**Yurakda umidi aslo so'lmasin.
Onam deb ko'zlari yoshga to'lmasin.
Ollohim qo'llagin bandalaringni.
Hech kimning onasi hasta bo'lmasin.

Ko'ziga dunyolar tor bo'lib ketar.
Gadoy-u g'aribdan hor bo'lib ketar.
Davosiz dard bo'lsa chorasiz netar.
Hech kimning onasi hasta bo'lmasin.

Saharda quyoshsiz tongi otarkan.
G'amlarni quchgancha kuni botarkan.
Ollohga yolvorib tuni o'tarkan.
Hech kimning onasi hasta bo'lmasin.

Ko'zidan aylanib ketmas ekan nam.
Yarimta ko'ngliga sig'maydi qil ham.
Shifo berolmasa qilarkan alam.
Hech kimning onasi hasta bo'lmasin.

Nochor bechoramiz qarshingda biz jim
Ojizmiz sen kabi bo'lolmas hech kim.
Yaratgan sendan bir yolg'iz o'tinchim.
Hech kimning onasi hasta bo'lmasin.

Yayrasin farzandlar baxtini ko'rib.
Yonida yursa bas duolar qilib.
Makkaga borsinlar hojilar bo'lib.
Hech kimning onasi hasta bo'lmasin.

Muallif: Komila Qiz.✍**

@Komila_Qiz_7848

**Bir insonni iltimosiga ko‘ra yozildi.

Keling agar taklifimga hop desangiz,
Uchrashuvga Mers mashina minib boray.
Muhabbatim haridori ko‘p desangiz,
Sevgingizni pullarimga sotib olay.

Nafasingiz tiqilsa ham bo‘g‘zingizga,
Juda bino qo‘yibsiz-a o‘zingizga,
So‘rang berib qancha sig‘sa og‘zingizga,
Sevgingizni pullarimga sotib olay.

Qimmat qimmat restaranda yeb ichaman,
Samalyotda Dubay tomon ho‘p uchaman,
Endi sizlar orzu qilgan boyvachchaman,
Sevgingizni pullarimga sotib olay.

Poylay sizni gullar sochib yo‘lingizga,
Iphone15 olib beray qo‘lingizga,
Zora shuda yo‘l topolsam ko‘nglingizga,
Sevgingizni pullarimga sotib olay.

Kambag‘al deb kamsitgandi bir holangiz,
Sovchilarga yo‘q degandi jon onangiz,
Menga katta narx aytgandi shu otangiz,
Sevgingizni pullarimga sotib olay.

Hamma ketdi yolg‘iz qolib g‘amni quchdim,
Alamimdan o‘zim yonib o‘zim o‘chdim,
O‘sha payti boy bo‘lishga qasam ichdim,
Sevgingizni pullarimga sotib olay.

Zamon kelib bo‘lib qoldik biz shunaqa,
Sizga bunday taklif bo‘lmas hech bunaqa,
Bering o‘sha o‘tmay qolgan sariq chaqa,
Sevgingizni pullarimga sotib olay.

Muallif: Komila Qiz.✍**

@Komila_Qiz_7848

**Buyurtma asosida yozildi.

Soyga oqqan suvdayin,
Soylarga oqmabmizda.
Biz kambag‘al boy qizga,
Yoqmasak yoqmabmizda.

Bo‘lmasak Shirin Farhod,
Bo‘lmaydi dunyo barbod,
Davom etadi hayot,
Yoqmasak yoqmabmizda.

Osilib baland dorga,
Chiqdikmi hor-u zorga,
Bir erkatoy dildorga,
Yoqmasak yoqmabmizda.

Yurakka tegmadi o‘q,
Kuydirmadi alam cho‘g‘,
Birovda zo‘rimiz yo‘q,
Yoqmasak yoqmabmizda.

Ishq kuyini kuylabmiz,
Dilga yolg‘on so‘ylabmiz,
Sevadi deb o‘ylabmiz,
Yoqmasak yoqmabmizda.

Ular ekan yagona,
Bizchi qalbi vayrona,
Qo‘ying o‘ylamang ona,
Yoqmasak yoqmabmizda.

Oylardanda oyiga
O‘t tushsin chiroyiga
Tupurdim shu boyiga,
Yoqmasak yoqmabmizda.

Shukr deyman jonim sog‘,
Yozdagidek ko‘nglim chog‘
Qilmayman hech oh-u voh,
Yoqmasak yoqmabmizda.

