Никсоннинг башорати

Президент Ричард Никсон меморандумининг башоратли сатрлари. Диққат қилинг , бу 1992 йил март ойида айтилган эди :

"Биз бир неча марта мана совуқ уруш тугади ва Ғарб уни ютди, деган гапларни эшитдик. Тўғри бу шундай,бироқ бу фақат ярим ҳақиқатдир . Коммунистларнинг совуқ урушда бизга ютқазгани рост, бироқ Комунизм ҳали тўлиқ мағлубиятга учрагани йўқ. Комунизм ағдарилиб тушди холос , чунки унинг ғоялари муваффақиятсизликка учради. Бугун эса синов остида эркинлик-озодлик, тенглик ғоялари турибди. Агар улар Россия ва бошқа собиқ совет республикаларида яхши ҳаётни таъминлашда муваффақиятга эриша олмасалар , янги ва янада хавфлироқ мустабид деспотизм ҳукмронликка дуч келадилар . Бунда одамлар хавфсизлик учун эркинликларини қурбон қилиб, ўз келажакларини янги қиёфага кирган эски қўлларга ишониб топширадилар.

Биз тарихий бурилиш нуқтасини бошдан кечирмоқдамиз. Совет Иттифоқидаги демократик инқилобнинг тарихий аҳамияти гўё Ватерлоо жангида Наполеоннинг мағлубиятига, Версалъдаги тинчлик конференциясига (1919 йил), НАТО ва Маршалл режасининг (1948 йил) ташкил этилиши каби воқеаларга тенгдир. Европада бир асрлик барқарорлик, 1920-30-йилларда Иккинчи жаҳон урушига қараб қадам ташлаш, ҳамда биз Совет Иттифоқини ярим аср давомида муваффақиятли тийиб туришимиз – буларнинг барчаси катта давлатларни арбобларининг шу танқидий паллаларда ижобий жавоб бера олганига боғлиқ эди. Бугун ҳам биз ўхшаш имконият ва хавф-хатарлар қаршисида турибмиз, аммо Ғарб ҳалигача ушбу лаҳзадан фойдаланиб, келгуси эллик йиллик тарихни шакллантира олгани йўқ.

Россия – бу муваффақият калитидир . Совуқ урушнинг сўнгги жанги айнан шу ерда ютилса ёки ютқазилса, ажаб эмас. Бу ерда таваккалчилик кетмайди , агар Россияда демократия ғалаба қозонса – агар президент Ельциннинг иқтисодий ислоҳотлари муваффақиятли бозор иқтисодиётини яратишга олиб келса – келажакда қурол-яроғ харажатларининг қисқариши, жаҳон инқирозларини бартараф этишда ҳамкорлик ва халқаро савдо кенгайиши орқали иқтисодий ўсиш юз беради. Бундан-да муҳимроғи, эркинлик муваффақияти дунёдаги комунизмнинг охирги қамал қилинган қалъалари – Шимолий Корея, Куба, Вьетнам ва Хитойга таъсир қилади. Уларнинг етакчилари сиёсий ислоҳот сари илк қадамларни қўйиш учун қаттиқ босим остида қоладилар.

Агар Ельцин муваффақиятсизликка учраса, келгуси эллик йил учун башоратлар дахшатли бўлади. Рус халқи комунизмга қайтмайди. Аммо янги, янада хавфлироқ деспотизм – экстремистик рус миллатчилиги асосида шаклланган тузум ҳокимиятга келади. Шуни ёдда тутиш керакки, комунизмдан олдин ҳам Россияда етти асрлик экспансионистик (босқинчилик) анъанаси мавжуд эди. Янги деспотия етакчилари, аллақачон Ельцин ислоҳотлари муваффақиятсизликка учраса, ҳокимиятни қўлга киритишга тайёрланмоқда, миллатчилик туйғуларини алангалатиб, рус халқи оғир дамларда кучли қўлга – ҳатто диктатурага – суянишга мойиллигидан фойдаланадилар.

