وچنت اشوفچ شي مُقدس
ضامّه اعلى يسار صدري، لكن
الأيام دارت
والحمامة الچنت اوكلها من أيديه
من ايدي طارت
چان چفچ راهُم لچفي گصيبه
وصوفرت بفراگ وجهچ بيّن
مفارگ حبيبة
ومن اجيتي وگلتي"" 'روح
والله ما ضلتلي روح
روحي صعدت للسما وصارت غريبة
وعنوان قصتي وياچ أذية!
ولأن بأيدي چنت أكتب احبچ
صار ست شهور ما حاچي ويَّ أيديه
گتلچ انه مرايتچ ، بس ما فهمتي ؟
شوفي روحچ بية گتلچ
أي ليش شفتيها علية ؟

لو شمرة فراش البي مرض يعدي
يشمروني ولافرگاك

چان وجهك
اول ولايات عُمري
و آخر دروب الضياع
و چانت عيونك سِما لجنحان حلمي
تيهتني و من هذاك اليوم ادور
ما لگيت لحلمي گاع

لو باقين
غُربه ولا تطورنه
چا هسه ولا شي بينه يوجعنه
ضمينه الخبر عن الناس
مبتعدين
بس گالت ملامحنه
كلهم بالبدايه طوخ ويبهتون
مثل سوالف الحنه
و شبيدي على الگلب لو حن؟
واضح من ملامح وجهي متغيرين
اليگلي فلان وين
أصفُن !
لو أدري النهايه هيچ راح تصير
چا باقي على گد السلام أحسن
ورغُم كُلشي بعدني أشتاگ
واتأمل تصاويره

لا تلعب على الحبل
لو كلك انت الي
لو لا تمر كلك
وگلبك صدگ لو الي
ما تمشي وي الغرب
من دون ما اگلك
طِير ويا غيم السما
وبس گلي احبك اجي
شما تعله اوصلك 
بس لا تحط بجرف
تذبحني عزة النفس
ما اگدر انزلك
والله من انخسر
لو تنطي روحك بعد
ما اگلك ارجعلك
بروحي عزة صگر
لو غيري جاسك بعد
تحلملي ادنالك
وطبعي مثل الرزق
ما ابقى من انهمل
إسعالي وأسعالك
يالتدري ناسك چذب
شسوي يمهم رحت
وعيوني تنعالك

ليش ما خليتني
أبنيلك وطن يجمع شتاتك
ليش خليت الغُرب تاخذ غلاتك ؟

اذا طيفك يمرني بوحشى الليل
أشم ريحة حرگ مابين الضلوع

جنطة سفر دمعي
وماخدة وياي
خلص باول محطة
اكبال طاريك
عليك مخلي بالي
وخاف فد يوم
تبرد بيه
حاسب بيش اغطيك
انا موصي الجروح
ايلبسن اثياب
مو لاجل الستر
بس خاف امر بيك
اكو حضنه املاكة
وحضنه اوداع
ياهي تريد منهن
من الاگيك