أفراح

يـمـتـه الفـرج يالغالي      يـهـتـف نـبـض دلالـي
ياحجت الله الموعود      رسـمـك يعـيش أبالي

🌷÷÷÷÷÷÷÷÷🌷÷÷÷÷÷÷÷÷🌷

يالساكن بدلالي بس نظرتك ترويني
بمولدك يامولاي افـرح وكحل عيني

مشتاگه عيني اتشوفك     وافـرح واقبل اچفوفك
يا أغله وأجمل معشوگ     بـيـك الـفـرح يـحـلالـي

🌷÷÷÷÷÷÷÷÷🌷÷÷÷÷÷÷÷÷🌷

أتنطرك يالموعود گلبي المجيئك ضامي
تدريني أني الولهان وأتخيلك بـحـلامـي

ألليله اجـمل ألليله        بـيـك الگلب ترتيله
شعت انوار الميلاد       طـيـر الـسعد غنالي

🌷÷÷÷÷÷÷÷÷🌷÷÷÷÷÷÷÷÷🌷

حبيتك وما أنساك يالمهدي وألله الشاهد
يـجـدد أبـمـيـلادك هـذا أنـتـظاري معاهد

تـنـبـض محـبـتك بيه     وأبـقـه انـتـظـر للجيه
حنيت الك يالمحبوب     أتـمـنـه تـنـظـر حـالـي

🌷÷÷÷÷÷÷÷÷🌷÷÷÷÷÷÷÷÷🌷

أتغزليت أبطرواك وعيني تصد لدروبك
أتـوسـلك وترجاك ترحم گلب محبوبك

الخليت أثر بعيونه       أسأل عليه اشلونه
طال البُعد يامولاي       منك خبر ما جالي

🌷÷÷÷÷÷÷÷÷🌷÷÷÷÷÷÷÷÷🌷

✍خادم الامام المهدي
الشاعر رعد الجريخي

مهدينه    يامهدينه

انته الأمام المنتظر
ميلادك ايكحل النضر
يالبيك غيره من الگمر
بالمولد التمينه

انهي الزچيه ابمولدك
نسعدها جينه اونسعدك
انصار كلنه انعاهدك
مولدك ماناسينه

هذا الفرح كله الك
يالنورك امضوي الفلك
ياشمعه يايوسف هلك
يالشخصك امتانينه

يالمهدي جينه نحتفل
عشاگ منك مانمل
يالمولدك لم الشمل
والشوگ زايد بينه

يالساكن بنص الگلب
كل جمعه نربي اعله الدرب
مولانه اوفراگك صعب
مانحتمل تدرينه

الشاعر
ابو عبدالله الشمري

https://t.me/ajhaza_mostakdama

انضمي للقناة واستفادي من معلومات الاجهزه

السلام عليكم خواتي❤️

فتحتلكم قناة ثانيه بيها قصائد جنوبيه حاره ?*? تعالن وياي واشتركن بيها
قبل ما تنسد هاي القناة
كذالك راح تنزل قصائد من ديوان سلاطين الحومه بلقناة وان شاء الله تستفادون منهن*

#_تعالن_وياي_لقناتي ??

هذا الرابط بس اضغطي ??

https://t.me/amadamalmalke2

https://t.me/daftr_almalayi