اتمنى لو اكو اختيار انو تشيل حزن احبابك وتخلي بگلبك وتعيشه بمكانهم بس حتى ميضلون حزينين
تحس بـ قلة الحيلة لان همه حزينين ومابيدك شي بس تواسيهم
عندك گلب يواسيهم بس ماعندك گلب يشيل عنهم كلشي

وبالنهايه تكتشف انو الحياة ماتگدر تفعل وضع الطيران وتتوقف لما انت تحزن ،ولا احد حيگدر يترك الحياة بالكامل لما انت تحزن ويگعد يمك..
حتنجبر انك تواكب كلشي رغم اي شي يصير وياك،وتبقى دائمًا تواسي نفسك انو الحياة هي هاي الصحيحة والاعتياد انت مُسير الـه ،وانو نخففها على بعضنا احسن مما نشدها ،ونعتب ونحاسب على كلشي ..
كلشي سهل لما انت تختار تسهلها وكلشي صعب لما تصعبها..

٢٨أكتوبر٢٠٢٤
﴿ هُوَ الَّذى يُصَوِّرُكُم فِى الأَرحامِ كَيفَ يَشاءُ ﴾.

"الشفاء ليس نقطة نهاية، بل هو رحلة مستمرة. يصل الإنسان إلى لحظة يختار فيها أن آلامه لن تعيقه عن التقدم نحو أفضل نسخة من نفسه. العناية بالذات والتصالح مع الجروح يتطلبان وقت وجهد، وغالبًا ما تكون التحديات قاسية. لكن السر يكمن في الالتزام بالتحسن والاستمرار، حتى عندما يبدو الطريق صعب."

قبل يوم جنت اباوع ريل لطالبة سادس داتعيد للمرة الثالثه فكاتبه انطونا طريقة درستوا بيها وطلعتوا معدل ..دخلت على تعليقات جانت طرق دراسيه عاديه لفتني تعليق واحد كاتبه "من القهره التزمت زين وطلعت معدل"
احس تعليقها انطاني لحظة ادراك لشي انو الانسان لما يكون مقهور عنده قوة موطبيعيه حتى يحقق الشي الي يريده كانما يطلع الوحش الي بداخله !
وهنا يجي توجيهك للألم الي عندك لو تاخذه كقوة وتنطلق لو تضل تراوح بمكانك وتكون ضحية..

٢٢اكتوبر٢٠٢٤
﴿وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ ﴾.

حاول تبطل تجلد نفسك بمعدل لا يقل عن الـف مره باليوم لان بالنهاية انت وحدك بدون اي عمل ومجهود ..عظيم وكافي ومُنجز
بَطل انك تحاول تثبت لنفسك اشياء وتدخلها بدوامه

يكفي اليوم انت طبيعي وعادي مو لازم تفكر وتشيل هم الدنيا وتتعب خلايا عقلك
اهدا،اتنفس..كلشي حيكون مرتب🤎

حنكون ابطال الاستمراريه وليس ابطال البدايات🤎

٤٦ يوم كسادس و٤٣ يوم كـثالث

تكدر تصنع بيها محاولة ناجحة تغلُب على محاولاتك الي ماصابت بـدور الاول ♥️