Muallif: Komila Qiz.
08.09.2024.✍**

@Komila_Qiz_7848

**?*Кўнглим қолмади...

? Муаллиф ва ижрочи: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*Ишқни Оналардан ўрганиш керак...

Сохта севгилардан наф йўқдир ахир,
Сўнгида зор йиғлар бечора юрак...
Дунёни танибоқ англадим охир,
Ишқни Оналардан ўрганиш керак...

Беминнат кўпхиммат сабрларга кон,
Уларнинг мехридан роҳатланар жон,
Чин севги қидириб юрган эй инсон,
Ишқни Оналардан ўрганиш керак...

Зарингни кутмайди, ўзингни кутар,
Кетсанг келгунингча соғинчлар ютар,
Сўрасанг ол дея жонини тутар,
Ишқни Оналардан ўрганиш керак...

Ҳасратин айтмайди, айтмайди дардин,
Мехрла артади кўнглимиз гардин,
Бошқа тополмаймиз ундайин мардин,
Ишқни Оналардан ўрганиш керак...

Тунлари исмимиз айтиб Аллоҳга,
Боламни ол дейди ўзинг паноҳга,
Қадрини билайлик қолмай гуноҳга,
Ишқни Оналардан ўрганиш керак...

Дашномни қулоққа илмайдиганлар,
Кўнгилларга шавқат қилмайдиганлар,
Эҳ, вафо нелигин билмайдиганлар,
Ишқни Оналардан ўрганиш керак...

Ишқни Оналардан ўрганиш керак...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*Бир қучоқлаб қўясанми бахт...

Юрагимдан кетмаяпти ғам,
Ташвишим кўп шодликларим кам,
Бошқалардан ортиб мени ҳам,
Бир қучоқлаб қўясанми бахт...

Ўзгаларга бағрингни очдинг,
Кўнгилларга қувончлар сочдинг,
Нега менинг ёнимдан қочдинг,
Бир қучоқлаб қўясанми бахт...

Гоҳ аламдан қийналади дил,
Кимга дардин айтсин шўрлик тил,
Ҳозир қалбга сиғмаяпти қил,
Бир қучоқлаб қўясанми бахт...

Йўлларинга интизор зорман,
Келгунингча армонга ёрман,
Балки сенинг режангда борман,
Бир қучоқлаб қўясанми бахт...

Кўнглим уйи тушмасдан нураб,
Топиб келгин манзилиб сўраб
Вужудимга ўзингни ўраб,
Бир қучоқлаб қўясанми бахт...

Юрагимдан кетмаяпти ғам,
Ташвишим кўп шодликларим кам,
Бошқалардан ортиб мени ҳам,
Бир қучоқлаб қўясанми бахт...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*Онажон дуо қилинг...

Омад тутсин қўлларим,
Шодлик кутсин йўлларим,
Гулзор бўлсин чўлларим,
Онажон дуо қилинг...

Армонларга эгмай бош,
Ошимдан чиқмасин тош,
Фақат бахтдан тўкай ёш,
Онажон дуо қилинг...

Зир титрасин душманлар,
Емай ҳеч ҳам пушмонлар,
Учрамасин ёмонлар,
Онажон дуо қилинг...

Қадамимдан гул унсин,
Остонамда бахт турсин,
Ғамларнинг юзи қурсин,
Онажон дуо қилинг...

Ким кўрса қилсин қуллуқ,
Сўзингиз менга қутлуғ,
Ўзингизсиз энг улуғ
Онажон дуо қилинг...

Тилакларим шу ҳoлос,
Бошим силанг илтимос,
Фарзанд бўлай сизга мос,
Онажон дуо қилинг...

Омад тутсин қўлларим,
Шодлик кутсин йўлларим,
Гулзор бўлсин чўлларим,
Онажон дуо қилинг...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*«40» дақиқа...

«Қирқ» дақиқача уни тингладим,
Ўтди сониялар шундай тариқа...
Ёшимни сўради, кейин англадим,
Яшабман бор йўғи, «Қирқ» дақиқа...

Бунча мехрли у, бунча содда у,
Кулгуси қалбимни гулга ўрайди...
Ўша кундан бери ҳамон ёдда у,
Юрагим яна бир сухбат сўрайди...

