🔔•Qur'oni karimning o'n to'rt surasida sajda oyatlari bor.
•Ularni o'qigan yoki eshitgan kishi bir bor sajda qilishi vojibdir. Bu tilovat sajdasi, deyiladi.
•Sajda oyatlari kelgan suralar quyidagilar:
A'rof surasining 206-oyati, Ra'd surasining 15-oyati, Nahl surasining 49-oyati, Isro surasining 107-oyati, Maryam surasining 58-oyati, Haj surasining 18-oyati, Furqon surasining 60-oyati, Naml surasining 24-oyati, Sajda surasining 15-oyati, Sod surasining 24-oyati, Fussilat surasining 37-38-oyatlari, Najm surasining 62-oyati, Inshiqoq surasining 21-oyati, Alaq surasining 19-oyati.

🔔8-октябрда «Руҳий тарбия» китобини оламиз Ин Шаа Аллоҳ!

#taqriz ?"Yashamoq" ✍?Yui Hul Hayoti qiyinchiliklarga to‘la insonlar haqidagi kitoblarni ko‘p o‘qigandim lekin bu qadar dard yukini tagida qolib ketgan qahramonni ko‘rmagandim. Yoshligini taralla bedod qilib o‘tkazgan, qimorga mukkasidan ketib bor mol-mulki…

#taqriz
?"Yashamoq"
✍?Yui Hul

Hayoti qiyinchiliklarga to‘la insonlar haqidagi kitoblarni ko‘p o‘qigandim lekin bu qadar dard yukini tagida qolib ketgan qahramonni ko‘rmagandim.

Yoshligini taralla bedod qilib o‘tkazgan, qimorga mukkasidan ketib bor mol-mulki, uyini yutkazgach davomli mashaqqatga to‘la hayotini boshlagan Figuining boshiga tushganlarni o‘ndan biri boshqa odamni esdan og‘dirishga yetsa kerak deb o‘ylayman.

Hayotidan noliydigan, hamisha bir nimam kam, bir kimsa yetishmayapti deydiganlar uchun juda kuchli dars bo‘ladigan umr yo‘li tasvirlangan bu kitob odamni o‘zidan uzoqlashtirmaydi. Shaxsan o‘zim o‘tgan 3 soat davomida bir xonadan ikkinchisiga qanday o‘tib qolganimni ham eslolmayman. Ba’zi bir kitoblardagi kabi tashlab ketib o‘qiladigan sayoz qismni umuman uchratmadim, bir betini qoldirdingizmi aniq nimanidir o‘tkazib yuborgan bo‘lasiz. Yozuvchining mahorati ham shu nuqtada jilva qilgan, o‘quvchini na zeriktiradi, na tushuniksiz qoldiradi; Figui nimani his qilsa kitobxon undan ziyoda his qiladi, nina ustida o‘tirgandek voqealar rivojini kuzatadi.

Kitob kuchli psixologik ta’sirga ega, oxirgi marta bunday avj nuqtalar ketma-ketligi va ko‘pligi sabab шок holatini 5 yil avval “Parazitlar” filmini ko‘rganda boshdan kechirgan, ta’siri oylar davomida ruhiyatimda akslanib turgandi.

“Yashamoq” tom ma’nodagi bir inson umrida uchrashi mumkin bo‘lgan hamma musibatlarni (mulki bir necha bor qo‘ldan ketishi; qashshoqlik; qonli janglar; ocharchilik; ota-onasi, vafodor ayoli, kar-soqov va endi yelkasi oftob ko‘rgan qizi, uloqchalarini jondan sevgan o‘g‘li, jajji nabirasi, mehribon kuyovi — barini o‘zi qabrga qo‘yishi..) tatigan, ammo o‘tgan umrini eslaganda zavq hissi tuyadigan qariya haqidagi qissa (lekin ancha muddat yuragim g‘ashlanib yursa kerak).

Kitobda qattiq hayajonga solgan yana bir narsa — farzandlarning itoati. Otasi uni sotib yuborganini bilganida, suygan qo‘zisini qassobga berganida, yosh vaqtidan dalada tolganida, o‘tira olmas darajada kaltaklanganida, maqtov kutganda yerga urilganida, har qanday holatda ham otasiga tik qarashmagani, arazlashmagani, jaxl qilishga hadlari sig‘magani, har aytganini so‘zsiz bajarishgani. Nihoyatda ta’sirlandim hamda o‘zimdan uyaldim.

Ayolining timsolida aslzoda va boy ekaniga qaramay eri bilan xarobada yashab kasal orttirgan, mehnat qilmaganida o‘zini keraksiz his qilib uzr so‘ragan, har baxtsizlikda o‘zini ayblagan, erining epsizligida ham bir og‘iz gapirmay sabr qilgan, hurmatini joyiga qo‘ygan, doimiy tabassumi arimagan vafodor va jafokash zavjani ko‘rdim va bundan hanuz mutaassirman. Balki eng achinganim udir, bilmadim.

Mutolaa davomida hayotimdagi baland-pastlarni unutdim, yetishmovchilik davrlarini unutdim, yaqinlarim bilan kelishmovchiliklarimni unutdim. Uning hayotiga solishtirganda jannatdan bir bog‘da yashayotganimni his qildim, holimga har qancha hamd aytsam kam..

P.S. Kitobda iymon, rizolik, tavakkul, qadar masalasi yo‘q, din mavzusi hikoyaga umuman aralashtirilmagan! Men ham dinni qo‘shmagan holda neytral tarzda baho beryapman, din borasida nimadir olaman degan istak bilan o‘qimagandim.

© Venu ?