أفكر كل أسبوع استلم منكم ملزمة عدكم بيها امتحان و اشرحها الكم و انتم تحولون بصماتي للطلاب

اكتشفت شغلة انو إلي قدرة اشرح لكل او اغلب الاقسام الطبية 🍁

قصة الحالة شنو ؟
صعدت للسيارة و گال الرجال أكمل تدخين ؟ گلت اله بكيفك بس أنا ما أحب اشم ريحة التدخين لان احنا أهل الأسنان ضد هاي الأمور ، فگال ها أسنان ؟ لعد نظفهن إلي و أوعدك بعد و لا ادخن اذا طلعت أسناني حلوات ✓
و عليه دخلت بتحدي حالياً :
لازم اشتغل صح حتى تطلع اسنانه حلوات و البيشنت يقطع التدخين ☕️🙂‍↕️

شَهِدَ نَهْرُ الفُراتِ على رَسائِلي مِراراً، وفي هذِهِ الأيّامِ أَشْعُرُ أنَّهُ قدِ اشْتاقَ إلى صَوْتي، وَفِي المُقابِلِ أَحْمِلُ إِلَيْهِ رَسائِلَ طَوِيلَةً..

تَمُرُّ الأيّامُ، وَفِي كُلِّ مَرَّةٍ أَزُورُ الفُراتَ، أَبُوحُ هُناكَ بِما في داخِلي ثُمَّ أَعُودُ إلى البَيْتِ.

اليوم دكتورة الاورثو گالت انو كذا حالة إذا وصلت لمرحلة severe فما الها علاج ، فكرت شلون ما الها علاج ؟ و رجعت فكرت و فكرت و كتبت treatment plan بالدفتر و شرحتها للدكتورة بـ نهاية المحاضرة و طلعت صح ✓ ، من تخترع طريقة علاج و تطلع صحيحة ، اعلم انك مو هَين ? ، الحمد لله ، كله من فضل الله تعالى عليه .

‏﴿‏وَأَدْخِلْنَا فِي رَحْمَتِكَ ۖ وَأَنْتَ أَرْحَمُ الرَّاحِمِينَ﴾

صح امشي وحدي لكن احس عندي مسؤولية و لو قليلة تجاه دفعتي ....

تقريبا اغلب اوقاتي بالجامعة أكون وحدي او ممكن اتمشى وي واحد من الزملاء بس ....

بس ما اجت هاي الأمور بالهين ، شكد خطأت و عثرت و صارت وياي مواقف محرجة بس كل هاي الاخطاء هي إللي بَنَتْ شخصيتي اليوم

و ما اسكت إذا ينوخذ حقي و ارد الكلمة بـ عشرة و سلامتكم .