوة نبني فيها سوريا جديدة، حرة، لكل السوريين.

"يد الله مع الجماعة"، ويد السوريين لما تتحد، ما في شي بيوقف بوجهها.

يارب تكتب أيام أحلى لبلدنا ولكل البلاد العربية.

خلونا نبدأ من هون، نبدأ بالبناء.

سورة البقرة  الاية رقم ١٣

الحمدلله دائما وابدا ، سوريا حرة ياابي ، سوريا حرة ياتغلب يا ابو ناشد ، سوريا رجعت لكل السوريين ، هلق فينك ترتاح انت و خوالي مرهف ومخلص ، الحمدلله كل عمرنا كنا عالجانب الصح ، راح زمن الخوف واجى زمن سوريا الحرة الابية بدون حكم الطواغي 💚

القطار مافاتك حتى لو صار عمرك ٤٢ سنة 🤍☘️

بصراحة واضح إنو كل واحد فينا عندو شغف كبير وموهبة حقيقية، بس واضح كمان اننا بحاجة لتنظيم وتوجيه صحيح حتى نستغل كل هالمهارات والخبرات يلي بنمتلكها بطريقة نحقق مردود مادي يليق بتعبنا وشغفنا.

خليني أحكيلك شوية نصايح ممكن تساعدك بوضعك الحالي:

1. ركز على مهارة وحدة أساسية
   إنت عندك خبرة واسعة، بس هالوقت مو وقت التجارب، لازم تركز على مجال واحد تكون فعلاً مميز فيه.

وبما إنك شاطر بتصميم (مجالك واختصاصك وشغفك الحالي ) ، خلّي كل تركيزك بهذا المجال، لأنه عليه طلب وممكن تتطور فيه بسرعة.

1. استغل الإنترنت والسوشيال ميديا
   إنت بلشت محتوى هي بداية ممتازة.

كمل ووسع المحتوى تبعك على منصات تانية مثل:

- يوتيوب ولينكدان :

نزل فيديوهات عن أسرار تصميم ونصايح للتنفيذ. ونزل محتوى على اللينكدان مهم جدا

- دورات تدريبية أونلاين:
استغل منصات مثل Udemy أو حتى بيع دورات مباشرة على تيكتوك أو فيسبوك.

- خدمات تصميم أونلاين:

سجل بحسابات على مواقع مثل Upwork وFiverr وقدم خدماتك لأي حدا بدو تصميم محترف.

1. مشروع صغير بجانب الشغل
   طالما عندك خبرة بمجال معين ، فكّر تفتح مشروع صغير بجانب شغلك الحالي. ممكن تشتغل على:
   - تصميم حلول وقوالب جاهزة للعملاء.
   - بيع تصميمات رقمية (موديلات جاهزة).
   - تقديم استشارات تصميم وتنفيذ.

2. رتّب وقتك منيح
   أنا بفهم إحساسك بالوقت وكيف عم يمشي بسرعة.

بس الحل هو إنك تستثمر وقتك بطريقة ذكية.

خصص ساعتين يومياً فقط لشغلك الجانبي أو لتطوير مشروعك الرقمي.

1. استثمر بعلاقاتك
   أكيد عندك شبكة معارف كبيرة من شغلك بالمجال.

حاول تستفيد منهم لفتح أبواب جديدة أو الحصول على فرص عمل أو حتى شراكات صغيرة.

1. لا تخاف من البدايات الجديدة
   بعرف إن العمر والوقت ممكن يخلّوا الواحد يحس بالخوف والتوتر، بس ما في وقت متأخر لبدء شي جديد.

خليك مؤمن إن تعبك رح يجيب نتيجة، بس اشتغل بخطة واضحة وأهداف صغيرة.

1. كون مصدر إلهام لعيلتك
   عائلتك بحاجة يشوفوا كيف الواحد بيشتغل ويتطور.

علمهم من تجربتك إنو التخطيط والتعلم المبكر ضروري.

ممكن حتى يشتركوا معك بالمشروع، يساعدوك بالمحتوى أو الإدارة.

1. استغل مواهبك بالدقة
   إنت شخص موهوب وعندك ذكاء بشغلك، استغل هالذكاء بإنك تقدم شي مميز بالسوق.

ركز على تقديم خدمات غير موجودة أو محتوى جديد يفيد الناس.

ختاماً:
يا أخي، تذكّر إن الأرزاق بيد الله، وإنه دائماً في مجال لتحسين الوضع مهما كانت الظروف.

اشتغل خطوة خطوة، وخليك مركز على أهدافك.

التفسير الميسر : "إن الذين كفروا سواء عليهم أأنذرتهم أم لم تنذرهم لا يؤمنون"

إن الذين جحدوا ما أُنزل إليك من ربك استكبارًا وطغيانًا، لن يقع منهم الإيمان، سواء أخوَّفتهم وحذرتهم من عذاب الله، أم تركت ذلك؛ لإصرارهم على باطلهم.