Агар янги деспотизм устун келса, 1991 йилдаги буюк тинчлик инқилобида қўлга киритилган барча ютуқлар йўқотилади. Совет Иттифоқи ҳудудида уруш бошланиши мумкин, чунки янги деспотлар Россиянинг “тарихий чегаралари”ни тиклаш учун куч ишлатадилар. Янги шарқий Европа демократиялари хавф остида қолади.Бундан Хитой тоталитарчилари енгил нафас олар эди. Янги рус режими Совет Иттифоқининг собиқ иттифоқчилари – Ироқ, Сурия, Ливия ва Шимолий Корея билан ҳамкорлик қилиш орқали бизнинг манфаатларимизга таҳдид солади. У анъанавий қуроллар, баллистик ракеталар ва ядро технологияларини истаган харидорга сотишга тайёр бўлади.

Империявий миллатчиликдан илҳомланган, комунизмнинг сўнаётган эътиқоди юкидан холи бўлган янги рус деспотизми совет тоталитаризмиданда хавфлироқ бўлиши мумкин.

Агар эркинлик(демократия) Россияда мағлуб бўлса, биз дунёда эркинлик тўлқини қайтганини кўрамиз ва келажакнинг бош ғояси демократия эмас, балки диктатура бўлади."

https://t.me/ixtiyoresanov
Телеграм каналидан олинди

Обуна бўлинг !  ⤵️
👉{ @democracy_uz }

Кейин бу сиёсат қанча ўзбек адибларини, санъаткорларини қийнаганини эсингизга солайми? мисол Тоғай Муродга қандай босим ўтказилганини, Ҳамза театрини қандай вайрон қилганини эслайлик, «Баҳор» ансамблини йўқ қила бошлашганини эслайлик,"ўзбек миллатчилиги билан кураш" деган сиёсат натижасида радикаллар эмас, театр, кино, мусиқамиз, рақс санъатимиз, адабиётимиз, тарих фанимиз, тилимиз, миллий маданиятимиз зарба еди ва буларнинг барчаси Р. Абдуллаева иштирок этган сиёсатнинг бир қисми эди.

Анвар Назир

Ҳурматли Рассом Тузга жавобим.

Ростини айтсам, Сиздан бундай пост кутмагандим. Мен ФБда гапирмайман, ёзмайман, даволаняпман ва ўзбек ижтимоий тармоқларидан узоқ бўлганимдан хурсандман, лекин ёлғони кўриб туриб тинчгина ўтишга виждоним менга рухсат бермади.

