اشرهن عالملح والچمهن من اغتاض
ولا اذلهن جروحي بحضرة المخيط

انتَ خليك بمُكاني
الصار بيه يصير بيك
بنُص نهر لازم تعبره
وتلتفت ماتلگه ايديك
انا هذا الصار بيه
بنص نهر عافتني ايديه
وع الجرف بَـس الشماته
وانتَ گلي شلون اصيح
انت خليك بمكاني نهر وتعوفه الجروف
انتَ الحنين قسيت
شلون ترحمني الظروف

حسسَتني ماليَ
قيمه من انَتظرك
الناس ترگض
بالمَحطه تحضن
الناس الأجوهَة
وأنتَ محتار بجنطَتك
بهيج موَقف لو إخوي
اكدر اكرهَه ؟
بس جبان وما كرهتَك .

وشبيه هلگد منصِدم
هسه آني
قابل جَديدة أتفاجئ
بنسياني
گضيت كل العمر
أخسر وأنعَاف
ياهو الأريده يريد
وَاحد ثاني .

انه الباگو نَهاري ورحت ادوره بليل
والمسودن طبع ميعوف سالفتة