لا تنزعج هذا خفوقي وباقيه
ولا تضايق من تصدع زواياه

قد زلزله فرقى وهزت عراويه
والله ستر والحظ عانه وعافاه

وكانه صلح لك وأعجبك زيد تبنيه
ابن وجهز للمقابيل مبناه

أبغيك بس من المفارق تداريه
وإزهل من يداري شعورك ويدراه

ما هو صحيح القلب للقلب شاهد
‏لو هو صحيح أصبحت مفتون فيني

‏بيني وبينك حب من قلب واحد
‏ليته يجيك من الهوى ما يجيني

‏وليتك تعرف الشوق لا صار واجد
‏وليتك تعرف أوجاع كثر الحنين

اشتقت لك قبل أجيك وجيت واشتقت لك
البارحة طول ليلي بين هذي وذيك

مليت جمر انتظارك واستحيت أسألك
واحسبتني ما بعد جيتك وفكرت أجيك

أثرك بقلبي من البارح وأنا استعجلك
وأثري نسيتك من الفرحة وقمت أحتريك

الوقت متأخر وانا جيت ناصيك
من كبر ذنبي منت برضاي ملزوم

‏متحسف ومستسلم وبين اياديك
‏وما للعتب داعي وانا جيت مهزوم

واليوم خمس سنين والهم مازاح
‏هم الفراق الي بلا عذر مشروع

‏أستغفر الله تسعة شهور ياصاح
‏في غيبته قمت احسب اليوم بأسبوع

تزاحم الضيقات بالصدر الرحيب
‏نفتح ملف الهم ونقفل ملف
‏
‏يالله بجاهك من ترداي النصيب
‏وبحماك يالله من مقاشير الصدف
‏
‏نشيب ورموش الليالي ماتشيب
‏ونعف وصدوف الليالي ماتعف
‏
‏وكم خاب ظني وكنت أظنه مايخيب
‏وكم باروا الأصحاب فينا للأسف

جريت صوتي تالي الليل جره
والناس هجعا وأرفع الصوت بأبيات

ولقيت في سود الليالي مضره
كم كلمة ولّت وراحت ولا جات

النوم يعرض للعيون وتمره
مر الكرام اللي خطاهم سريعات

ما كل شق مداه السلك والإبرة
‏وما كل عينٍ تجامل جرحي العاري

‏صَلُّوا على الهادي البشيرِ وأبْشِرُوا
‏قد فازَ منْ صلّى عليهِ وأكثرَ

عزّ القصيد وزاعلتني حروفه
‏من يوم غاب اللي قصيدي مهاويه
‏
غابت به الدنيا وخلت طيوفه
‏عزي لمن مثلي زمانه يعاديه
‏
عقب الملاقى بس بالقلب أشوفه
‏وعقب المناجى بس بالفكر أناجيه
‏
كلامي وشوفي لغيره حسوفه
‏من غيره يخاوي غريبي وأخاويه