Р. Абдуллаева шахсиятини радикализмга қарши курашга ҳеч қандай алоқаси йўқ! Аксинча, салафийлар, радикаллар, экстремистлар учун йўл очиб берган бунақалар ва айнан бу фаросатсиз сиёсатни ўша пайтдаги Ўзбекистон Компартияси Марказий Комитети амалга оширган. Абдуллаева нима қилаётганини тушунганми ёки тушунмаганми билмайман. Аммо 1984 йилда Афғонистондаги уруш фонида СССР Афғонистонга қўшни Совет республикаларида "янги диний сиёсат" ўтказишга қарор қилди. Андропов Ўрта Осиё Совет республикалари бундай сиёсатни қандай амалга ошириш бўйича таклиф билан чиқишни таклиф қилди республикаларга ва ҳар доимгидек, Кремлга энг содиқ одамлар, Ўзбекистон коммунистлари майдонга чиқди. Ўшанда давлат мафкураси бўлими бошлиғи Р. Абдулллаева эди ва айнан шу бўлим Москвага Ўзбекистонни охир-оқибат радикализм ва экстремизмга олиб келган сиёсатни таклиф қилган эди. Абдуллаева ва унинг атрофидаги саводсиз одамлар радикализмга қарши курашни... Наврўз байрамига, авлиёлар қабрини зиёрат қилишга қарши курашга айлантиришди, ҳатто ўзбек дўпписи ва атлас кийиш ҳам диндорлик белгисига айланди. Бу сиёсатни халқ, албатта, қабул қилмади. Охир-оқибат, айнан шу бўлим ноанъанавий йўл тутишга қарор қилди, улар бу сиёсатга “ҳақиқий мусулмонлар”ни жалб қилишга қарор қилдилар ва бу коммунистларнинг фикрича, бу ҳақиқий мусулмонлар кимлар? Абдуллаева бошқарган бўлимнинг фикрича, булар “Исломда ширкка ўрин йўқ, яъни зиёрат, наврўз, ўзбек жанозалар одатлари каби ҳаром нарсалар...” деб «эътиқод» қилганлар бўлиб чиқди. Ўзбекистон Республикаси Дин ишлари бўйича қўмита орқали шундай “ҳақиқий мусулмонлар”ни қидириб топиш сиёсати бошланди ва топилди шунақалар, улар, топилганлар, ўша пайтда ҳали кичик гуруҳ эди, баъзилар буларни салафийлар, баъзилар эса буларни ваҳҳобийлар дейишарди. Улар ўзларини “соф Ислом ”га қайтиш тарафдорлари деб аташар эди. Бу гуруҳ раҳбари кейинчалик машҳур бўлган A. Мирзаев бўлиб, кейинчалик Ўзбекистондан чиққан, Тоҳир Йўлдошев ва бошқа дунёга машҳур террорчиларнинг устози бўлди. А. Мирзаев ва унинг гуруҳи айтилган бўлим таклифларини мамнуният билан қабул қилди, бу уларга қандай фойда келтиришини тушунди. Натижада радикаллар “ҳақиқий мусулмонлар” ниқоби остида минбар олиб, Наврўзга қарши тарғибот ва авлиёлар мозорларини зиёрат қилишга қарши салофийча тарғиботига киришди. Эндиликда Ўзбекистонда бундай маърузалар ман этилган ва авлиёлар мозорларига қарши бундай маърузаларни С. Самарқанди, A.Зуфар кабилар фаол олиб бормоқда, айтганча. Ҳолбуки, ҳозирги зуфарлар бошимизга осмондан бирдан тушгани йўқ, экстремизм ва радикализм дарахти ўсган тупроқ айнан ўша йилларда тайёрланган эди! Эски гуноҳларнинг узун соялари бор, деб ёзган Агата Кристи! Толиблар ҳокимиятга келгач, биринчи навбатда Наврўзни тақиқлаб қўйишди, ва Толибон фатвосидаги далиллар айнан Абдуллаевалар даврида тарқалган фатвони ўзгинаси, ўша пайтдаги Қўмита тайёрлаган фатвосидаги салофийча асосларга таянган, ўхшаши 100% агар совет ҳақидаги пропагандани олиб ташласак. Дин ишлари бўйича қумита тайёрлаган ўша йиллари бу фатвони ҳозир ИШИДга, Толибонга ёки Ҳизбутчиларга кўрсатинг, сизни ишонтириб айтаманки, улар бу фатвони 100% маъқуллашади. Хўш, буларнинг барчаси кўча радикализмининг ўсишига олиб келди охир оқибат, 90 йилларда нима бўлганини биласиз. Р. Абдуллаева ҳақиқатан ҳам бир нарсани кечира олмади ҳаётида - бу ҳақда ўзи ёзган, у M. С Горбачевни "буюк СССР каби мамлакатини вайрон қилгани" учун ёмон кўрган. Яъни мутаассиб коммунист эди Абдуллаева.

Менда бир савол бор: сиз радикализм ва экстремизмга қарши самарали кураш олиб боришни хоҳлайсизми? унда Р. Абдуллаевага ўхшаганлардан қаҳрамонлар чиқарманглар айнан шуларнинг сиёсати шу бугунги радикализимга олиб келган сабаблардан бири.

