🛫 0 soʻm bilan Germaniyada oʻqishning 5 ta yoʻli

"Unaqa yo’l yo’q. Post tugadi" - deyishim mumkin edi, ammo aslida 0 soʻm bilan Germaniyada oʻqishning yoʻllari bor. Albatta, pulingiz boʻlmaganiga yarasha, boshqa jihatlarda, masalan vaqt va til oʻrganishda qurbonlik qilishingiz kerak boʻladi. Lekin siz ham men kabi oʻrtacha oiladan chiqqan va oʻz kuchiga ishongan, xorijda taʼlim olib, ulkan ishlar qilishni istagan yoshlardan boʻlsangiz, quyidagi usullar siz uchun juda qoʻl keladi. (Ogohlantiraman matematikam juda yomon)

5 - yo'l: Work and Travel

(Matematikam yomonligini aytgandim-ku 🙃). Agar allaqachon Oʻzbekistonda bakalavr taʼlimini olayotgan boʻlsangiz, yozgi taʼtil davrida ishonchli bir kompaniya orqali Germaniyaga work and travel dasturi orqali kelishingiz mumkin. Bu sizga oʻqish uchun mablagʻ toʻplash, shuningdek mahalliy madaniyatni va tilni chuqurroq oʻrganish imkoniyatini beradi. Faqat, iltimos, kamida ingliz tilini oʻrganib keling. Behazil...
4 - yo'l: Erasmus dasturi.

Bu dastur universitet talabalari uchun moʻljallangan. Erasmus grantlari nafaqat Germaniyada, balki butun Yevropa boʻylab taʼlim olish va yashashni moliyalashtirish imkoniyatini beradi. Asosiysi, manaman oka, deb o'zingizni ko'rsatishingiz va ingliz tilingiz zoʻr boʻlishi kerak.

3-yo'l: FSJ (Freiwilliges Soziales Jahr, yoki "Ixtiyoriy Ijtimoiy Yil").

Bu, maʼlum bir jamoat tashkilotida, masalan qariyalar uyida yoki mehmonxonada, bir yil davomida bepul ishlashni anglatadi. Ish beruvchi sizga turar joy va ovqatni taʼminlaydi, minimal xarajatlarni qoplaydi. Lekin, bir yil pul topolmaysiz. Nemis tilini A2 darajasida bilish kifoya. Yaxshi tomoni, bir yildan keyin Germaniyada qolib, til oʻrganish va oʻqishga kirish imkoniyatiga ega boʻlasiz.
2 - yo'l: Ausbildung.
Bu kasbiy taʼlim dasturi, unda nemis tili B2 darajasida talab qilinadi. Universitetda oʻqimasangiz ham, masalan oshpazlik, temir yoʻl yoki qurilish sohasida taʼlim olish va shu bilan birga pul topish imkoniyatiga ega boʻlasiz. Dastlabki ikki yil koʻp daromad keltirmasligi mumkin, lekin keyinchalik hayotingiz ancha yaxshilanadi.

1 - yo'l: DAAD dasturi.
Nemis tilida yuqori darajada gaplasha oladigan va aniq fanlar, tibbiyot, IT, muhandislik kabi sohalarda taʼlim oladiganlar uchun ajoyib yoʻl. Hatto safar xarajatlaringiz, oilali yoki uylangan boʻlsangiz, oila aʼzolaringizning yashash xarajatlarini ham qoplaydi.

Eslatma: Germaniyada davlat universitetlari bepul, lekin oʻqish uchun 12 yillik taʼlimni tugatgan boʻlishingiz kerak (Maktab+kollej, Maktab+litsey, Maktab+universitetning birinchi kursi).

Bu maʼlumotlarni boshqalarga joʻnatmang. Agar hamma Germaniyaga kelib bepul taʼlim olib ketsa, sizga joy qolmaydi. Shunday ekan, bu maʼlumotni faqat oʻzingizda saqlang va hech kim bilan boʻlishmang. Adios!

👉 Sirojiddin Boboqulov 👈

Cambridge 19 👆👆👆

TEST 4 🎧

TEST 3 🎧

TEST 2 🎧

Eid Mubarak 😊

Happy Eid