**Бугун шоир ва актёр Эркин Бозоровнинг туғилган куни!

Эркин аканинг бир гапи менга ёқади:**

– Бир кун келиб, – дейди у машина чамбарагига икки қўлини ташлаб, озгина сукут сақлагач. – Халқимиз китоб ўқишни бошлайди. – Муюлишдан қайрила туриб яна қасд билан сўзлаётгандай, – ўқимаса, ўқитамиз!

– Эркин Бозоров ким?

Жавобни ўзидан эшитинг!

Telegram | Facebook | Instagram| YouTube

**2024 йилда ўқиган китобларим ичида энг яхшиси Юй Хуанинг «Яшамоқ» асари бўлди. Бу асар давомида фақат ношукур эканимни, Худога эркалик қилаётганим ва осуда ўтаётган ҳаётимни ўз қўлим билан жарга бошлаб бораётганимни англаб етдим.

Яна бир кашф этилгани эса «Mutolaa» ҳаволаси бўлди. Китоб ўқиш имконсиз бўлган жамоат транспортида асар тингладим.

Хуллас, қуруқликда одам, сувда балиқ бўлишнинг имкони топилди. Яъни кўз-қулоғим билан адабиёт дунёсида яшашга уриндим.

Келаётган йилда эса ортда қолган маҳзун, шавқли ва бебош кунларнинг маҳсули ўлароқ, навбатдаги «шеърий ҳикоялар» тўпламимни эълон қилишни режа қилиб турибман. Худо хоҳласа!**

Telegram | Facebook | Instagram| YouTube

Пушаймонлик майин ичдим ҳар саҳар,
Ҳар саҳар елкамда дунёнинг юки.
Мен кема мисоли, Худо бехабар,
Ғаму андуҳимга боряпман чўкиб.

Бек АЛИ

▫️▫️▫️

Bizni baxt yaratgan.

Qishloqdagi onamizga
o‘xshash baxt.

Ammo uni
tashlab ketdik.

Ba’zan sog‘inib
ko‘rgani boramiz.
Yayraymiz uyida.
Ammo
Mehmonligimizni
sezib turamiz.

Baxtdan naridagi hayot
baribir bizniki.

Ketish kerak…

Baxt bizni quchoqlab
xayrlashar,
Labida tabassum,
ko‘zlarida yosh.

Ba’zan baxt
sog‘inib ko‘rgani keladi.

O‘shanda bayram.
Bolalarga o‘xshab qolamiz.

Birdan ketishga hozirlanar.
“Qol”, deymiz.
Ammo so‘zlarimizdan
samimiyat qochganini,
allaqachon sezgan.
Aniq biladi
bebaxtlikka ko‘nikkanimizni.

Mahkam quchoqlab
xayrlashar.
O‘pib,
hidlab xayrlashadi.

“Bir ongina
baxtni ko‘rsak edi,
o‘ylaymiz
yurak orziqqanda,
Bir damgina diydoriga to‘ysak”.

Bir kuni baxtni
ko‘mgani boramiz.
Yig‘laymiz.

Anglaymiz:
biz o‘ldirganmiz
bu baxtni;
bizni sog‘inib
o‘lgan bu baxt.

Endi
bizni yo‘qlab,
hech kim kelmaydi.
Endi biz
hech kimni
yo‘qlab bormaymiz.

Endi bemalol
yashash mumkin.
Endi bemalol
o‘lsak ham bo‘laveradi…

Usmon Azim

? Alisher Navoiy lirikasidan

@sitorabonu_audiolar

Жуда кўп йиқилдим, тойдим йўлларда,
Товонимга кўп бор қадалган наштар.
Жуда кўп яқиним ётган гўрларнинг
Хокини кўзига суртади даштлар.
Руҳим таёқ еган итдек хўрланган,
Жилмайиб боқаман тўрт томонимга.
Ҳа, менинг бошимга осмон қулаган,
Шунда оро кирган шеърим жонимга.
Шеърим ~ тун узоғи ёнган оловим,
Қашқирлардан сақлаб келдинг танимни.
Фақат сен кўргансан умримни жамлаб,
Тонггача ўкириб йиғлаганимни.
Ҳали кўп синовлар бордир олдинда,
Ҳали кўп одамлар беришади панд.
Шеърим, сенинг гўзал таскинларингни
Шунда юрагимга қилурман пайванд.

Бек Али