ИИВдаги хибслар, ДХХдаги оммавий ишдан олишлар - Алламжоновга суиқасд

Комил Алламжоновга суиқасд ишида янги ҳибсга олиш ва ишдан бўшатишлар.
Ўзбекистон ДХХси ва Ички ишлар тизимида сўнгги ўн йилликлардаги энг йирик тозалаш.
Алламжоновга суиқасд юзасидан терговга тўсқинлик қилгани айтилган Тошкент шаҳар ички ишлар бош бошқармаси бошлиғининг собиқ ўринбосари Дониёр Тошхўжаев ҳибсга олинаркан, ДХХ ўз хавфсизлиги бошқармасининг ўнлаб ходими ишдан бўшатилди.
Ўзбекистоннинг яқин тарихидаги энг шов- шувли сиёсий қотиллик уриниши хроникаси Озодликнинг навбатдаги эксклюзив видеосида.
Видеога лайк босиб, уни тармоқларда улашишни унутманг!

Обуна бўлинг !  ⤵️
?{ @democracy_uz }

Янги Ўзбекистон: мулки бузилган тадбиркор, уйи куйган фуқаро

Тошкентнинг Олмазор туманида яшовчи Назировлар оиласи “снос”га тушган дўкон учун давлатдан товон пулини ололмаяпти. Улар Ўзбекистонда бу каби муаммога дуч келган ўнлаб оиланинг бири. “Снос”ларни ҳуқуқ фаоллари Ўзбекистонда мулк ҳуқуқи бузилиши рамзи сифатида таъкидлашади.

Обуна бўлинг !  ⤵️
?{ @democracy_uz }

Путиннинг содиқ аскари ва мигрантлар химоячиси - Рамзан Қодиров ким?

48 яшар Рамзан Қодиров 2005 йилдан бери Россиянинг энг нотинч минтақаси бўлган Чеченистонни бошқариб келади.
Аммо унинг таъсири Чеченистондан ташқарида ҳам маълум. Путиннинг “содиқ аскари” унвонига эга бу шахс сўнгги пайтларда Ўзбекистон пойтахтида ҳам бот-бот кўриниш бермоқда. Тошкентда президент Шавкат Мирзиёев куёвлари томонидан меҳмон қилинадиган Рамзан Қодиров оддий ўзбеклар орасида ҳам анча машҳур. Бунга унинг мусулмонлар ва айниқса, сўнгги пайтларда Россиядаги меҳнат муҳожирлари ҳимоясига қилган чиқишлари сабаб бўлган. Ўзининг шафқатсизлиги, танқидчиларга тоқатсизлиги ва инсон ҳуқуқларини қўпол поймол этиши билан танилган Рамзан Қодиров сиёсатга қандай кириб келди? Уни Ўзбекистон билан нималар боғлайди? “Аҳмад” - ҳақиқатан кучми?
Бугунги дастуримизда биз бу ва бошқа саволларга жавоб излаймиз.

Обуна бўлинг !  ⤵️
?{ @democracy_uz }

Ассалому алайкум!

Ижтимоий тармоқлардаги барча фаоллар,  жамоатчилик ва оддий халқ ташаббуси билан 1 марталик тақдирлаш: "Таълим учун 1 ёки (5, 10)$" акциясини биргаликда ташкил қилсак, Сиз нима дейсиз?
Келажакда оддий халқ ўз ғолибларини ўзи тақдирлаши ва қўллаб-қуватлаш йўлида ташаббусни қўлга олиб, Хукумат эътиборсиз қолдирган Райёна ИБРАГИМОВА каби Халқаро ғолибларини, шунингдек келгусида Халқаро  илм-фан, таълим ва тиббиёт йўналишлари олимпиада ғолибларига ҳам халқ номидан моддий рағбатлантиришни доимий ташкил этиш орқали Ўзбекистон барча ёшларини илм-фанга, таълим ва тиббиёт билимларига қизиқишини ошириш, Халқаро танловларда иштирок этишга интилиши ва жаҳонда юқори натижаларга эришишга рухлантиришни янада  ошириш мумкин.

Агар Сизда ҳам қўшимча таклиф, тавсия ва янги акция ташкил этишда иштирок этиш истаги бўлса, бемалол Телеграмдаги @democracy_uz каналда (ёйин ҳар куни соат 21дан) жонли мулоқотга Сизни ҳам таклиф қиламиз.

Хурмат билан
Фаоллар гуруҳи

Обуна бўлинг !  ⤵️
?{ t.me/democracy_uz }