الحمد لله على التمام ، أكملنا مرحلة الإمتياز وأقيم حفل تخرجي من كلية الطب و تكريمي ضمن أفضل عشر طلبة في دفعتي المجاهدة 💞 وأحد الستة طلبة المتخرجين بتقدير ممتاز

كانت شهادتي هي فخري الأصغر

لأن فخري الأكبر كان العطاء وتسخيري لقدراتي المتواضعة في تسهيل الصعب على زملائي طوال الرحلة التي كانت شاقة جدا خاصة كوني (First generation doctor) لقد حفرت الطب بأظافري فعليا كما يقول المثل

بدأت القصة مع قنوات تلقرام لمساعدة الدفعات في تجميع المنهج وامتدت بعدها لكتابة الملخصات والتفريغات وانتهت اليوم بكتابة منهج كامل وشرح مواد الطب لزملائي الأصغر ، اخترت مواد أراها محتاجة تدخّل فعلي ، كنت و لازلت ألتمس الأجر في جهدي قبل أي منافع أخرى وأسعى للإصلاح ما استطعت

الحمد لله الذي هدانا لهذا ، فكلّ ما أنا به اليوم من نعم كان بتوفيق ربّي واستجابة لتلك الدعوات التي أثلجت صدري كلّ مرّة في قضاء حوائج العباد

اليوم أغادر الكلية بكمية جبر وانتصارات تتجاوز الخيبات فالتعب هان بنظرة الفخر من أهلي وأساتذتي ، والسلام الحار مع كلمة (شرّفتينا بنتي 💞) كانت تستحق التحدي فعلا

اسأل الله ان ينفعنا بما علمنا وينفع بنا ومازال للحلم والعطاء بقية مادام القلب ينبض 💞

دعواتكم ان انتفعتم يوما من بدور
اسأل الله ان يذيق كل مجتهد نصيبا وفيرا من النجاح والفرح

السلام عليكم ، مساء الخير
صلو على رسول الله وياريت نرجعو نفكرو بحكمة وعقل

فيه ناس دايرة تخطّي لأصل ولبّ المشكلة و شادين تفاصيل فارغة ، المسج لافيه سبّ و لاشتم ، بالعكس قلت إني في حالي و مستحيل نأذيك ، ومضمونه شي واحد تفويض الأمر لله لو فيه أذى من أحد الاطراف ولو مفيش خلاص انتهى ❤️‍🩹

مش متحشمة نبان انسانة واضحة ومستعينة بالله ، للاسف شايفة مشاركتها المسج ضارّ بيكم كدفعة وخلق للفتنة … ليس لغرض الإصلاح ، كانت تقدر ترد علي في الخاص بكلمتين حتى هي لو شايفة نفسها مظلومة وتنتهي القصة ♥️ بدل ما تواجهني وترد على اتصالاتي تجاهلتني وهمها الوحيد تعرف من عاودلي وتكلم فيكم انتم وتتصل بيكم

خاطري نعرف ليش مركزين في طريقة معرفتي للموضوع ؟! 😅

ربنا يهدي الجميع محسسيني انها فعليا مؤامرة جماعية محبوكة لكن انفضحت وتحاولو فقط تعرفو من الخائنين ؟ شن بتديرولهم تبو تعزلوهم ع المجتمع مثلا او يكونو من المغضوب عليهم لقدر الله ؟

معقولة مفيش عقول واعية تستنكر التهمة او تستغرب فكرة انحياز طالبة زميلتكم كيف بادية تتعرف على موادها تطعن في دكتورة مقرية زملاءكم الكبار اللي ديما ينصحو فيكم وتحكي كلام معاكس ؟

انتم مش شايفين وين الأذى في السيناريو ؟
مش شايفين طرف يسعى ويعطي من قلبه لسنوات بمقابل و بدون مقابل لكن تواجه بالجحود والظلم

والله يا أعزائي مافيه داعي تسألو أو تدوّرو كيف عرفت (يقولك صفي نيتك وخش الغريق ) لأن العقل البشري قاصر وفيه تدابير إلهية فوق تفكيرنا لو ربي يبيك تشوف شي رح تشوفه رغم الخطط ومستحيل تطلع مني اسامي مفيش داعي للفتنة بين بعض اللي انا مش راضية تصير

احنا في وقت صعب كثرت فيه الأقنعة والمظاهر وكلنا محتاجين توفيق الله والبركة لكن فيه ناس سبحان الله تختار تنزع البركة برضاها

مازال نقول الدعوة في الظالم لم أشخصن يوما الشر لأحد وديما في قولة حسبي الله في الظالم والمنافق والكاذب
عمري مانقول (حسبي الله فيك)

اعتقد ماتخوفش الكلمة ! نستغرب في حد يتضايق وتركبه العفاريت من جملة بسيطة زيها ويصنع دوشة من لاشي
ربي يعطي كل واحد قد نيته ويلهمنا البصيرة ويهدينا

ليا 4 سنوات نعطي في المادة بين الزاوية والخمس وترهونة والزنتان وحتى سرت وعمره ما واجهني موقف سيئ
سؤال يطرح نفسه علاش صار مع دفعتكم بس ؟

للي مايعرفنيش انا انسانة حقيقية تكره الوهم والتلميع الزائف والحيل وما نخافش كلمة الحق و كان الصورة اللي واصلتني (سوء التفاهم) كانت زميلتكم ردت علي مش دارت حظر ووماشية تجذب تعاطف صاحباتها في العام وتصنع بروباقاندا

الحقيقة اللي هي محصلة الدوشة كلها (إن صار الكلام فعلا و زميلتكم عارفة انها قالت وعارفة قدام من قالت وبعدة صور وأنا وصلني بأكثر من مصدر والله على ما اقول شهيد مش منطقي تكون كلها على اختلافها مجرد كذبة

المسج بعثته في الخاص لأن المشكلة شخصية بيني وبينها ومستحيل بنخلي حد يطلع كبش فداء او حد بيطلع يقول ايه صار وقلت وانا عاذرة الكل

لو كنت نبي نثير الجدل كنت حطيت في القناة وما حددتش من اللي قال ونصنع قيل وقال في الدفعة لكن انا صريحة ما نحبش اللف والدوران والتأويل ونحب نواجه

انا الحمد لله مش خايفة وعلى قدر الاذية أنا من حقي نرد والمسج متعي لافيه تهديد بالأذية ولا وعيد فقط تحسّبت في الظالم

ولو كنت ظالمة دعوتي ترجع علي ♥️ والحمد لله برضو ربي موجود

قروب الخمس اللي امتحانهم يوم 26/11/2024

جدول مساعدة نلمو الكميونتي في ال27 يوم اللي مازالو
شاركته في القناة يمكن يستفيد منه اي زميل لينا في مدن ثانية

تطبيق اكاديميا??

د.بدور جرجر

https://bio.academia.ly/?instructor_id=143

لتواصل و الاستفسار يرجـى التواصل على 0913103064 تليغرام

bio.academia.ly

ssInstructor Profile