Шунчалар самимий бўларми одам,
Нигоҳим тушганда ёнарди юзи...
«Қирқ» дақиқами ёки ундан кўп,
Билмадим неча йил яшадим ўзи...

Нега учрамади менга олдинроқ,
Ёки ҳечдан кўра кеч келгани шу...
Исмини сўрашга сўрабман бироқ,
Кўнглида кими бор сўрамабманку...

Бугун гапиришга журъат тополсам,
Астагина бориб кўнглин сўрайман...
Йўқ деса на илож, у билан ўтган,
«Қирқ» дақиқага умрим ўрайман...

«Қирқ» дақиқача уни тингладим,
Ўтди сониялар шундай тариқа...
Ёшимни сўради, кейин англадим,
Яшабман бор йўғи, «Қирқ» дақиқа...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*Сиз менга жуда ҳам кераксиз Она...

Қуёши бўлмаса порламайди ой,
Тошлари бўлмаса шарқирамас сой,
Борсизки тўладир кўнглимдаги жой,
Сиз менга жуда ҳам кераксиз Она...

Керак бўлганидек инсонга ҳаво,
Созлар чалинмаса чиқмасдек наво,
Дардимга бошқалар бўлолмас даво,
Сиз менга жуда ҳам кераксиз Она...

Гоҳида кечикар туним наҳори,
Баъзан тўкилади қалбим оҳори,
Танҳо ўзингизсиз умрим баҳори,
Сиз менга жуда ҳам кераксиз Она...

Армонлар қалбимни парчаласа гоҳ,
Кимнинг қучоғига отилардим воҳ,
Сиз йўқ дунёсида яшолмайман оҳ,
Сиз менга жуда ҳам кераксиз Она...

Кафтингиз бошимда турса тоғдайман,
Сўзингиз тингласам вақти чоғдайман,
Ёнимда экансиз кўнгли боғдайман,
Сиз менга жуда ҳам кераксиз Она...

Қуёши бўлмаса порламайди ой,
Тошлари бўлмаса шарқирамас сой,
Борсизки тўладир кўнглимдаги жой,
Сиз менга жуда ҳам кераксиз Она...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

**Iltimoslarga binoan povtorni text.

Ishi yo‘qlar bilan endi ishim yo‘q,
Senga nima desa menga ham nima.
Yonib ketmaydimi menga deyishsa,
Sira o‘zgarmaydi menda hech nima.

Yetar bas men endi o‘zimni o‘ylay,
Bilmagan bilmaydi kuyganim bilan.
Hayoliga kelmas parvoyi falak,
Ming bora tirilib o‘lganim bilan.

Bugun tun o‘rnimda hotirjam uhlab,
Ertaga uyg‘onib ko‘zguga qaray.
So‘lg‘in yuzlarimga ho‘p oro berib,
Chigalin yozgancha sochlarim taray.

Ko‘zimni chirt yumib nafasim roslab,
Ozgina dam olay ish qochib ketmas.
Kecha kun to‘xtovsiz qilganim bilan,
Ish o‘lgur hech qachon ohirga yetmas.

Bo‘ldi qil charchading o‘tirgin deya,
O‘zimdan o‘zgasi g‘amim yemaydi.
Jon der qilaversam indamay ishni,
Hech yo‘q til uchida rahmat damaydi.

Cho‘ntakka pul solib bozorga borib,
O‘zim uchun bitta ko‘ylak olaman.
Qimmat restoranga birro‘vga kirib,
Avvali qorinni to‘qlab olaman.

Buyumlar olaman eng qimmatidan,
Do‘st-u dushmanimning ko‘zin kuydirib.
G‘amsiz tashvishlarsiz kulib yashayman,
O‘zimni o‘zimga o‘zim suydirib.

Amalga oshmagan shu payitgacha,
Bilmaysiz qalbimda qancha orzu bor.
Yashashni o‘zimga qo‘yib bering siz,
O‘zimni bir o‘zim qilay baxtiyor.

Ahir yaxshisiga munosibman-ku,
Meni boshqalardan nima kamim bor.
O‘zimga buyursin endi topganim,
Pul topib bo‘lmayin yana pulga zor.

Doim o‘zgalarning g‘amini yemay,
O‘zim uchun hayot boshlayin endi.
Yosh bola emasman meni tinch qo‘ying,
Odamman odamdek yashayin endi.

Muallif: Komila Qiz.
16.04.2024.✍**

@Komila_Qiz_7848